Warning: session_start(): open(/var/cpanel/php/sessions/ea-php71/sess_j9qapumnhbnpsvcm83iummhldq, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
سنڌ ۾بدامني جي ڀڙڪندڙ باهه - Pahenji AkhbarPahenji Akhbar سنڌ ۾بدامني جي ڀڙڪندڙ باهه - Pahenji Akhbar
تازا ترين
  • *ڀرياسٽي ۾ پوليس حراست دوران ڏوهارين جي فرار ٿيڻ وارو مامرو *ايس ايڇ او سميت 6 اهلڪارن کي پنجن ڏينهن جو رمانڊ پورو ٿيڻ تي عدالت ۾ پيش ڪيو ويو *عدالت پاران ايس ايڇ او ۽ وڏي منشي سميت 4 اهلڪارن جي 20،20 هزار روپين عيوض ضمانت منظور*
  • *گمبٽ ۾ آبپاشي کاتي جي زمين تان قبضا ختم ڪرائڻ لاءِ آپريشن جاري، ڪيترائي دڪان ڊاهي پٽ *اسسٽنٽ ڪمشنر جي نگراني ۾ عدالتي حڪم تي شادي هال، دڪان ۽ گهر ڊاهڻ جو سلسلو جاري *دڪاندار پاڪ ڪتاب کڻي دڪانن آڏو بيهي رهيا، فيصلو واپس ورتو وڃي: مطالبو*
  • *ڪورونا سبب ملڪ جا سمورا تعليمي ادارا بند ڪرڻ جو فيصلو *26نومبر کان ملڪ جا تعليمي ادارا بند ڪيا ويندا:شفقت محمود * تعليمي ادارن ۾امتحان به ملتوي ڪرڻ جو فيصلو:شفقت محمود *26نومبر کان 24 ڊسمبر تائين هوم لرننگ جاري رهندي:شفقت محمود *25ڊسمبر کان 10 جنوري تائين سياري جي موڪل هوندي:شفقت محمود اسڪولز، ڪاليجز، يونيورسٽيز ۽ ٽيوشن سينٽرز بند رهندا:شفقت محمود *11جنوري تي ملڪ جا تعليمي ادارا کولڻ جو اعلان: شفقت محمود تعليمي ادارا کولڻ بابت ڪورونا صورتحال جو جائزو ورتو ويندو:وفاقي وزير*
  • *لاڙڪاڻو: اوستا محمد ويجهو ڪار ۽ مزدا ۾ ٽڪر، هڪ ڄڻو فوت ٿي ويو *تيز رفتار ڪار گڏهه گاڏي کي بچائيندي مزدا سان ٽڪرائجڻ سبب 3 ڄڻا زخمي ٿي پيا *زخمين کي چانڊڪا اسپتال نيو ويو جتي ڪار ڊرائيور محمد ابراهيم شاهه فوت ٿي ويو*
  • *ٺري ميرواهه ۾ شهرين پاران اسپتال ۾ دوائن ۽ سهولتن جي کوٽ خلاف احتجاجي مظاهرو، ٽائرن کي باهه *اسپتال ۾ نانگ ڪکيل ۽ ڪتن ڏاڙهيلن واري ويڪسين اڻلڀ آهي: مظاهرين*
  • *ٽنڊوجان محمد ۾ بوائز ڊگري ڪاليج جا 2 ليڪچرار ڪورونا جو شڪار *ڪورونا جا ڪيس ظاهر ٿيڻ تي مير حاجي خدابخش ٽالپر بوائز ڊگري ڪاليج هفتي لاءِ بند*
  • *سنڌهاءِ ڪورٽ ۾ آرزو راجا ڪيس جي ٻڌڻي *آرزو راجا والدين سان گڏ وڃڻ کان انڪار ڪري ڇڏيو، عدالت درخواست اڪلائي ڇڏي *پوليس اختياريون معاملي جي جاچ ڪري ماتحت عدالت ۾ رپورٽ جمع ڪرائين: عدالت *عدالت آرزو جي تعليم ۽ ٻين سهولتن جو انتظام ڪرڻ جي هدايت *روزانو گهرو کاتي جي طرفان ڪو نمائندو هڪ ڪلاڪ آرزو سان ملاقات ڪندو: عدالت *آرزو چاهي ته پنهنجو فيصلو واپس وٺي سگهي ٿي: عدالت*
  • *اسلام آباد: احتساب عدالت ۾ جعلي اڪائونٽس اسڪينڊل ڪيس جي ٻڌڻي *عدالت جوابدار شفقت ممتاز جي ريمانڊ ۾ 7 ڏينهن جي واڌ ڪري ڇڏي *نيب جوابدار شفقت ممتاز کي احتساب عدالت ۾ پيش ڪيو *جيترو جلدي ٿي سگهي، جاچ مڪمل ڪئي وڃي:عدالت*
  • *دادو ۾ سڱاوتي تڪرار تان فائرنگ ۾ زخمي ٿيل نوجوان ڪراچي جي اسپتال ۾ دم ڏئي ڇڏيو *مقتول امتياز برهماڻي جو مڙهه داخل منتقل ڪيو پيو وڃي *
