تازا ترين
  • پنوعاقل ۾ خوفناڪ حادثو، 11 ڄڻا فوت،3 زخمي*سانگي ٿاڻي جي حد ۾ مسافر وين ڪلٽي ٿيڻ سبب حادثو پيش آيو*حادثي ۾ 11 مسافر فوت ۽ 3 زخمي ٿي پيا*
  • *قاضي احمد ويجهو جهيڙو، لٺيون ۽ ڪهاڙيون لڳڻ سبب 11ڄڻا رتورت *ڳوٺ سومر جوکيو ۾ رستي جي ڳالهه تان جھيڙو ٿي پيو، زخمي اسپتال منتقل *زخمين ۾ محمد ابراهيم،ذوالفقار، علي اڪبر،مير مرتضيٰ، نصرالله، غلام عباس جکراڻي ۽ ٻيا شامل*
  • *لاڙڪاڻي ۾ پي ايم سي پاران ميڊيڪل جي شاگردن کان انٽري ٽيسٽ وٺڻ وارو عمل جاري *لاڙڪاڻي جي پنجن سينٽرن ۾ 6 ضلعن جي شاگردن کان ٽيسٽ ورتي پئي وڃي*
  • *پاڪستان ڪورونا صورتحال کي منهن ڏئي رهيو آهي: وزيراعظم عمران خان *غير جمهوري سياسي قيادت سان مقابلو آهي:وزيراعظم *سياسي قيادت جمهوري جدوجهد مان ناهي گذري: وزيراعظم عمران خان جو ٽوئيٽ *سياسي قيادت عوام جي ڏکيائين کي سمجهي نه ٿي: وزيراعظم عمران خان ٽوئيٽ *ان سياسي قيادت عوام لاءِ ڪجهه به نه ڪيو: وزيراعظم *اُها سياسي قيادت لٽيل دولت کي بچائڻ گهري ٿي: وزيراعظم *سياسي قيادت عوام جو تحفظ ڪرڻ بدران جلسا ڪرڻ چاهي ٿي: وزيراعظم عمران خان*
  • *خيرپور ويجهو يتيم نينگري مبينا طور قتل، جوابدار لاش اسپتال ۾ ڇڏي فرار ٿي ويا *جوابدار ڳوٺ عالم خان گوپانگ واسڻ 13ورهين جي ڪومل گوپانگ جو مڙهه اسپتال ۾ ڇڏي فرار ٿي ويا* نينگري والدين فوت ٿيڻ سبب مامن وٽ رهندي هئي، سندس ڳلي تي نشان آهن: پوليس*
  • *قاضي احمد ويجهو جهيڙو، لٺيون ۽ ڪهاڙيون لڳڻ سبب 11ڄڻا رتورت *ڳوٺ سومر جوکيو ۾ رستي جي ڳالهه تان جھيڙو ٿي پيو، زخمي اسپتال منتقل*
  • *ايس ايس پي خيرپور نينگري ڪومل گوپانگ جي مبينا قتل جو نوٽيس وٺي ڇڏيو *ايس ايس پي امير سعود مگسي پاران جوابدارن جي گرفتاري جو حڪم *جوابدارن جي گرفتاري لاءِ مختلف هنڌن تي ڇاپا هنيا پيا وڃن: شاهه لطيف پوليس *

