Warning: session_start(): open(/var/cpanel/php/sessions/ea-php71/sess_ou42asputf3nrt3obt2nopo71l, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
اڄ کان شروع ٿيندڙ برسات ۽ حيدرآباد انتظاميا - Pahenji AkhbarPahenji Akhbar اڄ کان شروع ٿيندڙ برسات ۽ حيدرآباد انتظاميا - Pahenji Akhbar
تازا ترين
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *
  • *سنڌ جي مختلف علائقن ۾ وقفي وقفي سان برسات، ٿڌ ۾ واڌ *ميرپور خاص، شاهپور چاڪر، پيرونمل، کورواهه، ميان صاحب، ڀٽ شاهه ۽ ملڪاڻي شريف ۾ برسات*
  • *سپريم ڪورٽ ۾ آشيانه هائوسنگ اسڪيم ڪيس:جوابدار احد چيمه ۽ شاهد شفيق جي ضمانت بابت ٻڌڻي *آشيانه هائوسنگ سان ناڻي کي ڪو به نقصان نه پهتو: وڪيل شاهد شفيق *ائين نه ڪيو، هر ڪيس ۾ اهي شيون ٿي رهيون آهن: جسٽس مشير عالم جا ريمارڪس*
  • *سپريم ڪورٽ ۾ آمريڪي صحافي ڊينيئل پرل قتل ڪيس ۾ والدين ۽ سنڌ حڪومت جي اپيل تي ٻڌڻي *عدالت جوابدارن جي آزادي جو فيصلو معطل ڪرڻ جي استدعا رد ڪري ڇڏي *گهڻي عرصي کلان اپيلون ٻڌڻي هيٺ آهن، اڳ ڪجهه نه ٿيو، هاڻي به ڪجهه نه ٿيندو: جسٽس مشير عالم*
  • *امريڪي صحافي ڊينيئل پرل قتل ڪيس: سپريم ڪورٽ جوابدارن جي آزادي خلاف اپيل رد ڪري ڇڏي *سنڌ سرڪار ۽ ڊينيئل پرل جي والدين جوابدارن جي آزادي وارو فيصلو معطل ڪرڻ لاءِ اپيل داخل ڪئي هئي*
  • *اسلام آباد جي احتساب عدالت ۾ ٺٽو واٽر سپلاءِ اسڪيم ۾ مبينا ڪرپشن ريفرنس تي ٻڌڻي *اڳوڻي صدر آصف زرداري ۽ عبدالغني مجيد جي حاضري کان ڇوٽ واري درخواست منظور*

