تازا ترين
  • *صديق ڪلهوڙو کي سنڌ يونيورسٽي جو وي سي مقرر ڪرڻ جو نوٽيفڪيشن جاري*
  • *تعليم کاتي جي اسٽيئرنگ ڪميٽي جو اجلاس، سنڌ ۾ پهرين فيبروري کان پرائمري، مڊل ۽ سيڪنڊري ڪلاسز کولڻ تي اتفاق*شاگردن کي بنا امتحان جي پروموٽ نه ڪيو ويندو، اسٽيئرنگ ڪميٽي اتفاق ڪيو آهي ته امتحانن جي معاملي تي تڪڙ نه ڪئي ويندي: سعيد غني* ڪورس گهٽائي نٿا ڪري سگهون، ڀلي امتحان ري شيڊول ٿي وڃن، ڪوشش ڪنداسين ته تعليمي ادارن ۾ 60 سيڪرو نصاب پڙهايو وڃي*
  • *سي پيڪ اٿارٽي آرڊيننس ختم ٿيڻ باوجود آرمي چيف چيني سفير سان ڇو ملاقاتون ڪري رهيو آهي؟: اپوزيشن جو سينيٽ ۾ سوال*اطمينان جوڳو جواب نه ڏيڻ تي اپوزيشن جو ايوان مان واڪ آئوٽ، آرڊيننس ختم ٿيڻ باوجود جنرل باجوه جي مقرري ڇو ڪئي وئي؟: جاويد عباسي*