بجليءَ جو بحران ۽ سيپڪو مافيا

خيرپور شهر جنهن جا سنڌ جي ٻين شهرن جيان به ساڳيا ئي مسئلا ۽ ساڳيا ئي آزار آهن. انهن منجهان هڪ مکيه مسئلو جيڪو تازو سامهون ٿي اڀريو آهي اهو آهي بجليءَ جو بحران. بجليءَ جو بحران جيتوڻيڪ هونئن ته سموري ملڪ جو هڪ ڳنڀير ۽ حل نه ٿيندڙ مسئلو آهي پر جيئن ته بجليءَ جي فراهميءَ جو ادارو وفاقي سرڪار جي ماتحتيءَ ۾ آهي ۽ وفاقي سرڪار ۾ سنڌ مخالف ڌر ۾ هجڻ ڪري سنڌ سان ماٽيلي ماءُ وارو سلوڪ ڪيو وڃي ٿو ۽ خاص ڪري سيپڪو خيرپور ۾ غير جانبداراڻو ڪردار ادا ڪرڻ بجاءِ جانبداراڻو ڪردار ادا ڪندي نظر اچي ٿي ۽ اڻ اعلانيل لوڊشيڊنگ سميت هٿرادو فالٽ ڄاڻائي خيرپور جي لڱ ساڙيندڙ گرميءَ ۾ روزانو 14 ڪلاڪ بجلي بند ڪئي وڃي ٿي جڏهن ته ٽيڪنيڪل فالٽ پيدا ڪري مختلف يونين ڪائونسلن لقمان، شاهه لطيف، ڀرڳڙي، جيلاني ۽ بخاري سميت سوين محلا سيپڪو گرديءَ جي ور چاڙهيا ويا آهن جنهن سان خيرپور جو عوام آزار جهڙي حياتي گهارڻ تي مجبور بڻيل آهي.
ان حوالي سان خيرپور جي سيپڪو انتظاميا جو چوڻ آهي ته بجلي چوري ٿئي پئي ۽ رڪوري تمام گھٽ آهي. انهن جو اهو پڻ چوڻ آهي ته جن فيڊرن تي رڪوري ٿئي ٿي انهن علائقن جا فيڊر لوڊشيڊنگ کان آجا آهن. سيپڪو انتظاميا جي اهڙي موقف بعد خيرپور سٽيءَ جو فيڊر جنهن کي ايڪسپريس فيڊر جو نالو ڏنو ويو آهي جتان بجلي بلن جي ادائگي پڻ سئو سيڪڙو آهي اهو پڻ شديد گرميءَ ۾ هٿرادو فالٽ ڄاڻائي ڪلاڪن جا ڪلاڪ بجلي بند ڪئي وڃي ٿي ۽ ايڪسپريس فيڊر تي پڻ سيپڪو انتظاميا جا هيٺيان ملازم بجلي چوري ڪرائڻ ۾ سهولتڪار بڻيل آهن جڏهن ته خيرپور سٽي ون فيڊر، سٽي ٽو فيڊر، شاهلڌاڻي فيڊر، ريڊيو پاڪستان فيڊر ۽ يونيورسٽي فيڊر تي ٻارنهن ڪلاڪ لوڊشيڊنگ روز جو معمول بڻيل آهي. خيرپور سٽيءَ ۾ سيپڪو جون ٻه سب ڊويزنون آهن هڪ سٽي خيرپور ۽ ٻي لقمان سب ڊويزن جتي سيپڪو پاران ٻه ايس ڊي او ۽ سون جي تعداد ۾ لائين مين ۽ لائين سپرنٽنڊنٽ جو عملو ڪم ڪري رهيو آهي ۽ سيپڪو کان ڪروڙين رپيا ماهوار پگهار کڻي پيو پر ان باوجود به عملي جي سستي ۽ لاپرواهيءَ سبب خيرپور ۾ بجليءَ جو نظام درست ناهي ٿي سگهيو. ذريعن مان اها ڄاڻ به ملي آهي ته خيرپور سب ڊويزن ۽ لقمان سب ڊويزن جا ڪيترائي لائين مين بجلي جي پولن تي چڙهي به نٿا سگهن جن پنهنجي جاءِ تي پرائيويٽ ماڻهو رکي ڇڏيا آهن. اهڙا پرائيوٽ رکيل ماڻهو بجلي چوري ڪرائڻ ۾ بروڪر جو ڀرپور ڪردار ادا ڪن ٿا. جيڪي اي سي جي ڪنڍيءَ لڳائڻ لاءِ پيسا وٺي پنهنجو حصو به رکن ٿا ته لائين مين تائين به پهچائين ٿا ۽ لائين مين تي الزام به نه ايندو ته ڪو انهي پئسا ورتا.
قصو مختصر ته پيسا بروڪر پرائيوٽ ماڻهو ورتا. اهڙا ڊرامائي فيصلا سيپڪو يونين ڏهاڙي ڪندي آهي ڇاڪاڻ ته سيپڪو جا ملازم ڊائريڪٽ پيسا ناهن وٺندا پر پرائيويٽ ماڻهن هٿان وصول ڪرائيندا آهن. بجلي چوريءَ جي اهڙين چالاڪين جا داستان کل جوڳا هجڻ سان گڏ ڳڻتيءَ جوڳا پڻ آهن. سيپڪو مافيا جا رکيل پرائيويٽ ماڻهو ٿنڀن تي چڙهڻ سميت ٽرانسفارمر سڙڻ جي صورت ۾ سموري محلي جي رهواسين کان چندو ڪرڻ جهڙو ڌنڌو ڌاڙي ڪرڻ ۾ پڻ سهڪاري ڪردار ادا ڪن ٿا ۽ انهيءَ چندي مان به کانچا ڪيا وڃن ٿا. ٽرانسفارمر تي خرچ 10 هزار ته چندو 40 کان 50 هزار گڏ ڪري عوام کي چونو هنيو وڃي ٿو، جڏهن ته پرائيويٽ رکيل ماڻهو وري ڳجها ڪنيڪشن به لڳائن ٿا جن جي سيپڪو مافيا کي به ٻاٻور نه ٿي پوي ۽ چورن مٿان مور واري چوڻيءَ کي پاڻي ڏين ٿا. سيپڪو مافيا جي اهڙي ڪاروبار ۾ ٽرانسفارمرن ۾ بجليءَ جو لوڊ برداشت ڪرڻ جي سگهه نه ٿي رهي ۽ ٽرانسفارمر سڙي وڃن ٿا. ٽي هفتا اڳ يوسي لقمان جا هڪ ئي رات ۾ 11 ٽرانسفارمر اوور لوڊ هجڻ سبب سڙي ويا جنهن سبب لقمان شهر 23 ڏينهن کان اونداهين جي ور چڙهيل آهي جڏهن ته عوام شديد لڱ ساڙيندڙ گرميءَ جي عذاب کي منهن ڏئي رهيو آهي. بجليءَ جي مسلسل شٽ ڊائون تي لقمان جي رهواسين جو اهو به چوڻ آهي ته سيپڪو خلاف احتجاج ڪرڻ باوجود به سيپڪو ايگزيڪيوٽو انجنيئر خيرپور بجلي بحال ڪرڻ لاءِ سنجيده ناهي ويتر ڪيس داخل ڪرائڻ جون ڌمڪيون ڏئي رهيو آهي. لقمان جي رهواسين ۽ سيپڪو انجنيئر جي اهڙي احتجاجي تڪرار سبب لقمان جي بجلي بحال ناهي ٿي سگهي ۽ بجلي چورن پاران پيدا ڪيل بجلي بحران جو عذاب بل ڀريندڙ صارفين ڀوڳي رهيا آهن. خيرپور ۾ پيدا ٿيل بجلي بحران تي خيرپور جي ايم اين اي ۽ ايم پي ايز مسلسل خاموشي اختيار ڪري ورتي آهي جڏهن ته سماجي تنظيمن ۽ انجمن تاجران پڻ خيرپور جي بجلي بحران تي اکيون ٻوٽي ڇڏيون آهن.

Bookmark the permalink.

Leave a Reply

Your email address will not be published. Required fields are marked *