Warning: session_start(): open(/var/cpanel/php/sessions/ea-php71/sess_qr7kg8vnpfg0aa9eqvtf5hp1pc, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
سامري جادوگر ۽ سندن پٽ جمبورا - Pahenji AkhbarPahenji Akhbar سامري جادوگر ۽ سندن پٽ جمبورا - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

سامري جادوگر ۽ سندن پٽ جمبورا

برابر هي ملڪ سامري جادوگرن جو ملڪ آهي. هڪ نه ٻئي ڏينهن ملڪ ۾ ڪو نه ڪو تماشو جنم وٺي ٿو. ڪڏهن ڪڏهن ته جادوگرن جو اهو کيڏ ورهين جا ورهيه هلندو رهي ٿو ۽ ملڪ جون پاڙون ڪمزور ڪندو رهي ٿو پر سامري جادوگرن جي جادوگري جو سلسلو کٽڻ جو نالو ئي نه ٿو وٺي. اڄ ڪلهه مارڪيٽ ۾ سنٿيا رچي ۽ عذير بلوچ جي آءِ ٽي رپورٽ جو ڊرامو هلندڙ آهي.
18هين جولاءِ جي روزاني ڊان اخبار رپورٽ ڪيو ته گهرو وزارت اسلام آباد هاءِ ڪورٽ کي هڪ ٻڌڻيءَ دوران سڌ ڏني ته آمريڪي بلاگر سنٿيا رچي پاڪستان ۾ خيبرپختونخوا حڪومت ۽ آءِ ايس پي آر جي فلمون ٺاهڻ واري پراجيڪٽ تي ڪم ڪري رهي آهي، رڳو ڪجهه هفتا اڳ جي ڳالهه آهي ته هن خاتون بينظير ڀٽو بابت زهريلا جملا چيا ۽ پوءِ پيپلز پارٽيءَ جي مختلف اڳواڻن تي ڏهه سال اڳ ساڻس جنسي اڳرائي ڪرڻ جا الزام هنيا. انهن انڪشافن کي ڪجهه پالتو ميڊيا حلقن پاران ايئن آسمان تي پهچايو ويو ڄڻ اهي انهن واقعن جا اکين ڏٺا گواهه هجن. هونئن ته سنٿيا جي ٻوليءَ مان ئي لڳي رهيو هو ته سندس انڪشاف ڪنهن فلمي اسڪرپٽ جا ئي ڊائلاگ آهن پر ان وقت تائين سندس شخصيت جي اصليت سامهون نه آئي هئي. عدالت ۾ بيان ڪيل ان سچائيءَ کان پوءِ ڳالهه صفا کلي پڌري ٿي پئي آهي ته اها مائي ملڪ ۾ فلمون ٺاهڻ واري ڪم تي ئي لڳايل آهي. ان تماشي جو به انجام چٽو نظر اچي رهيو آهي.
ساڳي ئي جادوگريءَ جي هڪ ٻي ڪڙي ڪجهه ڏينهن اڳ عذير بلوچ واري جي آءِ ٽي رپورٽ جي شڪل ۾ سامهون آئي. عذير بلوچ جي جاچ رپورٽ سنڌ حڪومت پاڻ پڌري ڪئي ۽ ساڳي ڏينهن نثار مورائي ۽ بلديا فيڪٽريءَ جي باهه واريون رپورٽون پڻ سامهون آنديون ويون. عذير بلوچ هڪ ڊگهي عرصي کان وڏي سرڪار جو مهمان هو ۽ اتان ئي سندس جي آءِ ٽي بابت ڳالهيون ميڊيا کي ملنديون رهنديون هيون. جڏهن سندس رپورٽ سامهون آئي ته ان ۾ اڳي ميڊيا وٽان انڪشافن جي شڪل ۾ سامهون آيل ڳالهيون ان ۾ ڪٿي به نه هيون. پوءِ سامري جادوگرن پنهنجو ڪرتب ڏيکاريو ۽ پي ٽي آءِ اڳواڻ علي زيدي جي گهر تي هڪ اڻ ڄاتل ماڻهو لفافي ۾ ان رپورٽ جي هڪ ٻي ڪاپي ڇڏي ويو ۽ علي زيدي پنهنجي مقرر ڪيل ڪردار موجب اها رپورٽ کڻي پريس ڪانفرنس ڪئي ته اصل رپورٽ ته وٽس آهي، جنهن ۾ ٻيا انڪشاف به موجود آهن. مزي جي ڳالهه ته ان رپورٽ تي ڪنهن جون به صحيحون ٿيل نه هيون، تنهن ڪري علي زيديءَ جا حوال وائکا ٿي پيا. سامرين جو هيءَ جمبورو گهمندو رهي ٿو پر ڪو کڙتيل نه ڪڍي سگهيو. مزي جي ڳالهه ته ٽي سئو ماڻهن کي جيئرو ساڙڻ واري بلديا فيڪٽري جي رپورٽ تي پالتو ميڊيا ۽ پي ٽي آءِ قيادت اک به نه ٿي ڪڇي ڇو ته ان ۾ سامرين جا جمبورا پڻ ملوث قرار ڏنل آهن، جيڪي هاڻي عمراني سرڪار جو حصو آهن.
اهڙا ڪيئي تماشا ماضيءَ ۾ به ٿيندا رهيا آهن، ويٺي ويٺي ڪٿان اوچتو ميمو گيٽ ته ڪڏهن پاناما اسڪينڊل برآمد ٿيندا آهن. اهي اسڪينڊل خاص ليبارٽرين ۾ ايجاد ٿيندا آهن ۽ انهن کي ميڊيا وسيلي گوئبلزن جو هڪ ٽولو پکيڙيندو آهي. ڪجهه وقت لاءِ اهي سمورا افسانوي ڪردار ۽ ڪهاڻيون اهڙا حقيقي ٿي پوندا آهن جو لڳندو آهي ته ان کان وڌيڪ سچ ٻيو ڪو ٿي ئي نه ٿو سگهي، سامرين جا پٽ جمبورا انهن افسانن کي ميڊيا وسيلي ايتري مهارت سان عام ڪندا آهن جو اهي جيئڻ مرڻ جو مسئلو بڻجي پوندا آهن ۽ عوام کان اٽي، کنڊ ۽ پيٽرول جو اگهه به وسري ويندو آهي.
سينيٽر شيرين رحمان ڪجهه ڏينهن اڳ سامرين جي هڪ خاص خدمتگار احسان الله احسان پاران بلاول ڀٽي کي ڏنل ڌمڪيون بابت پڻ ڪجهه ڏکيا سوال اٿاريا آهن، ياد رهي ته احسان الله احسان پشاور جي آرمي پبلڪ اسڪول ۾ معصوم ٻارڙن جي وحشياڻي قتل ۾ طالبان جي ترجمان طور ذميواري قبول ڪئي هئي. پوءِ هڪ ڏينهن عوام کي ٻڌايو ويو ته کيس پڪڙيو ويو آهي. اوچتو ئي اوچتو هي همراهه ٽي وي تي انٽرويو ڏيندي ڏٺو ويو، ڪجهه عرصي کان پوءِ انڪشاف ٿيو ته همراهه تحويل مان فرار ٿي ويو آهي. ڪنهن کي پتو نه پيو ته هو ڪنهن جي تحويل ۾ هئو. ڪٿي هئو، ڪيئن ڀڄي ويو، هن جي ڀڄڻ جا ذميوار ڪير هئا ۽ مٿن ڪهڙو قدم کنيو ويو. جڏهن ته قوم جي درد ۾ ڏينهن رات تڙپندڙ ميڊيا ۾ ان معاملي تي گهڻي ڳالهه ٻولهه ڪرڻ جي ضرورت محسوس نه ڪئي وئي. ان همراهه ٽوئيٽر وسيلي ملڪ جي هڪ وڏي سياسي پارٽيءَ جي اڳواڻ کي قتل جي ڌمڪي ڏني پر ملڪ جي سمورن مسئلن جا حل کيسي ۾ کڻي هلندڙن مان ڪنهن به ان جي جاچ ڪرڻ جي ضرورت محسوس نه ڪئي. جيئن ته احسان الله تحويل ۾ ناهي ۽ سندس ڪو ڏس پتو به ناهي، تنهن ڪري سندس ڌمڪيءَ جي جاچ ڪرڻ جي به ڪا خاص ضرورت محسوس نه ڪئي وئي. ان ڌمڪيءَ کي ملڪ جي واڳ ڌڻين ايئن نظرانداز ڪيو ڄڻ ڪنهن عام واٽهڙوءَ لاڦ ڪئي هجي. هي همراهه درجنين معصوم ٻارن جي قاتلن جي ٽولي جو ترجمان هو ۽ ملڪي محافظن جي تحويل مان ڀڄي نڪتو هو ۽ هاڻي ملڪ جي سياسي اڳواڻن کي مارڻ جون ڌمڪيون ڏئي رهيو آهي.
