Warning: session_start(): open(/var/cpanel/php/sessions/ea-php71/sess_p2o11eodlj7u8c2cc7ckdnb51i, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
خراب حڪمراني جي سزا ڀوڳيندڙ سنڌ - Pahenji AkhbarPahenji Akhbar خراب حڪمراني جي سزا ڀوڳيندڙ سنڌ - Pahenji Akhbar
تازا ترين
  • سنڌ جي راڄڌاني ڪراچي ۾ سياري جو پهريون وسڪارو، ڪٿي تيز ڪٿي هلڪي برسات ٿڌ ۾ واڌ*
  • *پنوعاقل ويجهو بس اسٽاپ تان اڻڄاتل شخص جو لاش هٿ، اسپتال منتقل *سانگي ٿاڻي جي حد ۾ بس اسٽاف وٽان لاش مليو، اسپتال منتقل*
  • *سڪرنڊ ۾ عدالتي حڪم تي قبضا ۽ حددخليون ختم ڪرائڻ لاءِ آپريشن جاري *اسسٽنٽ ڪمشنر، ايڊمنسٽريٽر ٽائون ڪاميٽي سڪرنڊ جي اڳواڻي ۾ آپريشن جاري *غير قانوني ڪئبنون ۽ دڪا ڊاهي پٽ ڪرائي ڇڏيا آهن، قبضا برداشت نه ڪنداسين: عملدار*
  • *ميهڙ ۾ ڪتا ڏاڙهڻ جا ڪيس وڌڻ تي سي ايم او سميت 8 يوسيز جي سيڪريٽرين خلاف ڪيس داخل *سي ايم او غلام شبير، شاهنواز ملاح، سڪندر علي، اعجاز لاشاري، مزار علي جعفري ۽ ٻين تي ڪيس داخل*
  • *ٽنڊوالهيار ۾ ايس ٽي پي پاران مرڪزي اڳواڻ الطاف جسڪاڻي جي قتل خلاف احتجاجي ريلي، ڌرڻو *ايس ٽي پي ڪارڪنن ۽ شهرين پاران ريلي ڪڍي ايس ايس پي آفيس آڏو ڌرڻو هنيو ويو *ايس ايس پي ٽنڊوالهيار رخسار کهاوڙ پاران جوابدار گرفتار ڪرڻ جي يقين ڏيارڻ بعد ڌرڻو ختم ڪيو ويو*
  • *ھنڱورجا ۾ عدالتي حڪم تي حددخلين خلاف آپريشن *اسسٽنٽ مختيارڪار سوڀوديرو ۽ ٽائون آفيسر جي نگراني ۾ ڪيتريون ئي ڪئبنون، دڪا ۽ ڇپرا ڊاهي پٽ*
  • *عمرڪوٽ ۾پوليس جو زميندار جي نجي جيل تي ڇاپو، ناحق باندي بڻايل 22 هاري بازياب *پوليس ڳوٺ وليٽ ۾ ڇاپو هڻي عورتن ۽ ٻارڙن سميت 22 هارين کي بازياب ڪرائي عدالت ۾ پيش ڪيو *عدالت هارين کي سندن مرضي موجب زندگي گذارڻ جي اجازت ڏيئي ڇڏي*
  • *ٺٽي ۾ ڪورونا جي پکيڙ جاري، ضلعي جي 5پرائمري اسڪولن جا31 شاگرد ۽ شاگردياڻيون وائرس جو شڪار *تعليم کاتي ٺٽي پاران پرائمري اسڪولن کي 2 ھفتن لاءِ بند ڪرڻ جو نوٽيفڪيشن جاري*
  • *سپريم ڪورٽ ۾ گن اينڊ ڪنٽري ڪلب ڪيس جي ٻڌڻي *عدالت پاران عبوري انتظاميا کي ٽن مهينن ۾ ڪلب قانون ۽ بزنس اسٽريڪچر ٺاهڻ جو حڪم *گن اينڊ ڪنٽري ڪلب هلندو ته ميمبرن کي فائدو ٿيندو: جسٽس عمر عطا بنديال*
  • *سپريم ڪورٽ پاران وفاقي حڪومت جي ڪنٽونمنٽ اسڪولن جي استادن جي مستقلي جي حڪم خلاف اپيل رد *حڪومت ته فيصلي جي ڪاپي به اپيل جو مدو ختم ٿيڻ کانپوءِ حاصل ڪئي: جسٽس اعجاز الحسن *ڪاريون رڍون ادارن ۾ رکندا ته پوءِ ان جو نتيجو ته ڀوڳڻو پوندو: چيف جسٽس *اپيل داخل ڪرڻ ۾ دير ٿي وڃي ته پوءِ عدالتن مان ڇا وٺڻ ايندا آهيو؟ چيف جسٽس *ادارن جو نقصان ڪرڻ وارن جي خلاف ڪارروائي ڇو نٿي ڪئي وڃي: چيف جسٽس *هڪ ڪلرڪ حڪومت جي اربين رپين جو ڪم خراب ڪري ڇڏيندو آهي: چيف جسٽس *حڪومت پنهنجو ڪم نه ڪري رهي آهي ته پوءِ سپريم ڪورٽ ڇو ڪلرڪن پويان پئي: چيف جسٽس *ادارن جي قانوني معاملن ۾ ت آفيسرن جي ذميواري هجڻ گهرجي، ڪلرڪن جي نه: چيف جسٽس*
