تازا ترين
  • *حڪومت سان في الحال ڪنهن به معاملي تي ڳالهيون نه ٿينديون، عوام جي حقن لاءِ پي ڊي ايم جدوجهد جاري رکندي: مولانا فضل الرحمان*
  • *لاڙڪاڻي ۾ گهر خالي ڪرڻ جا نوٽيس ملڻ بعد رائيس ڪئنال جي ڪپرن تي ويٺل رهواسين جو ٻئي ڏينهن به پاڪ ڪتاب کڻي احتجاج*
  • *ملڪ ۾ ڪورونا وگهي وڌيڪ 67 مريض حياتيون وڃائي ويٺا، 24ڪلاڪن دوران 2 هزار 458 نوان ڪيس رپورٽ ٿيا*
  • *ڊاڪٽر ماها ڪيس مان ڊاڪٽر عرفان قريشي جو نالو ڇو خارج ڪيو، سنڌ هاءِ ڪورٽ طرفان ڊاڪٽر ماها ڪيس جي جاچ آفيسر تي ڪاوڙ جو اظهار*
  • *رمضان شگر ملز ڪيس ۾ حمزه شهباز جي حاضري کان ڇوٽ واري درخواست منظور*
  • *بلين ٽري سونامي پروگرام ڪير پيو هلائي، ڪٿي به ڪو وڻ ناهي پوکيو ويو، سپريم ڪورٽ بلين ٽري سونامي پروگرام جو رڪارڊ طلب ڪري ورتو*
  • *اسٽيل ملز جا ملازم جبري برطرف ڪرڻ خلاف سراپا احتجاج بڻيل*ملير ۾ اسٽيل ملز جي مُک گيٽ آڏو وڏي تعداد ۾ ملازمن جو ڌرڻو، برطرف ٿيل ملازمن کي بحال ڪرڻ جو مطالبو*

