تازا ترين
  • *ڪراچي: مڪاني کاتي جي ملازمن پاران پگھارون آن لائين نه ٿيڻ خلاف احتجاجي مظاھرو *مڪاني کاتي جا سوين ملازم پريس ڪلب اڳيان ڌرڻو ھڻي ويھي رھيا، نعريبازي *سنڌ جي وڏي وزير واعدو ڪيو ھو پر ھن وقت تائين پگھارون آن لائين ناھن ٿيون: اڳواڻ*
  • *اسلام آباد: احتساب عدالت ۾ بينظير انڪم سپورٽ پروگرام جا ڪروڙين رپيا هڙپ ڪرڻ وارو ريفرنس*عدالت پيش نه ٿيڻ تي چئن جوابدارن جا گرفتاري وارنٽس جاري ڪري ڇڏيا *سعيد بلوچ، سليم خالد، عفت زهريٰ ۽ شعيب خان جا وارنٽس جاري ڪيا ويا *ريفرنس ۾ پ پ جي فرزانه راجا سميت 18 جوابدار نامزد آهن : نيب*
  • *سپريم ڪورٽ ۾ سکر ۽ ڪوٽڙي بئراج جي ڪينالن جي صفائي جون رهتون ادا نه ڪرڻ وارو معاملو *سپريم ڪورٽ پاران چيف انجنيئر سکر، ڪوٽڙي ۽ ايم ڊي سيڊا کان رپورٽ طلب *مونکي 2018 ۾ سکر ۽ ڪوٽڙي بئراج جي ڪينالن جي صفائي جو ٺيڪو مليو هو: درخواست *فنڊز جاري نه ٿيا پر مون پنهنجو ڪم مڪمل ڪيو: ٺيڪيدار * رقم ڏيڻ واري مطالبي تي صوبائي فنانس سيڪريٽري ڪميٽي جوڙي، ان منهنجي حق ۾ فيصلو ڏنو*
  • *سکر ۾ آبپاشي کاتي ۽ ضلعي انتظاميه پاران حددخلين خلاف آپريشن ٻئي ڏينهن به جاري *هيوي مشينري جي مدد سان حددخليون ڊاهڻ جو عمل جاري، وڏي انگ ۾ شهري گڏ ٿي ويا *ايڪسين سکر بئراج فياض شاهه، مختيارڪار سٽي ۽ ٻيا آفيسر به موجود*
  • *دادو ۾ مغوي ناري نمرتا ملاح جي وارثن جو عدالتي احاطي ۾ احتجاج *ايف آءِ آر داخل هئڻ باوجود پوليس جوابدار گرفتار ڪرڻ بدران اسان کي ڌمڪيون ڏيئي رهي آهي: مظاهرين *عدالتي احاطي ۾ احتجاج کان روڪڻ تي اهلڪارن ۽ نمرتا جي وارثن ۾ جهڙپون*
  • *اسلام آباد: وزير اعظم عمران خان جي صدارت هيٺ وفاقي ڪابينا جو اجلاس *ڪايبنا جي اجلاس ۾ معاشي ۽ سياسي سرگرمين سميت قومي سلامتي واري معاملي جو جائزو *ڪابينا جي اجلاس ۾ گلگلت بلتستان ۾ چونڊ نتيجن بابت بريفنگ به ڏني ويندي *ڪابينا ۾ ڪڻڪ، کنڊ جي اگهن ۾ واڌ سميت ٻين معاملن تي بريفنگ ڏني ويندي*
  • *خيرپور ويجهو قومي شاهراهه تي لڳل لکين روپين جون سولر پليٽون ۽ لائيٽون چوري *شاهه حسين باءِ پاس ڀرسان چور پول ڪيرائي 30 کان وڌيڪ سولر پليٽون ۽ لائيٽون چوري ڪري ويا *سولر پليٽن ۽ لائيٽن جي چوري بابت جاچ ڪري رهيا آهيون، جلد جوابدار گرفتار ڪيا ويندا: پوليس*
  • *لاهور:احتساب عدالت ۾شهباز شريف ۽ حمزه شهباز خلاف رمضان شگر ملز ريفرنس جي ٻڌڻي *عدالت ن ليگ اڳواڻ حمزه شهباز جي جوڊيشل رمانڊ ۾ پهرين ڊسمبر تائين واڌ ڪري ڇڏي *حڪومت اپوزيشن کان انتقام وٺڻ بدران عوامي مسئلن تي ڌيان ڏئي: حمزه شهباز*
  • *نئون ديرو واسي نوجوان پراسرار نموني لاپتا، وارثن جو احتجاج *16ورهين جو احمد بيگ ميراڻي لاڙڪاڻي جي موبائيل مارڪيٽ مان موٽرسائيڪل سميت گم ٿي هو: وارث*
  • *تنگواڻي ۾ ميونسپل ڪاميٽي جي ٻن ملازمن ۾ جهيڙو، گرفتار ٿيڻ بعد آزاد *ميونسپل ملازمن ڪرم علي نصيراڻي ۽ عابد علي نصيراڻي ۾ جهيڙو ٿي پيو *تنگواڻي: جهيڙو ڪندڙ ملازم گرفتار، ٽائون آفيسر جي مداخلت تي آزاد*
  • *اسلام آباد: احتساب عدالت ۾ آصف زرداري، فريال ٽالپر ۽ ٻين خلاف جعلي اڪائونٽس ريفرنس *اڳوڻي صدر آصف علي زرداري ۽ فريال ٽالپر جي حاضري کان ڇوٽ واري درخواست منظور *پوليس پاران گرفتار جوابدار حسين لوائي کي عدالت آڏو پيش نه ڪيو ويو*
  • *دادو: خانپور جوڻيجو ڀرسان پسٽل ڇٽڻ سبب نينگر زخمي *12ورهين جي عرفان پٽ نواب آرائين کي دادو اسپتال مان طبي امداد بعد نوابشاهه منتقل ڪيو ويو *دادو: عرفان کي پسٽل جون ٻه گوليون لڳل هيون: ڊاڪٽر*