پيپلز پارٽي اڳواڻ بلاول ڀٽي کي اها ڌمڪي ان ڪري ڏني وئي جو ڪجهه ڏهاڙا اڳ هن وزيراعظم پاران عالمي دهشتگرد قرار ڏنل اساما بن لادن کي اسيمبليءَ جي فلور تي شهيد قرار ڏيڻ تي تنقيد ڪئي هئي، مزي جي ڳالهه ته پاڪستان جي سياسي توڙي عسڪري قيادت ان واقعي کي ملڪي انٽيليجنس جي ڪاميابي قرار ڏيندي آمريڪي سي آءِ اي سان سهڪار وسيلي کيس مارڻ جو ڪريڊٽ به کڻندي رهي آهي. ڪيترن ئي موقعن تي پاڪستان جي عسڪري قيادت ان کي پاڪستان جي دهشتگردي خلاف جنگ ۾ وڏي سوڀ به قرار ڏيندي رهي آهي. جڏهن عمران خان بن لادن کي شهيد قرار ڏنو ته ان تي سوال اٿارڻ ته جائز ڳالهه آهي. ان بيان سان ته عمران خان ملڪ جي قبائلي علائقن ۾ دهشتگردي خلاف فوج جي آپريشن ۽ قربانين کي به رد ڪري ڇڏيو. هن وزيراعظم طور رياست جي ان بيان کي به رد ڪيو جيڪو اقوام متحده کان وٺي هر بين الاقوامي فورم تي ملڪي قيادت پيش ڪندي رهي آهي. اهڙو بيان ڪو مخالف ڌر جو اڳواڻ ڏئي ها ته هينئر تائين سامرين جي گودڙيءَ مان غداريءَ جو لقب برآمد ٿي چڪو هجي ها ۽ خود پي ٽي آءِ جا اڳواڻ ۽ حامي ڌرتي ٽامو ڪري ڇڏين ها. پر ان معاملي تي خود رياستي بيانيي کي هٿي ڏيندڙ بلاول ڀٽي جي بيان تي کيس موت جون ڌمڪيون ڏنيون ويون.
عذير بلوچ واري جي آءِ ٽي تي بلاول ڀٽي پاران اٿاريل سوال به سامرين کان سولا هضم نه ٿيندا، هن ان رپورٽ پٺيان اصل هٿن کي وائکو ڪرڻ لاءِ ايبٽ آباد ۾ بن لادن واري واقعي جي ڪميشن واري رپورٽ پڌري نه ڪرڻ تي سوال اٿاريا آهن. پاڪستان ۾ وڏن واقعن تي جاچ ڪميٽيون ۽ جاچ ڪميشنون قائم ڪرڻ جي روايت پراڻي آهي. انهن رپورٽن کي پڌرو نه ڪرڻ جي روايت به پراڻي آهي. جڏهن ڪنهن جي ڳچيءُ ۾ ڦاهو فٽ ڪرڻو هوندو آهي ته وقت سر ڪم ايندڙ ڪا رپورٽ جاري ٿي ويندي آهي، نه ته اهي رپورٽون سرد خانن ۾ پيون هونديون آهن. مثال طور ڪراچيءَ ۾ 12هين مئي واري عام ڪوس بابت اڃان تائين عوام تائين سرڪاري رپورٽ سامهون نه آئي آهي. سامرين جي گودڙي مان اهي رپورٽون تڏهن نڪرنديون جڏهن ضرورت پيش ايندي.

Bookmark the permalink.

Leave a Reply

Your email address will not be published. Required fields are marked *