  • *غوثپور ويجهو ٽرالر جو رڪشا کي ٽڪر، ٻن عورتن سميت 4ڄڻا سخت زخمي *انڊس هاءِ وي تي انڙ اسٽاپ وٽ حادثو پيش آيو، زخمي اسپتال منتقل*
  • *اسلام آباد: احتساب عدالت ۾ آصف زرداري جو گهر سيل ڪرڻ خلاف ڪيس جي ٻڌڻي *احتساب عدالت جي نمبر هڪ جج محمد بشير جي موڪل سبب ٻڌڻي ڪارروائي کانسواءِ ملتوي *ڪيس جي ٻڌڻي 18 ڊسمبر تائين ملتوي ڪئي وئي *آصف زرداري ڪراچي جي ڪلفٽن ۾ قائم گهر کي سيل ڪرڻ خلاف درخواست داخل ڪرائي رکي آهي*
  • *اسلام آباد: وڪيلن جي بغير انٽري ٽيسٽ انرولمينٽ وارو معاملو *چئني صوبن جي وڪيلن جو سپريم ڪورٽ جي مک دروازي آڏو احتجاج، ايڇ اي سي خلاف نعريبازي *اسان کي اسان جي ووٽ جو حق واپس ڏنو وڃي: احتجاج ڪندڙ وڪيل *

سنڌ ۾بدامني جي ڀڙڪندڙ باهه

سنڌ ۾ هڪ ڀيرو ٻيهر بدامني جي تازي لهر شروع ٿي وئي آهي، جتي ڪراچي ۾ ڀتي خور دڪانن تي ڪريڪرن جا حملا ڪري رهيا آهن ته اتي مختلف ضلعن ۾ ڌاڙيلن ماڻهن کي اغوا ڪرڻ ۽ ڀنگ وٺڻ جو سلسلو به شروع ڪري ڏنو آهي، اخبارون جتي سياسي خبرن جي والار هيٺ هجن ٿيون اتي سياسي خبرن کي ڇڏي ٻيون سموريون خبرون ڪنهن نه ڪنهن حوالي سان بدامني سان ئي تعلق رکن ٿيون، نه رڳو اغوا ۽ ڀتي خوري جو سلسلو شروع ٿيو آهي پر گڏو گڏ روزانو سنڌ جي ڪنڊ ڪڙڇ مان اهي به خبرون اچي رهيون آهن ته ڪنهن غريب جي ٻڪري محفوظ ناهي، ڪو ماڻهو دڪان آڏو موٽر سائيڪل بيهاري سامان وٺڻ ٿو وڃي ته پٺيان ڪاٽڪو سندس موٽر سائيڪل به ڪاهي ٿا وڃن. هي سڀ ڪجهه اهڙن ڏينهن ۾ شروع ٿيو آهي جڏهن سنڌ جي ماڻهن جي ووٽن تي چونڊيل پ پ سرڪار پنهنجي لاڳيتي ٽئين اقتداري دور ۾ ڪيترائي ڀيرا پوليس قانون ۾ ترميمون ڪري اها دعويٰ ڪندي رهي آهي ته امن امان اسان جي ذميواري آهي، هاڻ ماڻهن جو جان ۽ مال محفوظ هوندو. گڏوگڏ اي ڊي خواجه جي دور کان وٺي آءِ جي سيد ڪليم امام تائين سنڌ حڪومت جا پوليس آفيسرن سان جيڪي به جهيڙا ٿيا انهن ۾ پيپلز پارٽي جي حڪومت جو سمورو زور ان ڳالهه تي هو ته پوليس سندس ماتحت ناهي ان ڪري بدامني ٿي رهي آهي، پوليس کي پنهنجي ماتحت ڪرڻ لاءِ سنڌ سرڪار 4 ڀيرا نه رڳو پوليس قانون ۾ ترميمون ڪيون پر پبلڪ سيفٽي ڪميشن ٺاهي اها به دعويٰ ڪئي وئي ته هاڻي پوليس به عوام جي چونڊيل حڪومت آڏو جوابداه آهي. پهرين ٻه چار ڏينهن ۾ ته تڪڙيون تڪڙيون گڏجاڻيون ڪري ان وقت جي حڪومت مخالف آءِ جي ڪليم امام تي دٻاءُ وڌا ويا پر جيئن ئي ڪليم امام هٽيو ۽ موجوده آءِ جي مشتاق مهر چارج سنڀالي ته ڄڻ سنڌ حڪومت مٿان سمورو بار لهي ويو ان حد تائين ته کپرو ۽ نئون ڪوٽ شهر ۾ پوليس ڪوڙن مقابلن ذريعي نوجوان ماريا، ڄامشورو ۾ پوليس کوسن جي ڳوٺ تي چڙهائي ڪري ٿڃ پياڪ ٻارن ۽ پيرن اگهاڙين عورتن کي به ڌاڙيلن وانگر پوليس وينن ۾ واڙي عدالتن تائين پهچايو پر موجوده حڪومت جي ڪن تي ڄڻ جونءَ ئي نه سري ڪنهن به وزير ڪا به پريس ڪانفرنس نه ڪئي، ويندي مذمتي بيان جاري ڪرڻ جيتري زحمت به نه ڪئي.