نانگ ويو نڪري ليڪو پيو ڪٽجي

“نانگ ويو نڪري ليڪو پيو ڪٽجي.”چوڻي اسان جي هاڻوڪي وفاقي حڪومت جي قدمن تي صفا ٺهڪي ٿي اچي ،ملڪ ۾ ڪڻڪ،کنڊ ۽ پيٽرول کان وٺي ڪهڙو بحران آهي جيڪو آيو ۽ حڪومتي قدمن سان عوام کي ڪو رليف مليو هجي ،رڳو ڪميشنون ٺهيون ،جاچ جا اعلان ٿيا،انهن بحرانن ۾ ملوث مافياز جي ماڻهن خلاف ڪارروائي نه ٿي سگهي ۽ عوام جي کيسي تي اربين رپين جا ڌاڙا لڳي ويا. هاڻي ڇا به ٿئي پر عوام جي کيسي مان نڪتل اهي پئسا ته واپس نه ٿي سگهندا جيڪي انهن جي پگهر پورهئي جي ڪمائي مان نڪري مافياز ۽ منافعي خورن جي کيسي ۾ هليا ويا.
وفاقي حڪومت کنڊ مافيا خلاف ڪارروائي لاءِ ادارن ۽ ٽن صوبن جي حڪومتن کي خط لکي ڇڏيو آهي ۽ ان سان گڏ کنڊ ڪميشن جي رپورٽ به موڪلي وئي آهي. ادارن ۽ صوبائي حڪومتن کي هدايت ڪئي وئي آهي ته 90 ڏينهن ۾ عمل ڪري رپورٽ پيش ڪئي وڃي.هوڏانهن وفاقي ڪابينا پيٽرول بحران جي ذميوارن جو پتو لڳائڻ لاءِ ڪميشن جوڙڻ جو فيصلو ڪيو آهي.اسان جي ملڪ جي بدقسمت آهي جو کنڊ،پيٽرول ۽ ڪڻڪ سان لاڳاپيل مافياز حڪومتن کان به وڌيڪ مضبوط آهن جن خلاف ڪارروائي ٿيڻ جو تصور ڪرڻ ئي ڏکيو آهي اسان جو قانون هيٺئين سطح جي چورين،زيادتين تي ته حرڪت ۾ ايندو آهي پر سڄي ملڪ جي عوام کي يرغمال بڻائيندڙ انهن مافياز خلاف ڪڏهن ڪو قدم کنيو ويو هجي اهو ياد ئي ناهي ،ڪنهن چوري ،ڌاڙي ڦر جو ته جوابدار گرفتار ٿي سگهي ٿو پر عوام جي کيسن تي اربين رپين جو ڌاڙو هڻندڙن خلاف ڪڏهن ڪارروائي نه ٿي سگهي آهي نه ئي اها ڌاڙي جي رقم واپس وٺرائي وئي هجي. پري جي ڳالهه ناهي،تازو کنڊ جي قيمت وڌي وئي ،ڪڻڪ جو بحران ٿيو، اٽو مهانگو پيو ملي،پيٽرول سستو ٿيو ته مارڪيٽ مان ئي غائب ٿي ويو پر ڪو به معاملو حڪومت جي انتظامي ڪوششن سان حل نه ٿي سگهيو. ڪميشنون ٺهيون،رپورٽون آيون ڪا به ڪارروائي نه ٿي،ايتري تائين جو انهن بحرانن ۾ يا ته حڪومت