Warning: session_start(): open(/var/cpanel/php/sessions/ea-php71/sess_aa5rb8a3tjvsrgrl7rvh9ids3m, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
قصو رنگ ڳورو ڪرڻ واري ڪريم جو! - Pahenji AkhbarPahenji Akhbar قصو رنگ ڳورو ڪرڻ واري ڪريم جو! - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

قصو رنگ ڳورو ڪرڻ واري ڪريم جو!

جڏهن کان پنهنجي ملڪ ۾ ڪورونا خان ٻارين ٻچين اچي لڏو لاٿو آهي تڏهن کان وٺ وٺان شروع ٿي وئي ته ماسڪ پايو ۽ ذري ذري هٿ ڌويو. مون ايترا ته ماسڪ ڇڪي، ڪنن تي رکي پاتا جو منهنجا ٻئي ڪن ڪيٽا ٿي پيا. منهنجي اهڙي حالت ٿي وئي جهڙو بري ٻڪري ڪاوڙ ۾ پئي هلي. مون وري هٿ ڌوئڻ تي زور لڳايو. روزانو ٻه ٽي صابڻ جون چڪيون هٿن تي گسائي ڇڏيندو هئس. پوءِ ته ابا مون وارا هٿ اهڙا اڇا ٿي پيا جهڙو ڪنهن انگريز جا هٿ هجن. انهي جدوجهد دوران ٽي مهينا کن مون کان منهن ڌوئڻ وسري ويو. هڪ ڏينهن منهن تي هٿ رکي جو آرسي ۾ ڏٺم ته ڇا ڏسان ۽ حيراني ۾ اکيون، نڍالو، نڪ نائون ميل، وات ورڙ موري جهڙو ٿي ويو منهن تي منهنجا هٿ چاندي وانگر پئي چمڪيا ۽ منهن اهڙو ڪارو هو جهڙو تئي جو ترو هجي.
اهو لقاءُ ڏسي طوطن ماءُ کل ۾ اونڌي پئي ٿئي چئي، مئا تون اڄ جهڙو بليڪ اينڊ وائيٽ ٽي وي هجين! چيومانس بروبر! سچ ٿي چوين گامون سچار جي ڌيءُ! اهو ٻڌي طوطن ماءُ ڇتي ٿي پئي، چئي مئا مون کي ٻيو پيءُ ٿو ڏين! گامون سچار آهي تنهنجو پيءُ! تنهنجو ڏاڏو! تنهن جو پڙ ڏاڏو! پوءِ ته اسان ٻنهي ۾ مياڻي واري جنگ شروع ٿي وئي گوڙ ٻڌي نانا پيرو اچي پهتو جنهن اسان جي وچ ۾ شملا ٺاهه ڪرائي امن بحال ڪيو. پوءِ مون کي فڪر ٿيو ته ڪاري منهن کي اڇو ڪيئن ڪريان؟ مرحيات ڏاڏي به گذاري وئي جيڪا ڳالهه ڳالهه تي چوندي هئي اڇو اٿئي منهن! هڪ دفعي شهر ويس ته، ڀتين تي لکيل مشهوريون پڙهڻ شروع ڪيون. ڏند ۽ ڏاٺون، انبوري سان ڇڪي ڪڍڻ واري ڊاڪٽر ۽ ڊاڪٽرياڻي جي مشهوري هئي، کڳ پوڙهن کي مرداڻي طاقت جا ڪشتا کارائي جوان ڪندڙ ۽ پٽ جو اولاد ڏيارڻ وارن حڪيمن جون مشهوريون هيون. محبوب کي قدمن ۾ ڪيرائڻ وارن عاملن جون مشهوريون هيون. هڪ حڪيم سڳوري ته پنهنجي مشهوري جي مٿان لکرايو هو “هماري دوا بجلي ڪي تيزي سي اثر ڪرتي هي ”سوچيم شايد هي حڪيم سڳورو پنهنجي دوا جي پڙي يارهن هزار وولٽ واري تار تي رکي پوءِ ٿو مريضن کي کارائي هڪ ڀت تي رنگ ڳورو ڪرڻ واري ڪريم جو اشتهار پڙهي آئون ٺري پيس. پڇائون ڪري وڃي اها ڪريم ورتم.ڪريم وٺي اچي ٿو منهن تي ٿڦ ٿڦان ڪريان ته ڪريم لڳل منهنجو منهن ايئن پر نور ٿيو پيو چمڪي جهڙو چوڏهين جو چنڊ هجي. وري ڌوئي اچي آرسي ۾ ڏسان اهو ئي ڪاري جو ڪارو. مون اهڙي ڪريم ٺاهڻ وارن کي ڳڻي 360 گاريون ڏنيون. نيٺ  ڪريم ٺاهڻ واري ڪمپني جي مالڪ سان وڃي مليس چيومانس 235 رپين جي ڪريم آهي ڇهه وٺي منهن تي هنيو اٿم پر مون وارو منهن اهو ئي ڪارو تئي جي تري جهڙو آهي. مون کي پئسا ڀري ڏي! چيائين. بابلا اها ڪريم ڇهن هفتن کانپوءِ ڪاري منهن کي اڇو منهن ڪندي آهي. ٻيو اسان وٽ جادو ڪونهي جو پڙهي منهن تي ڦو ڪريون ته ڪارو منهن اڇو ٿي پوي. اهو ٻڌي منهنجا ڪاوڙ وارا وائيسر ڍرا ٿي ويا. مون موٽي اچي وري ڪريم جي ٿڦ ٿڦان شروع ڪري ڏني. ابا اوچتو ڪريم اچي ريئيڪشن پيدا ڪيو. منهن تي اهڙيون ڪارڙيون ڦرڙيون نڪري آيون جو منهنجو منهن صفا ڄاهي جهڙو ٿي پيو ۽ ڪنهن کي منهن ڏيکارڻ جهڙو ڪو نه رهيس. دل چيو ته ڄاهي وانگر لوڙهي ۾ لڪي وڃان. مجبور ٿي لوڙهي ۾ منهن وڌم ته اهڙا ڪنڊا لڳا جو سڄو منهن ايئن رتورت ٿي ويو جهڙو ڊاٽسن مان ڇانهين ڪري روڊ تي ڦٿي پئي هجي. پوءِ منهنجو عاليشان رات ڏينهن ڪئون ڪئون ڪرڻ وارو مودي مهانڊي وارو سدا ملوڪ گلر وڪڻي آئون وڃي چمڙي جي ماهر جي ورچڙهيس. تنهن منهنجو منهن ماڻهن جي منهن جهڙو ته ڪري ڏنو باقي ٽئي ٽئي ڏينهن گهرائي هزار روپيا في وٺي هزارن جون دوائون وٺرائي منهنجي کل ابتي ڪاتي سان لاهي ڇڏي. اتي هڪ بيسري مائي اچي لٿي. تنهن ٻڌايو ته آئون چمڙي جي ڊاڪٽر کان پلاسٽڪ سرجري ڪرائي شلپا شيٺي جهڙو حسين چهرو ٺهرائڻ آئي آهيان!