محسوس ايئن ٿي رهيو آهي ڄڻ ته سنڌ حڪومت جو سمورو زور سنڌ جي ماڻهن کي امن ڏيڻ نه پر ان وقت جي آءِ جي ڪليم امام کي ئي هٽائڻ هو. جيئن ئي ڪليم امام هٽيو آهي سنڌ ۾ جنهن بدامني جي لهر ڪر کنيو آهي ان سنڌ جي ماڻهن کي هڪ ڀيرو ٻيهر پريشان ڪري ڇڏيو آهي، روز جون اخبارون پڙهي ايئن محسوس ٿئي ٿو ڄڻ اسان واپس ان دور ۾ داخل ٿي رهيا آهيون جڏهن شام ٿيندي ئي سنڌ جا روڊ ڌاڙيلن حوالي ٿي ويندا هئا. چور گهوٻاٽا کڻي ڳوٺن ۾ ڪاهي پوندا هئا، نه ڪنهن غريب جي گهر ۾ سڄي رلي ڇڏيندا هئا نه ڪو ٺڪر ٿانو ڇڏيندا هئا، ويندي سٺا ڪڪڙ به چوري ڪري ويندا هئا، چوريون، ڦرون ۽ ڌاڙا سنڌ جي ڳوٺ ڳوٺ تائين پهچي چڪا هئا، سنڌ جا مختلف علائقا جيئن هن وقت وڏيرن وٽ ورهايل آهن تيئن انهن ڏينهن ۾ ڌاڙيل ۽ چورن وٽ ورهايل هئا، پر پوءِ جڏهن وقت جي حڪومتن اکيون کوليون ته جڳ جهان ڏٺو، جيڪي ڌاڙيل ڀريل بازارن ۾ مڇون وٽي، فني خان ٿي پيا گهمندا هئا انهن کي ٻيلن ۾ به لڪڻ جي جاءِ نه پئي ملي جيستائين وقت جي حڪومت جي سچائي هئي يا انهن چاهيو ٿئي ته سنڌ جا ماڻهو بدامني جي باهه ۾ سڙي سڙي هاڻي ٿڪجي پيا آهن کين ٿورو سک جو ساهه ملڻ کپي تيستائين سنڌ ۾ امن رهيو پر وقت سان گڏ اهو امن ڄڻ عارضي هو. هاڻ ٻيهر سنڌ جي ڳوٺن ۽ شهرن ۾ بدامني جون دونهيون دکي رهيون آهن، ظاهري طور ڀلي اهي ڌاڙيل ڪنهن هڪ ماڻهو کي اغوا ڪري ڀنگ وٺندا هجن يا لوفر پستول تاڻي ڪنهن دڪاندار کان ڀتو وٺندا هجن يا وري ڪو چور آڌي رات جو لوڙها لتاڙي ڪنهن غريب جي در تان ٻڪري چوري ڪندو هجي پر اهي واقعا مجموعي طور ان شهر يا علائقي جي سڄي معاشي ۽ سماجي زندگي تي اثر وجهندا آهن. ڌاڙيلن جي هڪڙي واقعي کانپوءِ ماڻهو رات جو خوف ۾ سفر ڪرڻ بند ڪندا آهن، عزت ڀريو شريف ماڻهو رات جو پنهنجي ٻني ٻاري تي ناهي نڪرندو، گڏوگڏ علائقا خوف ۾ به وٺجي ويندا آهن. سنڌ سرڪار کي سياسي بيان بازين، وفاقي سرڪار جي غلطين ڳولڻ واري انتهائي ضروري ڪم مان ٿورو واندو ٿي هفتي کن جون اخبارون پڙهي سنڌ اندر وڌيل بدامني تي ڌيان ڏيڻ گهرجي.
