تازا ترين
  • پنوعاقل ۾ خوفناڪ حادثو، 11 ڄڻا فوت،3 زخمي*سانگي ٿاڻي جي حد ۾ مسافر وين ڪلٽي ٿيڻ سبب حادثو پيش آيو*حادثي ۾ 11 مسافر فوت ۽ 3 زخمي ٿي پيا*
  • *قاضي احمد ويجهو جهيڙو، لٺيون ۽ ڪهاڙيون لڳڻ سبب 11ڄڻا رتورت *ڳوٺ سومر جوکيو ۾ رستي جي ڳالهه تان جھيڙو ٿي پيو، زخمي اسپتال منتقل *زخمين ۾ محمد ابراهيم،ذوالفقار، علي اڪبر،مير مرتضيٰ، نصرالله، غلام عباس جکراڻي ۽ ٻيا شامل*
  • *لاڙڪاڻي ۾ پي ايم سي پاران ميڊيڪل جي شاگردن کان انٽري ٽيسٽ وٺڻ وارو عمل جاري *لاڙڪاڻي جي پنجن سينٽرن ۾ 6 ضلعن جي شاگردن کان ٽيسٽ ورتي پئي وڃي*
  • *پاڪستان ڪورونا صورتحال کي منهن ڏئي رهيو آهي: وزيراعظم عمران خان *غير جمهوري سياسي قيادت سان مقابلو آهي:وزيراعظم *سياسي قيادت جمهوري جدوجهد مان ناهي گذري: وزيراعظم عمران خان جو ٽوئيٽ *سياسي قيادت عوام جي ڏکيائين کي سمجهي نه ٿي: وزيراعظم عمران خان ٽوئيٽ *ان سياسي قيادت عوام لاءِ ڪجهه به نه ڪيو: وزيراعظم *اُها سياسي قيادت لٽيل دولت کي بچائڻ گهري ٿي: وزيراعظم *سياسي قيادت عوام جو تحفظ ڪرڻ بدران جلسا ڪرڻ چاهي ٿي: وزيراعظم عمران خان*
  • *خيرپور ويجهو يتيم نينگري مبينا طور قتل، جوابدار لاش اسپتال ۾ ڇڏي فرار ٿي ويا *جوابدار ڳوٺ عالم خان گوپانگ واسڻ 13ورهين جي ڪومل گوپانگ جو مڙهه اسپتال ۾ ڇڏي فرار ٿي ويا* نينگري والدين فوت ٿيڻ سبب مامن وٽ رهندي هئي، سندس ڳلي تي نشان آهن: پوليس*
  • *قاضي احمد ويجهو جهيڙو، لٺيون ۽ ڪهاڙيون لڳڻ سبب 11ڄڻا رتورت *ڳوٺ سومر جوکيو ۾ رستي جي ڳالهه تان جھيڙو ٿي پيو، زخمي اسپتال منتقل*
  • *ايس ايس پي خيرپور نينگري ڪومل گوپانگ جي مبينا قتل جو نوٽيس وٺي ڇڏيو *ايس ايس پي امير سعود مگسي پاران جوابدارن جي گرفتاري جو حڪم *جوابدارن جي گرفتاري لاءِ مختلف هنڌن تي ڇاپا هنيا پيا وڃن: شاهه لطيف پوليس *

