Warning: session_start(): open(/var/cpanel/php/sessions/ea-php71/sess_h2f2gsqelfbbigoc55o4vede9p, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
عيد جون خوشيون ۽ مهانگائي جو طوفان - Pahenji AkhbarPahenji Akhbar عيد جون خوشيون ۽ مهانگائي جو طوفان - Pahenji Akhbar
تازا ترين
  • *ڀرياسٽي ۾ پوليس حراست دوران ڏوهارين جي فرار ٿيڻ وارو مامرو *ايس ايڇ او سميت 6 اهلڪارن کي پنجن ڏينهن جو رمانڊ پورو ٿيڻ تي عدالت ۾ پيش ڪيو ويو *عدالت پاران ايس ايڇ او ۽ وڏي منشي سميت 4 اهلڪارن جي 20،20 هزار روپين عيوض ضمانت منظور*
  • *گمبٽ ۾ آبپاشي کاتي جي زمين تان قبضا ختم ڪرائڻ لاءِ آپريشن جاري، ڪيترائي دڪان ڊاهي پٽ *اسسٽنٽ ڪمشنر جي نگراني ۾ عدالتي حڪم تي شادي هال، دڪان ۽ گهر ڊاهڻ جو سلسلو جاري *دڪاندار پاڪ ڪتاب کڻي دڪانن آڏو بيهي رهيا، فيصلو واپس ورتو وڃي: مطالبو*
  • *ڪورونا سبب ملڪ جا سمورا تعليمي ادارا بند ڪرڻ جو فيصلو *26نومبر کان ملڪ جا تعليمي ادارا بند ڪيا ويندا:شفقت محمود * تعليمي ادارن ۾امتحان به ملتوي ڪرڻ جو فيصلو:شفقت محمود *26نومبر کان 24 ڊسمبر تائين هوم لرننگ جاري رهندي:شفقت محمود *25ڊسمبر کان 10 جنوري تائين سياري جي موڪل هوندي:شفقت محمود اسڪولز، ڪاليجز، يونيورسٽيز ۽ ٽيوشن سينٽرز بند رهندا:شفقت محمود *11جنوري تي ملڪ جا تعليمي ادارا کولڻ جو اعلان: شفقت محمود تعليمي ادارا کولڻ بابت ڪورونا صورتحال جو جائزو ورتو ويندو:وفاقي وزير*
  • *لاڙڪاڻو: اوستا محمد ويجهو ڪار ۽ مزدا ۾ ٽڪر، هڪ ڄڻو فوت ٿي ويو *تيز رفتار ڪار گڏهه گاڏي کي بچائيندي مزدا سان ٽڪرائجڻ سبب 3 ڄڻا زخمي ٿي پيا *زخمين کي چانڊڪا اسپتال نيو ويو جتي ڪار ڊرائيور محمد ابراهيم شاهه فوت ٿي ويو*
  • *ٺري ميرواهه ۾ شهرين پاران اسپتال ۾ دوائن ۽ سهولتن جي کوٽ خلاف احتجاجي مظاهرو، ٽائرن کي باهه *اسپتال ۾ نانگ ڪکيل ۽ ڪتن ڏاڙهيلن واري ويڪسين اڻلڀ آهي: مظاهرين*
