Warning: session_start(): open(/var/cpanel/php/sessions/ea-php71/sess_26ek6l5c0e415lna388q733atb, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
آءِ جي صاحب رڳو اعتراف ڪافي ناهي - Pahenji AkhbarPahenji Akhbar آءِ جي صاحب رڳو اعتراف ڪافي ناهي - Pahenji Akhbar
تازا ترين
  • ام رباب چانڊيو جي ٽن گهرڀاتين جي قتل ۾ملوث هڪ روپوش جوابدار ذوالفقار چانڊيو گرفتار *
  • *سڳيون ۾ انتظاميه پاران کرل مائينر جي ڪپرن تان قبضا ختم ڪرائڻ لاءِ آپريشن، ڪيترائي دڪان ڊاهي پٽ *انتظاميه ڳري مشينري جي مدد سان ڪيترائي دڪان ڊاهي پٽ ڪري ڇڏيا *انتظاميه پاران کرل مائينر جي کپرن تي ٺاهيل گهر خالي ڪرڻ لاءِ رهواسين کي 3 ڏينهن جي مهلت*
  • *شھدادپور جي عدالت پاران رمانڊ لاءِ پيش ڪيل جوابدار کي ماسڪ ۽ سوئيٽر پارائي پيش ڪرڻ جي هدايت *سرهاڙي پوليس ڪچي شراب جي الزام هيٺ گرفتار علي اڪبر مگسي کي عدالت ۾ پيش ڪيو *عدالت پاران جوابدار کي ماسڪ ۽ سوئيٽر پارائي پيش ڪرڻ جي هدايت *جوابدار ماسڪ ۽ سوئيٽر پارائڻ بعد ٻيهر پيش، عدالت کيس جوڊيشل رمانڊ تي جيل حوالي ڪري ڇڏيو*
  • *شڪارپور: دهشتگردي ٽوڙ عدالت پاران پوليس تي حملي ڪيس ۾6 جوابدارن کي 10،10 سال قيد جي سزا *عدالت مير ھزار، ابرار، اسرار، سرور، ھزارو۽ عزيز جکراڻي کي سزا ٻڌائي وئي *جوابدارن هڪ سال اڳ جيڪب آباد ويجهو پوليس تي حملو ڪري سرڪاري رائيفل ڦر ڪئي هئي*
  • *لاڙڪاڻي ۾ شھيدِ اسلام ڪانفرنس جون تياريون مڪمل، جي يو آءِ اڳواڻن ۽ڪارڪنن جي آمد جو سلسلو جاري *ميونسپل اسٽيڊيم ۾ داخلي رستن تي واڪ ٿرو گيٽ لڳايا ويا، سيڪيورٽي لاءِ پوليس نفري مقرر *شهيد اسلام ڪانفرنس کي جي يو آءِ سربراهه مولانا فضل الرحمان ۽ ٻيا اڳواڻ خطاب ڪندا*
  • *ڪوٽڙي: سي آءِ اي ڄامشورو پوليس جي ڪارروائي، منشيات ٺاهڻ ۾ استعال ٿيندڙ سامان جون 110 ٻوريون هٿ *ٻولھاڙي روڊ تي عبدالغفار چانگ کي گرفتار ڪري منشيات ٺاهڻ ۾ استعمال ٿيندڙ سامان جون 110 ٻوريون هٿ ڪيون: پوليس *ضلعي اندر منشيات فروشن کي منشيات ھلائڻ نه ڏينداسين. ايس ايس پي ڄامشورو*
  • *دڙو: ڪانڌڙا اسٽاپ وٽ محمودي رائيس مل کي بجلي جي شارٽ سرڪٽ سبب باهه وڪوڙي ورتو *باهه سبب لکين روپين جون ساريون سڙي ويون: رائيس مل ملڪ*
  • *پي ٽي آءِ قيادت ناراض ايم پي اي شهريار شر کي پرچائڻ لاءِ سڀاڻي ڏهرڪي پهچندي *وفاقي وزير شبلي فراز، اسد عمر، فردوس شميم، حليم عادل ۽ ٻيا اڳواڻ ڏهرڪي پهچندا *پارٽي قيادت سڀاڻي ملاقات لاءِ پهچندي، ڪجهه معاملا آهن جيڪي حل ڪيا ويندا: شهريار شر *ڏهرڪي: پ پ اڳواڻن پاران ايم پي اي شهريار شر سان پارٽي ۾ شموليت ڪرائڻ بابت ڳالهيون هلندڙ: ذريعا*
  • *دادو ۾ ٻن شادي شده عورتن پاران ڌار ڌار زهريلي دوا پي آپگهات جي ڪوشش، اسپتال داخل *دادو شهر جي رهواسڻ نظيران سولنگي ۽ پَٽُ گل محمد واسڻ صدوري پنهور کي اسپتال منتقل ڪيو ويو*
  • *عادلپور ويجهو 10 ايڪڙن تي بيٺل ڪمند کي باهه *ڳوٺ غلام علي ڪلوڙ ويجهو ڪمند جي فصل کي اوچتو باهه وڪوڙي ورتو *ڪنهن سان به دشمني ناهي، باهه لڳڻ سبب لکين روپين جو ڪمند سڙي ويو: عبدالجبار ڪلوڙ*
  • *ٽنڊي غلام حيدر ويجهو شادي شده عورت پاران مبينا ڦاهو کائي آپگهات *ڳوٺ علي اڪبر چانگ واسڻ 38ورهين جي پٺاڻي زال جمعون گهر اندر مبينا ڦاهو کائي ڇڏيو*
  • *تنگواڻي ۾ رولو ڪتن نينگري ۽ ٻن عورتن سميت 8 ڄڻن کي ڏاڙهي زخمي ڪري ڇڏيو *رازل خاتون لاشاري، صاحب خاتون، سنڌو ملڪ، قائم جعفري، گل حسن نندواڻي ۽ ٻيا زخمي اسپتال منتقل*
  • *ٺل: ڳوٺ عبدالعنبي لاشاري ۾ نينگر پاڻي جي تلاءَ ۾ ٻڏي فوت *امتياز علي راند کيڏندي پاڻي جي تلاءَ ۾ ڪِري ٻڏي فوت ٿي ويو، گهر ۾ ڪهرام*
  • *سنڌڙي ويجهو ڪارنهن الزام هيٺ قتل ٿيل فهميده شر مامرو *ميرپورخاص جي عدالت پاران جوابدار ڄاڻايل ڪريم بخش شر جي عبوري ضمانت ۾ 30 نومبر تائين واڌ*
  • *سپريم ڪورٽ ۾ جيڪب آباد جي اسڪول ۾ ڪرپشن ڪيس ۾ جوابدار جي اپيل تي ٻڌڻي *عدالت جوابدار آزاد علي جي 5-5 لک رپين جي گارنٽيز سان ضمانت منظور ڪري ورتي *جوابدار تي 34 لک رپيا ڪرپشن ڪرڻ جو الزام آهي: جوابدار جو وڪيل*

