Warning: session_start(): open(/var/cpanel/php/sessions/ea-php71/sess_ibk2s9h4ctk7nvbli5860hfqca, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
بَرَ وَٺا، ٿَرَ وٺا، وَٺي ڪَڇَ ڪِنارَ - Pahenji AkhbarPahenji Akhbar بَرَ وَٺا، ٿَرَ وٺا، وَٺي ڪَڇَ ڪِنارَ - Pahenji Akhbar
تازا ترين
  • ام رباب چانڊيو جي ٽن گهرڀاتين جي قتل ۾ملوث هڪ روپوش جوابدار ذوالفقار چانڊيو گرفتار *
  • *سڳيون ۾ انتظاميه پاران کرل مائينر جي ڪپرن تان قبضا ختم ڪرائڻ لاءِ آپريشن، ڪيترائي دڪان ڊاهي پٽ *انتظاميه ڳري مشينري جي مدد سان ڪيترائي دڪان ڊاهي پٽ ڪري ڇڏيا *انتظاميه پاران کرل مائينر جي کپرن تي ٺاهيل گهر خالي ڪرڻ لاءِ رهواسين کي 3 ڏينهن جي مهلت*
  • *شھدادپور جي عدالت پاران رمانڊ لاءِ پيش ڪيل جوابدار کي ماسڪ ۽ سوئيٽر پارائي پيش ڪرڻ جي هدايت *سرهاڙي پوليس ڪچي شراب جي الزام هيٺ گرفتار علي اڪبر مگسي کي عدالت ۾ پيش ڪيو *عدالت پاران جوابدار کي ماسڪ ۽ سوئيٽر پارائي پيش ڪرڻ جي هدايت *جوابدار ماسڪ ۽ سوئيٽر پارائڻ بعد ٻيهر پيش، عدالت کيس جوڊيشل رمانڊ تي جيل حوالي ڪري ڇڏيو*
  • *شڪارپور: دهشتگردي ٽوڙ عدالت پاران پوليس تي حملي ڪيس ۾6 جوابدارن کي 10،10 سال قيد جي سزا *عدالت مير ھزار، ابرار، اسرار، سرور، ھزارو۽ عزيز جکراڻي کي سزا ٻڌائي وئي *جوابدارن هڪ سال اڳ جيڪب آباد ويجهو پوليس تي حملو ڪري سرڪاري رائيفل ڦر ڪئي هئي*
  • *لاڙڪاڻي ۾ شھيدِ اسلام ڪانفرنس جون تياريون مڪمل، جي يو آءِ اڳواڻن ۽ڪارڪنن جي آمد جو سلسلو جاري *ميونسپل اسٽيڊيم ۾ داخلي رستن تي واڪ ٿرو گيٽ لڳايا ويا، سيڪيورٽي لاءِ پوليس نفري مقرر *شهيد اسلام ڪانفرنس کي جي يو آءِ سربراهه مولانا فضل الرحمان ۽ ٻيا اڳواڻ خطاب ڪندا*
  • *ڪوٽڙي: سي آءِ اي ڄامشورو پوليس جي ڪارروائي، منشيات ٺاهڻ ۾ استعال ٿيندڙ سامان جون 110 ٻوريون هٿ *ٻولھاڙي روڊ تي عبدالغفار چانگ کي گرفتار ڪري منشيات ٺاهڻ ۾ استعمال ٿيندڙ سامان جون 110 ٻوريون هٿ ڪيون: پوليس *ضلعي اندر منشيات فروشن کي منشيات ھلائڻ نه ڏينداسين. ايس ايس پي ڄامشورو*
