Warning: session_start(): open(/var/cpanel/php/sessions/ea-php71/sess_4b7haggl4updv1nhcb48m0uans, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ملڪ جون حالتون ۽ ماڻهن کان لاپرواهه بڻيل حڪمران - Pahenji AkhbarPahenji Akhbar ملڪ جون حالتون ۽ ماڻهن کان لاپرواهه بڻيل حڪمران - Pahenji Akhbar
تازا ترين
  • *ڀرياسٽي ۾ پوليس حراست دوران ڏوهارين جي فرار ٿيڻ وارو مامرو *ايس ايڇ او سميت 6 اهلڪارن کي پنجن ڏينهن جو رمانڊ پورو ٿيڻ تي عدالت ۾ پيش ڪيو ويو *عدالت پاران ايس ايڇ او ۽ وڏي منشي سميت 4 اهلڪارن جي 20،20 هزار روپين عيوض ضمانت منظور*
  • *گمبٽ ۾ آبپاشي کاتي جي زمين تان قبضا ختم ڪرائڻ لاءِ آپريشن جاري، ڪيترائي دڪان ڊاهي پٽ *اسسٽنٽ ڪمشنر جي نگراني ۾ عدالتي حڪم تي شادي هال، دڪان ۽ گهر ڊاهڻ جو سلسلو جاري *دڪاندار پاڪ ڪتاب کڻي دڪانن آڏو بيهي رهيا، فيصلو واپس ورتو وڃي: مطالبو*
  • *ڪورونا سبب ملڪ جا سمورا تعليمي ادارا بند ڪرڻ جو فيصلو *26نومبر کان ملڪ جا تعليمي ادارا بند ڪيا ويندا:شفقت محمود * تعليمي ادارن ۾امتحان به ملتوي ڪرڻ جو فيصلو:شفقت محمود *26نومبر کان 24 ڊسمبر تائين هوم لرننگ جاري رهندي:شفقت محمود *25ڊسمبر کان 10 جنوري تائين سياري جي موڪل هوندي:شفقت محمود اسڪولز، ڪاليجز، يونيورسٽيز ۽ ٽيوشن سينٽرز بند رهندا:شفقت محمود *11جنوري تي ملڪ جا تعليمي ادارا کولڻ جو اعلان: شفقت محمود تعليمي ادارا کولڻ بابت ڪورونا صورتحال جو جائزو ورتو ويندو:وفاقي وزير*
  • *لاڙڪاڻو: اوستا محمد ويجهو ڪار ۽ مزدا ۾ ٽڪر، هڪ ڄڻو فوت ٿي ويو *تيز رفتار ڪار گڏهه گاڏي کي بچائيندي مزدا سان ٽڪرائجڻ سبب 3 ڄڻا زخمي ٿي پيا *زخمين کي چانڊڪا اسپتال نيو ويو جتي ڪار ڊرائيور محمد ابراهيم شاهه فوت ٿي ويو*
  • *ٺري ميرواهه ۾ شهرين پاران اسپتال ۾ دوائن ۽ سهولتن جي کوٽ خلاف احتجاجي مظاهرو، ٽائرن کي باهه *اسپتال ۾ نانگ ڪکيل ۽ ڪتن ڏاڙهيلن واري ويڪسين اڻلڀ آهي: مظاهرين*
  • *ٽنڊوجان محمد ۾ بوائز ڊگري ڪاليج جا 2 ليڪچرار ڪورونا جو شڪار *ڪورونا جا ڪيس ظاهر ٿيڻ تي مير حاجي خدابخش ٽالپر بوائز ڊگري ڪاليج هفتي لاءِ بند*
