Warning: session_start(): open(/var/cpanel/php/sessions/ea-php71/sess_22edrr4k864sfahvpdf27ded9k, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
آفيسون نه صرف آفيسر گھرجن!!؟ - Pahenji AkhbarPahenji Akhbar آفيسون نه صرف آفيسر گھرجن!!؟ - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

آفيسون نه صرف آفيسر گھرجن!!؟

گذريل عام چونڊن کي ٻه سال گذرڻ بعد نيٺ پ پ سجاول جي قيادت فيصلو ڪري ورتو آھي ته ھفتي جا ٽي ڏينھن سومر کان اربع تائين پ پ ضلعي آفيس ۾ ويھي عام ماڻھن جا مسئلا ٻڌا ويندا ۽ حل ڪرائڻ جي ڪوشش ڪئي ويندي، اڳواڻن جي اھڙي اعلان بعد جڏھن ايم پي اي ھير سوھو ھڪ ڏينھن اچي سجاول واري آفيس تي ويٺي ۽ ھن ايس پي ۽ ڊي سي سان ملاقات به ڪئي، ان بعد جڏھن ساڻس ڳالھه ٻولھه ٿي ته ھن چٽي ريت اھو اعتراف ڪيو ته سجاول جي ايم پي ايز سميت پيپلز پارٽي جي اڳواڻن ۾ اختلاف ھجڻ ڪري اسان سجاول ضلعي لاءِ ڪو ميگا پراجيڪٽ نه وٺي سگھيا آھيون. جڏھن پ پ اڳواڻن ۾ اندروني اختلافن جو سبب ڄاڻڻ لاءِ مختلف اڳواڻن ۽ عام ڪارڪنن توڙي شھرين سان ڪچھريون ڪجن ٿيون ته پتو پوي ٿو ته اڳواڻن ۾ اختلافن جو ٻيو ڪو اھم سبب ناھي، ڪارڻ صرف اھو آھي ته پ پ جا اڳواڻ ضلعي اندر پنھنجا من پسند ڪامورا مقرر ڪرڻ چاھين ٿا ۽ ان تان ئي سندن وچ ۾ اختلاف ۽ اڻبڻت ھلندڙ آھي.
اھڙي صوتحال جي تصديق ھير سوھو جي ان ڳالھه مان به ٿئي ٿي جو ھن اھو پڻ اقرار ڪيو ته جڏھن به سجاول جا پ پ اڳواڻ وڏي وزير توڙي پارٽي جي ٻي قيادت سان ملڻ وڃن ٿا تڏھن ضلعي جي بھتري لاءِ ڳالھه ٻولھه ڪرڻ بدران صرف ھڪٻئي جون شڪايتون ڪندا رهن ٿا. مختلف وقتن تي اخبارن ۾ شايع ٿيل خبرن جو جائزو وٺڻ بعد پڻ اھا ڳالھه صاف نظر اچي ٿي ته ڪيئي ڀيرا محمد علي ملڪاڻي، ريحانا لغاري ۽ ٻين اڳواڻن صوبائي قيادت وٽ وڃي دانھيو آھي ته ضلعي جا مک آفيسر شيرازين جي مرضي سان مقرر ڪيل آھن جيڪي شيرازين کانسواءِ ٻين پ پ اڳواڻن کي لفٽ ئي نه ٿا ڪرائين ان ڪري کين بدلي ڪيو وڃي.
ھاڻي ھڪ نظر ضلعي جي صورتحال تي وجھبي ته اھا ڳالھه چٽي ٿي سامهون اچي ٿي ته سال 2013ع ۾ سجاول کي ضلعي جو درجو ڏئي نوٽيفڪيشن جاري ڪيو ويو ھو جنھن کي خير سان 7 سال ٿيا آھن، انھن ست سالن دوران ضلعي جي ڪا ھڪ به نئين آفيس نه ٺھي سگھي آھي، ضلعي آفيسون نه ھجڻ ڪري اڳوڻي ايس ڊي ايم جي آفيس کي ڊي سي آفيس بڻايو ويو آھي، ٿاڻي جي نئين عمارت کي ايس پي آفيس ۾ تبديل ڪيو ويو آھي، ايگريڪلچر کاتي جي آفيس ضلعي ڪائونسل کي ڏني وئي آھي، سول