تازا ترين
  • *حڪومت سان في الحال ڪنهن به معاملي تي ڳالهيون نه ٿينديون، عوام جي حقن لاءِ پي ڊي ايم جدوجهد جاري رکندي: مولانا فضل الرحمان*
  • *لاڙڪاڻي ۾ گهر خالي ڪرڻ جا نوٽيس ملڻ بعد رائيس ڪئنال جي ڪپرن تي ويٺل رهواسين جو ٻئي ڏينهن به پاڪ ڪتاب کڻي احتجاج*
  • *ملڪ ۾ ڪورونا وگهي وڌيڪ 67 مريض حياتيون وڃائي ويٺا، 24ڪلاڪن دوران 2 هزار 458 نوان ڪيس رپورٽ ٿيا*
  • *ڊاڪٽر ماها ڪيس مان ڊاڪٽر عرفان قريشي جو نالو ڇو خارج ڪيو، سنڌ هاءِ ڪورٽ طرفان ڊاڪٽر ماها ڪيس جي جاچ آفيسر تي ڪاوڙ جو اظهار*
  • *رمضان شگر ملز ڪيس ۾ حمزه شهباز جي حاضري کان ڇوٽ واري درخواست منظور*
  • *بلين ٽري سونامي پروگرام ڪير پيو هلائي، ڪٿي به ڪو وڻ ناهي پوکيو ويو، سپريم ڪورٽ بلين ٽري سونامي پروگرام جو رڪارڊ طلب ڪري ورتو*
  • *اسٽيل ملز جا ملازم جبري برطرف ڪرڻ خلاف سراپا احتجاج بڻيل*ملير ۾ اسٽيل ملز جي مُک گيٽ آڏو وڏي تعداد ۾ ملازمن جو ڌرڻو، برطرف ٿيل ملازمن کي بحال ڪرڻ جو مطالبو*