  • *دڙو: ڪانڌڙا اسٽاپ وٽ محمودي رائيس مل کي بجلي جي شارٽ سرڪٽ سبب باهه وڪوڙي ورتو *باهه سبب لکين روپين جون ساريون سڙي ويون: رائيس مل ملڪ*
  • *پي ٽي آءِ قيادت ناراض ايم پي اي شهريار شر کي پرچائڻ لاءِ سڀاڻي ڏهرڪي پهچندي *وفاقي وزير شبلي فراز، اسد عمر، فردوس شميم، حليم عادل ۽ ٻيا اڳواڻ ڏهرڪي پهچندا *پارٽي قيادت سڀاڻي ملاقات لاءِ پهچندي، ڪجهه معاملا آهن جيڪي حل ڪيا ويندا: شهريار شر *ڏهرڪي: پ پ اڳواڻن پاران ايم پي اي شهريار شر سان پارٽي ۾ شموليت ڪرائڻ بابت ڳالهيون هلندڙ: ذريعا*
  • *دادو ۾ ٻن شادي شده عورتن پاران ڌار ڌار زهريلي دوا پي آپگهات جي ڪوشش، اسپتال داخل *دادو شهر جي رهواسڻ نظيران سولنگي ۽ پَٽُ گل محمد واسڻ صدوري پنهور کي اسپتال منتقل ڪيو ويو*
  • *عادلپور ويجهو 10 ايڪڙن تي بيٺل ڪمند کي باهه *ڳوٺ غلام علي ڪلوڙ ويجهو ڪمند جي فصل کي اوچتو باهه وڪوڙي ورتو *ڪنهن سان به دشمني ناهي، باهه لڳڻ سبب لکين روپين جو ڪمند سڙي ويو: عبدالجبار ڪلوڙ*
  • *ٽنڊي غلام حيدر ويجهو شادي شده عورت پاران مبينا ڦاهو کائي آپگهات *ڳوٺ علي اڪبر چانگ واسڻ 38ورهين جي پٺاڻي زال جمعون گهر اندر مبينا ڦاهو کائي ڇڏيو*
  • *تنگواڻي ۾ رولو ڪتن نينگري ۽ ٻن عورتن سميت 8 ڄڻن کي ڏاڙهي زخمي ڪري ڇڏيو *رازل خاتون لاشاري، صاحب خاتون، سنڌو ملڪ، قائم جعفري، گل حسن نندواڻي ۽ ٻيا زخمي اسپتال منتقل*
  • *ٺل: ڳوٺ عبدالعنبي لاشاري ۾ نينگر پاڻي جي تلاءَ ۾ ٻڏي فوت *امتياز علي راند کيڏندي پاڻي جي تلاءَ ۾ ڪِري ٻڏي فوت ٿي ويو، گهر ۾ ڪهرام*
  • *سنڌڙي ويجهو ڪارنهن الزام هيٺ قتل ٿيل فهميده شر مامرو *ميرپورخاص جي عدالت پاران جوابدار ڄاڻايل ڪريم بخش شر جي عبوري ضمانت ۾ 30 نومبر تائين واڌ*
  • *سپريم ڪورٽ ۾ جيڪب آباد جي اسڪول ۾ ڪرپشن ڪيس ۾ جوابدار جي اپيل تي ٻڌڻي *عدالت جوابدار آزاد علي جي 5-5 لک رپين جي گارنٽيز سان ضمانت منظور ڪري ورتي *جوابدار تي 34 لک رپيا ڪرپشن ڪرڻ جو الزام آهي: جوابدار جو وڪيل*

بَرَ وَٺا، ٿَرَ وٺا، وَٺي ڪَڇَ ڪِنارَ