مودي سرڪار جو ڪشمير ۾ ظلم ۽ بربريت

اهڙي وقت جڏهن سموري مهذب دنيا ڪرونا وائرس جي اثرن سبب گڏيل تعاون ۽ اعتماد سان گڏ هن وبا جو مقابلو ڪرڻ ۾ مصروف آهي، اهڙي وقت به هندستان جي مودي سرڪار نه صرف هر روز اشتعال پکيڙڻ جوسلسلو نه رڳو جاري رکيو آهي پر ان ۾ اضافو پڻ ڪندي رهي آهي. نئين دهلي لاءِ سڀ کان گهڻي پريشاني واري ڳالھه اها هجڻ گهرجي ته والاريل ڄمون ڪشمير ۾ موجود سندس 9 لک فوجي پنهنجي تمام گهڻي جديد اسلحي باوجود گهربل نتيجا حاصل ڪرڻ ۾ ناڪام ڇو رهيا آهن، ان جي برعڪس مودي سرڪار جي پاليسي ساز ادارن ۽ شخصيتن اهو طريقو اختيار ڪيو آهي ته پاڙيسري ملڪن سان ڇڪتاڻ جاري رکي ان جي آڙ ۾ پنهنجي توسيع پسنداڻن ارادن حقيقت جو روپ ڏنو وڃي. دراصل هي طريقو”هندوتوا“ ذهنيت جو عڪاس جنهن مطابق ڀارتي سرزمين تي صرف ۽ صرف هندو مذهب وارا ئي آباد ٿي سگهن ٿا ۽ پاڙيسري ملڪن کي ان حقيقت جو چپ چاپ اعتراف ڪرڻ گهرجي.
عالمي برادري جي سفارتي حلقن ۾ والاريل ڄمون ڪشمير جي صورتحال کي هاڻي ماضي جي ڀيٽ ۾ وڌيڪ سنجيدگي سان ڏٺو وڃي ٿو۔ مهذب دنيا لاءِ صرف اها حقيقت ئي حيران ڪندڙ آهي ته مودی سرڪار والاريل ڪشمير جي عوام جي آزادي تي ڌاڙو هنيو آهي ۽ اتي انساني حقن جون شرمناڪ حد تائين خلاف ورزيون عالمي رڪارڊ جو حصو بڻجي رهيون آهن۔ اعتبار جوڳن ۽ قابل اعتماد ذريعن مطابق 5 آگسٽ تي والاريل ڪشمير جي خصوصي حيثيت واري قانون‘ آرٽيڪل 370 ۽ 35-A جي خاتمي کي هڪ سال پورو ٿيڻ تي والاريل وادي جو عوام پرامن انداز ۾ ڪارو ڏينهن ملهائيندو جڏهن ته ساڳئي ڏينهن هندو انتهاپسندن طرفان مسمار ڪيل بابري مسجد جي جڳهه تي هندو مندر جي تعمير شروع ڪئي ويندي، جنهن جي افتتاحي تقريب ۾ وزيراعظم مودي جي شريڪ ٿيڻ جي تصديق ميزبان انتظاميا پاران ڪئي وئي آهي.
ڀارت ۾ اهڙا حقيقت پسند دانشور ۽ امن پسند ماڻهو موجود آهن جن کي ڀلي ڀت علم آهي ته دنيا جي هر مسئلي کي ڳالهين وسيلي حل ڪري سگهجي ٿو ، جنگ ان معاملي ۾ نتيجا ڏيندڙ ۽ بهتر ثابت نه ٿيندي آهي۔ پاڪستان لاتعداد ڀيرا ڀارت کي ڪشمير مسئلي کي حل ڪرڻ لاءِ ڳالهين جي دعوت ڏني آهي ۽ هن ڏس ۾ ڪجھه غيرملڪي همدرد دوستن طرفان ٽياڪڙي جي تجويز به پاڪستان قبولي آهي پر ڀارتي حڪومت هميشه انڪار ڪندي فراريت جو رستو اختيار ڪيو آهي ۽ هاڻي مودي سرڪار ته هن ڏس ۾ پنهنجي ملڪ جي ماضي جا سمورا رڪارڊ ٽوڙي ڇڏيا آهن۔ مودي سرکار جو خيال آهي ته اها اسلحي ۽ گولي بارود جي ذخيرن جي ڏڍ تي پنهنجي توسيع پسنداڻن ارادن کي مڪمل ڪندي پر عالمي مبصر ان خيال کي ”ديواني جو خواب“ قرار ڏئي چڪا آهن۔
مودي سرڪار جي عسڪري جنون جو اندازو ايئن لڳائي سگهجي ٿو ته خود ڀارتي ميڊيا مطابق ڀارت رافيل جنگي جهاز بعد فرانس سان خطرناڪ هيمر ميزائل خريدڻ جو معاهدو پڻ ڪيو آهي، هي ميزائل جابلو علاقن ۾ تنصيبات تباھ ڪرڻ جي صلاحيت رکي ٿو. 5 رافيل جنگي جهاز 29جولاءِ تي ڀارت جي امبالا ايئرپورٽ تي پهچي وڃڻ جا اطلاع پڻ آهن پر اڃا تائين سرڪاري سطح تي ڪا تصديق جاري نه ٿي آهي، وڌيڪ ڀارتي فوج ايمرجنسي بنياد وارن پنهنجي اختيارن جو استعمال ڪندي فرانس سان هيمر ميزائل خريدڻ جو معاهدو ڪيو آهي۔ هيءَ ڳالھه پڻ قابل ذڪر آهي ته ڪانگريس جي سينئر رهنما منيش تواري اهو سوال اٿاريو آهي ته هيمر ميزائل جو معاهدو رافيل جهازن جي سودي وقت ڇونه ڪيو ويو؟! هن اهو به ڄاڻايو آهي ته هن معاملي ۾ سستي قيمت تي ملندڙ اسپائيڊر ۽ پيووي هٿيارن جي باري ۾ ڇونه سوچيو ويو، جيڪي هٿيار اڳ ۾ ئي ڀارتي هوائي فوج جي اسلحي خاني ۾ موجود آهن۔ بي جي پي جي سيڪريٽري جنرل ڀوپندار يادو جو چوڻ آهي ته جيڪو ماڻهو حڪومت کان پنهنجي سرحدن جي دفاعي حڪمت عملي متعلق سوال ڪري رهيا آهن انهن کي خبر هجڻ گهرجي ته رافيل جهازن کي هيمر ميزائلن سان ليس ڪيو پيو وڃي۔
هڪ رپورٽ مطابق 60 کان 70 ڪلوميٽرن تائين مار ڪندڙ هيمر ميزائل پنهنجي هدف کي ڪاميابي سان تباهه ڪرڻ جي صلاحيت رکي ٿو۔ فرانس جي اختيارين ڀارتي اختيارين کي يقين ڏياريو آهي ته هيمر ميزائل جلد ئي ڀارت حوالي ڪيو ويندو۔ پڙهندڙن کي ياد هوندو ته پاڪستان جي هر حڪومت عالمي برادري سامهون پنهنجي ان خدشي جو اظهار ڪيو آهي ته ڀارت پاڪستان جي سلامتي کي خطرو پهچائڻ لاءِ پاڻ وٽ دهشتگرد تنظيمون ۽ انهن جا محفوظ ٺڪاڻا آهن۔ ان جي جواب ۾ ڀارتي حڪومت ساڳيو الزام اسلام آباد مٿان پئي مڙهيو آهي۔ واضح رهي ته ڀارتي حڪومت ۽ اسرائيل وچ ۾ بيحد قريبي ۽ دوستاڻا تعلقات ڳنڍيل آهن ۽ عالمي ميڊيا تي اسرائيل سان تعلق رکندڙ يهودي لابي قابض آهي، جيڪا پاڪستان خلاف روز منفي پروپيگنڊا جو گند اڇلائڻ وارو موقعو ضايع نٿي ڪري.

Bookmark the permalink.

Leave a Reply

Your email address will not be published. Required fields are marked *