جا پنهنجا ماڻهو ملوث هيا يا جن خلاف ڪارروائي جو امڪان هيو اهي ٻاهر هليا ويا. عوام کي نوٽيس وٺڻ جي لالي پاپ کانسواءِ ڪجهه به نه مليو ته پوءِ هاڻي عوام ڪيئن اعتبار ڪري ته ڪارروائي جون هدايتون ۽ پيٽرول بحران بابت ڪميشن ٺهڻ جا اعلان ڪو اثر ڏيکاريندا ۽ عوام جي ڪاوڙ کي گهٽ ڪرڻ بدران واقعي مافياز خلاف ڪارروائي ڪرڻ جي ڪوشس ٿي رهي آهي .ڪير نه ٿو ڄاڻي ته حڪومتون ئي انهن مافياز جون مددگار رهنديون آيون آهن ،جڏهن ڪمند جي سيزن شروع ٿيندي آهي ته آبادگارن کي گهٽ اگهه تي ڪمند ڏيڻ تي ڪير مجبور ڪندو آهي سرڪاري اگهه تي عمل ڪرائڻ ته سرڪار جو ڪم آهي پوءِ ڇو شگرملز وارا انهي اگهه جي پرواهه ئي نه ڪندا آهن ۽ سرڪار ڪا ڪارروائي نه ڪندي آهي ،جڏهن پيٽرول سستو ٿيو ته اهي ڪهڙيون مافيائون هيون جن مارڪيٽ مان ئي پئٽرول غائب ڪري ڇڏيو، جڏهن اگهه وڌايا ويا ته ان ئي ڏينهن ساڳيو پيٽرول مارڪيٽ ۾ پهچي ويو. اها ڪا ڳالهه سرڪار کان لڪل آهي ته کنڊ ۽ ڪڻڪ جي ذخيره اندوزي ۽ اگهه وڌائڻ
۾ ڪهڙا منافعي خور ملوث آهن.جڏهن هڪ دفعو اگهه وڌي ويا ته سرڪار جي اعلانن باوجود اهي پنهنجي پراڻي پوزيشن تي اچي ئي نه سگهندا آهن ۽ سرڪار ڪا ڪارروائي ڪرڻ کان قاصر هوندي آهي. اهي سڀ تجربا ڇا ٿا ٻڌائين ته هن ملڪ ۾ ڪميشنون ٺهڻ،نوٽيس وٺڻ ۽ جاچ جا اعلان رڳو عوام جي ڪاوڙ ٿڌي ڪرڻ لاءِ هوندا آهن نه ڪي واقعي مافياز خلاف ڪارروائي ڪرڻ لاءِ. سو هن ڀيري به لڳي ٿو ته جن کي پنهنجو منافعو ڪمائڻو هو اهي ڪمائي ويا ۽ سرڪار ڄڻ ته انهن جي سهولتڪار ٿي کين رستو سولو ڪري ڏنو، هاڻي جاچ ڪرڻ ،ڪارروائي ڪرڻ ۽ ڪميشن ٺاهڻ جا اعلان عوام جي ڪاوڙ کي ٿڌو ڪرڻ جي ڪوشش ئي ٿي سگهي ٿي.عوام به خوش،سرڪار به خوش ته منافعو ڪمائيندڙ مافياز به خوش.

Bookmark the permalink.

Leave a Reply

Your email address will not be published. Required fields are marked *