ڪارونجهر جي ڪر تان اڏندڙ مور جي نيلن پرن ۾ وڌيڪ رنگن جي نکار ڏسندي اهو محسوس ٿئي ٿو ته سانوڻي رت پنهنجي ڀرپور جوڀن سان موٽي آئي آهي،  تاڙن جي تنوار، همرچن هونگار واري ملير جي مٽيءَ تي ولهار وسڻ جا ويس ڪري چڪا آهن، ڀٽن جا سڪل بدن ساوڪ جي پوشاڪ پهري پنهنجي سندرتا جي نئين رنگ سان جرڪڻ وارا آهن ، بئراجي علائقن ڏي ويل مال پنهنجي ديس طرف کنوڻن جا تجلا ڏسندي، اڪير مان رنڀندي بي تحاشا خوشيءَ کي ظاهر ڪري رهيا آهن. سانگيئڙن ۾ سرهائيءَ جي هڪڙي جهلڪ پسي سگهجي ٿي جڏهن هو هڪٻئي کي وُٺي جون واڌايون ڏيندي پنهنجي رسمي عيد ملهائي رهيا آهن، ۽ ٿاريلين جي چپن تي فوزيه سومرو جي گيت جا هي ٻول ٻُرن پيا ، فوزيه جنهن جي گلي ۾ فطرت جو شاهڪار آواز آهي :
سنڌ سڄي ۽ ڪڇ ڪنارو،
وٺو ويرا واه ڏيپلو ڇارو،
ڏانو ڌانڌل ٻلهياري ري،
کاروڙو کينسر راڄوڙي رم جهم،
ڪاٽڻ پلٽي ڪاري ري،
تل ترائين ٽوڀا ٽم ٽم،
برسي بوند بهاري ري.
آوي مند ملهاري ري.
مينهن پڄاڻان صحرا جو پيٽ چيري نڪرندڙ للر، مريڙو، کنڀيون ، ڪونڍير، مانڌاڻي ، سميت لاتعدا ٻوٽا، وليون، گاهن گلزاريون ٿر جي فطري حسن جي انفراديت جو ڏيک ڏينديون آهن، ٿر ۽ وسڪاري جو هڪ اهڙو سنٻڌ آهي، جو مينهن بنا ملير اڻپورو ۽ اڌورو آهي، لطيف سائين جي سر سارنگ ۾ وسندڙ ٿر ، بڊي جي بادلن ۽ ڊيلن جي ڊڪندڙ صدائن جهڙو ٿر وسڪاري پوڻ سان مرڪي پوندو آهي،
جديد دور جي تقاضائن موجب ٿر ۾ به ڪيتريون ئي تبديليون رونما ٿيون آهن اڳي جتي ڏاگن ۽ ڏاندن سان کيٽ کيڙبا هئا اتي هاڻ ٽريڪٽرن جو استعمال عام ٿي ويو آهي، اڳ ۾ اونهاري جي لڱ ساڙيندڙ لڪن ۾ کرا کولبا هئا ان جاءِ تي ٿريشر مشين ذريعي ان اپايا وڃن ٿا، جيتوڻيڪ ڏٺو وڃي ته ٽريڪٽر جي پوک ذريعي ننڍن ڦٽندڙ وڻن جو وڏو نقصان ٿيئي ٿو جنهن ۾ ڪنڍين ۽ ٻيرڙين جا وڻ ختم ٿيندا وڃن ٿا، پر وقت جي بچاءُ جي ڪري ماڻهو ان کي اهميت ڏين ٿا.
مينهن وسڻ سان ٿر جا حسين منظر جهومي پون ٿا ۽ سياحن جي اچڻ جو سلسلو جاري رهي ٿو، ڪارونجهر جبل ، ڀوڏيسر تلاءُ ، انچلاسر ، ڪجلاسر، راڻاسر، ڀٽياڻي ، سارنگاه ، چوڙيو ڪاسٻو، گوڙي مندر ، سنت نيڻورام آشرم ، گڊي ڀٽ ، چيلهار وغيره سياحن جي گهمڻ لاءِ بهترين تفرح گاهه جا ماڳ آهن.