اڄ کان شروع ٿيندڙ برسات ۽ حيدرآباد انتظاميا

موسميات کاتي پاران سنڌ ۾ هڪ ڀيرو ٻيهر تيز برساتن جي اڳڪٿي باوجود سنڌ جي ٻئي نمبر وڏي شهر حيدرآباد ۾ برساتي نالن جي صفائي انتظاميا لاءِ چئلينج بڻجي وئي آهي. ان کان اڳ جڏهن موسميات کاتي سنڌ ۾ سانوڻي جي برسات جي اڳڪٿي ڪئي هئي ته انتظاميا 15 ڏينهن اڳ برساتي نالن جو نالي ماتر ڪم ڪرائي ڄڻ ته پنهنجو فرض پورو ڪري ڇڏيو هو پر انتظاميا جي لاپرواهي سبب حيدرآباد شهر توڙي وچ وارو مک نالو اڃا تائين صاف نه ٿي سگهيو آهي جنهن ڪري هيلوڪي برسات ۾ شهر ۾ جيڪڏهن 15 کان 20 ملي ميٽر برسات پئي ته نالي ڀرسان آباد سمورا هيٺانهين وارا علائقا برساتي پاڻي ۾ ٻڏي ويندا.
جيتوڻيڪ حيدرآباد ۾ مجموعي طور برسات توڙي سيوريج جو پاڻي چئن حصن ۾ نيڪال ڪرايو وڃي ٿو جنهن ۾ حيدرآباد سٽي مان سيوريج جو پاڻي لياقت ڪالوني مان نڪرندڙ مک برساتي نالي ذريعي پڃاري واهه ۾ ڇوڙ ڪيو وڃي ٿو. لياقت ڪالوني مان برساتي نالو ميمڻ اسپتال روڊ کان ٿيندو گرونگر چوڪ ۽ جنهن کانپوءِ ريلوي اسٽيشن کان آمريڪن ڪوارٽر واري علائقي ڏانهن داخل ٿئي ٿو. ڄاڻايل نالي جي گذريل ڪيترن ئي سالن کان صفائي نه ڪرائي وئي آهي جنهن ڪري برساتي نالو گندگي ۽ غلاظت سان ايترو ته ڀرجي ويو آهي جو هاڻي ان ۾ سيوريج جو پاڻي به ڇوڙ نٿو ٿئي. علائقي مان نيڪال ٿيندڙ سيوريج جو پاڻي برساتي نالي ۾ داخل نه ٿيڻ سبب هن وقت لياقت ڪالوني، پريٽ آباد، ڦليلي، ٽيون نمبر تلاءُ، حالي روڊ، آمريڪن ڪوارٽر سميت نالي جي ڀروارا علائقا سيوريج جي پاڻي سان ٻڏل آهن مٿان وري اڄ کان موسميات کاتي پاران تيز برساتن جي اڳڪٿي پڻ ڪئي وئي آهي. اهڙي ريت قاسم آباد مان برساتي پاڻي جي نيڪال لاءِ واڌو واهه کي استعمال ڪيو وڃي ٿو. واڌو واهه جو ڇوڙ شهر جي مختلف علائقن مان ٿيندو لطيف آباد مان ايندڙ برساتي نالي ۾ داخل ٿئي ٿو جتان ان نالي جو پاڻي پڃاري واهه ۾ ڇوڙ ٿيندو رهي ٿو.
ٽي ايم اي قاسم آباد ته واڌو واهه جي ٿوري گهڻي صفائي ڪرائي ڇڏي آهي پر ايڇ ايم سي پاران لطيف آباد ۾ برساتي پاڻي جي نيڪال لاءِ قائم ٿيل نالي جي صفائي اڻپوري ڪرائي وئي آهي. نالو رڳو لطيف آباد 12 نمبر واري علائقي مان صاف ڪرايو ويو آهي جڏهن ته باقي 11 نمبر توڙي 8 نمبر وارن علائقن ۾ نالو هن وقت به گندگي سان ڀريل آهي. موسميات کاتي پاران تيز برساتن جي اڳڪٿي کانپوءِ سنڌ ۾ رين ايمرجنسي جو الرٽ پڻ جاري ڪيو ويو آهي. ان سلسلي ۾ اڱاري واري ڏينهن سنڌ جو وڏو وزير سيد مراد علي شاهه به برساتي نالن جي صفائي سميت اپائن جو جائزو وٺڻ لاءِ ميرپورخاص کانپوءِ حيدرآباد پهتو جتي حيدرآباد ڊويزن سان تعلق رکندڙ چونڊيل نمائندن توڙي عملدارن کيس بريفنگ ڏيندي ٻڌايو