تازا ترين
  • پنوعاقل ۾ خوفناڪ حادثو، 11 ڄڻا فوت،3 زخمي*سانگي ٿاڻي جي حد ۾ مسافر وين ڪلٽي ٿيڻ سبب حادثو پيش آيو*حادثي ۾ 11 مسافر فوت ۽ 3 زخمي ٿي پيا*
  • *قاضي احمد ويجهو جهيڙو، لٺيون ۽ ڪهاڙيون لڳڻ سبب 11ڄڻا رتورت *ڳوٺ سومر جوکيو ۾ رستي جي ڳالهه تان جھيڙو ٿي پيو، زخمي اسپتال منتقل *زخمين ۾ محمد ابراهيم،ذوالفقار، علي اڪبر،مير مرتضيٰ، نصرالله، غلام عباس جکراڻي ۽ ٻيا شامل*
  • *لاڙڪاڻي ۾ پي ايم سي پاران ميڊيڪل جي شاگردن کان انٽري ٽيسٽ وٺڻ وارو عمل جاري *لاڙڪاڻي جي پنجن سينٽرن ۾ 6 ضلعن جي شاگردن کان ٽيسٽ ورتي پئي وڃي*
  • *پاڪستان ڪورونا صورتحال کي منهن ڏئي رهيو آهي: وزيراعظم عمران خان *غير جمهوري سياسي قيادت سان مقابلو آهي:وزيراعظم *سياسي قيادت جمهوري جدوجهد مان ناهي گذري: وزيراعظم عمران خان جو ٽوئيٽ *سياسي قيادت عوام جي ڏکيائين کي سمجهي نه ٿي: وزيراعظم عمران خان ٽوئيٽ *ان سياسي قيادت عوام لاءِ ڪجهه به نه ڪيو: وزيراعظم *اُها سياسي قيادت لٽيل دولت کي بچائڻ گهري ٿي: وزيراعظم *سياسي قيادت عوام جو تحفظ ڪرڻ بدران جلسا ڪرڻ چاهي ٿي: وزيراعظم عمران خان*
  • *خيرپور ويجهو يتيم نينگري مبينا طور قتل، جوابدار لاش اسپتال ۾ ڇڏي فرار ٿي ويا *جوابدار ڳوٺ عالم خان گوپانگ واسڻ 13ورهين جي ڪومل گوپانگ جو مڙهه اسپتال ۾ ڇڏي فرار ٿي ويا* نينگري والدين فوت ٿيڻ سبب مامن وٽ رهندي هئي، سندس ڳلي تي نشان آهن: پوليس*
  • *قاضي احمد ويجهو جهيڙو، لٺيون ۽ ڪهاڙيون لڳڻ سبب 11ڄڻا رتورت *ڳوٺ سومر جوکيو ۾ رستي جي ڳالهه تان جھيڙو ٿي پيو، زخمي اسپتال منتقل*
  • *ايس ايس پي خيرپور نينگري ڪومل گوپانگ جي مبينا قتل جو نوٽيس وٺي ڇڏيو *ايس ايس پي امير سعود مگسي پاران جوابدارن جي گرفتاري جو حڪم *جوابدارن جي گرفتاري لاءِ مختلف هنڌن تي ڇاپا هنيا پيا وڃن: شاهه لطيف پوليس *

