Warning: session_start(): open(/var/cpanel/php/sessions/ea-php71/sess_1ach4elb26qp0kh2h4gbqfi2im, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
سماج جي منفي روين جو شڪار عورت - Pahenji AkhbarPahenji Akhbar سماج جي منفي روين جو شڪار عورت - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

سماج جي منفي روين جو شڪار عورت

عورت کي هن سماج ۾ ايتري معصوم، ڪمزور، هيڻي، ڊڄڻي ۽ ٻين تي يقين ڪندڙ  بڻايو ويو آهي جو کيس ڪير به ڀٽڪائي سگهي ٿو؟ ڪير به پنهنجو ڪري سگهي ٿو؟ ڀلي ان کي بهترين تعليم ملي ، گهر ۾ سهولتون ملن ، هر خواهش پوري ٿئي،  پر ڇا؟ ان جي اها ذهني تربيت ڪئي وڃي ٿي؟ جنهن کي ڏاڪڻ ٺاهي هو هر ان منفي رويي جو مقابلو ڪري سگهي جيڪو ان جي ڪردار کي ڪمزور ڪري ٿو. اسان جي سماج ۾ نياڻي جو پيدا ٿيڻ ئي والدين جي چهري تي اداسي جو سبب ٿئي ٿو، گهڻي ڀاڳي ڏٺو ويو آهي ته پيءُ، سس ساهورا چاهيندا آهن ته انهن جي گهر پٽ پيدا ٿئي، جيڪو سندن نسل وڌائڻ ۽ گهر کي سنڀالڻ وارو هجي. 
ڌيءَ پيدا ٿيندي ئي کيس سُتي ڏني ويندي آهي ته ڌيءَ پرايو ڌڻ آهي ، پرايو گهر وسائڻو اٿس، رب  نياڻي جا نصيب چڱا ڪري، مڙس ۽ ساهورن جي خدمتگذار ٿي رهي  ۽  آخري اهم ڪم ٻار پيدا ڪري وڏا ڪرڻا اٿس ۽ ان سموري عرصي ۾ مردن اڳيان ڪنڌ نوائي هلڻو اٿس ۽ خاندان جو هر فيصلو مڃڻو اٿس، ٻي اهم ڳالهه ته اسان وٽ خاندانن جي غيرت جو دارو مدار به عورت تي هوندو آهي پڳ مرد تي، گهر جو مالڪ به اهو ته  هر ننڍو  وڏو  فيصلو ڪرڻ جو اختيار به انهيءَ کي حاصل هوندو آهي اڪثر ڏٺو ويو آهي ته مرد جي غيرت عورت جي ذات جي ارد گرد گھمندي آهي ڇو جو انهن جي خيال مطابق عورت کي پنهنجي  حفاظت ڪرڻ نٿي اچي.
هاڻي سوال اهو اڀري ٿو ته عورت  کي ڪمزور ڪرڻ وارو ڪير آهي؟ سماج، خاندان، قبائلي ريتون رسمون ،جاگيرداري نظام، مرداڻو سماج، منفي سوچون يا عورت دشمن رويا جنهن عورت کي صحيح نموني اسرڻ ئي نه ڏنو آهي ڪا عورت ريتن رسمن جي ور چڙهي ٿي وڃي  ته ڪا حويلي ۾ قيد رهي ٿي، تاحيات قيد، جنهن جي جواني خانداني ملڪيت جي  ڪري واري وڃي ٿي، ڪٿي وري  ڏٺو ويو آهي ته ڪنهن نياڻي کي تعليم نٿي ملي، ڪنهن جي صحيح نموني رهنمائي نٿي ڪئي وڃي، ڪا ننڍپڻ ۾ پرڻائي مٿي جو بار لاٿو وڃي ٿو ڪا ٽڪن عيوض ڏني وڃي ٿي ته ڪا بي جوڙ شادي جي ور چاڙهي وڃي ٿي  ڪنهن کي  انهن روايتن خلاف آواز اٿارڻ تي ماريو وڃي ٿو ۽ کيس قانوني حق گهرڻ تي ڪارو ڪيو وڃي ٿو. 
وري ڏسجي ته جيڪا عورت اسري آهي ان جا مثال به توهان جي سامهون آهن ته ڪير ان جي رستن ۾ رڪاٽون وجهي ٿو ڪير سندس خلاف ڳالهائي ٿو.  هتي هر طبقي جي  عورت جو استحصال ٿئي ٿو پر عورت خاندان جي عزت خاطر هميشه  خاموش رهي آهي ۽ اها ئي خاموشي خطرناڪ سيلاب آڻي ٿي جنهن سان سڀ ڪجهه لڙهي وڃي ٿو  ۽ رڳو پڇتاءُ بچي ٿو. نائلا رند، بيبي مري ۽ نمرتا جا مثال اسان جي سامهون آهن، تازو جيءُ جهوريندڙ واقعو ڊاڪٽر ماها شاھه وارو  پيش آيو آهي جيڪا گرهوڙ شريف جي گادي نشين جي ڌيءَ آهي ميرپورخاص سان سندس تعلق آهي،  ڊاڪٽر ماها شاھه جي والد پنهنجي نياڻي کي بهترين تعليم ڏني، تربيت ڏني، زندگيءَ ۾ اڳتي اچڻ جا موقعا ڏنا پر افسوس سان چوڻو ٿو پئي هن دور ۾ جتي سڳن رشتن مان وڃايو آهي ان جاءِ تي ٻاھريان رشتا دوستيون ڪجهه به ناهن، ڪچي تند وانگر آهن، ڀلي ڪجهه بهترين مثال آهن پر اڪثر ڌوڪا، ناجائزيون ۽ فريب جا تعلق رهيا آهن جنهن جو انجام تباهيءَ کان سواءِ ڪجهه ناهي، جنهن جي ور رڳو ڊاڪٽر ماها شاهه ناهي چڙهي پر الائي ڪيتريون نياڻيون شڪار ٿيون آهن جن مان گهڻين جي زندگي تباھ ٿي وئي گهڻين زندگي جو ڏيئو اجهائي ڇڏيو، ڪجهه نفسياتي مريض ٿي ويون ته ڪجهه نياڻين پاڻ کي زنده لاش بڻائي ڇڏيو. 
