تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

افغانين سميت غير قانوني پرڏيهين کي نيڪالي ڏيڻ جو وقت

ملڪ ۾ افغان پناهگيرن لاءِ مقرر ڪيل مدو 30 جون تي ختم ٿي چڪو آهي،انهن کي واپس پنهنجي ملڪ موڪلڻ جو نه ڪو بندوبست ڪيو ويو نه ئي ويجهي مستقبل ۾ اهڙي ڪا رٿابندي ٿيندي نظر اچي رهي آهي.افغانستان ۾ گهرو ويڙهه ۽ حالتون خراب ٿيڻ کانپوءِ لکين افغاني ڀرپاسي جي مختلف ملڪن ۾ پناهه لاءِ پهتا ۽ انهن مان وڏو تعداد پاڪستان به پناهه لاءِ پهتو هو. انهن پناهه گيرن کي گڏيل قومن جي مدد سان ڀرپاسي جي ملڪن ۾ انهن جي سرحدن ڀرسان خيما بستيون قائم ڪري اتي ترسائڻ جو پروگرام جوڙيو ويو ته جيئن افغانستان ۾ حالتون بهتر ٿيندي ئي کين واپس موڪلڻ ۾ آساني ٿئي پر افغانستان ۾ حالتون وقت بوقت خراب رهڻ ڪري پاڪستان ۾انهن جي ترسائڻ واري مدي ۾ بار بار واڌ ٿيندي رهي، جيڪا آخرڪار 30 جون تي ختم ٿي وئي.انهن پناهگيرن مان وڏوتعداد خيما بستين ۾ رهڻ بدران ملڪ جي ڪنڊ ڪڙڇ ۾ پهچي ويو ۽ گهڻو ڪري انهن سنڌ جي گادي واري شهر ڪراچي کي اچي پنهنجو ٺڪاڻو بڻايو ۽ ٻين ننڍن ننڍن شهرن ۾ به پکڙجي ويا.
افغان پناهگيرن سميت سنڌ ۾ رهندڙ ڌارين کي نيڪالي ڏيڻ لاءِ سنڌ ۾ هڪ وڏي وقت کان آواز اٿندا رهيا آهن ۽ اهي آواز ڪڏهن ڪڏهن تحريڪن جي شڪل به اختيار ڪندا رهيا آهن، خاص ڪري جڏهن بنگلاديش ۾ ترسيل بهارين کي آڻڻ جي ڪوسش ڪئي وئي ته سڄي سنڌ ۾ هڪڙي تحريڪ هلي جنهن ۾ هر سياسي پارٽي توڙي عام ماڻهو ڀرپور حصو وٺي بهارين کي پاڪستان آڻڻ واري فيصلي جي مخالفت ڪئي هئي جنهن کانپوءِ بهارين کي آڻڻ جو ارداو تبديل ڪيو ويو. پر انهي هوندي به ڪيترائي ڌاريا بهاري،بنگالي،برمي ۽ افغاني اڃان تائين غير قانوني طور ترسيل آهن ،نه رڳو ترسيل آهن پر اسان جي ڪمزور ۽ ڪرپٽ نظام جي ڪري ڪيترن ئي پنهنجا رهائش لاءِ گهربل ڪاغذ ۽ سڃاڻپ ڪارڊ ٺهرائي ورتا آهن.غير قانوني پرڏيهين جي ڪري نه رڳو سنڌ جي وسيلن تي بار پئجي رهيو آهي پر اهي ڌاريا ڏوهن ۾ به ملوث آهن ۽ صوبي ۾ بدامني سميت غير قانوني ڌنڌن ۽ منشيات جي وڪري ۾به ملوث آهن.پر اڃان تائين انهن ڌارين جي نيڪالي لاءِ ڪا پاليسي ڪا رٿابندي نظر نه ٿي اچي . سنڌ حڪومت وفاقي حڪومت کان مطالبو ڪيو آهي ته افغان پناهگيرن کي واپس موڪلي يا کين ڪي پي يا اسلام آباد ۾ ترسائي.صوبائي وزير اسماعيل راهو ڳالهائيندي چيو آهي ته سنڌ ڪو يتيم خانو ناهي جو هر پرڏيهي کي سنڌ ۾ ترسايو وڃي ،هن وفاق کان سوال به ڪيو ته ٻڌايو وڃي ته هن وقت تائين ڪيترن غير قانوني پرڏيهين جي رجسٽريشن ڪئي وئي آهي؟ وفاقي گهرو وزير کي ڪا خبر ئي ناهي.صوبائي وزير چيو ته ڌارين جي ڪري سنڌ ۾ بدامني ۽ بيروزگاري ۾ واڌ ٿي آهي تنهن ڪري وفاق افغان پناهگيرن کي رهائڻ واري مدي ۾ واڌ ڪرڻ بدران انهن جي واپسي جو بندوبست ڪري.