  • *سنڌهاءِ ڪورٽ ۾ آرزو راجا ڪيس جي ٻڌڻي *آرزو راجا والدين سان گڏ وڃڻ کان انڪار ڪري ڇڏيو، عدالت درخواست اڪلائي ڇڏي *پوليس اختياريون معاملي جي جاچ ڪري ماتحت عدالت ۾ رپورٽ جمع ڪرائين: عدالت *عدالت آرزو جي تعليم ۽ ٻين سهولتن جو انتظام ڪرڻ جي هدايت *روزانو گهرو کاتي جي طرفان ڪو نمائندو هڪ ڪلاڪ آرزو سان ملاقات ڪندو: عدالت *آرزو چاهي ته پنهنجو فيصلو واپس وٺي سگهي ٿي: عدالت*
  • *اسلام آباد: احتساب عدالت ۾ جعلي اڪائونٽس اسڪينڊل ڪيس جي ٻڌڻي *عدالت جوابدار شفقت ممتاز جي ريمانڊ ۾ 7 ڏينهن جي واڌ ڪري ڇڏي *نيب جوابدار شفقت ممتاز کي احتساب عدالت ۾ پيش ڪيو *جيترو جلدي ٿي سگهي، جاچ مڪمل ڪئي وڃي:عدالت*
  • *دادو ۾ سڱاوتي تڪرار تان فائرنگ ۾ زخمي ٿيل نوجوان ڪراچي جي اسپتال ۾ دم ڏئي ڇڏيو *مقتول امتياز برهماڻي جو مڙهه داخل منتقل ڪيو پيو وڃي *
  • *غوثپور ويجهو ٽرالر جو رڪشا کي ٽڪر، ٻن عورتن سميت 4ڄڻا سخت زخمي *انڊس هاءِ وي تي انڙ اسٽاپ وٽ حادثو پيش آيو، زخمي اسپتال منتقل*
  • *اسلام آباد: احتساب عدالت ۾ آصف زرداري جو گهر سيل ڪرڻ خلاف ڪيس جي ٻڌڻي *احتساب عدالت جي نمبر هڪ جج محمد بشير جي موڪل سبب ٻڌڻي ڪارروائي کانسواءِ ملتوي *ڪيس جي ٻڌڻي 18 ڊسمبر تائين ملتوي ڪئي وئي *آصف زرداري ڪراچي جي ڪلفٽن ۾ قائم گهر کي سيل ڪرڻ خلاف درخواست داخل ڪرائي رکي آهي*
  • *اسلام آباد: وڪيلن جي بغير انٽري ٽيسٽ انرولمينٽ وارو معاملو *چئني صوبن جي وڪيلن جو سپريم ڪورٽ جي مک دروازي آڏو احتجاج، ايڇ اي سي خلاف نعريبازي *اسان کي اسان جي ووٽ جو حق واپس ڏنو وڃي: احتجاج ڪندڙ وڪيل *

ملڪ جون حالتون ۽ ماڻهن کان لاپرواهه بڻيل حڪمران

گذريل پنجن مهينن کان شاگرد، مزدور، هاري ۽ خانگي ادارن ۾ نوڪريون ڪندڙ ماڻهو تمام گهڻي تڪليفن ۽ مشڪل حالتن ۾ زندگي کي ڌڪي رهيا آهن  پر زندگي بهتر ٿيڻ بجاءِ ڏينهون ڏينهن بدتر  ٿيندي پئي وڃي حالتون سڄي دنيا ۾ خراب ٿيون پر وري وڏن منصوبن تحت واپسي ڏانهن سفر جي شروعات ٿي چڪي آهي، حالتن کي معمول مطابق هلائڻ جون ڪوششون ورتيون پيون وڃن پر پاڪستان جي حڪومت جي حالت به پاڪستان جي روڊن ۽ رستن جهڙي آهي جتي مينهن وسڻ کان پوءِ پاڻي روڊن رستن تي  بيٺو نظر ايندو آهي ان جي نيڪالي لاءِ ڪنهن قسم جو ڪو انتظام ناهي ڪيو ويندو ۽ ڪجهه ڏينهن  بعد اهو پاڻي سڪي ويندو آهي يا وري مهينن تائين روڊن جي زينت بڻيل هوندو آهي بلڪل ساڳي طرح ٻين مسئلن جي حل لاءِ به ڪنھن قسم جو ڪوبه انتظام ناهي ڪيو ويندو ۽ نه وري مستقبل لاءِ ڪا منصوبابندي ڪئي ويندي آهي .