  • *راڻيپور ۾ بااثر پاران نوجوان جو مبينا طور مٿو ۽ اڌ مڇون ڪوڙي تذليل، وڊيو وائرل *پير محلا ۾ بااثر پاران ظفر شيخ کي مبينا طور تذليل جو نشانو بڻايو ويو *ڪارپارڪنگ جا پئسا وٺڻ تي تشدد ڪري تذليل جو نشانو بڻايو ويو: ظفر شيخ*
  • *نوشھروفيروز ۾ ڪورونا جي وڌيڪ 10ڪيسن جي تصديق، ضلعي ۾ متاثرن جو انگ هڪ هزار 94 ٿي ويو *ڪورونا متاثرن کي سندن گهرن ۾ آئيسوليٽ ڪيو ويو آھي: ڊي ايڇ او نوشھروفيروز*
  • *مدئجي: پوليس اٽالن جي ڳوٺ عزت جي وانڍ تي چڙهائي، ڳوٺاڻن جو احتجاجي مظاهرو *پوليس اٽالن بيگناهه گهرن تي چڙهائي ڪري موٽرسائيڪلون ۽ ٿريشر ڪاهي وئي: ڳوٺاڻن جو الزام*
  • *مدئجي ويجهو جيها برادري جي ٻن ڌرين ۾ جهيڙو،5 ڄڻا رتورت *نواب جي وانڍ ۾ چورن جو پيرو کڻڻ دوران جهيڙو ٿي پيو، 5ڄڻا زخمي ٿي پيا*
  • *اسلام آباد: احتساب عدالت ۾ پي آءِ اي ۾ غير قانوني ڀرتين وارو نيب ريفرنس *ليگي اڳواڻ سردار مهتاب عباسي ۽ ٻين جوابدارن خلاف نيب ريفرنس تي ٻڌڻي *عدالت پاران سردار مهتاب عباسي ۽ ٻين جي بريت واري اپيل تي فيصلو ملتوي*

خراب حڪمراني جي سزا ڀوڳيندڙ سنڌ

ان سچ کان ته ڪو به ساڃاهه وند، سڄاڻ، باشعور ۽ حقيقت پسند ماڻهو انڪار نٿو ڪري سگھي ته سنڌ سان وفاق جو ٻٽو معيارآهي. پاڻي، ناڻي، نوڪرين سميت سمورن حقن تي ڌاڙن ۽ وسيلن جي ڦرلٽ سان گڏ ٻيون به کوڙ ساريون بيواجبيون ۽ ناانصافيون گھڻيون آهن. جيڪي اڄڪلھه جون ناهن پر پاڪستان ٺهڻ جي پهرين ڏينهن کان وٺي بنا ڪنهن روڪ ٽوڪ جي ڏينهن ڏٺي جو وڏي دليريءَ سان جاري آهن.
حڪومتون چونڊيل هجن يا اڻ چونڊيل، جمهوري هجن يا غيرجمهوري ۽ آمريتي هجن، پر، سڀني جو مکيه ۽ اهم مقصد هڪڙو ئي رهيو آهي ته ڪهڙي به طرح پنجاب جي مفادن جو خيال رکڻو آهي. ملڪ جي پهرين وزيراعظم لياقت علي خان، ذوالفقار علي ڀٽو، بينظير ڀٽو، ميان نواز شريف ۽ عمران خان تائين چونڊجي آيل حڪمران هجن يا جنرل ايوب، جنرل يحيٰ،جنرل ضياءَ ۽ جنرل مشرف تائين سمورا آمر ڊڪٽيٽر، سڀني جي ڪوشش اها رهي آهي ته ڪيئن به ڪري هر حال ۾ پنجاب کي راضي ۽ خوش رکڻو آهي باقي ملڪ ۾ شامل ٻين قومي وحدتن سان سندن حاڪماڻي ۽ ظالماڻي انداز حڪمراني کي ختم ڪري سڀني کي برابري جي بنياد تي گڏ وٺي هلڻ جي ڪوشش نه ڪبي! هتان جي مقتدر قوتن جي ان هٺ ڌرمي، غرور ۽ تعصباڻي سوچ جي ڪري ڊسمبر 1971ع ۾ بنگلاديش الڳ ملڪ جي حيثيت سان دنيا جي نقشي تي ظاهر ٿيو. پر ساڳيون قوتون تاريخ جي هيڏي وڏي بيرحم فيصلي مان سبق سکي پنهنجون جارحاڻيون ۽ غاصباڻيون پاليسيون درست ۽ عوام دوست بنائڻ بجاءِ اڃان به ان ساڳي انڌ جي گھوڙي تي سوار آهن. اهي ته ٿيون وفاق جون ناجائزيون، پر اسان جي اڄوڪي هن مضمون جو موضوع سنڌ سرڪار جي ڪارڪردگيءَ جو مختصر جائزو وٺڻ آهي.