اسپتال جي ھڪ حصي کي ڊي ايڇ او آفيس بڻايو ويو آھي ۽ مختيارڪار آفيس جي عمارت ۾ 8 مختلف آفيسون قائم ڪيون ويون آھن ۽ باقي سمورا ضلعي آفيسر يا ته پراڻي تعلقي آفيسن ۾ ويھي ڪار وھنوار ھلائي رھيا آھن يا ته مسواڙ تي جايون وٺي انھن ۾ پنھنجون آفيسون قائم ڪري ويٺل آھن. اھڙي صوتحال ۾ جتي آفيسرن لاءِ آفيسون ۽ سرڪاري رھائشگاھون نه ھجن، ڪھڙو آفيسر ھن ضلعي ۾ رھي ڪم ڪرڻ چاھيندو؟ ڪيترن ئي کاتن جا ضلعي آفيسر سجاول ۾ مقرري جو آرڊر ملڻ بعد اثر رسوخ استعمال ڪري ٻين ھنڌن ڏانھن بدلي ڪرائي ھليا وڃن ٿا ۽ نتيجي ۾ ھن ضلعي جي 8 لک جي لڳ ڀڳ عوام مختلف سرڪاري ڪمن ڪارين لاءِ اڄ به ٺٽي ۽ حيدرآباد جا چڪر ڪاٽڻ تي مجبور آھي.
سڄي صورتحال جو جائزو وٺڻ بعد ھتان جي ھڪ جھوني سياسي ڪاڪن ڪچھري ۾ ٻڌايو ته لڳي ٿو ته سجاول ضلعي جي سياسي اڳواڻن کي ان ڳالھه سان ڪو غرض ڪونھي ته 7 سال گذرڻ باوجود سجاول ۾ ڪي سرڪاري آفيسون ٺھن، بس ھنن کي غرض ان ڳالھه سان آھي ته ڪامورا سندن مرضي جا ھجن جيڪي سندن ھر جائز ۽ ناجائز ڪم ڪرڻ لاءِ تيار ھجن، سجاول ضلعي ۾ ھڪ چونڊيل ايم اين اي اياز شاھ شيرازي، ٻه چونڊيل ايم پي ايز شاھ حسين شيرازي ۽ محمد علي ملڪاڻي آھن ان کان علاوه مخصوص سيٽن تي آيل ايم پي اي ريحانا لغاري ۽ ھير سوھو به ھتان جون آھن اھڙي ريت چار ايم پي ايز ۽ ھڪ ايم اين اي ھجڻ باوجود ھتي 7 سالن ۾ ڪا آفيس نه جڙي سگھي آھي آخر سبب ڇا آھي؟
ڪارڪن ۽ شھري چون ٿا ته ھتان جي چونڊيل نمائندن جو شايد خيال آھي ته سجاول کي ضلعي آفيسون نه گھرجن صرف ضلعي آفيسر گھرجن جيڪي سندن مرضي جا ھجن ۽ انھن وٽان ڪو به عوامي ڪم اڳواڻن جي چٺي يا فون ڪال کانسواءِ نه ٿي سگھي، ھتان جي سياسي اڳواڻن جيترا چڪر پارٽي قيادت وٽ اچي وڃي ھڪٻئي جون شڪايتون ڏنيون آھن ۽ ضلعي آفيسر مقرر ڪرڻ ۽ بدلي ڪرڻ جون ڳالھيون ڪيون آھن ان جي اڌ جيترا چڪر به جيڪڏھن ھتي آفيسون قائم ڪرائڻ لاءِ لڳايا وڃن ھا ته گذريل 7 سالن جي دوران ھتي سموريون ضلعي آفيسون ٺھي چڪيون ھجن ھا ۽ عوام جي لاءِ ڪجھه آساني پيدا ٿي پوي ھا. ھڪ چونڊيل حڪومت جو مدو به پنج سال ھجي ٿو پر سجاول ضلعو ٿيڻ کي ست سال گذري ويا آھن، ھتان جي چونڊيل نمائندن ۽ سياسي اڳواڻن کي پھرين ان بابت سوچڻ گھرجي ۽ جاکوڙ ڪرڻ گھرجي ته سجاول ضلعي ۾ سموريون سرڪاري آفيسون قائم ڪرايون وڃن ته جيئن عوام حيدرآباد ۽ ٺٽي جا چڪر ڪاٽڻ کان بچي پوي.

Bookmark the permalink.

Leave a Reply

Your email address will not be published. Required fields are marked *