Warning: session_start(): open(/var/cpanel/php/sessions/ea-php71/sess_nlgtvvjecd95p8ktgu54bvfvfg, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
مڪاني ادارن جي نااهلي شهر تباهه ڪري ڇڏيا - Pahenji AkhbarPahenji Akhbar مڪاني ادارن جي نااهلي شهر تباهه ڪري ڇڏيا - Pahenji Akhbar
تازا ترين
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *
  • *سنڌ جي مختلف علائقن ۾ وقفي وقفي سان برسات، ٿڌ ۾ واڌ *ميرپور خاص، شاهپور چاڪر، پيرونمل، کورواهه، ميان صاحب، ڀٽ شاهه ۽ ملڪاڻي شريف ۾ برسات*
  • *سپريم ڪورٽ ۾ آشيانه هائوسنگ اسڪيم ڪيس:جوابدار احد چيمه ۽ شاهد شفيق جي ضمانت بابت ٻڌڻي *آشيانه هائوسنگ سان ناڻي کي ڪو به نقصان نه پهتو: وڪيل شاهد شفيق *ائين نه ڪيو، هر ڪيس ۾ اهي شيون ٿي رهيون آهن: جسٽس مشير عالم جا ريمارڪس*
  • *سپريم ڪورٽ ۾ آمريڪي صحافي ڊينيئل پرل قتل ڪيس ۾ والدين ۽ سنڌ حڪومت جي اپيل تي ٻڌڻي *عدالت جوابدارن جي آزادي جو فيصلو معطل ڪرڻ جي استدعا رد ڪري ڇڏي *گهڻي عرصي کلان اپيلون ٻڌڻي هيٺ آهن، اڳ ڪجهه نه ٿيو، هاڻي به ڪجهه نه ٿيندو: جسٽس مشير عالم*
  • *امريڪي صحافي ڊينيئل پرل قتل ڪيس: سپريم ڪورٽ جوابدارن جي آزادي خلاف اپيل رد ڪري ڇڏي *سنڌ سرڪار ۽ ڊينيئل پرل جي والدين جوابدارن جي آزادي وارو فيصلو معطل ڪرڻ لاءِ اپيل داخل ڪئي هئي*
  • *اسلام آباد جي احتساب عدالت ۾ ٺٽو واٽر سپلاءِ اسڪيم ۾ مبينا ڪرپشن ريفرنس تي ٻڌڻي *اڳوڻي صدر آصف زرداري ۽ عبدالغني مجيد جي حاضري کان ڇوٽ واري درخواست منظور*