بينظير ڀٽو جي شهادت کانپوءِ 2008ع جي اليڪشن جي نتيجي ۾ آصف علي زرداري جي قيادت ۾ پيپلزپارٽي کي وفاق توڙي سنڌ ۾ اقتدار مليو. وفاق ۾ ته سندن حڪومت مشڪل سان پنج سال پورا ڪيا، پر سنڌ ۾ پيپلزپارٽيءَ جي حڪمراني کي لڳاتار خيرن سان تيرهن ورهيه گذري چڪا آهن. ڇا حڪمراني جي تيرهن ورهين واري ان طويل عرصي ۾ پيپلزپارٽي سنڌي ماڻهن جي زخمن جو مرهم بڻجي سگھي آهي؟ ڇا پيپلزپارٽي سنڌ مان بک، بدحالي، بيروزگاري، بدامني، اقرباپروري، ڪرپشن ۽ ڪميشن ڪلچر جي خاتمي لاءِ ڪا ڪوشش ورتي آهي؟ ڇا تعليم توڙي صحت جي ڪرندڙ معيار ۽ ناڪاره انتظامن جو نوٽيس وٺي انهن جي حل لاءِ ڪڏهن ڪي سنجيده ۽ عملي اپاءَ ورتا آهن؟ يا ڪوس گھر بڻيل سرڪاري اسپتالن ۽ وڏيرن جي اوطاقن ۽ مال جي وٿاڻن ۾ تبديل ٿيل سرڪاري اسڪولن جي بحالي ۽ بهتري لاءِ ڪڏهن ڪا تڪليف ڪئي آهي؟ ڇا روينيو توڙي ايريگيشن جي سسٽم کي ٺيڪ ڪرڻ جي ڪنهن زحمت ڪئي آ؟ ڇا پوليس جي قهري ڪاررواين کان عام ماڻهن کي بچائڻ لاءِ ڪڏهن ڪا قانون سازي ڪرڻ لاءِ سوچيو ويو آهي؟ اهي مٿيان سمورا کاتا ۽ وزارتون تيرهن ورهين کان پيپلزپارٽي جي سنڌ حڪومت ۽ سندن وزيرن جي حوالي آهن، جن ۾ وفاق جي ڪنهن به قسم جي مداخلت ۽ روڪ ڪونهي. پر سچ اهو آهي ته مٿين سمورن کاتن سميت سنڌ حڪومت جو ڪو هڪڙو به کاتو يا ڪو ادارو اهڙو ڪونهي جتي حڪومتي وزيرن، مشيرن، خصوصي صلاحڪارن، چونڊيل نمائندن ۽ مقامي ڀوتارن جي بيجا مداخلت ۽ سندن ڪميشن مقرر ٿيل نه هجي. ڪرپشن ۽ ڪميشن جي ڪلچر سبب ڪو به بيوروڪريٽ ۽ ادارو پنهنجو صحيح ڪم ڪو نه پيو ڪري، جنهن ڪري سڀ کان وڌيڪ بي پهچ ۽ عام ماڻهو انتهائي مشڪلاتن ۽ ڏکيائن کي منهن ڏئي رهيا آهن. جھڙي طرح سنڌ حڪومت جي کاتن ۽ ادارن ۾ جيڪا تباهي، بربادي، ڪرپشن، اقرباپروري ۽ لاقانونيت آهي شايد ٻئي ڪنهن صوبي ۾ اهڙو ناحق هجي. اٽي، لٽي، اجھي، پورهيت عوام، جمهوريت، شهيدن ۽ سنڌ جي نالي تي اقتدار ماڻيندڙ پيپلزپارٽي پنهنجن تيرهن ورهين جي سموري حڪومتي عرصي دوران سنڌ جي پاڻي۽ ناڻي سميت سمورن قومي اجتماعي حقن، وسيلن ۽ مفادن جي نگهباني ۽ قومي وحدت جي تحفظ ڪرڻ ۾ مڪمل طور تي ناڪام وئي آهي. اهو ئي سبب آهي ته ڪڏهن سنڌ جي ورهاست جا نعرا پيا لڳن ته ڪڏهن وري برساتي پاڻي نيڪال نه ٿيڻ کي بنياد بڻائي ڪراچي کي وفاق حوالي ڪرڻ جا مطالبا ٿي رهيا آهن.
