Warning: session_start(): open(/var/cpanel/php/sessions/ea-php71/sess_qmp7342sgm0phabm0ns1d27vs9, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
رڪارڊ برسات ۽ بجلي جي مستي - Pahenji AkhbarPahenji Akhbar رڪارڊ برسات ۽ بجلي جي مستي - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

رڪارڊ برسات ۽ بجلي جي مستي

خميس 27 آگسٽ 2020ع سڄو ڏينهن ڪراچي شهر۾ تيز برسات گهر۾ قيد ڪري ڇڏيو هو. 12 ڪلاڪن ۾ 88 سالن جو رڪارڊ ٽوڙيندڙ 10 انچ برسات پوڻ سبب 19 ماڻهو انڊرپاسن، کڏن ۾ ٻڏڻ ۽ بجلي جي شاٽن ڪري اجل جو شڪار ٿي ويا آهن. 36 ڪلاڪن کان پوءِ بجلي واپس آئي، بلڊنگ جي جنريٽر به جواب ڏئي ڇڏيو هو ، جنهنڪري ٽي وي، لينڊ لائين ۽ انٽرنيٽ به بند ٿي ويا هئا.موبائل ليپ ٽاپ وسيلي چارج بعد No Service جو پيغام ڏسي ڍڪر ئي ڍرا ٿي ويا. خبر نه هئي ته ٻاهر ڇا وهي واپري رهيو هو.البت برسات موسميات جي پيشنگوئين جي ابتڙ خميس صبح کان بند آهي ۽ ٻنهي طرف گهٽين ۾ پاڻي جيڪو ڪالھه چيلھه تائين هو سو گوڏن کان به هيٺ لهي چڪو آهي. KE وارا چون ٿا جيستائين پاڻي رستن تان نه هٽندو بجلي نه هلائينداسون. شايد ڪورٽ سڳوري جي ان حڪم تي ته بجلي جي شاٽن ڪري مري ويندڙن جي FIR ڪمپني جي CEO مٿان ڪٽيو، ڪمپني اهو ئي بهتر سمجهيو ته بجلي بند ئي رکجي. واٽر بورڊ وارا چون ٿا بجلي هوندي ته موٽر هلندا ته پاڻي نڪرندو. شڪر آهي گئس هلي رهي آهي جنهن سبب کاڌي پيتي ۽ پاڻي جي پريشاني ناهي.
ڪراچي ۾ چاليهن سالن دوران هي ٽين يادگار برسات آهي. پهرين آگسٽ 1992ع ۾ جڏهن اسٽيٽ لائيف نئين نئين جوائن ڪئي هئي ۽ سٽي اسٽيشن ڀرسان وئيلس روڊ واري آفيس مان جوتا هٿن ۾ کڻي گوڏن جيڏي پاڻي مان ٻن ڪلاڪن جي پنڌ بعد گارڊن ايسٽ ۾ ڊاڪٽر ايوب جي گهر پهتو هوس، جتي منهنجو والد صاحب بيچيني سان بالڪوني ۾ منهنجو انتظار ڪري رهيو هو ڇوته ان زماني ۾ موبائل فونون نه هونديونِ هيون. ٻي وڏي برسات جو تجربو جولاءِ 2009 ۾ ٿيو جڏهن بوٽ بيسن جي Pizza Hut تان رات جي ماني کائي اسان ٽي چار خاندان جيئن ٻاهر نڪري، گاڏين ۾ چڙهي ٿورڙي پنڌ تي پنهنجي گهر روانا ٿياسون ته احساس ٿيو ته اسان ڪلفٽن روڊ تي نه پر سنڌو تي دادو مورو وٽ ٻيڙين واري اوائلي پل تان گذري رهيا هجون. ڪلفٽن