مڪاني ادارن جي نااهلي شهر تباهه ڪري ڇڏيا

اسين جيڪي سنڌ جي مختلف ڳوٺن ۽ شهرن ۾ رهون ٿا، انهن جي تڪليفن کي اڄ ڏينهن تائين نه ئي حڪومت سمجھي سگھي نه ئي اسان جا معتبر نمائندا، جن کي اسين ڏاڍي محبت ۽ احترام سان ڪائونسلر کان وٺي سينيٽ تائين چونڊي پنهنجي دردن جي دوا لاءِ موڪليون ٿا، پر اهي اسان جي دردن کي ختم ڪرڻ ۾ ڪيترا ڪامياب ٿيا آهن؟اچو ته انهن کي پرکڻ جي اسين ڪوشش ڪريون ٿا؛ ٿي سگھي ٿو ڪي دوست مون سان ان معاملي ۾ اختلاف ڪن، اهو انهن جو حق آهي پر جيڪو مون ڏٺو ۽ محسوس ڪيو آهي اهو بيان ڪرڻ منهنجو حق آهي.
سدائين اليڪشنون ٿين ٿيون، نمائندا چونڊجي اچن ٿا، جڏهن کان اسان هوش سنڀاليو آهي، تڏهن کان اسين ان عمل مان گذرون پيا پر ان جي ابتڙ جيڪي مسئلا اسان جا آهن، اهي ڏينهون ڏينهن وڌن پيا! اسان اهو وقت به ڏٺو جڏهن اسان جو ننڍڙو شهر دڙو، جنهن ۾ سينيٽري ڪميٽي هئي، ان وقت اسان وٽ نه بجلي هئي نه واٽر سپلاءِ، نه ئي سي سي بلاڪ گھٽيون هيون، نه ئي ڪي ناليون هيون. اهي سڀ ڪجهه نه هئڻ جي باوجود، اسان صبح جو اٿندا هئاسين، ته گھٽين ۾ ٻهاري لڳل هوندي هئي ۽ ڪچرو اروڙين تي پيل هوندو هو. هڪ ڍڳي واري ڪاٺ جي بيل گاڏيءَ تي صفائي ڪندڙ ماڻهو ڪچرو کڻي ويندا نظر ايندا هئا. هر گھر جي پنهنجي هودي هوندي هئي، جنهن ۾ گھرن جو گندو پاڻي گڏ ٿيندو هو ۽ صفائيءَ وارو اهو پاڻي ڊرم واري ڍڳي گاڏيءَ ۾ ڪڍي وڃي ٻاهر اڇلايو ويندوهو . سڄي شهر ۾ ڪٿي به ڪن ڪچرو، گندو پاڻي نظر نه ايندو هو. هر روز 3 وڳي کانپوءِ ٻهاري ڏيڻ واريون مايون ۽ مرد پارٽي جي صورت ۾ سڄو شهر صفا ڪري هليا ويندا هئا. ڪٿي به ڪچرو يا گپ نه هوندي هئي. ان جي ڪري نه مک، نه مڇر، نه ئي ڪو مسئلو هو. رات جو هر گھٽي، هر چوڪ تي هڪ شمعدان (فانوس) لڳل هوندو هو. ايڏو سٺو ۽ موثر انتظام هو، جو جيئن سانجھي نماز جي ٻانگ ايندي هئي، تيئن شمعدان ٻري ويندا هئا ۽ فجر نماز بعد اهي شمعدان وسايا ويندا هئا. هر روز انهن جي صفائي، گاسليٽ وجھڻ ۽ انهن کي ٻارڻ جو ٺيڪو پرائيوٽ ماڻهو کي ڏنو ويندو هو. هو پنهنجي ذميواري ايمانداريءَ سان نڀائيندو هيو. اسان کي ياد ناهي، ته ان وقت ۾ ڪڏهن به اهڙي شڪايت ملي هوندي، ته اسان جي گھٽيءَ مان صفائي نه ٿي يا اسان جي هوديءَ جو ڪنو پاڻي نه نڪتو يا اسان جي گھٽي يا چوڪ جو شمعدان نه ٻريو. ان بعد ايوب خان جو دور آيو، يونين ڪائونسل جو وجود پيو، تڏهن به ساڳيو طريقو هلندو رهيو، شهر ۾ اهڙي ڪابه شڪايت نظر نه آئي. ڪڏهن ملازمن جي شڪايت نه ٻڌي ته اسان کي پگھار نه ملي آهي. جڏهن ته ان وقت محصول ۽ هودي ٽئڪس وغيره ورتو ويندو هو، جنهن مان سڄو سسٽم هلندو هو. ڏاڍو ڀلو سسٽم هو، هر طرف صفائي سٺائي