گھڻو پري ڇو وڃجي، رڳو سنڌ ۾ تازي برساتن جو ئي مثال وٺو ته ڪجھه ڪلاڪن جي برسات حڪومت جي سموري ڪارڪردگي ۽ دعوائن کي لوڙهي ڇڏيو آهي. ڪراچي جي روڊن ۽ ڪچين آبادين جي گھرن اندر پاڻي ڪاهي پيو آهي. جوهي ۽ سنڌ جي ٻين ڪيترن ئي علائقن ۾ ٻوڏ واري صورتحال آهي. ماڻهن جا گھر، مال، اناج ۽ پئسي ڏوڪڙ سميت فصل لڙهي تباھه ٿي ويا آهن. مسڪين ۽ بي پهچ ماڻهو بي يار مددگار بڻيا کليل آسمان هيٺان ننڌڻڪائي ۽ بيوسي واري حالت ۾ حڪومتي امداد جي آسري تي ويٺا آهن. پر، فوٽو سيشن کان علاوه، سندن حقيقي پرگھور ۽ سار لهڻ وارو ڪو به حڪومتي نمائندو نظر ڪو نه ٿو اچي. هوڏانهن بلوچستان کان ايندڙ پاڻي سنڌ بلوچستان جي بارڊر واري علائقي قبوسعيدخان ڀرسان ايف پي بند سان ٽڪرائجي چڪو آهي، جتي صورتحال وڌيڪ ڳنڀير ٿيڻ جو پڻ انديشو ڏيکاريو پيو وڃي. پر انتظاميا اتي به ڏيکاءُ ۽ فوٽو سيشن کان علاوه اڃان تائين ڪي به جوڳا اپاءَ وٺڻ ۾ سنجيده نظر ڪو نه پئي اچي. شايد، انتظاميا جي اها حڪمت عملي هجي ته صورتحال اڃان ڪجھه وڌيڪ خراب ٿئي ته ان آڙ ۾ ڪجھه وڌيڪ ڪمائي سگھجي. حڪومتي بي ڌياني، نااهليت ۽ خراب حڪمراني جي انتها اها آهي ته هڪڙي پاسي ٻوڏ واري صورتحال ته ٻئي پاسي وري ماڻهو پاڻي جي کوٽ خلاف احتجاج ڪري رهيا آهن.
ان ۾ ڪو به شڪ ڪونهي ته صوبن سان (خاص ڪري سنڌ سان) وفاق جو زيادتيون پنهنجي جاءِ تي ضرور آهن ۽ تمام گھڻيون آهن، جن مان ڪجھه جو پهريان ئي مٿي ذڪر ٿي چڪو آهي پر جيڪي ذميواريون سنڌ حڪومت جون آهن يا جيڪي سڌا سنوان صوبائي کاتا آهن، جن ۾ وفاق جي ڪا به مداخلت ڪونهي، اتي سنڌ حڪومت جي ڪارڪردگي ڇو خراب آهي يا اتي سنڌي ماڻهن سان بيواجبيون، ناانصافيون ۽ زيادتيون ڇو آهن؟ انهن ۾ سڌارو ڇو ڪو نه ٿو اچي. ان لاءِ لازمي طور تي سنڌ حڪومت ۽ پيپلزپارٽي ذميوار آهي ۽ سنڌ جي عوام کي اهو پورو پورو حق پهچي ٿو ته هو سنڌ حڪومت کان پڇاڻو ڪن. ڇو ته اها ڳالھه صاف ۽ چٽي ٿي چڪي آهي ته سنڌ جي سمورن سورن ۽ اهنجن جي ذميوار پيپلزپارٽي ۽ سنڌ حڪومت آهي. جيڪا سمورن حڪومتي اختيارن ۽ لاتعداد وسيلن جي باوجود به تيرهن ورهين جي هن طويل حڪومتي دور ۾ سنڌي ماڻهن جي معيار زندگي ۾ ڪا مثبت تبديلي ۽ خوشي ناهي آڻي سگھي.

Bookmark the permalink.

Leave a Reply

Your email address will not be published. Required fields are marked *