برج وٽ پنهنجون ڪارون پاسي تي بيهاري ڏنڊا هٿن ۾ کڻي پنڌ روانا ٿياسون جيئن ڪنهن گمنام گٽر ۾ گم نه ٿي وڃون، پر جيئن جيئن اڳتي پئي وياسون پاڻي وڌندو پئي ويو. آخر سيني تائين پاڻي وڌڻ تي باٿ آئي لينڊ ۾ ڪنهن بلڊنگ ۾ پناهه ورتي سون جتان وڏي گاڏي ۾ نڪرندڙ سنڌ هاءِ ڪورٽ جي جج جسٽس هاني مسلم کي گذارش ڪئي سون جنهن پنهنجي ٻارن کي لاهي ڊرائيور کي چيو ته اول هنن کي گهر ڇڏي اچو. ايئن خيريت سان گهر پهتاسون ۽ هي ٽين وڏي برسات آهي جيڪا چون ٿا ته اهڙي وڏي برسات 1932ع کانپوءِ ڪڏهن نه پئي آهي. اسلام آباد، لاهور، ڪوالالمپور، قطر مان واٽس اپ تي خيرخواهن جون خيريت معلوم ڪرڻ لاءِ فونون پئي آيون ڇوته ميڊيا تي شهري ٻوڏ بابت تمام گهڻي تشريح ٿي هئي.ڇنڇر تائين موبائل فون چالو ٿي نه سگهيا هئا ڇوته موبائل ٽاورن جي بجلي بند ٿيڻ ۽ جنريٽرن جو تيل ختم ٿيڻ سبب انهن به ڪم کان جواب ڏئي ڇڏيو هو. ايئن پهريون دفعو بجلي جي اهميت جو تمام گهڻو احساس ٿيو ڇوته هر ٻي جديد سهوليت جو دارومدار بجلي جي موجودگي تي آهي. ڪجهه ڪلاڪن لاءِ اهو به احساس ٿيو ته ايڪويهين صدي جي جن ٽيڪنيڪي سهوليتن جي جيڪا هام هڻندا هئاسون ۽ جنهن تي هري مري ويا آهيون ڪڏهن به ڌوڪو ڏئي سگهن ٿيون ۽ مستقل ناهن. انڪري متبادل بندوبست به هئڻ گهرجي.
هڪ ٻي ڳالهه غور طلب آهي ته ڪراچي شهر کي بجلي ڏيندڙ 107 سال پراڻي ڪمپني؛ KESC جنهن کي 1953ع ۾ سرڪاري ملڪيت ۾ ورتو ويو هو ۽ جنهن کي واپس 2005ع ۾ مشرف جي زماني ۾ خانگائي 2014ع ۾ نالو مٽائي KE رکيو ويو ويو هو سا ڪمپني ڪنهن صوبائي يا مڪاني سرڪار جي ملڪيت نه پر ابراج گروپ، سعودي الجمه ۽ عماراتي ڪمپنين جي ڪنسورشيم جي 2 ارب ڊالرن کان وڌيڪ سيڙپڪاري سان هلندڙ خانگي ڪمپني آهي . ابراج جي چيف عارف نقوي کي اپريل 2019ع ۾ گرفتار ڪيو ويو هو ۽ مٿس لنڊن ۾ فراڊ جا مقدما هلي رهيا آهن.کيس مئي 2019ع ۾ لنڊن جي ڪورٽ 2 ڪروڙ ڊالرن جي ڳري ضمانت تي آزاد ڪيو هو.ڪورٽ تي زور هو ته کيس آمريڪا جي حوالي ڪيو وڃي ڇوته مٿانئس هيلٿ ڪيئر فنڊ ۾ 23 ڪروڙ ڊالرن جي گهوٻين سان گڏ آمريڪي سيڙپڪارن سان اربين ڊالرن جي فراڊ ۽ ڪاري ناڻي کي سفيد ڪرڻ جا الزام آهن جنهن تي آمريڪي قانون موجب کيس مجموعي طور 291 سال سزا اچي سگهي ٿي.