تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

خاندان کان ٻاهر عورت جي شادي سرداري کي لوڏي ڇڏيو

جيتوڻيڪ گهوٽڪي ضلعو قبائلي هجڻ ڪري ماڻهو سرداري سسٽم ۾ جڪڙيل آهن ۽ پراڻي ريتن رسمن جون پاڙون پختيون آهن ۽ هتان جو عوام سرداري سسٽم جي اثر هيٺ آهي، جنهن جي ڪري اڃان تائين سرداري نظام جي ريتن رسمن تحت اڪثرماڻهو پنهنجي سردارن وٽ وڃي پٽ تي ويهڻ کي ترجيح ڏين ٿا ته ٻئي طرف گهوٽڪي جو پڙهيل لکيل باشعور طبقو سرداري نظام کان باغي بڻيل آهي. ڪجهه وقت اڳ سوشل ميڊيا تي  گهوٽڪي مان اهڙيون تصويرون منظرعام تي آيون هيون جنهن ۾ علائقي جا سردار عذر خواهين دوران صوفن تي ويهي پٽ تي ويٺل پنهنجي برادري جي ماڻهن سان تعزيتون ڪري رهيا آهن، ان کان علاوه سندن نوڪر سردارن جا بوٽ لاهي ۽ پارائي رهيا آهن، اهڙي تنقيد ٿيڻ کانپوءِ سردارن پاران اهو موقف اختيار ڪيو ويو هو ته اها اسان سان ماڻهن جي محبت آهي ۽ اسان پنهنجي راڄ ڀاڳ کي ملڻ دوران پٽ تي ويهڻ لاءِ ناهيون چوندا. گهوٽڪي ضلعي ۾ سڀ کان پهريون سردار نادر اڪمل لغاري پنهنجي راڄ کي ڪرسين تي ويهارڻ جو فيصلو ڪيو هو، جنهن بعد علي محمد مهر جي لاڏاڻي بعد خالي ٿيل قومي اسيمبلي جي سيٽ تي ننڍي چونڊ دوران مهر برادري جي چيف سردار محمد بخش مهر قبائلي ريتن رسمن کان بغاوت ڪندي پنهنجي راڄ کي پٽ تي ويهڻ کان منع ڪيو ۽ مهر برادري پاران پنهنجي سردار کي پري کان سلام ڪرڻ کان روڪيندي انهن سان هٿ ملائڻ جو اعلان ڪيو هو، جنهن تي برادري جي ماڻهن سردار محمد بخش مهر جي اهڙي فيصلي کي ساراهيندي کيس ننڍي چونڊ ۾ علي گوهر مهر جي مقابلي ۾ ڪامياب ڪرائي پارليامينٽ ۾ پهچايو. چوڻ وارا اهو چون ٿا ته محمد بخش مهر جي اهڙي فيصلي تي علي گوهر مهر ناراضگي جو پڻ اظهار ڪيو هو، جڏهن ته محمد بخش مهر جي ايم اين اي ٿيڻ کان علاوه پيپلزپارٽي پاران سندس ننڍي ڀاءُ بنگل مهر کي وڏي وزير سيد مراد علي شاهه جو صلاحڪار مقرر ڪرڻ کانپوءِ مهر برداري جي ماڻهن  جي اچ وڃ گوهر پيلس بجاءِ موتي بنگلي ڏانهن ٿي،جنهن جي ڪري گوهر پيلس جون رونقون اجڙي ويون پر هاڻ جڏهن ايم اين اي سردار محمد بخش مهر پراڻي ريتن رسمن کان بغاوت ڪندي ڪجهه ڏينهن اڳ پنهنجي ڀيڻ جي شادي ڏهرڪي جي ڀرچونڊي پير ميان عبدالخالق جي پٽ ميان عبدالمالڪ عرف ميان مجن سان ڪرائي ۽ اهڙيون تصويرون سوشل ميڊيا تي ظاهر ٿيون ته مهر برادري جي ماڻهن جو سخت رد عمل آيو ۽گوهر پيلس تي مهر برادري جي چڱن مڙسن جو ڪٺ منعقد ٿيو جنهن ۾ علي گوهر مهر کي چيف سرداري جي پڳ ٻڌڻ جي اپيل ڪئي وئي، جيتوڻيڪ منعقد ٿيل ڪٺ ۾ چڱن مڙسن کي روڪڻ لاءِ خانڳڙه ويندڙ پوليس کي بيهاريو ويو هو، پر ان باوجود مهر برادري جي چڱن مڙسن جو وڏو تعداد گوهر پيلس پهچڻ ۾ ڪامياب ٿي ويو.  