Warning: session_start(): open(/var/cpanel/php/sessions/ea-php71/sess_kbmabpvjh32775g997vifrqqob, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
سانوڻي جون تباهيون ۽ گجر نالي جي سياست - Pahenji AkhbarPahenji Akhbar سانوڻي جون تباهيون ۽ گجر نالي جي سياست - Pahenji Akhbar
تازا ترين
  • *ڀرياسٽي ۾ پوليس حراست دوران ڏوهارين جي فرار ٿيڻ وارو مامرو *ايس ايڇ او سميت 6 اهلڪارن کي پنجن ڏينهن جو رمانڊ پورو ٿيڻ تي عدالت ۾ پيش ڪيو ويو *عدالت پاران ايس ايڇ او ۽ وڏي منشي سميت 4 اهلڪارن جي 20،20 هزار روپين عيوض ضمانت منظور*
  • *گمبٽ ۾ آبپاشي کاتي جي زمين تان قبضا ختم ڪرائڻ لاءِ آپريشن جاري، ڪيترائي دڪان ڊاهي پٽ *اسسٽنٽ ڪمشنر جي نگراني ۾ عدالتي حڪم تي شادي هال، دڪان ۽ گهر ڊاهڻ جو سلسلو جاري *دڪاندار پاڪ ڪتاب کڻي دڪانن آڏو بيهي رهيا، فيصلو واپس ورتو وڃي: مطالبو*
  • *ڪورونا سبب ملڪ جا سمورا تعليمي ادارا بند ڪرڻ جو فيصلو *26نومبر کان ملڪ جا تعليمي ادارا بند ڪيا ويندا:شفقت محمود * تعليمي ادارن ۾امتحان به ملتوي ڪرڻ جو فيصلو:شفقت محمود *26نومبر کان 24 ڊسمبر تائين هوم لرننگ جاري رهندي:شفقت محمود *25ڊسمبر کان 10 جنوري تائين سياري جي موڪل هوندي:شفقت محمود اسڪولز، ڪاليجز، يونيورسٽيز ۽ ٽيوشن سينٽرز بند رهندا:شفقت محمود *11جنوري تي ملڪ جا تعليمي ادارا کولڻ جو اعلان: شفقت محمود تعليمي ادارا کولڻ بابت ڪورونا صورتحال جو جائزو ورتو ويندو:وفاقي وزير*
  • *لاڙڪاڻو: اوستا محمد ويجهو ڪار ۽ مزدا ۾ ٽڪر، هڪ ڄڻو فوت ٿي ويو *تيز رفتار ڪار گڏهه گاڏي کي بچائيندي مزدا سان ٽڪرائجڻ سبب 3 ڄڻا زخمي ٿي پيا *زخمين کي چانڊڪا اسپتال نيو ويو جتي ڪار ڊرائيور محمد ابراهيم شاهه فوت ٿي ويو*
  • *ٺري ميرواهه ۾ شهرين پاران اسپتال ۾ دوائن ۽ سهولتن جي کوٽ خلاف احتجاجي مظاهرو، ٽائرن کي باهه *اسپتال ۾ نانگ ڪکيل ۽ ڪتن ڏاڙهيلن واري ويڪسين اڻلڀ آهي: مظاهرين*
  • *ٽنڊوجان محمد ۾ بوائز ڊگري ڪاليج جا 2 ليڪچرار ڪورونا جو شڪار *ڪورونا جا ڪيس ظاهر ٿيڻ تي مير حاجي خدابخش ٽالپر بوائز ڊگري ڪاليج هفتي لاءِ بند*
  • *سنڌهاءِ ڪورٽ ۾ آرزو راجا ڪيس جي ٻڌڻي *آرزو راجا والدين سان گڏ وڃڻ کان انڪار ڪري ڇڏيو، عدالت درخواست اڪلائي ڇڏي *پوليس اختياريون معاملي جي جاچ ڪري ماتحت عدالت ۾ رپورٽ جمع ڪرائين: عدالت *عدالت آرزو جي تعليم ۽ ٻين سهولتن جو انتظام ڪرڻ جي هدايت *روزانو گهرو کاتي جي طرفان ڪو نمائندو هڪ ڪلاڪ آرزو سان ملاقات ڪندو: عدالت *آرزو چاهي ته پنهنجو فيصلو واپس وٺي سگهي ٿي: عدالت*
  • *اسلام آباد: احتساب عدالت ۾ جعلي اڪائونٽس اسڪينڊل ڪيس جي ٻڌڻي *عدالت جوابدار شفقت ممتاز جي ريمانڊ ۾ 7 ڏينهن جي واڌ ڪري ڇڏي *نيب جوابدار شفقت ممتاز کي احتساب عدالت ۾ پيش ڪيو *جيترو جلدي ٿي سگهي، جاچ مڪمل ڪئي وڃي:عدالت*
  • *دادو ۾ سڱاوتي تڪرار تان فائرنگ ۾ زخمي ٿيل نوجوان ڪراچي جي اسپتال ۾ دم ڏئي ڇڏيو *مقتول امتياز برهماڻي جو مڙهه داخل منتقل ڪيو پيو وڃي *
  • *غوثپور ويجهو ٽرالر جو رڪشا کي ٽڪر، ٻن عورتن سميت 4ڄڻا سخت زخمي *انڊس هاءِ وي تي انڙ اسٽاپ وٽ حادثو پيش آيو، زخمي اسپتال منتقل*
  • *اسلام آباد: احتساب عدالت ۾ آصف زرداري جو گهر سيل ڪرڻ خلاف ڪيس جي ٻڌڻي *احتساب عدالت جي نمبر هڪ جج محمد بشير جي موڪل سبب ٻڌڻي ڪارروائي کانسواءِ ملتوي *ڪيس جي ٻڌڻي 18 ڊسمبر تائين ملتوي ڪئي وئي *آصف زرداري ڪراچي جي ڪلفٽن ۾ قائم گهر کي سيل ڪرڻ خلاف درخواست داخل ڪرائي رکي آهي*
  • *اسلام آباد: وڪيلن جي بغير انٽري ٽيسٽ انرولمينٽ وارو معاملو *چئني صوبن جي وڪيلن جو سپريم ڪورٽ جي مک دروازي آڏو احتجاج، ايڇ اي سي خلاف نعريبازي *اسان کي اسان جي ووٽ جو حق واپس ڏنو وڃي: احتجاج ڪندڙ وڪيل *