هن پنهنجو پرس امانت طور مون کي رکڻ لاءِ ڏنو ۽ پاڻ ويئي ڊاڪٽر ڏانهن مون پرس کولي ڏٺو ته نوٽن سان ڀريل هو. ڳڻي ڏٺم ته ٽيهه لک روپيا هئا. سوچيم ته پرس کڻي گولي ٿي وڃان وڃي ايڪس ايل آءِ گاڏي وٺان ۽ مينهن جو واڙو کوليان پوءِ چار آنا کير ۾ 12 آڻا پاڻي ملائي نوٽ ڪمائي باقي زندگي عيش ڪريان. وري سوچيم ڪنهن نياڻي جي ڏنل امانت ۾ خيانت ڪرڻ مڙس ماڻهو کي نٿي جڳائي. منهنجي بابي ۽ ڏاڏي به اهڙو ڪڌو ڪم ڪو نه ڪيو هو. خير مائي شلپا شيٺي جهڙو منهن ٺهرائي ٻاهر نڪتي. مون کيس پرس واپس ڪيو ۽ پڇيومانس ايترا پئسا ڪٿان آندا اٿئي تنهنجو به ڪو مينهن جو واڙو آهي ڇا؟ اول ته ٻڌائي نه پئي گهڻي منٿ ميڙ کانپوءِ ٻڌايائين ته سندس سهرو ماستر آهي انجا پئسا چوري ڪيا اٿس. ٻئي ڏينهن پنهنجي اخبار ۾ پڙهيم ته سنجهوري جي ماستر جي گهر مان چور 30 لک روپيا کڻي ويا آهن.
شام جو وري ٽائيم ٽيوي تي خبر آئي ته ماستر جا 30 لک چوري ڪو نهي ٿيا سندس ننهن سڳوري هٿڙي هڻي ويئي آهي. آئون سوچڻ لڳس ته آخر ماستر صاحب وٽ ٽيهه لک ڪٿان آيا؟ سندن پگهار ته ٽيهه چاليهه هزار مس آهي. اسان جي ڳوٺ جا ماستر ته سيٺين کي پگهار جو چيڪ ڏيئي، کين اڳواٽ 10 سيڪڙو وياج ڏيئي باقي پئسا کڻي گهر جو گاڏو  ٿا هلائين. وياج خورن ماسترن کي ايترو ته تپايو هو جو بٺوري جي مسڪين ماستر ته انهن جي آزار کان تنگ ٿي خودڪشي ڪري ڇڏي. هينئر ته ماسترن جون موجون آهن جو ڪورونا جي ڪري گهر ويٺي پيا پگهار کڻن پر سلام آهي جهڏي جي ماسترن کي جيڪي هيڏي گرمي ۾ گهر گهر وڃي ٻارڙن کي پڙهائين ٿا.
آئون سمجهان ٿو ته لکين روپيا گڏ ڪندڙ ماستر شايد ٽيوشن جو ڪاروبار ڪندا هوندا. صبح جو اسڪول ۾ ٻارڙن کي بادشاهن جون آکاڻيون ٻڌائي شام جو کين ٽيوشن لاءِ گهر ۾ گهرائيندا هوندا. في ٻار 500 روپيا ٽيوشن في 50 ٻارن جا اڍائي لک تيار!اڳي ٻه پيشا مقدس ۽ پيغمبري پيشا هوندا هئا هڪ ماستري ٻيو ڊاڪٽري! پر افسوس ته هاڻي اهي ٻئي پيشا بزنس ٿي ويا آهن سڀ نه پر گهڻا ماستر گوسڙو ۽ ويزا تي ڪڌا ڪاروبار ۽ ٽيوشن جو ڌنڌو! ڊاڪٽر به سڀ نه پر گهڻا ڪميشن ۽ ٽوئرن عيوض نقلي ۽ ٻه نمبر دوائون لکن، ڪارون، فرج، سائين بورڊ ۽ ٻاهرين ملڪن جون ٽڪيٽ وٺن. اجايون ٽيسٽون، ايڪس ري، الٽرا سائونڊ ۽ سي ٽي اسڪين ڪرائي، انهن کان ڪميشن وٺن نه ڪو آکڻ وارو نه پڇڻ وارو، مسڪين ماڻهو آمون، گامون، رمون ۽ کمون پيا لوڙين پر سڀ رڍون ڪار ٻوٿيون به ڪونهن، ڪيئي ڊاڪٽر عظيم آهن جيئن سائين عظيم عالماڻي صاحب، مئڊم آفتاب صديقي صاحبه، سائين احمد علي لغاري صاحب، مرحوم ڊاڪٽر سڄڻ ميمڻ صاحب وغيره وغيره.