کيس 2019ع ۾ سندس غير حاضري ۾ دبئي جي عدالت سندس جاري ڪيل چيڪ بائونس ٿيڻ تي فراڊ الزام هيٺ 3 سال سزا ڏني هئي. مٿس اهي به الزام آهن ته گروپ ڪراچي ۽ اسلام آباد سان وابسته سياسي پارٽين جي مالي سهائتا ڪندو رهيو آهي جنهن جي بدلي کيس گئس ۽ ٻين رعايتن جي مدد ملندي رهي آهي. امن فائونڊيشن نالي هلندڙ فلاحي ادارو به سندس خاندان جي سهائتا سان هلي رهيو آهي. هن لاءِ اهو به مشهور آهي ته هن ڪيئي ناياب عالمي آرٽس جا شهپاره ناڻي کي سفيد ڪرڻ لاءِ 2 ڪروڙ ڊالرن يعني سوا ٽن ارب رپين ۾ خريد ڪيا هئا. ابراج گروپ 2002ع ۾ قائم ڪيو ويو ۽ سندن سيڙپون آمريڪا، وچ اوڀر، آفريڪا، لاطيني آمريڪا، ترڪي ۽ وچ ايشيا ۾ آهن. سندس چيف ڪراچي ڄائو 60 سالن جو عارف نقوي ڪراچي ۽ لنڊن جي وڏن تعليمي ادارن مان پڙهيل سابق آمريڪن ايڪسپريس بئنڪ، جيڪا ڪنهن زماني ۾ ٽريول چيڪس لاءِ ڏاڍي مشهور هئي، تنهن۾ ملازم هو جيڪا بعد ۾ سيوهڻ ڄائي سنڌي خريد ڪري انتي JS بئنڪ نالو رکيو. ابراج گروپ لاءِ مشهور آهي ته سندس دل دبئي ۽ دماغ لنڊن ۾ آهي ۽ عارف نقوي لاءِ اهو مشهور آهي ته جي دبئي يا ڪنهن هوائي جهاز ۾ اوهان کي نه ملي ته پوءِ پڪ سان هو توهان کي لنڊن هائيڊ پارڪ ڀرسان سندس محل نما گهر ۾ ضرور ملندو جتي هو اڄڪلھه عدالتي ضمانت تي پر عملي طرح نظربند آهي.
KE۾ عالمي ڪنسورشيم جو 66.4 سيڪڙو، وفاقي سرڪار جو 24.4سيڪڙو۽ پنجن پاڪستاني مالياتي ادارن جو 1.5سيڪڙو حصو ۽ باقي ڪمپنين ۽ فردن جو 7.7سيڪڙو حصو آهي. بورڊ جو چيئرمين سعودي سيڙپڪار رياض ادريس آهي ۽ ان ۾ وفاق جا ٻه نمائندا ميمبر طور شامل آهن .KE جا هن وقت 25 لک گراهڪ 6,500 چورس ڪلوميٽرن تي ڦهليل آهن جن۾ ڪراچي کان سواءِ ڌاٻيچي، گهارو، لسٻيلو، حب، وندر، اٿل جا علائقا شامل آهن جتي 1,250 ڪلوميٽر ڊگهين تارن وسيلي 60 گرڊ اسٽيشنن تان 44سيڪڙو گهرو، 31سيڪڙو صنعتي، 17سيڪڙو واپاري ۽ 8 سيڪڙوزرعي ۽ ٻين گراهڪن کي 25000 ميگا واٽ بجلي پهچائي وڃي ٿي .KE ۾ 10,000 کان وڌيڪ ملازم ڪم ڪري رهيا آهن ۽ ڪمپني بجلي جي جنريشن، ٽرانسميشن ۽ ڊسٽريبيوشن ڪري رهي آهي. پپري، لانڍي، ڪورنگي ۽ سائيٽ ۾ سندس 5 بجلي گهر آهن. سندس ڪل اثاثا 600 ارب رپيا ۽ موڙي 214 ارب رپيا آهي. گذريل سال ڪمپني کي 290 ارب رپيا آمدني ۽ صافي 17 ارب رپيا نفعو ٿيو.