ان موقعي تي علي گوهر مهر پير سائين پاڳاري سان مشاورت ڪرڻ لاءِ مهلت طلب ڪئي، جنهن کانپوءِ علي گوهر مهر ڪراچي ۾ پير سائين پاڳاري سان ملاقات ڪري انهي معاملي تي مشاورت به ڪئي آهي جڏهن ته محمد بخش مهر پاران ڀيڻ جو نڪاح ميان مجن سان ڪرائڻ کانپوءِ مهر برادري جي اڪثريت محمد بخش مهر جي فيصلي تي ناراضگي جو اظهار ڪيو آهي، اهڙي صورتحال کانپوءِ علي گوهر مهر شادي واري معاملي تان برادري کي هڪ پليٽ فارم تي گڏ ڪري ورتو آهي جيڪي انهي شادي کي ڪنهن به ريت قبول ڪرڻ لاءِ تيار ناهن، مهر برادري جي ماڻهن پاران ناراض ٿيڻ توڙي ڪٺ باوجود محمد بخش مهر خانڳڙهه ناهي آيو ۽ نه وري هن جو ڪو بيان سامهون آيو آهي،گهوٽڪي جي قبائلي سسٽم تي نظر رکندڙن جو چوڻ آهي ته شادي واري مامري تي مهر برادري جي  چڱن مڙسن جون همدرديون علي گوهر مهر سان گڏ آهن ۽ علي گوهر مهر پنهنجي هٿن مان وڃايل طاقت واري توازن کي ٻيهر پنهنجي هٿن ۾ ڪري ورتو آهي،جڏهن ته شادي واري معاملي تي درگاهه ڀرچونڊي شريف جي انتظاميا به پنهنجي خاص خليفن جو ڪٺ گهرائي ورتو آهي، جنهن ۾ اهم فيصلا ڪيا ويندا، درگاهه ڀرچونڊي شريف جو گادي نشين ميان عبدالخالق توڙي علي گوهر مهر سياسي حوالي سان هڪ ٻئي جا اتحادي رهيا آهن، پر هاڻي واري صورتحال کانپوءِ سياست جي ميدان ۾ سندن گڏ هلڻ مشڪل نظر اچي رهيو آهي. گهوٽڪي جي سياست تي نظر رکندڙن جو چوڻ آهي ته علي گوهر مهر ننڍي چونڊ هارائڻ کانپوءِ هاڻ پنهنجي پوزيشن بهتر بڻائي ويو آهي جڏهن ته شادي واري مامري تي برادري کي محمد بخش مهر کان باغي بڻائي ويو آهي ۽ هو هاڻ پنهنجي اتحادي ميان عبدالخالق سان گڏ هلي نه سگهندو، جنهن جي ڪري علي گوهر مهر جي ڏهرڪي ۾ سياسي پوزيشن ڪمزور ٿيڻ جو انديشو آهي،جڏهن ته فنڪشنل ليگ جي ضلعي صدر ميان مجن جي حوالي سان افواهه هلي رهيا آهن ته هو به پ پ جي ٻيڙي ۾ سوار ٿي ويندو، مهر سردار پاران پهريون ڀيرو پنهنجي خاندان کان ٻاهر پنهنجي ڀيڻ جي شادي ڪرائڻ واري معاملي تان سوشل ميڊيا تي ماڻهن پاران محمد بخش مهر جي فيصلي کي ساراهڻ کانسواءِ مٿس تنقيد به جو سلسلو جاري آهي جڏهن ته لنڊ، پتافي توڙي گهوٽڪي ضلعي سان تعلق رکندڙ ٻين سردارن پنهنجي برادري جي ماڻهن کي شادي جي معاملي تي ڪابه راءِ ڏيڻ کان روڪي ڇڏيو آهي، ان باوجود شادي وارو معاملو ماڻهن جي زبانن تي عام آهي ۽ اهو چيو پيو وڃي ته مهر سردارن ۾ پيدا ٿيل اختلاف هاڻ وڌي وڻ ٿي ويا آهن ۽ انهن جو هاڻ گڏ هلڻ مشڪل ٿي ويو آهي ۽ محمد بخش مهر توڙي علي گوهر جون  سياسي راهون ته اڳ ۾ الڳ هيون پر هاڻ خانداني اختلاف به چوٽ چڙهي ويا آهن، علي گوهر مهر ۽ محمد بخش مهر مان برادري ڪنهن جي چونڊ ڪندي ان لاءِ ڪجهه وقت انتظار ڪرڻو پوندو.

Bookmark the permalink.

Leave a Reply

Your email address will not be published. Required fields are marked *