غيرقانوني پرڏيهين جي رجسٽريشن ۾جتي وفاقي حڪومت سستي ڪري رهي آهي اوتري ذميوار صوبائي حڪومت ۽ ان جا وزير به آهن جو انهن ڪڏهن به سنڌ جي وسيلن تي بار بڻيل غير قانوني پرڏيهين بابت ڪابه حڪمت عملي نه جوڙي آهي ۽ نه ئي وفاقي حڪومت سان اهو معاملو اهڙي سنجيده انداز ۾ کنيو آهي جنهن جو اهو گهرجائو آهي. جڏهن ته سنڌ حڪومت جي وزيرن ۽ اعليٰ عهدن تي ويٺل ڪجهه ماڻهن جا ته بيان ۽ ڳالهيون رڪارڊ تي آهن جن ڪجهه ووٽن جي لالڄ ۾ انهن غير قانوني پرڏيهين کي کلي عام سڃاڻپ ڪارڊ ٺهرائي ڏيڻ جي حمايت ڪئي ۽ اهو به نه سوچيو ته اهي ڌاريا صوبي جي وسيلن تي بار هجڻ سان گڏوگڏ هتان جو امن امان تباهه ڪرڻ جو به سبب بڻجڻ ٿا. جنهن جو مثال ڪالهو اخبار ۾ ئي ڇپيل اها خبر آهي جنهن ۾ پوليس مقابلي ۾ 3 هٿياربند مارجي ويا آهن جن مان ٻن هٿياربندن جي سڃاڻپ افغانين طور ٿي آهي ۽ انهن جي قبضي مان 92 جون تي اغوا ٿيل نينگر کي بازياب ڪرايو ويو آهي. انهي کانسوءِ روز اهڙيون خبرون اينديون رهنديون آهن ته ڪڏهن پلاٽن تي قبصي،ڪڏهن ڦرن ۽ ڪڏهن قتل ۽ اغاوئن جي وارداتن ۾ انهن افغانين سميت ٻيا ڌاريا ملوث ڏٺا وڃن ٿا ،جڏهن ته انهن ڏوهن کانسواءِ صوبي ۾ مذهبي منافرت ڦهلائڻ ۾ به اهي ڌاريا ئي آهن جيڪي سنڌ جهڙي روادار معاشري ۾ مذهبي ڪارڊ استعمال ڪري صدين کان امن سان رهندڙ مختلف مذهب جي ماڻهن کي ويڙهائي انهن جي ٻڌي ۽ ايڪي کي نقصان پهچائين ٿا ته جيئن اهي پنهنجي بنيادي مسئلن طرف ڌيان نه ڏئي سگهن .
اسان سمجهون ٿا ته وقت اچي ويو آهي ته سنڌ صوبي کي انهن سڀني براين کان پري رکڻ لاءِهر انهي ڌارئي يا غير قانوني طور ترسيل ماڻهو کي نيڪالي ڏيڻ گهرجي.ان لاءِ ضروري آهي ته وفاقي حڪومت افغان پناهگيرن جي مدي ۾ واڌ نه ڪري ۽ سنڌ حڪومت انهن افغانين سميت ٻين ڌارين کي به تڙڻ لاءِ وفاق سان لهه وچڙ ۾ اچي ڪا حڪمت عملي جوڙي، جيئن سنڌ پنهنجي وسيلن تي اضافي بار کان بچي پوي ۽ امن امان جي صورتحال به سڌري سگهي.

Bookmark the permalink.

Leave a Reply

Your email address will not be published. Required fields are marked *