ڊاڪٽر ماها شاھه يا هر نياڻي کي والد ۽ گهر وارن جو اهو ساٿ گهربل هوندو آهي جيڪو هن کي درياءَ پار ڪرائي ڇو جو ماها شاهه  پاڻيءَ ۾ ته لٿي پر ان کي اندازو نه هو ته پاڻي ڪيترو وڏو آهي، لهرون ڪيتريون نه خطرناڪ آهن انهن لهرن سان ڪيئن مقابلو ڪرڻو آهي جيڪي هن کي لوڙهي به سگهن ٿيون ۽ ٿيو به ايئن ئي ظالم لهرن ان کي ماري وڌو، هي قتل آهي يا خودڪشي اسان ان تي نٿا ڳالهايون پر ان تي ضرور ڳالهائي سگهجي ٿو ته والدين جڏهن پنهنجن ٻارن جي هر ڏک سک جو خيال ڪن ٿا ته پوءِ اهو ڇو وساري ويهن ٿا ته زمانو ڪيترو ظالم آهي ڀلي انهن جو ٻار سياڻو ۽ ذهين آهي پر آهي ته انهن جو ٻار، ڀلي نوجوان ڇو نه هجي ڌيءَ هجي يا پٽ اسان کي ايتري ته خبر هجڻ کپي  ته سندن دوست ڪير، ڪير آهن، ڪهڙي خاندان سان سندن تعلق آهي، ڇا مشغلا اٿن، اهو فرض آهي والدين جو، اسان جا ٻار ڪٿي وڃن ٿا، ڪنهن سان ملن ٿا، وقت تي گهر اچن ٿا يانه، رات جو دير تائين جاڳن ٿا ته سبب پڙهائي آهي، مطالعو آهي يا دوستي ، ٻارن جي طبيعت ۾ وقتي تبديليون اينديون آهن انهن جو ڪارڻ ڇا آهي؟ هي سڀ والدين جو فرض آهي جي اسان اهي سڀ فرض پورا نٿا ڪري سگهون ته پوءِ والدين چورائڻ جو ڪو حق ناهي ڇو جو پوءِ اسان جو تعلق هاسٽل وارڊن جهڙو ٿي ويندو جيڪا رڳو ٻاهر اچڻ وڃڻ جي اجازت ڏيندي آهي پر والدين وارو احساس ۽ خيال ناهي رکندي.
ڊاڪٽر ماها شاھه  اهڙي صحبت جي ور چڙهي وئي جنهن ان کي نشي جو عادي بڻائي ڇڏيو ۽ هو ان ڌٻڻ ۾ ڦاسندي وئي هڪ پڙهيل لکيل ڊاڪٽر ڇوڪري هوندي پنهنجي دوستن جي گينگ کي نه سمجهي سگهي ان کان نجات حاصل نه ڪري سگهي، ڪو قانوني قدم نه کنيو، دوستن کان سواءِ ڪنهن سان صلاح مشورو نه ڪيو، نشي آور شين کان پاڻ کي بچائڻ لاءِ ڪنهن ماهر نفسيات سان نه ڳالهايو، منظر عام تي اچي انهن بگهڙن کي وائکو نه ڪيو، پوءِ ان ۾ خانداني عزت جو ڊپ هو، دوستن جي طاقتور هجڻ جو ڊپ هو يا ڪي ٻيا سبب هئا پر سوچڻ جي ڳالھه اها آهي ته جي هڪ ڊاڪٽر عورت خاندان ۽ ٻين کان ايترو ڊنل هئي ته هڪ عام عورت جيڪا ٻاهر نڪري ٿي توهان سمجهي سگهو  ٿا ته ان کي روز ڪيترن مسئلن کي منهن ڏيڻو پوندو هوندو.
منهنجو والدين کي هڪ ننڍڙو عرض آهي ته اهي ٻارن جي تربيت، تعليم، ڪردارسازي تي ڌيان ڏين، انهن سان ايترا ويجها هجن جو هو سڀ ڪجهه ساڻن ونڊين کين پنهنجو ويجهي کان ويجهو دوست سمجهن. ٻي اهم ڳالهه ته  اسان جو نوجوان نسل پاڻ به والدين، ڀائرن، ڪتابن سان اهو رشتو نه جوڙي  سگهيو آهي جيڪو هجڻ کپي، جنهن جي ڪري  مسئلا وڌي رهيا آهن پر ڪجهه به هجي اسان کي پنهنجي ٻارن جي هر قدم تي اصلاح ڪرڻي آهي ۽ انهن کي اهڙين دوستين کان بچائڻو آهي جنهن جو مقصد رڳو زندگيون وڃائڻ آهن ۽ نوجوانن کي پنهنجي مقصد لاءِ استعمال ڪرڻ آهي. 

Bookmark the permalink.

Leave a Reply

Your email address will not be published. Required fields are marked *