جيئن ئي ڪورونا وائرس سبب حالتون پيچيدگين جو شڪار ٿينديون ويون ماڻهن مٿان تڪليفون برساتن جيان وسڻ لڳيون غريب طبقي لاءِ پريشانين پر کولي ڇڏيا ۽ وڏي آبادي جو ساھه گهٽجڻ لڳو بيشمار ادارن پيٽرول پمپن، تعليمي ادارن، ميڊيا جي ادارن ۽ فيڪٽرين مان هزارن جي تعداد ۾ ماڻهن کي بيروزگار ڪيو ويو. حڪومت جي ذميواري هئي ته پنهنجن ماڻهن جي ان صورتحال ۾ مدد ڪري پر حڪومت جا صرف  بيان ٻڌڻ لاءِ مليا ۽ ڪو به عملي ڪم نظر نه آيو. ان صورتحال ۾ عوام جي معاشي مدد ڪرڻ بجاءِ حڪومت پاڻ به ماڻهن کان روزگار کسڻ ۾ ڀائيوار ٿي وئي جنهن جو وڏو مثال اسٽيل مل جي ملازمن جو آهي. 
سائنس مطابق وڻن مان آڪسيجن مهيا ٿيندي آهي پر جڏهن مسئلا وڌي وڻ ٿين ته انهن جو واڍپو ضروري ٿي پوندو آهي هن وقت اسان جا حڪمران به ڪونوڪارپس ۽ بيد جهڙن غير ملڪي وڻن جهڙو ڪردار نڀائي رهيا آهن جيڪي هڪڙي هاري جي زمين تي فضول ۾ لڳايا ويندا آهن جن مان هاري کي نه ڪو ڦل ملڻ جي اميد هوندي آهي نه نم واري ٿڌي ڇانو بلڪه ان جي ابتڙ هو هاري جي زمين جو سڄو پاڻي پي ويندا آهن. ادارن مان نيڪالي مليل ملازم بيوسي ۽  مجبورين جا مجسما نظر آيا ڇو ته هنن جي نه ڪير مدد ڪرڻ وارو هو ۽ نه وري دانهن ٻڌڻ وارو، حڪومت عوام کي ڪجهه ڏئي ته نه سگهي پر هن حالت ۾ ڦر لٽ جو ڪم تمام تيزي سان وڌايو ويو. کاڌي پيتي واريون سڀ شيون ٻيڻي قيمت ۾ ملڻ لڳيون جنهن ڪري عوام جو حڪومت تان اعتماد به وڏي تيزي سان ختم ٿيندي  نظر آيو.
اهڙين حالتن ۾ ڏهاڙي تي ڪمائيندڙ مزدورن کي سڀني کان وڌيڪ تڪليفون برداشت ڪرڻيون پيون. ڏهاڙي جي ڪمائي تي هو صرف هڪڙي ڏينهن جي کاڌي جون شيون اٽو کنڊ ۽ چانھه جي پتي خريد ڪرڻ جي قابل هئا پر لاڪ ڊائون سبب بک انهن جي گهرن ۾ خطرناڪ گهيرو ڪيو. جڏهن عوام ھر طرف ڏکيائين ۽ تڪليفن جي وچ ۾ بيٺي نظر آئي تڏهن حڪمران پري کان تماشائي ٿي سڀڪجهه ڏسندا رهيا. مزدور روڊن رستن تي ڪوڏر ۽ بيلچا پنهنجن ڪلهن تي رکي مٿي تي هٿ ڏئي مسلسل پنجن مهينن تائين مايوس ويٺا رهيا پر انهن پنجن مهينن ۾ حڪومت رڳو سڄي ملڪ ۾ ڪجهه غريب ماڻهن لاءِ ٻارنهن هزار رپيا ڏنا اهو به ايئن جو ڪورونا خلاف ايس او پيز تي عمل بدران پئسا ورهائڻ لاءِ وڏا ميڙ ڪري بيماري کي ڦهلجڻ جي کلي ڇوٽ ڏني وئي.