منهنجو هڪ دوست آهي اکين جو ماهر ڊاڪٽر نثار ميمڻ صاحب جيڪو سڄو سيارو پنهنجي ڄميل پريڪٽس ڇڏي ٿر، ڪوهستان، ڪنري، اسلام ڪوٽ، ٽنڊو محمد خان، ننگر پارڪر، ٿاڻو بولا خان ۽ الائي ڪٿي ڪٿي مفت ۾ اکين جون ڪئمپون هڻائي هزارين آپريشن ڪندو آهي. کيس ننڍي اڇي ڏاڙهي آهي ۽ چپن تي عجيب مرڪ هوندي اٿس.
مون هڪ دفعي کيس غور سان گهوري ڏٺو مون کي صفا انڊيا جي مودي جهڙو لڳو چيومانس يار شڪل ۾ تون صفا مودي جهڙو ٿو لڳين، پر فرق اهو آهي جو مودي عوام جي اکين ۾ ڌوڙ ٿو وجهي ۽ تون مسڪين ماڻهن جي اکين ۾ نور ٿو وجهين! اهو ٻڌي هن وڏو ٽهڪ ڏنو. سندس ٽهڪ اهڙو جاندار هو جو اهو مون کي ڪارونجهر ۾ رنگين پر کولي نچندڙ مور جو ٽهوڪو پئي لڳو پر افسوس اهو اٿم ته اهڙن مور ماڻهن جو حياتي ۾ قدر ڪو نه ٿو ٿئي. افسوس اهو به اٿم ته منهنجي ٿر ۾ نچندڙ۽ ٽهوڪا ڏيندڙ مور راڻي کيت جي بيماري ۾ روز مرن پيا. منهنجي ٿر ۾ مور جهڙا سهڻا ٻارڙا بک جي بيمارين ۾ روز مرن پيا. گذريل ڇهن مهينن ۾ چار سئو کان وڌيڪ ٻارڙا موت جو کاڄ بنجي ويا آهن. سندن مائرن جي ڳلن تان ڳوڙها وهڻ بند ڪو نه ٿيا آهن. اسين عمران مائنس ون جو رينگٽ لايو بيٺا آهيون. اهو رينگٽ اهي حضرات پيا ڪن جيڪي ڪرپشن ۽ حرام خوري ۾ ڳچي تائين گتل آهن. اسين پاڙيسري ملڪ جي فاشسٽ حڪمران مودي تي ڦٽ لعنت نٿا ڪريون جنهن ڪشمير ۾ هزارين بيگناهه شهري شهيد ڪري ڇڏيا آهن.
تازو هڪ پيرسن کي شهيد ڪيو اٿن جنهن جي لاش وٽ سندس ٽن سالن جو معصوم ڏوهٽو ويهي ٻاتي ٻولي ۾ روئي ٿو ته انڊيا جي فوجين منهنجي محبوب نانا کي نڪ نڪ ڪري ماري وڌو آهي. اهو دردناڪ منظر ڏسي آئون روئي پيس ۽ مودي جهڙي قاتل ۽ ظالم سان سخت نفرت ٿي وئي. سوچيم ته ڪشميرين سان اهڙو ظلم جاري رکندو ته نيٺ سندس حشر هٽلر، ميسوليني ۽ جنرل ضياءُ جهڙو ٿيندو. مون کي شاهه سائين جو هي بيت ياد اچي ويو.
کپر گاروڙين سين وڏو وڌيئي وير
نانگ نه ويندين نڪري تو ڏر مٿي پير
هي تنين جو ڍير، جن جهوناڳڙهه جلايو (شاهه)

Bookmark the permalink.

Leave a Reply

Your email address will not be published. Required fields are marked *