برساتن ۾ تباهي ڪندڙ ايل بي او ڊي

وڏڙا چئي ويا آهن ته مينهن ۽ مهمان قسمت سان ايندا آهن،بلڪل اهو صحيح آهي قدرتي طور ايندڙ مصيبتن کي روڪڻ انسانن جي وس ۾ ناهي، پر ان کانپوءِ تڪڙن انتظامن آهر متاثرن جي مدد ڪرڻ جو فرض انتظاميا تي ٿئي ٿو، ٽي ڏهاڪن کان پهرين جڏهن برساتن جون موسمون اينديون هيون ته انهن برساتن جو اندازو آبهوائي لحاظن سان ماڻهو لڳائي سگهندا هئا. اهڙو جديد نظام نه هو جو عوام کي برساتن جي اڳواٽ خطرن کان آگاهي ملندي هئي. بس جڏهن برسات خاص ڪري سانوڻي جي موسم ايندي هئي ته مهينو اڳ پاڻمرادو اڳواٽ پنهنجو پاڻ انتظام ڪري ڇڏيندا هئا، ايتريون برساتون پونديون هيون جو غريب ماڻهو سج جي روشني ڏسڻ لاءِ به ترسندا هئا. ايترين گهڻين برساتن جي باوجود به عوام کي اڳواٽ انتظامن جي ڪري نقصان گهٽ ٿيندو هو، جيڪڏهن هن وقت جي برساتن کي ڏسجي ٿو ته غريب ماڻهن جي تباهي ٿي وئي آهي، پراڻي زماني جا ماڻهو پنهنجو پاڻ ڌڻڪا هوندا هئا حڪومت تي اعتماد نه ڪندا هئا،هاڻي ماڻهو ڪجھه به نٿا ڪن ۽ رڳو حڪومت تي ٿا ڀاڙين پر حڪومت به عوام جي ايئن پرگهور نه ٿي لهي جيئن لهڻ گهرجي. ڪجهه ڏينهن کان جيڪو برسات جو سلسلو شروع ٿيو آهي انهي هر هنڌ نقصان ڪيو آهي پر بدين ضلعي ۾ جيڪو ڪجهه ٿيو آهي اهو ڪٿي شايد ئي ٿيو هجي.
بدين واسين لاءِ خوف جي علامت بڻيل راڪاس سم نالي ايل بي او ڊي کي ملڪاڻي شريف ويجھو آر ڊي 228 وٽان 60 فوٽ جي لڳ ڀڳ گھارو پيو. ڀرپاسي جا ڪيترائي غريب ماڻهن جا ڳوٺ پاڻي جي هيٺ آهن. بدين ۽ ميرپرخاص ضلعي جون ڪيتريو ئي يوسي ۽ ديھه پاڻي هيٺ آهن ملڪاڻي شريف، پنگريو، سمن سرڪار، ٻنگار، ڍورو نارو مهراب شهر، رحيم خان نوتڪاڻي، محمد يوسف چانڊيو، ڪوٽ مير جان محمدسميت 100 کان وڌيڪ ڳوٺ پاڻي جي وهڪرن ۾ ٻڏي ويا غريب ماڻهو پنهنجا ٻچا وٺي وڃي مٿاهين تي روڊن تي کليل آسمان ويٺل آهن. گهاري کي ٽي ڏينهن گذري چڪا پر انتظاميا ڪنٽرول ۾ نه آڻي سگهي آهي ۽ اهوگهارو 60 فٽ وڌنڌو پيو وڃي.
ھي سم نالو بدين ضلعي جي شھرن ۽ ڳوٺن کي ھرسال ٻوڙيندو آھي پر ان سم نالي جي ڪيتري سار سنڀال ۽ ان تي ڪيترو خرچ ڪيو وڃي ٿو ان جو اندازو ان مان لڳائي سگھجي ٿو ته ايل بي او ڊي تي مقرر ڪيل ايس ڊي او جي جيپ به بند تي نه ھلي سگھي ۽ ايل بي او ڊي جي پٽڙي تائين پھتل پاڻي ۾ ڦاسي پئي.نوابشاهه، سانگھڙ ۽ ميرپورخاص ضلعن جو پاڻي کڻي ايندڙ ھي ايل بي او ڊي سم نالو ڇا فقط بدين ضلعن جي ماڻھن کي ٻوڙڻ لاءِ ٺاھيو ويو آھي جو بدين ضلعن جي شھرن ۽ ڳوٺن جو پاڻي ته نيڪال نه ٿو ٿي سگھي رهندو ٻين ضلعن مان ايندڙ پاڻي ذريعي ٻوڙيو ٿو وڃي. اھڙي سم نالي کي ڪنٽرول ڪرڻ ان جي سار سنڀال رکڻ بند مضبوط رکڻ جو ڪنھن جو ڪم آھي ۽ ان جي لاءِ فنڊ رکيل ھوندا آھن اھي ڪيڏانھن ٿا وڃن. سنڌ سرڪار کي ان سم نالي جي تباھين کان بدين واسين کي بچائڻ لاءِ خاص قدم کڻڻ گھرجن.جڏهن ماڻهو درياءَ يا واهن جي ڪپن تي ويهندا آهن ته ڪنهن مجبوري خاطر پر هاڻي اهو به غريب عوام جو ويهڻ بند ٿيو.