اقتدار جي راند کان عوام ئي ٻاهر

تاريخ هر ڪنهن جو حساب رکي ٿي اهي ماڻهو جن ذاتي مفادن ۽ تسڪين لاءِ جنگيون ڪيون، خونريزيون ڪيون، پنهنجي ذاتي انا خاطر فرسودا ريتن رسمن ۽ مذهب جي آڙ ۾ ڪن کي زهر پياريو ته ڪن کي ڦاسي چاڙهيو ، ڪن کي گهاڻن ۾ پيڙهيو ويو ته ڪن کي جيلن ۾ قيد ڪيو ويو، ڪن کي جلاوطيون سهڻيون پيون ته ڪي وري ساهه جي آخري تند تائين وڙهندا رهيا. اهڙن حاڪمن جي حشمت ۽ جابرن جا جبر صرف ان لاءِ هئا ته جيئن ذاتي مفادن کي حاصل ڪجي. جڏهن ته ٻئي پاسي اهي ڏاها ارڏا بهادر ۽ سچا انسان ٿورائي ۾ هوندي پنهنجي ارادن تي اٽل رهيا جن حق ۽ سچ جي ناري کي هميشه بلند رکيو،
ازل کان اهو ئي نظام هلندو اچي ۽ شايد ابد تائين جاري رهي، ڇاڪاڻ بدلائو صرف وقت ۾ اچي ٿو، اهي ساڳيا حاڪم ۽ محڪوم ويس مٽائي ورن ٿا. پيڙهيل طبقو ازل کان پيڙهيل آهي ۽ اڃان تائين پيڙهجي پيو. مفاد پرست ٽولا به ساڳي طرح سرگرم آهن جن کي ڪا شئي عزيز آهي ته اهو صرف ذاتي مفاد آهن. هي قتل غارت، ڏاڍ جبر، ڪرپشن، رشوت خوري، ڪارا ڪرتوت ۽ ڪڏهن به ختم نه ٿيندڙ غربت ان جو نتيجو آهن. اهڙن ڪيترن ئي ماڻهن جو مثال اوهان جي سامهون هوندو جيڪي عوام ۽ ملڪي مفاد جي نعري سان اڳيان اچن ٿا، ايڪڙ ٻيڪڙ ڪم ڪن ٿا عوام جي ڀرپور حمايت ۽ مقبوليت ماڻين ٿا پر انهن جي اولين ترجيح ذاتي مفاد ئي هوندا آهن.هر چيز کي پاسيرو رکي صرف پاڪستان جي سياسي تاريخ کي ئي ڏسو، ڪيترا سال جمهوريت رهي آهي ۽ ڪيترا سال آمريت؟ اهو اندازو به لڳايو ته سڀ کان وڌيڪ فائدو حاصل ڪندڙ ڪير آهن؟ ڪيترا خاندان آهن جيڪي نسل در نسل سياست ۾ چچڙ وانگر چهٽيل آهن؟ جڏهن به ڪا پارٽي اقتدار ۾ اچي ٿي ته عوامي مفاد ۾ ڪيترا ڪم ٿيندا آهن؟ اهي ڳالهيون ته هاڻي ڳجهيون نه رهيون آهن ته ڪنهن دور ۾ ملڪ جا سربراهه ۽ قومي خزانا رهندڙ ماڻهو هينئر ٻاهرين ملڪن ۾ آباد آهن ۽ وڏا ڪاروبار ڪن پيا. سوال اهو آهي ته جيڪڏهن اها راند ايئن ئي هلندي رهي ته انهي عوام جو ڇا ٿيندو جيڪا ماڻهو چونڊي ايوانن ۾ موڪلي ٿي ته جيئن هر کلاڙي پنهنجي حصي جي راند کيڏي، بک بيروزگاري، مهانگائي، غربت، ڪرپشن ۽ بدامني کي شڪست ڏيئي.خوشحالي امن ۽ ترقي جو ڪپ کڻي عوام جي چهرن تي خوشيون آڻي سگهي.پر افسوس سان چئجي ٿو ته لاقانونيت گهر ڪري وئي آهي. قانون جي لتاڙ ڪري عوامي پئسي کي لٽي ڪرپشن ڪندڙ ڌرين کي ڄڻ اها پڪ هجي ته انهن جو احتساب ڪڏهن به ڪونه ٿيندو. ٻي ڳالهه جتي اين آر او، پلي بارگين ۽ ايمنسٽي اسڪيم جهڙيون ڏاڪڻيون ڪرپشن جي ديوار پار ڪرڻ لاءِ رکيون وڃن ته اتي ڊپ ڪهڙو؟
“اسان ننڍن چورن کي ته ڦاسي ڏيندا آهيون، ليڪن وڏن چورن کي سلام ڪندا آهيون” شيڪسپيئر پنهنجي زماني ۾ اها ڳالهه خبر نه آهي ڪهڙي حوالي سان ڪئي هئي پر اسان وٽ اڄ به اهو نظام آهي. ڪرپٽ سياستدانن جي خلاف سوين ڪيس هلن پيا پر سزا جا حقدار گهڻا ٿيا آهن؟
عمران خان به پاڪستان جي نظام تبديل ڪرڻ ۽ ڪرپشن جي مڪمل خاتمي لاءِ آيو هو اڄ انهن جي پارٽي جا اڳواڻ خود ڪرپشن جي الزامن هيٺ آهن، اتي ڏسڻو اهو آهي ته عمران ڪنهن کي تجريح ڏئي ٿو عوامي مفادن کي يا پارٽي مفادن کي؟ اهو به ضرور ڏسجي ته ڏيڍ ٻه سال جي اقتداري سفر ۾ ڪنهن جا مفاد پورا ٿيا آهن يا ارڙهين ترميم جي خاتمي سان ڪنهن جو ڀلو ٿيندو؟ گڏوگڏ اهو به غور ڪجي ته ڪورونا جهڙي سنگين صورتحال ۾ سڀ ڪجهه وساري سڀني کي هڪ پليٽ فارم تي گڏ ٿي اهڙي حڪمت عملي ۽ فيصلا ڪرڻ گهرجن ها جن سان بنا ڪنهن تفريق جي سڀني صوبن جي عوام کي رليف ملي ها پر مائنس ون فارمولي ۽ پراڻن ڪيسن جي نئين سر لکڻ سان ڏسڻو اهو آهي ته عوام کي ڇا ملندو يا اها رڳو اقتدار جي راند ايئن ئي جاري رهندي؟

Bookmark the permalink.

Leave a Reply

Your email address will not be published. Required fields are marked *