آءِ جي صاحب رڳو اعتراف ڪافي ناهي

ڪورونا ،مهانگائي،بيروزگاري جي جهان ۾ امن امان ڄڻ سڀني کان وسري ويو هو،ڪنهن جو انهي طرف ڌيان نه هو ،جڏهن ته بدامني جو جنم ٿيندو ئي بيروزگاري ،غربت ۽ مهانگائي جي بطن مان آهي ،جڏهن ملڪ ۾ اهي ٽئي شيون لامارا ڏئي رهيون هيون تڏهن ئي حڪومتن جي ٿنڪ ٽينڪ ۽ پاليسيون جوڙيندڙن کي انهي پاسي ڌيان ڏئي انهي کي اتي ئي روڪڻ لاءِ قدم کڻڻ گهرجن ها پر انهي پاسي ڌيان نه ڏيڻ جو نتيجو اهو نڪتو جو معاملو ڏينهون ڏينهن خراب ٿيڻ لڳو تڏهن وڃي حڪومت ان کي پنهنجي ايجنڊا جو حصو بڻايو آهي. ڪجهه مهينن کان وڌندڙ وارداتون اخبارن ۽ ميڊيا ذريعي ته عوام آڏو اينديون رهيون آهن پر ڪالهوڪي ڪابينا جي اجلاس ۾ آءِ جي سنڌ پوليس جو اعتراف صورتحال جي سنگيني ٻڌائي رهيو هو.
سنڌ ڪابينا جي اجلاس ۾ امن امان بابت بريفنگ ڏيندي آءِ جي سنڌ ٻڌايو ته صوبي ۾ ڀتاخوري ۽ اغوا جي وارداتن ۾ اضافو ٿيو آهي. گذريل سال ڀتاخوري جا 75 ڪيس رپورٽ ٿيا جڏهن ته هن سال جي 7 مهينن ۾ ئي 106 ڪيس رپورٽ ٿي چڪا آهن انهي کانسواءِ موالين ذريعي ڪراچي ۾ ٿيندڙ ڏوهن جي رپورٽ به بابت به ڪابينا کي آگاهه ڪيو ويو جڏهن ته پوليس مقابلن ۾ واڌ پڻ اهو اشارو ڪري رهي آهي ته ڏوهاري وڌيڪ سرگرم ٿيا آهن. اتر سنڌ ته اغوا وارداتن جو اڏو ٿيندو پيو وڃي. سنڌ ۾ وڏين ڪوششن کان پوءِ امن امان جي صورتحال بهتر ٿي هئي ۽ انهي ۾ ڪو شڪ ناهي ته پوليس جي بهتر ڪردار ۽ قربانين جي ڪري ئي اهو ممڪن ٿي سگهيو ته پوءِ جڏهن انهن ڪوششن جي ڪري قائم ٿيل امن خراب ڪرڻ جي ڪوشش ڪئي وڃي ته ان کي روڪڻ ڪنهن جي ذميواري آهي يا اها ساڳئي پوليس ۽سنڌ حڪومت هوندي خرابي ڪٿي پيدا ٿي آهي جو سنڌ جو امن هڪ ڀيرو ٻيهر داءُ تي لڳل آهي.
