تازا ترين
  • *صدرجي ڀٽيون ويجهو جوابدارگهٽي مان گذرڻ تان نينگر کي ڪهاڙيون هڻي زخمي ڪري ڇڏيو *ڳوٺ حيات اڄڻ واسي زخمي شڪيل پٽ شمن اڄڻ کي پير جو ڳوٺ اسپتال منتقل ڪيو ويو *ڪٽار اڄڻ، بشير اڄڻ، مومن اڄڻ ۽ ٻين شڪيل تي بيگناهه ڪهاڙين سان حملو ڪيو: وارث*
  • *اسلام آباد هاءِ ڪورٽ ۾ ايف ايٽ ڪچهري حملو ڪيس *دهشتگردي ٽوڙ عدالت مان ڪيس ٻي عدالت منتقل ڪرڻ بابت درخواست تي لکت ۾ حڪم نامو جاري *چيف جسٽس اسلام آباد هاءِ ڪورٽ اطهر من الله حڪم نامو لکيو *دهشتگردي جي خاتمي واري قانون 1997تحت ٻئي عدالت کي اختيار ڏئي سگهجن ٿا: حڪم نامو* عدالت ڊپٽي جنرل کي 7ڊسمبر تائين آگاهه ڪرڻ جي هدايت ڪري ڇڏي*
  • *حيدرآباد جي سول اسپتال ۾ ڪورونا وگهي 2 عورتون فوت *ڪوٽڙي واسڻ مسمات عائشه ۽ مٽياري واسڻ مسمات امير زادي جا مڙهه وارثن حوالي ڪيا ويا*
  • *ھمايون شريف ويجهو موٽرسائيڪل ۽ رڪشا ۾ ٽڪر، پيرسن فوت، هڪ ڄڻو زخمي ٿي پيو *قومي شاهراهه تي حادثي ۾ ڳوٺ محراب بکراڻي واسي 50 ورهين جو عبدالجبار بکراڻي فوت ٿي ويو *حادثي ۾ شڪارپور واسي غلام حسين ڀٽو زخمي ٿي پيو، اسپتال منتقل*
  • *ڀٽ شاهه ۾ نامعلوم هٿياربندن جو گهر تي حملو، فائرنگ ۾ نوجوان مارجي ويو،سندس امڙ زخمي *هٿياربندن جي حملي ۾ نوجوان سليم مارجي ويو،سندس امڙ منل خاتون زخمي ٿي پئي *مقتول نوجوان جو لاش ۽ زخمي عورت کي اسپتال منتقل ڪيو ويو*