سانوڻي جون تباهيون ۽ گجر نالي جي سياست

سڄي سنڌ سانوڻي جي وسڪاري هيٺ آهي ،سانوڻي جي مند جيڪا سدائين سکن جي سار کڻي ايندي آهي حڪومتي ۽ انتظامي نااهلي سبب سڄي سنڌ لاءِ سورن جو سامان بڻجي وئي آهي هر شهر ڪنهن درياءَ ۽ ڍنڍ جو ڏيک ڏئي رهيو آهي ٻن ڏينهن کان هلندڙ برسات ماڻهن کي گهرن ۾ محدود ڪري ڇڏيو آهي ،ڪيترن هنڌن تي ڪجهه جاني نقصان کان علاوه ڪيترو ئي مالي نقصان ٿيو آهي۽ حڪمران آهن جيڪي گجرنالي کان اڳتي نڪري سڄي سنڌ ڏانهن ڪو ڌيان ڏيڻ لاءِ تيار ئي ناهن. ڄڻ رڳو هڪڙي شهر ۾ ماڻهو ٿا رهن يا برساتن جو نقصان رڳو هڪ ئي شهر ۾ ٿيندو آهي ۽ ٻين شهرن سان اسانجي حڪمرانن جو ڪو واسطو ئي ناهي.
برساتن جي نقصانن کان رڳو گٽر نالا صاف ڪرائي بچي نه ٿو سگهجي ،بجلي جي فراهمي به برساتن ۾ وڏو مسئلو آهي ،ماڻهن کي پيئڻ جو صاف پاڻي ملڻ به اهم مسئلو آهي،سڀ کان اهم مسئلو ڏهاڙي تي ڪم ڪندڙ ماڻهن جي روزگار جي متاثر ٿيڻ جو آهي. اسان وٽ جيڪي ادارا جنهن ڪم لاءِ ٺهيل آهن اهي ادارا اهي ڪم ڇڏي ٻين ڪمن ۾ لڳي وڃن ٿا .گٽر نالا صاف ڪرائڻ ميونسپل ۽ مڪاني ادارن جو ڪم آهي پر نالي ۾ قومي ميڊيا جي دٻاءُ ۾ سڄي سنڌ حڪومت هڪڙي گجر نالي تي چڪر ڪاٽڻ ۾ پوري آهي ،هڪڙا وزير پريس ڪانفرنسون ڪري وڃن ٿا ته ٻيا وزير اتي دورو ڪرڻ پهچي ٿا وڃن،باقي ٻين شهرن ۾ ڪهڙي حالت آهي انهي جي خبر سنڌ حڪومت ته ڇا اتان جا ميونسپل ادارا به نه ٿا لهن. هن سانوڻي جي موسم ۾ شاخن کي اڪثر گهارا لڳڻ جون خبرون سامهون اينديون آهن ڇو ته سسٽم ۾ پاڻي موجود هجڻ ڪري برساتون پوڻ سان اهي شاخون يا واهه وڌيڪ بار برداشت نه ڪري سگهندا آهن ۽ جتان ڪٿان شاخن ۽ واهن کي گهارا لڳڻ جون خبرون اينديون آهن پر آبپاشي کاتو مجال آهي جو ننڊ مان جاڳي ،انهن گهارن سبب ڳوٺن جا ڳوٺ ٻڏي ويندا آهن فصل تباهه ٿي ويندا آهن پر انهي پاسي ڪنهن جو به ڌيان نه هوندو آهي. ڊزاسٽر ۾ ماڻهن جي سار لهڻ لاءِ ٺاهيل ادارا اين ڊي ايم اي ۽ پي ڊي ايم اي کي اهڙي وقت ۾ ماڻهن کي ريسڪيو ڪرڻ ۽ انهن