ڪجهه وقت اڳ تائين سنڌ پوليس کي مالي حوالي سان ايتريون سهولتون نه هيون جو هو پنهنجي ڪارڪردگي بهتر بڻائي سگهن يا پنهنجي گهرجن جو پوراءُ ڪري سگهن پر هاڻي ته گهڻي حد تائين سندن اهي معاملا بهتر ٿي ويا آهن ،ويلفيئر فنڊ کان وٺي انهن جي پگهارن تائين،ڏکين علائقن ۾ ڊيوٽين جو الڳ الائونس،زندگي جو ڪو ملهه ناهي پر شهادت جي صورت ۾ وارثن کي هڪ ڪروڙ رپيا ۽ نوڪري ،ڏوهارين کي منهن ڏيڻ لاءِ جديد هٿيارن سان گڏ جديد ٽيڪنالاجي جو استعمال،اهي سڀ اهي سهولتون آهن جيڪي عوام کي سک جي ننڊ سمهڻ لاءِ عوام جي ٽئڪس جي پئسن مان پوليس کي ڏنيون وڃن ٿيون جيئن هو امن امان جي صورتحال کي قابو ۾ رکي سگهن. انهي کانسواءِ اڳ وليز جيپ تي هلندڙ پوليس جو ڪماني هاڻي لينڊ ڪروزر ۽ اي سي واري گاڏي کان هيٺ پير پٽ تي نه ٿو رکي،اهي سڀئي سهولتون ڳڻائڻ جو مقصد اهو آهي ته اڳ جيڪا پوليس پنهنجي اسٽيشنري وٺڻ لاءِ پريشان هوندي هئي انهي کي هاڻي مالي طور ڪيتريون سهولتون مليل آهن توڙي جو اهي ڀلي اڃان تائين مڪمل نه هجن پر ڪنهن حد تائين اطمينان جوڳيون ضرور آهن،جيڪڏهن انهي هوندي بهتر ٿيل امن امان جي صورتحال وري خراب ٿيڻ شروع ٿئي ته ان جو هڪڙو ئي مطلب نڪري ٿو پوليس يا ته پنهنجي فرضن ۾ ڪوتاهي ڪري رهي آهي يا وري ڪٿي نه ڪٿي پوليس جا ڪجهه ڪردار ڏوهاين سان مليل آهن.اهو ڪيئن ممڪن ٿي سگهي ٿو ته جڏهن اغوا جون وارداتون وڌن ۽ ڏوهاري ٽولا سرگرم ٿين ته انهن کي اهڙن علائقن ۾ اهي ڳرا ۽ جديد هٿيار پهچن جتان لنگهڻ پوليس جي مرضي کانسواءِ ممڪن ئي نه هجي. انهي کانسواءِ پوليس پراسيڪيوشن جو معاملو به آهي اهو ايترو ته ڪمزور آهي جو ڄڻ ته اهو ڪم ئي ڏوهارين کي فائدو پهچائڻ لاءِ ڪري رهيو آهي جنهن ڪري اڄ تائين پوليس پراسيڪيوشن سبب ڪنهن ڏوهاري کي سزا تائين پهچائيندي ڄڻ ممڪن ئي نه هوندو آهي .
اسان سمجهون ٿا آءِ جي صاحب جو ڪابينا جي اجلاس آڏو ڏوهن ۾ واڌ جو اعتراف سٺي ڳالهه آهي پر رڳو اعتراف ڪافي ناهي ،انهن ڏوهن جي واڌ جي سببن تي به ڳالهائڻو پوندو ۽ پنهنجي ڪمزورين ڪوتاهين کي درست ڪرڻو پوندو۽ امن امان جي صورتحال تڏهن بهتر ۽ برقرار رهي سگهي ٿي جڏهن پوليس اهي سڀئي سبب ختم ڪرڻ لاءِ نيڪ نيتي سان ڪم ڪندي.

Bookmark the permalink.

Leave a Reply

Your email address will not be published. Required fields are marked *