سنڌ سان هر معاملي ۾ زيادتي

چوڻي آهي ته جنھن معاشري ۾ انصاف نه هوندو اهو معاشرو گهڻي دير تائين هلي نه سگهندو، شايد اڄ اهڙو ئي حال اسانجي ملڪ ۾ آهي جتي انصاف صرف ڏاڍي کي ملي
ٿو. اھڙي صورتحال تي اسلام آباد هاءِ ڪورٽ جو چيف جسٽس اطهر من الله اڪثر ڪري ڪيس جي ٻڌڻي دوران ريمارڪس ڏيندو رهيو آهي، چيف جسٽس اطهر من الله واضع لفظن ۾ چيو آهي ته اسانجي ملڪ ۾ انصاف طاقتور کي ملي ٿو ڪنهن غريب کي انصاف نٿو ملي، پر اسانجي ملڪ جي عدالتن ۾ ڪجهه عجيب ئي ٿيندو رهيو آهي، ڪجهه طاقتور اهڙا آهن جن جي عدالتن ۾ ٻڌي نٿي وڃي ۽ ڪجهه اهڙا آهن جن جي ڪري آئين ۽ قانون مطابق جڙيل عدالتن کي منڍ کان ختم ڪرايو ڇڏين…
جيڪڏهن پڙهڻ وارن جي ذهنن ۾ پيپلز پارٽي جي شريڪ چيئرمين آصف علي زرداري يا سندس ڀيڻ فريال ٽالپر جو نالو اچي ٿو ته هو طاقتور آهن، انهن کي اهو جواب ڏئي سگهجي ٿو ته جيڪڏهن طاقتور هجن ها ته هر هفتي عدالتن ۾ پيشيون ڀوڳيندا نه وتن ها. شايد انهن کي به اندازو ٿي چڪو آهي ته پيسو پنهنجي جاءِ تي عدالتن ۾ طاقت ۽ حڪومت به ڪم نٿي اچي. ٻئي طرف ڳالھه ڪجي نواز شريف جي ته شايد هو عدالت جي انهن طاقتور جوابدارن منجهان آهي جنهن کي پاڪستان ۾ قيد دوران جان جو خطرو هيو پر جيئن عدالتي نرمي کانپوءِ کيس ٻاهر وڃڻ جي اجازت ملي ته هن پرڏيهه ۾ هڪ ڏينهن به علاج ناهي ڪرايو لنڊن جي ٿڌي موسم جا مزا ماڻي پيو جڏهن ته پيپلز پارٽي جا اڳواڻ گهرن ۾ نظربند آهن.
اڳوڻي صدر پرويز مشرف جي سنگين غداري ڪيس جو مثال به سامهون آهي ته خصوصي عدالت کيس موت جي سزا ٻڌائي پر لاهور هاءِ ڪورٽ ان سزا کي ختم ڪرڻ سميت ان عدالت جي جوڙ جڪ کي غير آئيني قرار ڏنو.هي ڪجهه اهڙا مثال هئا جيڪي عدالتن جي قانون واري ڪتابن ۾ ڇپجي چڪا آهن انهن تي قانون جي ڄاڻ رکندڙ چون ٿا ته عدالتون ڏاڍي جي لٺ کي ٻه منهن جيان آهن، انهن جي اڳيان آئين ۽ قانون جي ڪا حيثيت ناهي جڏهن ته جيلن ۾ غريب قيدي مري کپي وڃن ٿا پر انهن کي علاج جي سهولت ملڪ ۾ به نٿي ملي پر طاقتور جي طاقت آڏو انصاف جا ادارا به ڪڇي نٿا سگهن.
سياست پنهنجي جاءِ تي پر پيپلز پارٽي وارن جو عدالت ۾ پيش ٿيڻ ان ڳالھه کي ثابت ڪري ٿو ته هنن هميشه آئين ۽ قانون کي عزت ڏني هميشه عدالتن ۾ پيش ٿي پنهنجو دفاع ڪيو آهي. پيپلز پارٽي جي اهڙي سوچ تي هاڻي گادي واري شهر اسلام آباد ۾ ماڻهن جي سوچ ۾ تبديلي اچي رهي آهي ته پيپلز پارٽي ئي شايد هن ملڪ جي انهن پارٽين منجهان هڪ پارٽي آهي جيڪا آئين جي بالادستي تي يقين رکي ٿي پر جيڪڏهن انهن جي سياسي ميدان ۾ عمل کي جاچجي ته شايد ان جي ابتڙ آهي. هڪ ناليواري قانوندان مطابق سنڌ هاءِ ڪورٽ ۽ ضلعي عدالتن ۾ 2016ع کان هن وقت تائين ٿيل ججن جي ڀرتين خلاف درخواست سپريم ڪورٽ ۾ داخل ڪئي وئي آهي جنهن جي خبر هلائڻ لاءِ اقتدار ڌڻين کي ڪوششون ڪرڻيون پيون ۽ اها خبر هلائي وئي ته درخواست ۾ چيو ويو آهي ته سنڌ اندر عدالتن ۾ جيڪي به مقرريون ٿيون سي غلط آهن جيڪڏهن ان درخواست جي استدعا کي قبول به ڪجي ته ڇا لاهور هاءِ ڪورٽ ۾ ججن جي مقرريون درست آهن، ڇا انهن جي مقررين ۾ ذاتي يا سياسي مفادن جو ٽڪراءُ نٿو ظاهر ڪري سگهجي، ان قانوندان مطابق لاهور هاءِ ڪورٽ ۽ ماتحت عدالتن ۾ به مقرريون سياسي بنيادن تي ٿيون آهن جنهن جو مثال جج ارشد ملڪ آهي جنهن کي وڏي سوچ سمجهه سان اسلام آباد جي احتساب عدالت ۾ جج مقرر ڪرايو ويو اها ٻي ڳالھه آھي ته ھن سياسي آقائن کي خوش نه ڪيو جنهن سبب هڪ وزير اعظم کي سزا ٿي اها سزا به ڪنهن ڪم جي ناهي ڇاڪاڻ جو هو ملڪ کان ٻاهر آزادي سان گهمي رهيو آهي.
اهي اهڙا سبب آهن جن کي سامھون رکجي ته ايئن ٿو لڳي ته شايد سنڌ ۾ سڀ ڪجهه خراب آهي باقي هر صوبي ۾ سڀ ڪجهه صحيح آهي، عدالتن پاران اهڙا عمل روڪيا نه ويا ته جيئن اسلام آباد جو با شعور ماڻهو اهو سوچي رهيو آهي ته سنڌ سان زيادتي ٿي رهي آهي پوءِ اها سوچ هر صوبي ۾ پيدا ٿيندي، اھڙي سوچ پيدا ٿيڻ کان پهريان سياست کان مٿانهون ٿي سوچي ملڪ جي مستقبل لاءِ فيصلا ڪرڻا پوندا…..

Bookmark the permalink.

Leave a Reply

Your email address will not be published. Required fields are marked *