ھڪڙي طرف ڪورونا وائرس مزدور طبقي کي متاثر ڪيو ته ٻئي طرف ماڪڙ ھاري طبقي کي آسمان کان زمين تي اڇلائڻ جو ڪم ڪري ڏيکاريو ۽ اھو نه صرف ھن سال جو نقصان آهي پر کاڌ خوراڪ جي شين جي کوٽ ته اڃا ھاڻي ڏسڻي پوندي ۽ اھا کوٽ مزدور طبقي لاءِ ھڪڙو ٻيو عذاب ھوندو. اٽي چانور ۽ ٻين کاڌي پيتي جي شين جي کوٽ ۽ مهانگائي ھڪڙي بم جي صورت ۾غريبن تي ڪرندي.
ان سڄي صورتحال ۾ تعليم جو ٻيڙو به ٻڏندي نظر اچي رهيو آهي شاگردن جي حالت تمام ڏکوئيندڙ آهي ايڪيهين صدي ۾ رهندي اسان جا شاگرد ارڙهين اڻويهين صدي جي نظام تحت تعليم پرائي رهيا آهن. دنيا ۾ شايد ئي ايتريون تڪليفون ٻين شاگردن کي سھڻيون پيون هونديون. جيتريون پاڪستان ۾ شاگردن کي سھڻيون پيون هن مشڪل وقت ۾ شاگردن سان ڪنهن به قسم جي ڪا رعايت نه ڪئي وئي. نوجوان شاگردن جڏهن ڏٺو ته غربت انهن کي گهٽا ڏئي رهي آهي جتي پيٽ پالڻ مشڪل ٿي ويو اتي تعليم لاءِ فيس طور پيسن جي ادائگي جو تصور ڪرڻ به  محال ٿي ويو. هنن مطالبو ڪيو ته هن سال جي فيس معاف ڪئي وڃي. شاگردن جو چوڻ هو ته فيس جا پئسا يونيورسٽي جي عمارت، ڪتابن، پاڻي، آمدرفت وغيره لاءِ ورتي ويندي آهي پر جڏهن هن سال جي شروعات کان وٺي يونيورسٽي بند رهي ته فيس جي ادائگي جي ڳالھه بلڪل بي بنياد آهي پر حڪومت نه صرف مزدورن ننڍن ملازمن ۽ هارين جو استحصال ڪيو پر مشڪل حالتن کي وڌيڪ  مشڪل بڻائيندي شاگردن جو به بنا ڪنهن هٻڪ جي استحصال ڪيو ويو، شاگردن کان نه صرف فيس ورتي وئي پر آن لائن ڪلاسن جي نالي شاگردن کي 4 مهينن تائين نه مفت انٽرنيٽ فراهم ڪئي وئي نه وري ڪجهه پڙهايو ويو رهندو شاگردن مٿان انٽرنيٽ جو اضافي خرچ به مڙهيو ويو شاگردن فيس جي معافي لاءِ احتجاج ڪيا پر وقت جي حڪمرانن تي ڪو فرق نه پيو.
ان سڄي ماحول ۾ گذارو ڪندي غريب طبقو زندگي جي گاڏي کي گهلي رهيو آهي پر ٻارن جي تعليم ھاڻي انھن جي اکين ۾ هڪ خواب جو روپ ڌاري چڪي آهي اهڙين حالتن ۾ پڙهائي جو نقصان به مزدور،، ھاري خانگي ادارن ۽ ننڍن سرڪاري ملازمن جي ٻارن جو ٿيو آهي ڇو ته ھتي جي تعليمي انفرااسٽرڪچر کي نظر ۾ رکندي بيوروڪريٽ ۽ سرمائيدار چڱي طرح ڄاڻن ٿا ته هي ادارا ان لائق ناهن جو اهي پنهنجن ٻارن کي انهن ادارن ۾ داخل ڪن. هي گهٽ ۽ ٻوسٽ وارو ماحول ته فقط غريب طبقي جي حصي ۾ ايندو آهي ان سڄي صورتحال ۾ حڪمران طبقي عوام جي ڪا   مدد  نه ڪئي پر نوجوانن کي ملڪ جو مستقبل، مستقبل جو معمار ۽ سرمايو چوندڙن ملڪ جي مستقبل جو گھڻو ڀاڱو هينئر ئي اونداهين جي حوالي ڪري ڇڏيو آهي.

Bookmark the permalink.

Leave a Reply

Your email address will not be published. Required fields are marked *