تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

بيروزگاري، ھٿرادو مھانگائي ۽ حڪومت جي ڪمزوري

سنڌ اندر بيروزگاري ۽ مھانگائي غريب، پورھيت ۽ وچولي طبقي جي عوام کي عذاب ۾ مبتلا ڪري ڇڏيو آھي، ڪورونا وائرس کان عوام جي حفاظت لاءِ لاڳو ڪيل لاڪڊائون کانپوءِ بيروزگاريءَ ۾ تمام گھڻو اضافو ٿيو، ان دوران حڪومتن عوام کي رليف ڏيڻ جا اڻ ڳڻيا واعدا ڪيا پر ان جي ابتڙ ڪو به رليف عوام کي مھيا نه ڪيو ويو. سخت لاڪڊائون کان ھن وقت تائين عوام کي کاڌي پيتي وارين شين سميت ٻين روز مرھه جي استعمال ھيٺ شين جي اگھن تي رليف ڏيڻ بجاءِ انھن ۾ اضافو ڪيو ويو آھي.
سنڌ جي ٻين ضلعن ۾ به گھڻي ڀاڳي ساڳي صورتحال آھي جيڪڏھن سنڌ جي ٽئين نمبر وڏي شھر سکر جي ڳالھه ڪجي ته ڪمشنر سکر ڊويزن شفيق احمد مھيسر، ڊپٽي ڪمشنر رانا عديل تصور ۽ لاڳاپيل ماتحت آفيسرن طرفان مھانگائي تي ڪنٽرول ڪرڻ جي لاءِ مختلف کاڌ خوراڪ جا اگھه مقرر ڪيا ھئا، اگھه مقرر ٿيا، لسٽون ٺھي ويون، بس ڊويزنل توڙي ضلعي انتظاميا جو ڪم ختم ٿي ويو! جاري ڪيل سرڪاري ريٽ لسٽ تي ڪو به دوڪاندار عمل درآمد ڪرڻ لاءِ تيار ناھي پر ڄاڻايل آفيسرن کي ان جي ڪا به پرواھ ناھي ته کاڌ خوراڪ جون شيون مھانگيون وڪرو ٿيڻ سبب غريب ۽ پورھيت طبقو ڪھڙي عذاب کان گذري رھيو آھي جنھن جو به انھن کي ڪو احساس ناھي. جيڪڏھن سکر جي ضلعي انتظاميا طرفان مقرر ڪيل کاڌ خوراڪ جي اگھن جو جائزو وٺجي ته سرڪاري اگھن ۽ مارڪيٽ ۾ وڪرو ٿيندڙ کاڌ خوراڪ جي اگھن ۾ وڏو فرق آھي. سکر ضلعي انتظاميا طرفان ھول سيل تي اٽو في ڪلو 46 روپيا ۽ ريزڪي تحت في ڪلو 48 روپيا اگھه مقرر ڪيا ويا ھئا، پر ان جي ابتڙ مارڪيٽ ۾ اٽو ھن وقت 60 روپيا في ڪلو وڪامي رھيو آھي، ساڳي ريت کنڊ ھول سيل ريٽ تي 76 روپيا ۽ ريزڪي ريٽ تي 80 روپيا مقرر ڪئي وئي ھئي جيڪا مارڪيٽ ۾ 85 کان 90 روپين تائين وڪرو ٿي رھي آھي، دال مڱ في ڪلو هول سيل 235 رٽيل 250 رپيا ۽ مارڪيٽ ۾ دوڪانن تي 260 روپيا اھڙي طرح ضلعي انتظاميا طرفان مختلف کاڌ خوراڪ جي اگھن تي مقرر ڪيل اگھن بجاءِ منافعي خور تاجرن پنھنجون قيمتن واريون لسٽون لڳائي ڇڏيون آھن ۽ سرڪاري اگھن بجاءِ پنھنجا اگھه وصول ڪري رھيا آھن. مارڪيٽ ڪاميٽيون مڪمل طور غير فعال بڻجي صرف پنھنجي مفادن جي لاءِ ڪم ڪن ٿيون. کاڌ خوراڪ جا اگھه طئي ڪرڻ واري اجلاس ۾ بيورو آف سپلائيز، مارڪيٽ ڪميٽين، هول سيلرز، فلور ملز، پولٽري، مرچنٽ ايسوسئيشن جي نمائندن سميت واپارين ۽ ٻين لاڳاپيل آفيسرن به شرڪت ڪئي پر ان باوجود سرڪار طرفان طئي ڪيل اگھن تي عمل ڪرڻ بجاءِ منافعي خور تاجرن پنھنجا اگهه مقرر ڪري ڇڏيا آھن.
جيڪڏھن وفاقي حڪومت طرفان عوام کي سسبڊي ڏيڻ لاءِ اٽو في ڪلو 40 روپيا ۽ 10 ڪلو واري اٽي جي ٿيلھي 400 روپين ۾ مقرر ڪئي ھئي، يوٽيلٽي اسٽور تي مارڪيٽ کان في ڪلو تي اٽو 20 روپيا سستو مقرر ڪيو ويو ته جيئن غريب عوام کي رليف ملي سگھي پر ان جي ابتڙ سکر ريجن ۾ اٽو ناياب بڻيل آھي، جيڪو يوٽيلٽي اسٽورن تي موجود ئي ناھي، اھڙي طرح وفاقي سرڪاري يوٽيلٽي اسٽورن تي کنڊ جو في ڪلو 68 روپيا مقرر ڪيو يعني مارڪيٽ کان کنڊ 17 کان 20 روپيا سستي آھي پر منافعي خور تاجرن جيان مبينا طور ڪرپٽ يوٽيلٽي ڪارپوريشن جي آفيسرن جي ملي ڀڳت سبب اٽو توڙي کنڊ يوٽيلٽي اسٽورن تان غائب آھي، ذريعن جو چوڻ آھي ته اٽو ۽ کنڊ بليڪ تي دوڪاندارن ۽ تاجرن کي وڪرو ڪيو پيو وڃي. اھڙي صورتحال مان واضح آھي تھ حڪومت منافعي خور تاجرن آڏو بيوس بڻيل آھي، ڪمزور حڪومت جا وزير، مشير، حڪمران ۽ انتظاميا ميڊيا تي اچي ۽ پڌرائي جاري ڪري وڏا اعلان ته ڪن ٿا جنھن کان پوءِ انھن کي ئي ياد ناھي ھوندو ته ھنن اعلان ڇا ڪيو آھي. تنھن ڪري سنڌ جي وڏي وزير کي ھٿرادو مھانگائيءَ جو نوٽيس وٺي غريب ۽ پورھيت طبقي کي رليف ڏيڻ گھرجي.

Bookmark the permalink.

Leave a Reply

Your email address will not be published. Required fields are marked *