Warning: session_start(): open(/var/cpanel/php/sessions/ea-php71/sess_k6k1i9be9jq0mjt9pjg5m6prhd, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
نه گهٽتائي گهوٽ ۾، نه ڪمي منجهه ڪنوار - Pahenji AkhbarPahenji Akhbar نه گهٽتائي گهوٽ ۾، نه ڪمي منجهه ڪنوار - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

نه گهٽتائي گهوٽ ۾، نه ڪمي منجهه ڪنوار

جي جسٽس باقر صاحب هن ملڪ کي پيدا ٿئي 72 سال گذري چڪا آهن ۽ آئين کي ٺهي 47 سال پر هن وقت تائين هن ملڪ جي هڪ عام ماڻهو کي بنيادي حق، جيڪي آئين جي ٻئي حصي جي پهرين باب ۾ لکيل آهن اهي نه ملي سگهيا آهن! جسٽس صاحب هن ملڪ ۾ جمهوريت جي نالي ۾ سدائين بادشاهاڻي طرز حڪمراني رهي آ هتي رڳو غير جمهوري قوتن جمهوريت تي راتاها ڪونه هنيا آهن، پر افسوس ته اهي جن ملڪ جو آئين ٺاهيو ۽ جيڪي عوام کان ووٽ وٺي اقتدار جي مسند تي ويٺا تن به حڪومت عوام جي حڪمراني لاءِ ۽ انهن جي ڀلائي لاءِ ڪونه ڪئي. هر ڪنهن پنهنجي دور حڪومت ۾ پنهنجي مخالف ڌر جي جماعتن ۽ ميمبرن کي زير ڪرڻ لاءِ هر اهو حربو استعمال ڪيو جيڪو غير آئيني، غير قانوني ۽ غير انساني هيو. پنهنجي سياسي مخالف کي ڪنهن مينهن چوري جي ڪيس ۾ گرفتار ڪرايو ته ڪنهن موٽر سائيڪل جي چوري ۾، ڪنهن کي سياسي مخالف هجڻ جي ڏوهه ۾ خود ٿاڻن تي گهلي بند ڪيو ويو ته ڪن جي سمورن گهر ڀاتين کي عورتن سميت ٿاڻن تي آڻي ويهاريو ويو. هي نيب شيب ته پو‏ءِ جا پيدا ڪيل آهن. ظاهر آهي جڏهن جمهوريت جي خالق هجڻ جا دعويدار ۽ عوام جي ووٽ تي چونڊجي حڪمراني حاصل ڪرڻ جا دعويدار اقتدار ۾ اچڻ بعد اهڙا ڪم ڪندا جيڪي آئين ۽ قانون کان بالاتر هجن ته پوءِ انهن تي ڪهڙي ميار جن جو ڪم ئي ڏنڊي جي زور تي حڪمراني ڪرڻ هوندو آهي.
نيب ته سياسي مخالفن کي ڪوڙن ڪيسن ۾ ڦاسائي انهن جي ڪردار ڪشي ڪري رهي آهي پر ڇا هن ملڪ ۾ هر ٿاڻي تي تر جي با اثر فرد جي ڪمداري جو ڪم ڪونه ڪري رهيو آهي؟ جيڪڏهن نيب جو ادارو انهي لاءِ جوڙايو ويو هو ته اهو مخالف سياستدانن کي نشانو بڻائيندو ته پوءِ مونکي انهي شخص جي سوچ تي حيرت ٿي ٿئي جنهن نيب جو خاڪو پيش ڪيو هو ۽ انهي جو بنياد وڌو هو! جنهن ملڪ ۾ ڪنهن به ٿاڻي جو هڪ سپاهي ڪنهن وڏي ڊنگ سياستدان کي جهڪائڻ لاءِ ڪافي هجي اتي ايڏي وڏي محنت ڪري ايترو وڏو ادارو ٺاهڻ جي ڪهڙي ضرورت هئي؟ پر ڇاهي جو جن ڌرين اهو ادارو ٺاهيو تن کي شايد انهي وقت پوليس جي سپاهي جي وفاداري تي ايترو اعتبار ڪونه هو جيترو انهن نيب جي عملدارن تي! جي جسٽس باقر صاحب هن ملڪ ۾ تمام پتڪڙن ماڻهن کي وڏو پاور ڏئي چڱن ڀلن جا پٽڪا ڌوڙ ڪرايا ويندا آهن ۽ هي ملڪ واقعي به انهن بونن سان ڀريل آهي جيڪي طاقت جي نشي ۾ ڪهڙو به ڪم ڪرڻ لاءِ تيار ٿي ويندا آهن. هي ته تسلسل آهي انهي برطانوي راڄ جي سوچ جو ۽ طرز حڪمراني جو جنهن ۾ ديسي سپاهي کي خاڪي چڍو پارائي لٺ هٿ ۾ ڏئي کيس ايترو ته پاور ڏنو ويندو هو جو انهي‏ءَ سپاهي کي هر ڊنگ خان به سلام ڪرڻ تي مجبور هوندو هو.