  • *ٽنڊوجان محمد ۾ بوائز ڊگري ڪاليج جا 2 ليڪچرار ڪورونا جو شڪار *ڪورونا جا ڪيس ظاهر ٿيڻ تي مير حاجي خدابخش ٽالپر بوائز ڊگري ڪاليج هفتي لاءِ بند*
  • *سنڌهاءِ ڪورٽ ۾ آرزو راجا ڪيس جي ٻڌڻي *آرزو راجا والدين سان گڏ وڃڻ کان انڪار ڪري ڇڏيو، عدالت درخواست اڪلائي ڇڏي *پوليس اختياريون معاملي جي جاچ ڪري ماتحت عدالت ۾ رپورٽ جمع ڪرائين: عدالت *عدالت آرزو جي تعليم ۽ ٻين سهولتن جو انتظام ڪرڻ جي هدايت *روزانو گهرو کاتي جي طرفان ڪو نمائندو هڪ ڪلاڪ آرزو سان ملاقات ڪندو: عدالت *آرزو چاهي ته پنهنجو فيصلو واپس وٺي سگهي ٿي: عدالت*
  • *اسلام آباد: احتساب عدالت ۾ جعلي اڪائونٽس اسڪينڊل ڪيس جي ٻڌڻي *عدالت جوابدار شفقت ممتاز جي ريمانڊ ۾ 7 ڏينهن جي واڌ ڪري ڇڏي *نيب جوابدار شفقت ممتاز کي احتساب عدالت ۾ پيش ڪيو *جيترو جلدي ٿي سگهي، جاچ مڪمل ڪئي وڃي:عدالت*
  • *دادو ۾ سڱاوتي تڪرار تان فائرنگ ۾ زخمي ٿيل نوجوان ڪراچي جي اسپتال ۾ دم ڏئي ڇڏيو *مقتول امتياز برهماڻي جو مڙهه داخل منتقل ڪيو پيو وڃي *
  • *غوثپور ويجهو ٽرالر جو رڪشا کي ٽڪر، ٻن عورتن سميت 4ڄڻا سخت زخمي *انڊس هاءِ وي تي انڙ اسٽاپ وٽ حادثو پيش آيو، زخمي اسپتال منتقل*
  • *اسلام آباد: احتساب عدالت ۾ آصف زرداري جو گهر سيل ڪرڻ خلاف ڪيس جي ٻڌڻي *احتساب عدالت جي نمبر هڪ جج محمد بشير جي موڪل سبب ٻڌڻي ڪارروائي کانسواءِ ملتوي *ڪيس جي ٻڌڻي 18 ڊسمبر تائين ملتوي ڪئي وئي *آصف زرداري ڪراچي جي ڪلفٽن ۾ قائم گهر کي سيل ڪرڻ خلاف درخواست داخل ڪرائي رکي آهي*
  • *اسلام آباد: وڪيلن جي بغير انٽري ٽيسٽ انرولمينٽ وارو معاملو *چئني صوبن جي وڪيلن جو سپريم ڪورٽ جي مک دروازي آڏو احتجاج، ايڇ اي سي خلاف نعريبازي *اسان کي اسان جي ووٽ جو حق واپس ڏنو وڃي: احتجاج ڪندڙ وڪيل *

