Warning: session_start(): open(/var/cpanel/php/sessions/ea-php71/sess_vgjl3ev8l7klifjbveoitfaurn, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
مهانگائي جو ماريل عام ماڻهو - Pahenji AkhbarPahenji Akhbar مهانگائي جو ماريل عام ماڻهو - Pahenji Akhbar
تازا ترين
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *
  • *سنڌ جي مختلف علائقن ۾ وقفي وقفي سان برسات، ٿڌ ۾ واڌ *ميرپور خاص، شاهپور چاڪر، پيرونمل، کورواهه، ميان صاحب، ڀٽ شاهه ۽ ملڪاڻي شريف ۾ برسات*
  • *سپريم ڪورٽ ۾ آشيانه هائوسنگ اسڪيم ڪيس:جوابدار احد چيمه ۽ شاهد شفيق جي ضمانت بابت ٻڌڻي *آشيانه هائوسنگ سان ناڻي کي ڪو به نقصان نه پهتو: وڪيل شاهد شفيق *ائين نه ڪيو، هر ڪيس ۾ اهي شيون ٿي رهيون آهن: جسٽس مشير عالم جا ريمارڪس*
  • *سپريم ڪورٽ ۾ آمريڪي صحافي ڊينيئل پرل قتل ڪيس ۾ والدين ۽ سنڌ حڪومت جي اپيل تي ٻڌڻي *عدالت جوابدارن جي آزادي جو فيصلو معطل ڪرڻ جي استدعا رد ڪري ڇڏي *گهڻي عرصي کلان اپيلون ٻڌڻي هيٺ آهن، اڳ ڪجهه نه ٿيو، هاڻي به ڪجهه نه ٿيندو: جسٽس مشير عالم*
  • *امريڪي صحافي ڊينيئل پرل قتل ڪيس: سپريم ڪورٽ جوابدارن جي آزادي خلاف اپيل رد ڪري ڇڏي *سنڌ سرڪار ۽ ڊينيئل پرل جي والدين جوابدارن جي آزادي وارو فيصلو معطل ڪرڻ لاءِ اپيل داخل ڪئي هئي*

