تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

سنڌ جا ٻار ڪيستائين ڀوڳيندا؟

ملڪ ۾ جڏهن کان ڪورونا جو وائرس ڪاهي پيو آهي تڏهن کان ڪيترن ئي مسئلن ملڪ جي هر عمر جي شهري کي وڪوڙي ورتو آهي، هڪ پاسي بيروزگاري وڌي وئي آهي ته ٻئي پاسي ڪورونا کانسواءِ باقي بيمارين جي مريضن لاءِ اسپتالن ۾ علاج به اڻلڀ ٿي ويو آهي، اهڙي صورتحال ۾ سڀ کان وڌيڪ هڪ ته عورتن ۽ ٻيو ٻارڙن ڀوڳيو آهي. سنڌ ۾ ڪورونا جو پهريون ڪيس 26 فيبروري تي ظاهر ٿيو، جنهن کانپوءِ ڪيسن ۾ تيزي آئي ۽ مارچ کان پوري صوبي ۾ سڀ ڪجهه ٺپ ٿي ويو، جتي عام واهپي جون شيون اڻلڀ ٿي ويون، مارڪيٽون بند رهيون ۽ عوام پريشاني ۾ پئي ڀوڳيو، اتي اهي ٻار پڻ پريشان رهيا، جن کي دنيا ۾ آئي ڪو گهڻو وقت نه ٿيو هو، نه ئي انهن کي ڪورونا سميت ڪنهن وبا جي ڪا خبر هئي، اهي ٻار جن کي مختلف بيمارين کان بچاءُ لاءِ جيڪي ٽڪا لڳڻا هئا، اهي ٽڪا لڳائڻ وارو عملو ٽن مهينن تائين گم رهيو، جن اسپتالن ۾ حفاظتي ٽڪن وارا سينٽر قائم ٿيل هئا اتي تالا لڳي ويا ۽ تازي ڄاول ٻار سميت پنجن سالن کان ننڍي عمر جي ٻارن کي بيمارين کان بچاءُ لاءِ لڳندڙ ٽڪا نه لڳي سگهيا.
پوليو جي مهم متاثر ٿي، نتيجي ۾ اهي بيماريون وڌڻ لڳيون، ان حوالي سان پهرين جنوري 30 جون تائين جيڪي پنهنجي اخبار کي رڳو هڪ ئي مرض نمونيا جا انگ اکر مليا آهن، انهن مطابق 6 مهينن دوران ڪراچي ۾ 6 هزار 670، بدين ضلعي ۾ 15 هزار 632، دادو ضلعي ۾ 16 هزار 649. حيدرآباد ۾ 5 هزار 841، سجاول ۾ 4 هزار 229، ڄامشوري ضلعي ۾ 10 هزار 893، ٽنڊوالهيار ضلعي ۾ 6 هزار 72، ٺٽي ضلعي ۾ 6 هزار 86، مٽياري ۾ 5 هزار 717، ٽنڊي محمد خان ۾ 5 هزار 830، جيڪب آباد ۾ 5 هزار 268، لاڙڪاڻي ۾ 5 هزار 254، شڪارپور ۾ 4 هزار 205، قمبر ۾ 5 هزار 913، ڪشمور ۾ 6 هزار 978، ميرپور خاص ۾ 13 هزار 250، خيرپور ۾ 32 هزار 921 ۽ نوشهروفيروز ۾ 16 هزار 742 ڪيس سامهون آيا آهن، اهڙي طرح شهيد بينظير ضلعي اندر 6 مهينن دوران 19 هزار 417، سکر ضلعي ۾ 11 هزار 244، گھوٽڪي ۾ 22 هزار 703، ميرپور خاص ۾ 13 هزار 250 ۽ سانگھڙ ۾ 23 هزار 504، ٿرپارڪر ۾ 21 هزار 357 ۽ عمرڪوٽ ۾ 16 هزار 655 ٻار نمونيا جي مرض ۾ مبتلا ٿيا آهن. مجموعي طور تي پنجن سالن کان گهٽ عمر وارا هڪ لک 73 هزار 273 ٻار ۽ پنجن سالن کان مٿي ڄمار وارا 80 هزار 13 ٻار نمونيا سبب مختلف اسپتالن ۾ داخل ٿيا. جتي ٽن مهينن تائين ويڪسين نه ٿي سگهي اتي ٽن کان چئن مهين تائين اسپتالن ۾ مريضن جي اچ وڃ به گهٽ رهي، ڪيترائي اهڙا ٻار جيڪي نمونيا ۾ وڪوڙيل هوندا ته انهن کي ڪنهن ديسي ٽوٽڪي ذريعي علاج ڏئي يا وري ڪنهن خانگي اسپتال جي ڊاڪٽر کي ڏيکاري علاج ڪرايو ويو هوندو،