عيد جون خوشيون ۽ مهانگائي جو طوفان

مذهبي ڏينهن خوشين سان گڏ ڪجهه سبق ڏيڻ لاءِ به هوندا آهن ،انهن ڏينهن کي ملهائڻ لاءِ حڪومتون عوام لاءِ آسانيون ۽ سهولتون پيدا ڪنديون آهن ته جيئن هر ماڻهو پنهنجي عقيدي مطابق اهي ڏينهن ملهائي سگهي ۽ پيغام الاهي تي عمل ڪري سگهي. سرڪاري طور ادارن ۾ موڪليون ڪيون وينديون آهن،عام استعمال جي شيون سستيون ڪيون وينديون آهن جيئن هر ڪو پنهنجي وس آهر سولائي سان اهي شيون خريد ڪري پنهنجي ۽ خاندان جي خواهشن ۽ خوشين کي پورو ڪري سگهي. پر اسان وٽ نظام جي ناڪاره هجڻ جي مصيبت ڪري اهڙا خوشين جا ڏينهن به ماڻهو پريشاني ۾ گذاري ڇڏيندو آهي،منافعي خور انهن مذهبي ڏينهن کان به نه مڙندا آهن عام استعمال جون شيون ٻيڻيون ٽيڻيون مهانگيون ڪري ڇڏيندا آهن ۽ نظام انهن کي ايئن ڪرڻ کان روڪڻ ۾ بلڪل بيوس ۽ لاچار هوندو آهي يا انهن سان ٻٽ بڻيل هوندو آهي ۽ سڄو بار اچي عام ماڻهو جي ڪلهن تي پوندو آهي.
اڄ عيد جو ڀلارو ڏينهن آهي، قرباني جي عيد وارو ڏينهن جنهن جو سبق ۽ درس ئي اهو آهي ته پنهنجي پياري ۾ پياري شيءَ قربان ڪري پنهنجي پالڻهار جي خوشنودي حاصل ڪجي.پر انهي ڏينهن جي اچڻ کان اڳ ئي منافعي خورن مهانگائي جو طوفان آڻي ڇڏيو آهي، ٽماٽن سميت عام استعمال جي شين جا اگهه چوٽ چڙهي ويا آهن، کنڊ ته وڃي 100 رپيا ڪلو تي پهتي آهي، جنهن جي قيمت 70 رپيا في ڪلو هجڻ گهرجي. شماريات کاتي جي انگن اکرن مطابق هن هفتي ۾ مجموعي طور 31 سيڪڙو مهانگائي ۾ واڌ ٿي آهي.انهي مهانگي ٿيل شين ۾ اهي شيون شامل آهن جن جو عام ماڻهو جي زندگي سان روز جو واسطو آهي انهن شين ۾ بصر ،اٽو،پٽاٽاشامل آهن جن کانسواءِ عوام جو ڪو ويلو گذارو ڪرڻ ئي مشڪل آهي.اڳ ئي ڪورونا جي ڪري ماڻهن جي روزگار جا ذريعا ڏينهون ڏينهن سوڙها ٿي رهيا آهن ،ماڻهن جون نوڪريون ختم ٿي رهيون آهن اهڙي صورتحال ۾ مهانگائي جو طوفان انهن کان جيئڻ جون سڀ واٽون بند ڪري رهيو آهي پر اسان وٽ انهن قيمتن تي ڪنٽرول جي نالي تي قائم ڪيل ادارا پنهنجو ڪو ڪردار ادا ڪندي نظر نه ٿا اچن،ماڻهن کي سرڪاري طور رليف ڏيڻ لاءِ يوٽيلٽي اسٽورز ته قائم ٿيل آهن پر انهن تائين پهچ ڪجهه سيڪڙو ماڻهن جي مس آهي ۽ مٿان وري انهن اسٽورز تي اڪثر ڪري اهي عام استعمال جون شيون هونديون ئي ناهن جنهن ڪري انهن جو هجڻ يا نه هجڻ عوام لاءِ ڪا معنيٰ نه ٿو رکي.اڃان انهي مهانگائي مان عوام جي جان آجي نه ٿي آهي ته مٿان وري سرڪار هڪ ٻيو پيٽرول بم ڪيرائڻ جي تياري ڪري رهي آهي. ناڻي واري وزارت ڏانهن سمري تيار ڪري موڪلي وئي آهي جيڪڏهن سرڪار ان جي منظوري ڏني ته پوءِ 7 رپيا في ليٽر پيٽرول مهانگو ٿي ويندو ،جيڪڏهن پيٽرول جون قيمتون وڌيون ته ان سان پاڻمرادو ڪراين کان وٺي عام استعمال جي شين جي قيمتن ۾ واڌارو ٿي ويندو.حڪمرانن جي عوام کان لاپرواهي ۽ انتظاميا جي غير فعال هجڻ ڪري منافعي خورن کي عوام جو رت چوسڻ جو موقعو ٿو ملي ،لڳي ٿو هن عيد تي به عوام ٻنهي هٿن سان لٽبو ۽ انهن منافعي خورن کان ڪير بچائڻ وارو به نه هوندو.
اسان جا حڪمران عام ڏينهن ۾ ته عوام کي ڪي سهولتون ڏيڻ کان رهيا پر اهڙن ڀلارن ڏينهن تي به انهن جي مذهبي خوشين کي خراب ڪرڻ جو سبب بڻجي رهيا آهن.اسان سمجهون ٿا ته اها رياست ۽ حڪومت جي ذميواري آهي ،عام استعمال جي شين جي پاڻمرادو وڌندڙ قيمتن تي نظر رکڻ انتظاميا جي ذميواري آهي،جيڪڏهن ڪير پنهنجي فرضن ۾ ڪوتاهي ڪري ٿو ته ان جي سزا عوام کي ملي ٿي،تنهن ڪري ضروري آهي ته حڪومت قيمتن تي ڪنٽرول جو ڪو اهڙو مڪيننزم جوڙي جو ڪنهن به منافعي خور ۽ ذخيره اندوز کي عوام کي ڦرڻ جو اختيار نه ملي ۽ قيمتن کي ڪنٽرول ۾ رکڻ لاءِ سرڪاري رٽ نظر اچي.

Bookmark the permalink.

Leave a Reply

Your email address will not be published. Required fields are marked *