“4 لک ڪافي ناهن” حسين جهان جي درخواست تي شامي کي عدالتي نوٽيس

نئين دهلي(اسپورٽس نيوز) ڀارتي عدالت ڀارتي ڪرڪيٽ ٽيم جي فاسٽ بائولر محمد شامي جي اڳوڻي زال حسين جهان جي طرفان داخل درخواست تي جواب ۾ رانديگر ۽ مغربي بنگال حڪومت کي نوٽيس جاري ڪري ڇڏيو.  ڀارتي ميڊيا موجب، ڪولڪتا جي عدالت طلاق واري ڪيس ۾ ڀارتي رانديگر کي پنهنجي اڳوڻي زال حسين جهان ۽ ڌيءَ آئرا کي مهيني 4 لک روپيا ڏيڻ جو حڪم ڏنو هو. ان  رقم کي ڪافي نٿو سمجهيو وڃي،  حسين جهان ڪولڪتا جي عدالت جي فيصلي کي سپريم ڪورٽ ۾ چيلنج ڪيو هو. حسين جهان جي درخواست تي سپريم ڪورٽ ڀارتي رانديگر ۽ اولهندي بنگال حڪومت کي نوٽيس جاري ڪيو کانئن 4 هفتن ۾ جواب گهريو ويو. واضح رهي ته اڳوڻي ماڊل حسين جهان 2014 ۾ محمد شامي سان شادي ڪئي هئي،  2015 ۾ انهن کي ڌيءَ آئرا  ڄائي. حسين جهان 2018 ۾ محمد شامي تي گهر ۾ تشدد، زنا ۽ ڏاج لاءِ هراسان ڪرڻ جا الزامات لڳائي ان کان عليحدگي اختيار ڪئي هئي. طلاق جو ڪيس اڃا تائين عدالت ۾ هلي رهيو آهي. هي ڪيس عورتن کي گهر ۾ تشدد کان تحفظ ڏيڻ واري قانون تحت داخل ڪيو ويو هو. گذريل سال 2023 ۾ عدالت محمد شامي کي پنهنجي زال حسين جهان کي 50 هزار روپيا ۽ ڌيءَ آئرا کي 80 هزار روپيا ادا ڪرڻ جو حڪم ڏنو هو. حسين جهان عدالت جي فيصلي خلاف هاءِ ڪورٽ ۾ اپيل ڪئي ۽ پنهنجي لاءِ 7 لک روپيا مهيني ۽ ڌيءَ لاءِ 3 لک روپيا ماهوار مدد جي درخواست ڪئي آهي.