مون کي ياد آهي ته ماضي ۾ هر مهيني يا گهٽ ۾ گهٽ 2 مهينن اندر امن امان جي حوالي سان هڪ اڌ اجلاس ضرور ٿيندو هو جنهن ۾ سنڌ جو گهرو کاتو ۽ پوليس کاتو پنهنجون پنهنجون رپورٽون جمع ڪرائيندا هئا ته مهيني اندر سنڌ مان ڪيترا موٽر سائيڪل چوري ٿيا، ڪيتريون ڪارون چوري ٿيون ، ڪيترائي ماڻهو ڀنگ ڀري آزاد ٿيا، ڪيترا ماڻهو ٽارگٽ ڪلنگ ۽ ڪيترا ماڻهو ذاتي دشمني ۾ مارجي ويا پر هاڻ ذري گهٽ اڌ سال گذري چڪو آهي امن امان جو خصوصي اجلاس ته ڇا پر ڪابينا جي ڪنهن اجلاس ۾ امن امان جي ڳالهه ايجنڊا ۾ ئي شامل ناهي هوندي. نه رڳو اغوا، ڦر، چوريون ۽ ڀتا خوري جا واقعا وڌيا آهن پر سنڌ اندر عورتن ۽ ٻارن تي تشدد جا اهڙا ته دردناڪ واقعا شروع ٿيا آهن جو ٻڌندي ئي ماڻهو جا لڱ ڪانڊارجيو وڃن. سنڌ ۾ گهرو کاتو ڄڻ گهري ننڊ ۾ ستل آهي، پبلڪ سيفٽي ڪميشن صرف پگهارون کڻڻ ۽ سول سوسائٽي کي خوش ڪرڻ ۾ مصرف آهي اتي وري عورتن جي ڀلائي وارو کاتو، عورتن ۽ ٻارن بابت جڙيل ڪميشنون سرڪار جا ڪروڙين رپيا ڳڙڪائڻ باجود ڪنهن هڪ به ڪيس جي پوئيواري نه ٿيون ڪن جتي ٻارن ۽ عورتن خلاف تشدد جو ڪو واقعو ٿيو هجي.
جڏهن سرڪار جي سمورن ادارن کي ڪنهن ماٺ جي مهر لڳندي، ڪنهن هڪ آءِ جي سان ذاتي جهيڙي ۾ اڀ ڏاڙيندڙ ڀڀڪيون ڪبيون، هڪ مهيني اندر وزيراعظم کي چار چار خط لکي اها ڳڻتي يا دانهن ڪبي ته فلاڻي آفيسر جي موجودگي ۾ سنڌ بدامني جي باهه ۾ سڙي پئي اهو آفيسر هٽيو ته سنڌ امن جي هندوري ۾ لڏندي ۽ وري جڏهن اهو آفيسر هٽي وڃي پنهنجا من پسند آفيسر اچي وڃن ته پوءِ سنڌ جا ماڻهو ڄڻ ڪيڙا مڪوڙا ٿيو پون، ڀلي روڊن تي لٽجن ڦرجن اغوا ٿين سندن جان ۽ مال 24 ڪلاڪ خطري ۾ هجي ۽ سرڪار کي ماٺ جي مهر لڳل هجي ته ماڻهو ضرور سوال ڪندا. سنڌ سرڪار کي فوري طور امن امان جي حوالي سان هڪڙو اجلاس سڏائڻ گهرجي، سڄي سنڌ ۾ جيڪي لاڏلا ۽ من پسند پوليس آفيسر مقرر ڪيا ويا آهن انهن کان اهو ضرور پڇجي ته سندن ضلعن ۾ هي جيڪي ڏوهاري اوچتو ٻرن مان ٻاهر نڪري آيا آهن جن پرامن شهرين جو جيئڻ جنجال ڪري ڇڏيو آهي انهن کي ڪنهن جي پٺ ڀرائي حاصل آهي، گڏوگڏ ننڊ ستل عورتن واري کاتي، عورتن ۽ ٻارن لاءِ اٽي تي چٽي بڻيل ڪميشنن کي به ننڊ مان اٿاري سنڌ اندر بدامني ۽ تشدد جي واقعن کي روڪڻ گهرجي.

Bookmark the permalink.

Leave a Reply

Your email address will not be published. Required fields are marked *