ته نالن جي صفائي جو ڪم ذري گهٽ انهن مڪمل ڪري ڇڏيو آهي. ايتري قدر جو ڪمشنر حيدرآباد محمد عباس بلوچ وڏي وزير کي اهو به ٻڌايو ته هن ڊويزن لاءِ جاري ٿيل 70 ملين فنڊ مان هن وقت تائين 20 ملين حيدرآباد لاءِ رکيا آهن جنهن مان 15 ملين هن ڊپٽي ڪمشنر حيدرآباد فواد غفار سومرو ۽ 5 ملين ميئر طيب حسين حوالي ڪري ڇڏيا آهن. ڪمشنر جي وڏي وزير کي بريفنگ پنهنجي جاءِ تي پر وڏي وزير سميت ڪمشنر کان حيدرآباد جي ايم پي ايز ڄام خان شورو، عبدالجبار خان توڙي شرجيل انعام ميمڻ اها ڳالهه پڇڻ جي زحمت نه ڪئي ته ايڏي وڏي رقم جاري ٿيڻ باوجود برساتي نالن جي صفائي اڃا تائين ڇو نه مڪمل ڪرائي وئي آهي. ضلعي انتظاميا ڪجهه ڏينهن اڳ برساتي نالن جي صفائي کان لاچاري ظاهر ڪندي اهو ڪم ايف ڊبليو او جي حوالي ڪيو جنهن شروع ۾ ته سروي به ڪئي پر بعد ۾ نالن جي صفائي کان لاچاري ظاهر ڪندي جواب ڏئي ڇڏيو. ان کانپوءِ ٻيهر ڊپٽي ڪمشنر برساتي نالن جي صفائي وارو ڪم پنهنجي نگراني هيٺ واسا کان ڪرائڻ جو فيصلو ڪيو هو پر ان ڳالهه کي به لڳ ڀڳ هفتو ٿي ويو آهي پر اڃا تائين برساتي نالا گندگي سان ڀريل آهن. گذريل سال به انتظامي لاپرواهي سبب برساتي نالن جي صفائي نه ڪرائي وئي جنهن ڪري قاسم آباد توڙي سٽي وارا علائقا ڪيترائي ڏينهن برساتي پاڻي ۾ ٻڏل رهيا. ايتري قدر جو برسات جو پاڻي رستن، چوڪن ۽ گهٽين کانپوءِ گهرن ۾ به داخل ٿي ويو هو. هيل به جيڪڏهن برساتي نالن جي صفائي نه ڪرائي وئي ته اهي خدشا وڌي ويا آهن ته برساتي نالن ڀرسان شهر جي اڌو اڌ آبادي جيڪا هيٺانهين وارن علائقن ۾ رهائش پذير آهي اها برسات سبب سخت متاثر ٿيندي.
جيتوڻيڪ اڱاري واري ڏينهن وڏي وزير جي حيدرآباد دوري جي شيڊول ۾ سٽي تعلقي جي مک تلسي داس واري پمپنگ اسٽيشن، قاسم آباد جا لنڊن ٽائون، سحرش نگر وارا علائقا ۽ لطيف آباد يونٽ نمبر 12 جو برساتي نالو وزٽ ۾ شامل هئا پر عملدارن پنهنجي غفلت ۽ لاپرواهي لڪائڻ لاءِ وڏي وزير کي انهن علائقن جا دورا ئي نه ڪرايا جنهن ڪري وڏو وزير به عملدارن جي کوکلي بريفنگ ٻڌي اجلاس بعد پبلڪ اسڪول کان واپس ڪراچي لاءِ روانو ٿي ويو. برساتي نالن جي صفائي نه ٿيڻ سبب ڳتيل آبادي ۾ رهندڙ شهري سخت پريشان آهن. سندن ساهه مٺ ۾ آهي پر انتظاميا کين شهرين جي ڄڻ ته ڪا به پرواهه ئي نه آهي جنهن ڪري انهن اڃا تائين ڪک ڀڃي ٻيڻو ئي نه ڪيو آهي. موسميات کاتي جي اڳڪٿي پنهنجي جاءِ تي پر سنڌ جي ٻئي نمبر وڏي شهر حيدرآباد ۾ انتظاميا لاءِ برساتي نالن جي صفائي هاڻي ڄڻ ته وڏي چئلينج سان گڏ مٿي جو سور بڻجي وئي آهي.

Bookmark the permalink.

Leave a Reply

Your email address will not be published. Required fields are marked *