مهانگائي جو ماريل عام ماڻهو

ملڪ ۾ مهانگائي عوام جو جيئڻ جنجال ڪري ڇڏيو آهي، ڏهاڙي جي پورهيتن کان وٺي هيٺئين درجي جا ملازم ۽ ننڍا ننڍا ڪاروبار ڪري پنهنجو گذر ڪندڙ ماڻهو ته اڳ ئي پريشان حال هيا ،هاڻي ته وچولي طبقي ۽ مڇي ماني وارن لاءِ به پنهنجي سفيد پوشي جو ڀرم رکڻ ڏکيو ٿيندو پيو وڃي. ڪورونا جي ڪري ملڪي معاشي حالتون ۽ ڪاروبار وڌيڪ تباهه ٿيڻ جون اڳڪٿيون آهن خبر ناهي اها مهانگائي ڪٿي وڃي ڇيهه ڪندي.
وفاقي اداري شماريات جا مهانگائي بابت جاري ڪيل انگ اکر ٻڌائين پيا ته مهانگائي گهٽجڻ بدران ڏينهون ڏينهن وڌي رهي آهي.انهن انگ اکرن مطابق پي ٽي آءِ جي هن حڪومت جي پهرين سال جي ڀيٽ ۾ ٻئي سال ۾ مهانگائي گهٽجڻ بدران وڌي آهي گذريل سال جي ڀيٽ ۾ هن سال مهانگائي جي شرح 3.9 سيڪڙو وڌي 10.74 تي پهتي آهي .جيڪا گذريل سال 6 سيڪڙو تائين هئي. مهانگائي جي اها شرح گذريل 8 سالن ۾ بلند ترين سطح تائين پهتي آهي.جڏهن به مهانگائي وڌيندي آهي يا شين جون قيمتون وڌنديون آهن ته ان جو سڌو سنئون شڪار اهي ڏهاڙي وارا پورهيت ،هيٺئين سطح جا ملازم ۽ ننڍو ننڍو ڪاروبار ڪندڙ يا هارپو ڪندڙ ماڻهو ٿيندا آهن. اهو مهانگائي جو طوفان انهن کانِ ٻن ويلن جي ماني ئي کسي وٺندو آهي ۽ پنهنجي خاندان يا ڀاتين جي پيٽ گذر لاءِ نه صرف وڌيڪ وقت محنت ڪرڻي پوندي آهي يا انهن جي پورت لاءِ پنهنجن ننڍين ننڍين خوشين کي قربان ڪرڻ سان گڏ پنهنجي پيٽ تي به پٿر ٻڌڻو پوندو آهي.
اسان وٽ مصيبت اها آهي جو عام استعمال جي شين جي قيمتن تي نظر رکڻ وارو نظام ئي ڄڻ موجود ناهي، ڪجهه مافيائون آهن جيڪي پنهنجي مرضي سان انهن جا اگهه هيٺ مٿي ڪنديون رهن ٿيون ڄڻ حڪومت جو انهن سان ڪو واسطو ئي ناهي يا اهي بيوس بڻيل هونديون آهن ،اڳ ۾ مارڪيٽ ڪميٽيون ٺهيل هونديون هيون جيڪي اگهن کي چيڪ ڪرڻ لاءِ متحرڪ هونديون هيون انهي کانسواءِ انتظامي مشينري ضلعي کان وٺي تعلقي سطح تائين فعال هونديون هيون پر هاڻي ته اهي ايئن غائب ۽ غير واسطيدار آهن جو انهن جو ڄڻ انهن شين سان واسطو ئي ناهي.
ڪيئن ممڪن آهي ته 10 کان 15 هزار رپيا مهينو ڪمائيندڙ خاندان جي انهي مهانگائي ۾ گذارو ممڪن ٿي سگهي جڏهن اٽي جي قيمت 2 هزار رپيا مڻ تائين هجي ،سبزي کان وٺي دالين سميت کائڻ پيئڻ جي ڪنهن به شيءَ جون قيمتون وڌڻ کان بچي نه سگهيون هجن ،عام استعمال جي شين جي اگهن ۾ اها واڌ وري ان وقت ۾ هجي جڏهن ڪورونا جي ڪري ماڻهن جي روزگار جا رستا سوڙها ٿيا هجن ۽ حڪومت روزگار جا موقعا پيدا ڪرڻ بدران سرڪاري ادارن مان ڇانٽيون ڪري ۽ ترقياتي رٿائن ۾ ڪٽ هڻي پنهنجي خساري کي پورو ڪرڻ جي ناڪام ڪوشش ڪري رهي هجي تڏهن مهانگائي سان گڏ بيروزگاري جو به طوفان وڌي رهيو آهي .
ڪورونا جي ڪري ڀلي معيشت تي ضرب لڳي هجي پر گذريل سال کان ئي مهانگائي ۾ واڌ ٻڌائي پئي ته ان تي قابو ڪرڻ جو حڪومت وٽ ڪوبه مڪينزم نه هو ، عام استعمال جي شين جي قيمتن ۽ عوام کي حڪومت انهن منافعي خورن جي رحم ڪرم تي ڇڏي ڏنو هو.اسان سمجهون ٿا ته حڪومت جو اها اولين ذميواري آهي ته اها مارڪيٽ ۽ منڊي کي ڪنهن به مافيا جي آسري نه ڇڏي .خاص ڪري عام استعمال جي شين جي قيمتن ۾ گهٽ وڌائي جي نظام کي فعال ۽ سگهارو ڪرڻ گهرجي جيئن عام عوام جي کيسي تي ڪي منافعي خور ڌاڙو نه هڻي سگهن .

Bookmark the permalink.

Leave a Reply

Your email address will not be published. Required fields are marked *