تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

مينهن، ملاقاتون ۽ موڪلاڻيون

هيلوڪن مينهن جتي اڃايل پٽن تي ساوا گاهه ۽ کنڀيون مورايون آھن، اتي ڪيترن ئي آس وندين اکين ۾ لڙڪ به ڄمايا آھن، انهن اکين ۾ ڄميل لڙڪ جي موسم محدود ته رهڻي ناهي، اهي اکيون جڏھن به پنهنجا وڇڙيل پرين ياد ڪنديون، تڏھن بنا ڪنهن آگم جي ڀرجي وسڻ لڳنديون، انهن وسندڙ اکين جي ڪا به موسم نه ٿي هجي، اهي سدائين آگم سان ڀريون  پيون هونديون آھن .
برساتي موسم نه فقط ماحولياتي لحاظ سان خوبصورت هوندي آھي پر انهن علائقن ۾ جتي سارو سال پاڻي جي شديد اڻاٺ ھوندي آھي جتي آباديون ته نه ٿي سگهنديون آھن ليڪن وڻ ٽڻ به سوڪهڙي سبب سڪي ويندا آھن جتي جهنگلي جانور، پکي پکڻ به اڃارا پيا رهندا آھن اتي سانوڻ جي موسم نه فقط  انسانن حيوانن توڙي پکين جي اندر جي اڃ اسائڻ جو سبب بڻجندي آھي گڏوگڏ  ڌرتي جي روح جو سڪون ۽ ڇڪون  به لاهيندي آھي. واقعي سانوڻ اهڙن گيتن جي موسم هجي ٿي، جنهن تي  هوائون به محو رقص هجن ٿيون ،جتي پايل بنا ٿاريليون ٿرڪنديون آھن، جتي پهاڙي جي هنجھه ۾ برساتي شور ڪنائيندي ڪيڏو نه لطف ايندو آھي. جتي ڀٽ ڀٽ ولڙين سان ويڙهيل نظر ايندي آھي جتي شام ٽاڻي مور ٽھوڪا ڏيندو فطرت جو سڏ محسوس ٿيندو آھي ڀٽائي سائين جي سر سارنگ ۾  سانوڻ جي اچڻ جي خوشين جا ته لکين منظر آھن جنهن ۾ جڏھن هاري ڏاند ڪاهي هر هلائڻ لاءِ ٻنين جو رخ ڪن ٿا ۽ ناريون ٿانو کڻي پلر جو پاڻي ڀرڻ لاءِ قطار ڪري وڃن ٿيون، مارو مال ڪاهي وٿاڻن ڏانهن موٽن ٿا،  چڙن جون چونگارون هينئڙي ۾ ڪنهن پريمتا جي پاتل هار جيان لڳن ٿيون.
سارنگ کي سارين ماڻھو مرگھه مينهيون
آڙيون ابي آسري ،نئي سج نهارين.
پر ڪڏھن ڪڏھن نوان سج جن کي ڪڪر سندن ڪاري چادر ۾ لڪائي ڇڏيندا آھن ۽ کنوڻيون سندن کينچل سان ٻوڙان ٻوڙ وسڪارا لائي ڏينديون آھن ته ڪٿي ٻوڏ ٿي پوندي آھي  ڪڏھن ڪڏھن جابلو نيون پاڻي سان تار ٿي ڀڄنديون اينديون آھن اهي نيون جن ھيٺاهين علائقن ۾ اچي ڇوڙ ڪنديون آھن ته اتي سيلابن جا سمورا بند ٽوڙي تباهي مچائي ڇڏينديون آھن يا وري ڪڏھن  برساتي پاڻي جي دٻاءُ سبب درياءَ جا بند ٽٽي تباهي مچائيندا آھن. اهڙي طرح ڪيئي ڳهيلا ڳوٺڙا  برساتي پاڻي جي سيلاب ۾ لڙھڻ لڳندا آھن  ۽ جتي زندگي انتهائي بيوس بڻجي پوندي آھي چوپائي جي چاري سميت جڏھن ماڻھن جي کاڌ خوراڪ جي کوٽ پيدا ٿي پوندي آھي ته ان ڏکي صورتحال ۾  انهن ماڻھن لاءِ پوندڙ برسات ڏاڍي ڏک جي ڪهاڻي بنجي پوندي آھي.