سوال اهو ٿو ٿئي ته ٻه مهينن کان وٺي برسات هلندڙ آهي! هيڏي بجيٽ هوندي ڇو سم نالي ايل بي او ڊي جي مرمت نه ٿي سگهي جيڪڏهن مرمت ٿي سگهي ها ته اڄ غريب عوام در بدر نه هجي ها! ۽ اهڙو هاڃو عوام سان نه ٿئي ها جهڙي صورتحال هاڻي برساتن ۾ پيدا ٿي آهي. سانوڻي جي هيلوڪي وسڪارن سڀني انتظاميا ناڪامين کي ميڙي هڪ هنڌ گڏ ڪيو آهي جيئن ايل بي او ڊي سم نالي ۾ وڏن وڏن شهرن جا گٽر نالا ڪند ڪچرو ڇوڙ ڪندا آهن افسوس سان چوڻو ٿو پئي ته هيتري آمدني هوندي سوندي به هن سم نالي جي ڪنهن سار نه لڌي، ضلعي انتظاميا پنهنجي من مستين ۾ پوري آهي، پر غريب عوام هڪ ويلي جي چلھه ٻارڻ کان به لاچار آهي، غريب عوام ڪنهن ته در دانهن ڏين، غريب عوام جي ڪير سار لهندو؟سنڌ سرڪار کي ان سم نالي جي تباھين کان بدين واسين کي بچائڻ لاءِ خاص قدم کڻڻ گھرجن.جڏهن ماڻهو درياھه يا ڪنهن واھه جي آسي پاسي ۾ اچي ويھندا آهن سو ڪنهن اڃايل بکايل مجبوري جي حالت ۾ اچي ويهندا آهن. تازين برساتن ۾ غريب عوام کي ڏنل ڦٽ بدين ضلعي ۾ ڏسي سگهجن ٿا ته ڪيتري غريب عوام متاثر ٿي آهي. ايل بي او ڊي سم نالي جي آيل بجيٽ ڪيڏانهن وئي. ڇا ايل بي او ڊي سم نالو غريب ماڻهن کي نقصان ڏيڻ لاءِ ٺهرايو ويو هو!آبادگارن موجب ايل بي او ڊي سم نالي جي ته الائي ڪيترن ورهين کان وٺي ڪوبه مرمتي ڪم نه ٿي سگهيو آهي. سم نالي جو پاڻي هر برسات ۾ ابتو وهڻ لڳندو آهي. سم نالي مان نئون ڪوٽ شهر کان وٺي روشن آباد، جهڏو، پنگريو، ملڪاڻي شريف، ٽنڊوباگو بدين سم نالي جي پاڻي لپٽ ۾ اچن ٿا، هي سم نالو وڏن وڏن شهرن جي گٽرن واهن جا پاڻي کڻي اچي ڪري صرف بدين شهر کي هر سال ٻوڙي ٿو، هتي جي تڪ جا ايم پي اي ايم اين اي لکن جي تعداد ۾ ووٽ کڻي اسيمبلين ۾ پهچن ٿا، ٿا پر افسوس سان چوڻو ٿو پوي ته ايل بي او ڊي سم نالي جي نقصانن تي ڪير نه ٿو ڳالهائي. غريب عوام جو جيڪو نقصان ٿيو آهي اهو ڪير ڀري ڏيندو؟
هاڻي عوام جي جياپي لاءِ عوامي سياسي سگھه جي ضرورت آهي جيڪا مستقل طور تي عوامي مفادن خاطر هن قسم جي بحرانن جي نتيجي ۾ ڪيل مهانگائي ۽ بيروزگاري خلاف مهاڏو اٽڪائي سگهي ۽ جيڪي هن قسم جا بحران جنم وٺن ٿا ۽ عوام ڀوڳي ٿو انهي خلاف جهيڙي سگهي.يقينن اسان سان تنظيم جي کوٽ جو مسئلو آهي. جنهن سبب پورهيت عوام کي پنهنجي گڏ ٿيڻ ۽ طاقت جو احساس پيدا نه ٿي سگهيو آهي.

Bookmark the permalink.

Leave a Reply

Your email address will not be published. Required fields are marked *