سنڌ يونيورسٽي،ڪرپشن يا ٻي ڪا ڪهاڻي؟

ڏيڍ سال اڳ جڏهن اينٽي ڪرپشن حيدرآباد جي ڊپٽي ڊائريڪٽر ضمير عباسي پاران سنڌ حڪومت وٽ جمع ڪرايل انڪوائري رپورٽ ۾ ڄاڻايو ويو ته سنڌ يونيورسٽي ۾ غيرقانوني ٺيڪا ڏيڻ سان گڏ سياسي ماڻهن کي سرڪاري زمين الاٽ ڪئي وئي آهي ۽ جعلي ڀرتيون پڻ ڪيون ويون آهن ان کان علاوه غلط پروموشنز ٿيڻ کان وٺي گاڏين جي خريداري تائين مختلف مدن ۾ 71 ڪروڙن کان مٿي جي ڪرپشن ڪئي وئي آهي ته سنڌ جي وڏي وزير رپورٽ جي آڌار تي وائيس چانسلر پروفيسر ڊاڪٽر فتح محمد برفت کي فوري طور هٽائي چارج پرو وائيس چانسلر صديق ڪلهوڙو حوالي ڪري ڇڏي هئي، پر فتح محمد برفت سنڌ هاءِ ڪورٽ مان اسٽي آرڊر وٺي ٻيهر وي سي جو عهدو سنڀالي ويهي رهيو. توڙي جو عام اک سان ڏسندڙ عام ماڻهو ۽ ڪاغذي رپورٽن آڌار تي تجزيا ڪندڙ صحافي 71 ڪروڙن جي ميگا ڪرپشن جي معاملي تي زور ڏئي رهيا آهن پر وي سي خلاف سوڙهي ٿيل گهيري پٺيان اصل ڪهاڻي ڪا ٻي ئي لڳي رهي آهي. اهم ذريعن وٽان مليل ڄاڻ موجب اها ڪهاڻي شروع ٿئي ٿي يونيورسٽي اندر ڀرتيون ٿيڻ واري معاملي تان جن کي هن وقت جعلي سڏيو وڃي ٿو پر اصل ۾ انهن ڀرتين ۾ انهن اهم ماڻهن جو ڪوبه حصو پتي نه رکيو ويو هو جن فتح برفت کي وي سي ڪرائڻ لاءِ سفارشون ڪيون هيون نه رڳو برفت جا سفارشي نوڪرين جي سيٽن ۾ ڪوٽا نه ڏيڻ تان ڪاوڙيل هئا پر ضلعي جا ٻيا اهم اسٽيڪ هولڊر جيڪي سنڌ جي چيف ايگزيڪيوٽو جا انتهائي ويجها ماڻهو سمجهيا وڃن ٿا سي پڻ مٿس ڏمرجي پيا. اهو ئي نه پر چوڻ وارا چون ٿا ته برفت کي هٽائڻ جو فيصلو تڏهن ئي ٿي چڪو هو جڏهن نوڪرين جي ورهاست ۾ کين اعتماد ۾ نه ورتو ويو هو پر ان فيصلي تي عمل ڪرائڻ لاءِ ضرورت هئي مٿس ڪرپشن ثابت ڪرڻ جي جنهن لاءِ اينٽي ڪرپشن کاتي کي ميدان ۾ لاٿو ويو. ٻئي طرف وي سي فتح برفت ڪرسي جي نشي ۾ اهڙيون ته اکيون پوري ڇڏيون جو هن وقت جڏهن سندس مدي جو وقت به ذري گهٽ اچي پورو ٿيو آهي تڏهن سندس ڪوبه حمايتي يا همدرد نظر نٿو اچي، ٻين لفظن ۾ ته استادن توڙي شاگردن کان وٺي سنڌ يونيورسٽي سان دلچسپي رکندڙ ذري گهٽ سڀ ماڻهو سندس وڃڻ جو انتظار ڪري رهيا آهن. هن وقت هاءِ ڪورٽ پاران وائيس چانسلر برفت کي ڏنل اسٽي ختم ٿيڻ بعد ٻيهر وزيراعليٰ سنڌ پاران ڪيل ڪارروائي جي نتيجي ۾ قانون واري وزارت جي سفارشن جي روشني ۾ اينٽي ڪرپشن ڄامشورو مٿس سندس ساٿين سميت ڪيس داخل ڪري ورتو آهي، جنهن بعد اينٽي ڪرپشن کاتي جي عملدارن جي ڇاپن جي نتيجي ۾ پهريون شڪار ٿيل جيولاجي شعبي جي اسسٽنٽ پروفيسر راجا ڏاهر کي گرفتار ڪري جيل ڀيڙو ڪيو ويو آهي جڏهن ته ڪيس ۾ جوابدار ڄاڻايل ڊزن کن آفيسرن ٻڌجڻ کان اڳ واريون ضمانتون ڪرائي ورتيون آهن، ضمانتون ڪرائڻ لاءِ آفيسرن جا ٽولا ڪورٽن جي اڳيان پٺيان چڪر کائي رهيا آهن. وڏن عهدن وارو هڪ ننڍو ٽولو ڪراچي جي ڪورٽ ۾ به وڃي نڪتو جتي وي سي برفت کي به ٻڌجڻ کان روڪڻ وارو حڪم نامو جاري ٿي چڪو آهي. عرفانه ملاح جو چوڻ آهي ته گرفتار ڪيل اسسٽنٽ پروفيسر راجا ڏاهر ٽرانسپورٽ ڪميٽي جو ميمبر مقرر ڪيو ويو هو، پر 2017 ع ۾ جڏهن ٽرانسپورٽ جا ٺيڪا ڏيڻ وارن پنن تي راجا ڏاهر جون ڪوڙيون صحيحون ڪيون پئي ويون ان وقت هو چين ولايت ۾ ويٺل هو.ٻئي طرف وي سي برفت کي هٽائڻ وارين خبرن کان پوءِ سنڌ يونيورسٽي جي وي سي شپ حاصل ڪرڻ لاءِ پڻ ڳجھه ڳوھ ۾ ڊوڙ شروع ٿي وئي آهي.

Bookmark the permalink.

Leave a Reply

Your email address will not be published. Required fields are marked *