ٿر ۾ زمين جي پوکائي دوران گئوچر ، مال جا چراگاهه گهڻي قدر پوکيا وڃن ٿا جيڪو نه رڳو قانوني جرم آهي پر چوپائي مال جي کاڌ خوراڪ جو اهو واحد ذريعو به بند ڪيو وڃي ٿو، زمينن تان تڪرار ۽ جهيڙا جهڳڙا وسڪاري جي مند ۾ اڪثر ٿين ٿا ، هونئن به ننگن ۽ دنگن تان وڙهڻ ٻنين ۽ ونين تان سر ڏيڻ سنڌي ماڻهن جو محبوب مشغلو ۽ رومانس ڀريو ڪلچر رهيو آهي، جيڪو تسلسل صدين کان اڄ تائين ٿر ۾ به برقرار آهي.
برسات دوران آسماني بجلي ( کنوڻ ) ڪرڻ جا به ڪيترائي واقعا هر سال پيش اچن ٿا جنهن ۾ انساني زندگين سان گڏ غريب ماروئڙن جي مال جو به وڏو نقصان ٿئي ٿو، انهي اهم ۽ بنيادي مسئلي تي اڃان نه حڪومت ڌيان ڌريو آهي نه ڪي NGOs ادارا ان تي ڪم ڪن ٿا جو ان جا ڪي جوڳا حل ڪڍي ڏنا وڃن يا ان جي بچاءُ جو اوزار Lighting Rod لڳائي ڏئي ٿر جي ماڻهن جون انساني جانيون بچايون وڃن.
وسڪاري جي موسم ۾ ٿر سرسبز ٿيندو آهي ته ڇانهيا ، گدريون ، چڀڙ ، ميها ، گوار ، ڪيتريون ڀاڄيون ۽ ميوا ٿيڻ سان ٿري ماڻهن جو روزگار به ٿيندو آهي،
مينهن جي مند ۾ ٿر جي انڊلٺي سونهن پنهنجي سموري جمالياتي حسن سان موٽي ايندي آهي، سيمن ۾ مال جي سنڀارن ، چڙن چنگن جا مڌر آواز ، ڌنارن جون سينڍون ، پکين جون ٻوليون ، ٻنين ۾ جهار هڪلڻ لاءِ ٽاٽ جا ٺڪاءُ ، پوپٽن جا رنگ ، جيتن جي چڻ ڀڻ ۽ ڀٽن ڀر عار جو سنهڙو آواز ، راڻليا ، ڪجليا ، راسوڙا، همرچا ۽ ڪيترن ئي لوڪ گيتن جا آلاپ ان سڄي شاندار منوا جو دلڪش پسمنظر آهن.
مينهن وسڻ سان جڏهن مڙهن ماٿارين تان ندين جا گوگهٽ ، ڏهرن ۾ تل تراين کي تار ڪري ڇڏين ٿا ته اڃايل ٿر جي واري کي نئون رنگ ملي وڃي ٿو ۽ ٻارڙا ڳوٺ جي ريلن ۾ رانديون کيڏندي ننڍڙا گهر ٺاهين ٿا.
ٿر جيڪو مذهبي متڀيد کان آجو رهيو آهي، ۽ پنهنجي روايتن ۽ ريتن جو امر خطو آهي اهو وسا ورنيءَ ۾ سندس سڃاڻپ جو بيمثال نمونو آهي.
حيدر رند جي گيتن ۾ جيئندڙ ٿر هاڻ سندس انهي حسناڪين ڏانهن موٽ کائي پيو هي رت دلبرين جي مند آهي ، ۽ هن مند لاءِ ٿر سدائين واجهائيندو رهيو آهي.
بَرَ وَٺا، ٿَرَ وٺا، وَٺي ڪَڇَ ڪِنارَ
پونياڙِيءَ پَٽَنِ تي، ڏِسُ! نايائُون نارَ
سَٻاجهي سَتارَ، لاٿا ڏُرتَ ڏيھَه تان.

Bookmark the permalink.

Leave a Reply

Your email address will not be published. Required fields are marked *