برساتون مٿئين علائقن ۾  خاص ڪري ريگستان ۽ ڪوهستان وارن علائقن ۾  ڀل ته سيلاب نه آڻي سگهنديون آھن ليڪن اتي کيٽن جي تياري لاءِ ڪم ڪندڙ ۽ چوپايو چاريندڙ ماڻھن لاءِ به  ڪڏھن ڪڏهن موت جو سامان مهيا ڪنديون آھن. هلندڙ برساتن دوران کنوڻيون ڪرڻ جا سوين اهڙا واقعا موجود آھن جن جي ڪري سوين چوپاين سان گڏ  مالوندن جا سر به ويا آھن جيتوڻيڪ برساتن کان پهرين سڌريل ملڪن جون حڪومتون بهتر حڪمت عملي جوڙينديون آھن جنهن سان امڪاني ٻوڏن کي منهن ڏيڻ آسان ٿي پوندو  آھي. اسان وٽ جيتوڻيڪ برساتي ٻوڏن کي منهن ڏيڻ لاءِ ڪا بهتر حڪمت عملي ته ناهي گڏوگڏ ادارن ۾ ويٺل آفيسر توڙي چونڊيل نمائندا   به ان معاملي کان هميشه لاتعلقي جو اظهار ڪندا رهندا آھن هيلوڪن برساتن ٻئي هنڌ گهٽ ليڪن ڪاڇي ۾ تمام گهڻي تباهي مچائي ان جو ڪارڻ  بي قابو جابلو نئين جو تيز وهڻ ھو  جنهن ڪري ڪيترائي ڳوٺ پاڻي جي لپيٽ ۾ اچي ويا ۽ ماڻھو دربدر ٿي ويا. هونئن ته ڪاڇو سدائين پاڻي لاءِ ترسندو رهندو آھي. ڪاڇو سنڌ جو اهو علائقو آھي جتان جي نه فقط شاعري سدا سر سبز رهي آھي ليڪن اتان جي ٻولي ۽ لولي جا لهجا ڏاڍا دردمند ۽ جهير ڏيندڙ ھجن ٿا پنجاب جي سرائيڪي پٽي کان ويندي سنڌ جي ڪوهستان ، ريگستان ۽ ڪاڇي تائين شاعري توڙي سهرن ۾ ھڪ وڏو درد سمايل هجي ٿو اهو درد ان ڪري به سگهارو رهيو آھي جو انهن علائقن جو فطري ماحول، جاگرافي، ثقافتي سرگرميون انهن علائقن کي سنڌ جي ٻين علائقن کان صفا مٿي کنيو بيٺيون آھن اهي علائقا شايد ان ڪري به وڌيڪ شاهوڪار آھن جو اتان رومانوي توڙي حقيقي عشقيا قصن جنم پئي ورتو آھي ۽ اتي جو ماحول رومانوي توڙي عشقيا قصن جو تاڃي پيٽو لڳي ٿو.
آئون ٿوري دير لاءِ يادن جي رهيل ڍيري کي اڻڻ ٿو لڳان سانوڻ جي مهيني جا پويان ڏينهن هئا هڪ ٻپهري ڪاڇي جي علائقي مان موٽر سائيڪل تي وڃي رهيا هئاسين ويجھو کيٽن ۾ ڪجھه عورتون ڪم ڪري رهيون هيون ۽ منهنجي ذهن تي ڪاڇي جي ڀلوڙ شاعر طالب لغاري جون هي سٽون ڦرڻ لڳيون