ايئن هڪ خانگي بجلي جي بنيادي يوٽيلٽي ڪمپني کي سنڌ-بلوچستان جي ايتري وڏي سامونڊي پٽي ۾ هڪ هٽي ڏئي هڪ وڏي خطري Risk کي پيدا ڪيوويو آهي. مشهور پهاڪو جيڪو گھڻو ڪري رسڪ مينيجمينٽ ۾ هر هر ياد ڪرايو ويندو آهي ته “سڀ بيدا هڪ کاري ۾ نه رکڻ کپن. ” تي عمل ڪندي بجلي جهڙي اسٽريٽيجڪ يوٽلٽي تي ڪنهن پرڏيهي ڪنسورشيم جي حاڪميت کي ختم ڪري سندس جنريشن، ٽرانسميشن ۽ ڊسٽريبيوشن جي مرڪزيت جي رسڪ کي به مينيج ڪرڻ لاءِ الڳ الڳ ڪيو وڃي. ٻين ڪمپنين کي ان شعبي ۾ رعايتون ڏئي سيڙپڪاري لاءِ همٿايو وڃي جيئن ڪنهن جي هڪ هٽي نه رهي. اربع تي برسات دوران رستي ۾ ڦاٿل اسانجي ڊاڪٽر مائٽياڻي جنهن سوڊان ۾ به ڪم ڪيو آهي،ڪجھه وقت برسات کان بچاءُ لاءِ اسان وٽ ترسي پئي تنهن ٻڌايو ته اتي موبائل جيان بجلي به پنهنجي ڪنهن به پسنديده ڪمپني جي پري پيڊ ڪارڊ نمبر ميٽر ۾ موبائل وانگر فيڊ ڪري ڪتب آڻي سگهجي ٿي.
بجلي اچڻ بعد ٽي وي تي خبرون ٻڌي اطمينان ٿيو ته هن دفعي سنڌ جي دل کي وفاق جي حوالي ڪرڻ جي ڪنهن ناممڪن منصوبي بابت ڪرائي جي ڪامراني تبصرن بجاءِ مسئلي کي سمجهڻ ۽ سلجهائڻ جي ڊگهي مدي وارن منصوبه بندي تي بحث هلي رهيو هو ۽ ڊفينس هائوسنگ سوسائٽي جي مهانگين ملڪيتن ۽ ڳرين ٽيڪسن باوجود بيڪار بندوبستن ۾ بنا بجلي جي اونداهن گهرن ۽ ٻڏندڙ رستن جو به ذڪر ڪيو ويو هو ورنه هر مسئلي کي سياسي تبصرن جي نظر ڪري ماڻهن جي مسئلن مان جان ڇڏائي ويندي آهي. برساتن جي معاملي کي بدلجندڙ موسمي حالتن جي پسمنظر ۾ ڏسڻ گهرجي. برساتن سبب سمورا ڊئم ڏهن سالن ۾ پهريون دفعو ٽٻ ٿي چڪا آهن.منڇر به ڀرجي چڪي آهي .LBOD کي گهاري پوڻ ڪري ڳوٺ ٻڏي ويا آهن. دريائن جي ٻوڏ کان بچاءُ جي اڳواٽ تياري ڪئي وڃي. ميئرن جو مدو به ختم ٿي چڪو آهي. ضرورت ان ڳالھه جي آهي ته سنڌ سرڪار بلدياتي مسئلي تي هن کي هڪ موقعو سمجهي پنهنجي اڳواڻي وارو ادا ڪندي بهتر ڪارڪردگي وسيلي پنهنجي ۽ پنهنجي ووٽرن جي نيڪنامي جو سبب بڻجي ۽ سڄي سنڌ ۾ بنيادي ڍانچي بابت ڪي عملي قدم کڻي. ان ڊگهي سفر جي پهرين قدم طور شهر ۽ ٻهراڙي ۾ نالن ، نئين، وهڪرن ۽ ريلوي پٽڙين جي لنگهن تان حددخلين کي ختم ڪرڻ لاءِ حڪمت عملي سان گڏيل قدم کڻي.

Bookmark the permalink.

Leave a Reply

Your email address will not be published. Required fields are marked *