نظر ايندي هئي. ڏسندي ڏسندي سڄو نظام بدلجي ويو! هر طرف خرابي ئي خرابي! جڏهن ته ان وقت به اليڪشن ۾ ميمبر چونڊبا هئا ۽ هو پاڻ کي سڀني شين جو ذميوار سمجھندا هيا، پنهنجا ڪن ۽ اکيون کليل رکندا هئا، ڪٿي به ڪا ڪوتاهي نظر ايندي هئي، ته پنهنجو فرض سمجھي اها ختم ڪرائي ڇڏيندا هئا. ان مان اهو فائدو هيو جو مسئلو پيدا ٿيو ته اتي ئي ختم ٿي ويو، اڳتي نه وڌيو. ان بعد شهرن ۾ ٽائون ڪميٽيون ۽ ميونسپل ڪميٽيون اچي ويون ۽ شايد سياست جو انداز بدليو، پارٽيون ٺهيون، انهن پارٽين ۾ اهڙا فرد اچي ويا، جيڪي مختلف نظرين، سوچن جا مالڪ هئا. انهن ۾ هڪ ڏاڍي خرابي پيدا ٿي، جيڪا هئي پنهنجن کي ورسائڻ، نتيجو اهو نڪتو، ته جيڪي ماڻهو رکيا ويا، اهي سفارش تي ڀرتي ٿيا،صفائي عملي لاءِ به سفارش تي سڀ سفيد پوش رکيا وڃن ٿا جيڪي رڳو پگهار ٿا کڻن ۽ ڪم نه ٿا ڪن . مڪاني ادارن جو عملو پٽيوالا،ڊرائيور، ڪلارڪ ۽ ٻيا سياسي ماڻهن جي اوطاقن تي ڊيوٽي ڪرڻ ۾ پورا آهن . گذريل 10 سالن کان رڳو ڊيلي ويجز تي ڪم کي هلايو ويو اهڙي صورتحال ۾ شهرن جي صفائيءَ جو ڇا ٿيندو؟ حالتون ڏينهون ڏينهن خرابيءَ ڏانهن وڌن پيون. بلدياتي ادارن جو مدو پورو ٿيو آهي. سياسي ماڻهن جي هٿن مان انتظام سڌيءَ طرح ختم ٿيا آهن. انتظام هاڻي وري اي سي، مختيارڪارن جي حوالي ڪيو ويو آهي. اهي ساڳين ماڻهن جا محتاج ٿي ڪم ڪندا، نه ته رهي نه سگھندا. شايد اڳي جيڪي پئسا ايندا هيا اھي سياسي پنڊت پنھنجي مرضيءَ سان کپائيندا هئا، پر هاڻي انهن قسطن ۾ هنن آفيسرن جو حصو هوندو، نتيجي کان اڳ اندازو لڳائي سگھجي ٿو ته ڇا حال ٿيندو!؟ ڪنهن سٺائيءَ جي اميد گھٽ رکجي سگھي ٿي. تنهنڪري ڪم گھٽ ٿيندو ۽ ورهاست وڌيڪ ٿيندي.
ماڻهن جي حالت هن برسات ۾ اهڙي ٿي جو پنهنجي گھرن ۾ سڪون سان ويهي نٿا سگھن. گٽرن جو پاڻي گھرن ۾ بيٺو آهي. بنا پلاننگ جي ڪري ناليون مٿي ٺهرايون ويون آهن، نتيجو اهو نڪتو آهي جو گھر هيٺ ٿي ويا آهن ۽ ناليون ۽گھٽيون مٿي ٿي ويون آهن.اهڙي حالت سنڌ جي هر شهر جي آهي جنهن ڪري برسات سبب ناليون ڀرجي ويون. صفائي نه هئڻ ڪري سڀني نالين جو پاڻي سڌو ماڻهن جي گھرن ۾ڪاهي پيو آهي. غريب ماڻهو عذاب ۾ زندگي گذارين پيا. وري ٻڌون پيا ته ضلعن کي آفت سٽيل قرار ڏنو ويو آهي. سروي ٿيندي،ميٽنگون ٿينديون، ان ۾ به جيڪي ڌريون فيصلا ڪنديون ته هنن جا نالا شامل ڪجن، هنن جا نه ڪجن! سڀڪو وڏيرو پنهنجي لسٽ ٺاهي کڻي ايندو. پنهنجن کي ورسائڻ لاءِ اڳيان هوندو. باقي جيڪي خدا جا ماڻهو ۽ مستحق هوندا، رڳورڙيون ڪندا ۽ ٿڌا شوڪارا ڀريندا رهندا.

Bookmark the permalink.

Leave a Reply

Your email address will not be published. Required fields are marked *