جي سار لهڻ بدران نالن کي صاف ڪرڻ جي ڊيوٽي تي لڳايو ويو آهي،جيڪڏهن ڏٺو وڃي ته رڳو صوبائي حڪومت جي فيصلا سازي يا ڪم ڪرڻ جي طريقي ۾ ئي کوٽون ناهن وفاقي حڪومت به ساڳي طرح ئي ڪم ڪري رهي آهي جو انهن جي به قومي ميڊيا جي دٻاءَ ۾ اچي رڳو هڪ ئي شهر تي نظر آهي باقي ٻيا شهر ٻڏن ،لڙهن،بک مرن، انهن کي بجلي نه ملي انهن کي پاڻي نه ملي انهن جا روزگار بند هجن انهن سان ڪنهن به حڪومت جو ڄڻ ڪو سروڪار ئي ناهي بس هڪڙي شهر جي سياست آهي جنهن تي ٻئي حڪومتون پنهنجون ڦڙتيون ڏيکاري رهيون آهن.
هن وقت ماڻهن جي سار لهڻ سڀ کان وڌيڪ ضروري آهي ڪڏهن ڪنهن حڪومت يا ڪنهن اداري اهو سوچيو آهي ته روز ڪمائيندڙ ماڻهو جڏهن ڏهاڙي کان موٽندو آهي ته ڪجهه ڪلو اٽو وٺي گهر موٽندو آهي تڏهن وڃي انهي جي گهر ۾ ماني پچندي آهي پر جڏهن ٻه ٻه ڏينهن برساتن کي گذري وڃن ته انهي جو روزگار نه ٿيندو آهي ۽ سندن ٻچا بک تي ويٺا هوندا آهن ، اين ڊي ايم اي ۽ پي ڊي ايم اي جهڙا ادارا ٺاهيا ئي انهي وقت لاءِ ويا هيا ته اهي انهن ماڻهن جي اهڙي ڏکئي وقت لاءِ سار لهندا، پر وفاقي حڪومت انهن کان پنهنجو ڪم وٺڻ بدران گٽر نالن جي صفائي تي لڳائي ڇڏيو آهي ۽ ماڻهو بک تي ويهڻ تي مجبور آهن ،هوڏانهن برساتن ۾ ڪي اليڪٽرڪ کان وٺي حيسڪو ۽ سيپڪو جي حالت اها آهي جو ڏينهن جا ڏينهن بجلي بند ڪري ٿا ڇڏين نه ٿو پاڻي نيڪال ٿي سگهي ۽ نه ئي ماڻهن کي پيئڻ جو پاڻي ٿو ملي سگهي.
اسان سمجهون ٿا ته وفاقي توڙي صوبائي ادارا جيڪي جنهن ڪم لاءِ ٺهيل آهن اهي پنهنجي پنهنجي حصي جو ڪم ڪن ته عوام هروڀرو جي پيدا ڪيل ڏکيائين کان بچي سگهي ٿو.سنڌ حڪومت به رڳو هڪ شهر جي پاڻ کي حڪومت نه سمجهي جيڪي به ننڍا وڏا شهر هن برسات ۾ متاثر ٿيا آهن انهن جي سار لهڻ گهرجي ڇو ته ڪنهن به شهر جو ڪوبه شهري متاثر ٿئي ٿو ته ان کي ريسڪيو ڪرڻ ۽ ان جي سار لهڻ حڪومت جي ئي ذميواري آهي.

Bookmark the permalink.

Leave a Reply

Your email address will not be published. Required fields are marked *