برسات متاثرن جي مدد ۾ ناڪام نه رهجي وڃون

هن سال سنڌ ۾ سانوڻ ۽ بڊي جي مهيني ۾ تمام گهڻيون برساتون پيون آهن جنهن جي ڪري نه رڳو ماڻهن جا گهرگهاٽ تباهه ٿي ويا آهن پر انهن جا فصل به سڙي ويا آهن. رڳو زراعت واري شعبي ۾ ئي اربين رپين جو نقصان ٿيو آهي. فقط برساتن ئي نه پر برساتن بعد وهي آيل سم نالن ۾ گهارا پيا، ٻيا واهه به اٿلي پيا ۽ بند ٽٽي پيا جنهن ڪري به فصلن ۾ پاڻي داخل ٿي ويو ۽ ان ڪري وڌيڪ نقصان پهتو، سنڌ جو ڪو تعلقو اهڙو نه آهي جتي ڪنهن نه ڪنهن واهه يا سم نالي کي گهارو نه پيو هجي. ڪيترائي ته اهڙا واهه آهن جن جا گهارا اڃا تائين بند نه ٿي سگهيا آهن. برساتن ۽ گهارن سبب سڀ کان وڌيڪ وونئڻن جو فصل تباهه ٿيو آهي. وونئڻ هونئن به نازڪ ٻوٽو آهي جيڪڏهن ان ۾ ٿورو به اضافي پاڻي وڃي ٿو ته ٻوٽا سڙيو وڃن. نه رڳو ايترو پر اهو فصل سنڌ جو اهم ڪيش ڪراپ آهي، آبادگار ۽ هاري ڦٽين جي آسري تي ئي پنهنجي حياتي جو گهڻو تڻو وهنوار هلائيندا آهن. ان لاءِ عام چوڻي آهي ته ڦٽيون لهڻ بعد ليکو چوکو ڪنداسين. ان کانسواءِ ان فصل جي آسري تي ئي شاديون مراديون طئي ڪيون وينديون آهن. هي فصل سنڌي سماج لاءِ تمام اهم آهي، ان جي تباهه ٿيڻ سان نه رڳو زميندارن ۽ هارين جو نقصان ٿيو آهي پر ان سان سنڌ جون ريتون رسمون، رهڻي ڪهڻي پڻ متاثر ٿي آهي. جڏهن ته ٻين تباهه ٿيل فصلن ۾ ٽماٽو، مرچ، پپيتا، کجين جا باغ، ڀاڄيون به شامل آهن. زراعت سان سنڌ جو مزدور طبقو به سلهاڙيل آهي ته تعميراتي شعبي سان گڏ سموريون صنعتون ۽ ڪاروبار پڻ واڳيل آهي. اهي سمورا ڪاروبار پڻ متاثر ٿيا آهن. زرعت کي نقصان سبب سڌي ۽ اڻ سڌي طرح 2 ڪروڙ کان وڌيڪ ماڻهو متاثر ٿيا آهن. زمينون نوان فصل پوکڻ کان به چڙهي ويون آهن.
ان سلسلي ۾ سنڌ ۾ آبادگارن جي تنظيم ايوان زاعت سنڌن جو چوڻ آهي ته سڄي سنڌ ۾ مسلسل برساتن جي ڪري زراعت ۽ لائيو اسٽاڪ شعبن کي ناقابل تلافي نقصان پهتو آهي. تيار ٿيل فصل برساتي ٻوڏ ۾ ٻڏي وڃڻ ۽ مال مويشي لڙهي وڃڻ سبب سنڌ جا آبادگار تباهه ۽ برباد ٿي ويا آهن. جن کي هاڻ پنهنجي پيرن تي بيهارڻ ۽ رليف فراهم ڪرڻ جي تاريخي ذميواري سنڌ سرڪار جي آهي. سنڌ سرڪار صوبي ۾ برسات کان علاوه واهن سم نالن ۽ شاخن کي گهارا پوڻ سبب متاثر ٿيل آبادگارن جي بحالي لاء فوري طور تي سنڌ بئنڪ مان هڪ سال لاءِ بنا وياج جي قرض ڏيڻ جي منظوري ڏي ته جيئن برساتي ٻوڏ سبب متاثر ٿيل آبادگار پوڻا ٻن مهينن بعد ربيع جي مند ۾ ڪڻڪ جي پوکي لاء وسيلا حاصل ڪري سگهن. برساتن بعد سنڌ جي حڪمرانن پاڻ مختلف علائقن جا دورا ڪري ٿيل تباهي ۽ ماڻهن جي اهنجن جو اکين سان معائنو ڪيو آهي ان ڪري کين ان سڄي آفت جو هاڻ احساس ٿي وڃڻ گهرجي. حڪومت کي نه رڳو آبادگارن پر انهن ماڻهن لاءِ رعايتن جو اعلان ڪرڻ گهرجي جن جا اجها ڊهي پيا آهن ۽ وٽن هاڻ مٿو لڪائڻ لاءِ ڇت به نه بچي آهي. حڪومت وٽ وسيلن جي کوٽ ته ٿي سگهي ٿي پر ان وٽ انهن ماڻهن کان ته پوءِ به وڌيڪ وسيلا آهن جيڪ آڻين ۽ چاڙهين وانگر گذارو ڪندا آهن. ان لاءِ صوبائي ۽ وفاقي حڪومتون پنهنجو فرض پورو ڪري ماڻهن جي مدد ڪن ۽ اها مدد جلد به ڪن ته جيئن ماڻهن ۾ جيئڻ جي آس باقي رهي. ڇاڪاڻ ته جيڪا مدد وقت تي نه ملي اها زيان ٿي ويندي آهي ۽ سنڌ جي هارين، آبادگارن، مزدورن ۽ غريب پورهيتن وٽ ڪنهن به شئي کي زيان ڪرڻ جي گنجائش باقي ناهي رهي.

Bookmark the permalink.

Leave a Reply

Your email address will not be published. Required fields are marked *