ڪاڇي يار ول آ ، لهي بيقراري
پڪ ڳئي ني پيلهون تيڏي انتظاري
گرمي تمام گهڻي هئي، آئون روڊ جي پاسي کان ٿورو پرڀرو نم  وڻ  جي ڇانو ۾ موٽر سائيڪل جهلي بيھي رهيس، پٺيان ويٺل گلاب نالي همراهه چيو سائين  ڇو بيھي رهيا آھيو؟ مون هن کي چيو ته ڪاڇي جي ڪوڪ منهنجي اندر ۾ واسو ڪيو آھي شاعري ۾ ھھڙي سٽ سا به ان وقت گونجي آھي، جڏھن سانوڻ جي موسم سامهون اچي بيٺي آھي ان وقت آگم هجن ماڻھو اس ۾ اسڙندو هجي، پرين ڪوهين ميل پري هجي ۽ هڪڙي تانگھه ماڻھو کي پل پل تڙپائيندي هجي.مون کي اهڙي هڪ ٻي آنڌ مانڌ ڪارونجهر جي هڪ ڳوٺڙي ڪاسبي ۾ ان وقت ٿي هئي جڏھن ڪجھه ڪامڻيون ٻيهلا کڻي پلر جي پاڻي ڀرڻ  لاءِ  ٿي ويون ۽ جڏھن ته نابينا فنڪار  مندر جي اڳيان ڊگهن وڻن جي ڇانو ۾ ڳائي رهيو هو.
رات به مينهڙا وٺا کنوڻين کيل ڪيا
وڻجارن جي ديس تي، رات به مينهڙا وٺا 
ان وقت ڪجھه عورتون ٻارڙا ۽ مرد ماڻھو مندر ۾ پوڄا لاءِ اچي وڃي رهيا هئا مون ان وقت محسوس ڪيو هو ته گيتن کي ڪيڏي نه پائندگي هجي ٿي، گيت ڪڏھن سارا  تاڪ ۽ تاڙيون ٽوڙي  روح جي گهراين ۾ لهي ٿا وڃن جڏھن ته ماڻھو کي ڪو به جٽاءُ نه ٿو هجي. هيلوڪي برساتن ۾ اوچتو گهر ڊھڻ کنوڻيون ڪرڻ ۽ نئين جي تيز لڙھڻ سبب  ڪجهه ماڻھو سندن پيارن کان هميشه لاءِ وڇڙي ويا آھن سندن ياد هن سانوڻ  رت جي پل پل ۾ سندن  عزيزن جي ساهن ۾ ته   رهندي ليڪن انهن جي وڇوڙي جون يادون سندن  عزيزن جي زندگين جي هر ايندڙ سانوڻ ۾ کين ڏنگينديون رهنديون.  هن وقت جڏھن آئون اڃان لکي رهيو آھيان ته ٻيهر آسمان تي ڪڪر ڪار ٿي ويئي آھي، هلڪا بادل برسڻ لڳا آھن آسمان گوڙ سان گونجي اٿيو آھي آئون وڻن هيٺان ملهاري ڳائيندڙ نابين گوئي کان بنا ڪنهن موڪلاڻي جي نڪري ٿو وڃان ۽ يادن جي ڍيري کي اڻ ڪتيو ڇڏي ٻيهر حڪومت جو ان ڏانهن ڌيان ڇڪائڻ ٿو چاهيان ته سانوڻ ھلي رهيو آھي حڪومت کي اڳواٽ اپاءُ وٺڻ گهرجن ته جيئن ڪٿي هي برسات اڳيان هلي ڪجھه ماڻھن جي خوشي کي ڏنگڻ نه لڳي ۽  سندن مشڪلاتن ۾  ويتر اضافو نه ٿي پوي.
 
 

Bookmark the permalink.

Leave a Reply

Your email address will not be published. Required fields are marked *