جيڪي سرڪاري اسپتالن ۾ رپورٽ نه ٿي سگهيا هوندا انهن جو انگ به انهن ٻارن کان ٻيڻو هوندو، جڏهن ته انهن ٻارن ۾ ڪيترن جي حياتي بچي سگهي ۽ ڪيترن جي حياتي نه بچي سگهي انهي جا انگ اکر انتظاميا جاري ناهن ڪيا. جيتوڻيڪ هي هڪڙي بيماري نمونيا آهي، جنهن جا رڳو 6 مهينن ۾ اٽڪل اڍائي لک ٻار متاثر ٿيا، پر ويڪسين نه ٿيڻ سبب جيڪي متاثر ٿيا آهن، انهن جو پتو ته ايندڙ مهيني تائين پئجي ويندو، جڏهن انتظاميا انهن جا انگ اکر جاري ڪندي، ساڳي ريت پوليو جي مرض ۾ به اضافو ٿيو، ڪيترائي معصوم ٻار هميشه لاءِ اپاهج بڻجي ويا، کرٽيو، هيپاٽائيٽس، جهٽڪن ۽ ٻين بيمارين جا متاثر ٻار ڪيترا آهن، اهي انگ به انتظاميا کي جاري ڪرڻ گهرجن ، 6 مهينن جي نمونيا ڪيسن بابت جڏهن صحت کاتي جي سيڪريٽري کان پڇا ڪئي وئي ته هن کي ان حوالي سان ڪا به ڄاڻ نه هئي ۽ صحت کاتي جي سيڪريٽري ڊي جي صحت جو نمبر ڏيندي، ساڻس رابطي لاءِ چيو ، جڏهن صحت کاتي جي ڊي جي کان پڇيو ويو ته ان ڏس ۾ سنڌ جي صحت کاتي جي ڊائريڪٽر جنرل ڊاڪٽر ارشاد ميمڻ جو چوڻ هو ته 6 مهينن دوران 2 لک 53 هزار 286 ٻارن کي نمونيا ٿيڻ ڪو غير معمولي انگ ناهي، اهو تعداد گذريل ٽن سالن جي ڀيٽ ۾ گهٽ آهي، سنڌ سرڪار رڳو ٻارن ۾ نمونيا جي بيڪٽريا نيمو ڪوڪل کي روڪڻ لاءِ ويڪسين ڪندي آهي،
باقي نمونيا جا کوڙ قسم آهن، نمونيا دوران ڦڦڙن جي سوڄي ٿيندي آهي، سٺي ڳالهه اها آهي جو هن ڀيري اهي ٻار وقت سر اسپتالن ۾ پهتا، جتي علاج ٿيڻ بعد اهي صحتياب ٿي موٽي ويا، اڳ ۾ ڳوٺن مان ٻارن کي اسپتالن تائين آندو ئي نه ويندو هو، اسان جي ڪوشش آهي ته انهي انگ کي به گهٽايون، انهي لاءِ آگاهي پروگرام شروع ڪيو ويو آهي، صحت کاتي جي هيلٿ ايجوڪيشن پروگرام ۾ نمونيا کان بچاءُ بابت به مهم هلندڙ آهي. يقينن انتظاميا لاءِ اهو انگ ڪو وڏو انگ نه هوندو، ايئن جيئن اسپتالن ۾ موجود ڊاڪٽرن جي آڏو ڪنهن به انسان جو موت اهميت ناهي رکندو، پر انهي فوتي جي وارثن تان ڇا گذرندي آهي، اهو ته رڳو اهي ئي محسوس ڪن ٿا، ان ڳالهه ۾ ڪو شڪ ناهي ته انتظامي بي ڌياني چئجي يا قوم جي بدبختي چئجي جو هتي انتظاميا آڏو عوامي اهنجن جي ڪا اهميت ئي ناهي، ڪيترائي حادثا ۽ واقعا ٿين ٿا پر ڪنهن کي ڪا پرواهه ناهي، سماجي بي حسي ۽ ستم ظريفي جي انهي عمل کي روڪڻ لاءِ ضروري آهي ته اختيارين کي به اهو احساس ڏياريو وڃي ته هر انساني پنهنجي رت جي رشتن لاءِ اهميت رکي ٿو،
انهي ڪري ضرورت ان ڳالهه جي آهي ته وبا ڪهڙي به هجي مسئلو ڪيڏو به وڏو هجي، پر ٻارن جي صحت بابت جيڪي سرڪاري سطح تي شروع ڪيل منصوبا آهن، انهن تي عمل يقيني بڻايو وڃي ته جيئن اسان جي مستقبل جا معمار هن ملڪ جي باغ ۾ گلاب جي گلن جا ٽڙندا رهن ۽ حڪومت سطح تي اها پاليسي جوڙي وڃي ته هر سرڪاري ملازم جي خاندان جو علاج سرڪاري اسپتالن ۾ ٿيندو ۽ سندن ٻار به سرڪاري اسڪولن ۾ پڙهندا ته پوءِ صحت ۽ تعليم وارن کاتن ۾ بهتري اچي سگهي ٿي.

Bookmark the permalink.

Leave a Reply

Your email address will not be published. Required fields are marked *