2025ع: پاڪستاني شوبز جا ڪيترائي ستارا کسي ورتا

لاهور(ڪلچرل ڊيسڪ) ختم ٿيندڙ 2025ع پاڪستاني شوبز انڊسٽري جا ڪيترائي ستارا کسي ورتا، 20 جون  تي سينيئر اداڪاره عائشه خان جو لاش ڪراچي جي گلشن اقبال علائقي ۾ سندس فليٽ مان مليو. 8 جولاءِ تي وري  لاهوري ماڊل ۽ اداڪاره حميرا اصغر جو لاش ڪراچي جي پوش علائقي ڊفينس جي فليٽ مان مليو. ميڊيڪل رپورٽ موجب حميرا 7 آڪٽوبر تي فوت ٿي، سندس لاش لڳ ڀڳ 9 مهينا پراڻو هو. پوليس جاچ ۾ ٻنهي واقعن کي قدرتي موت قرار ڏنو ويو. 2025 جي اپريل مهيني  اسان کي ڇڏي وڃڻ وارو پهريون شوبز اسٽار مزاحيه اداڪار جاويد ڪوڊو هو، 3 مئي تي، پاڪستاني فلم اسٽار ۽ سپر ماڊل ايمان علي جي ماءُ ۽ اداڪار عابد علي جي زال ۽ اڳوڻي مشهور اداڪاره حميرا عابد پڻ فوت ٿي وئي، پهرين سيپٽمبر تي فلم، ٽي وي ۽ اسٽيج جو اداڪار انور علي  ڊگهي بيماري سبب وڇڙجي ويو. 30سيپٽمبر تي مزاحيه اداڪار لڪي ڊيئر ڊگهي بيماري کانپوءِ لاهور ۾ دم ڏنو، 4 نومبر  تي فلم انڊسٽري جو پروڊيوسر چوڌري ڪامران اعجازفوت ٿي ويو. 2025ع ۾ ئي سينئر فلم ليکڪ محمد ڪمال پاشا پڻ ڊگهي بيماري کانپوءِ لاڏاڻو ڪري ويو. ڪمال پاشا پنهنجي ڪيريئر ۾ 300 کان وڌيڪ فلمن لاءِ اسڪرپٽ لکيا.