هن ملڪ ۾ جمهوريت ڪٿان ايندي! جسٽس باقر صاحب جمهوريت انهي روش جو نالو آهي جيڪا مخالف کي دشمن نه پر اختلاف رکندڙ۽ نقاد سمجهندي آهي. هتي ته اختلاف رکندڙ فرد دشمن جي صفن جو سالار سمجهيو ويندو آهي. اختلاف رکندڙ به اختلافي راءِ جي پرچار بجاءِ مخالف تي وار ڪرڻ جي وجهه ۾ هوندو آهي. جتي اقتدار جي نشي ۾ حڪمرانن کي بند ديوارن اندر عوام جو آواز ٻڌڻ ۾ ئي نه ايندو هجي اتي جمهوريت پروان ڪٿان چڙهندي؟ هتي هر حڪمران کي اقتدار کان ٻاهر هجڻ وقت هر ناانصافي نظر ايندي آهي، پر اقتدار ۾ اچڻ شرط انهن کان اهو سڀ ڪجهه وسري ويندو آهي ته عوام ڪير ٿيندو آهي ۽ انهي جا مسئلا ڪهڙا آهن! هتي قانون جي بالادستي سان ڪنهن جو سروڪار ڪونهي هتي هر ڪنهن کي پنهنجي سپريميسي جو شوق آهي. جي بلڪل اوهان اهو به سچ چيو آهي ته هتي عوامي بهبود ۽ غربت جو خاتمو ڪنهن به حڪمران جي اولين ترجيح ڪونهي. هي ته سڀ اليڪشن جي شبدي بازي جا شوشا هوندا آهن خبر ناهي ڇو اسين انهي کي سچ سمجهي ويهندا آهيون!؟
اينٽي ڪرپشن، ڪرپشن کي روڪڻ لاءِ نه پر ڪرپشن ڪرائڻ لاءِ هجي، پوليس امن امان ڪرائڻ لاءِ نه پر خوف ۽ ڏهڪاءَ پيدا ڪرڻ لاءِ هجي، ايوان قانون سازي ڪرڻ لاءِ نه پر قانون کي ٽوڙڻ جا لائسنس ڏيڻ لاءِ هجن، سرڪاري ادارا عوامي ڀلائي جي ڪم ڪرڻ لاءِ نه پر عوام جي مٿان عذاب نازل ڪرڻ لاءِ هجن، سرڪاري ڪامورا عوام جا نوڪر نه پر آقا هجن ۽ جتي قانون ۽ انصاف سڀني لاءِ ساڳيو يا برابر نه هجي ته انهي ملڪ ۾ ڪهڙا ادارا هجن جيڪي ڪرپشن لٽ مار ۽ ناانصافي کي ٻنجو ڏئي سگهن؟! جسٽس باقر صاحب اسان اوهان جي پيراگان هائوسنگ سوسائٽي واري87 صفحن جي سموري فيصلي کي تمام وڏو ساراهه جوڳو قدم سمجهندي هڪڙي نماڻي گذارش ڪرڻ جي اجازت گهرون ٿا جي جان جي امان هجي ته عرض ڪريون!
هي جي ملڪ جون سمورون ڪورٽون خودمختيار ٿي غريب جي دانهن تي داد ڪرڻ شروع ڪن، انصاف سستو ۽ هر ڪنهن لاءِ هڪجهڙو ٿي پوي ته ڇا ملڪ جو چهرو تبديل ڪونه ٿي ويندو؟ جيڪڏهن هر عام فرد کي اهو يقين ٿي وڃي ته سندس دانهن تي ڪورٽ سڳوري داد ڪندي ۽ اها آئين ۽ قانون جي دائري هيٺ هر فرد کي بنيادي حق وٺي ڏيندي ته ڇا ملڪ جو ڪو به فرد يا ادارو ڪنهن سان ڪا زيادتي ڪري سگهندو؟ جي هڪ مظلوم کي اهو يقين ٿي وڃي ته هو جيڪا دانهن ڪورٽ سڳوري ڏانهن کڻي ويندو انهي تي ڪنهن ملڪ جي هڪ وزير مشير کي به هيٺين سطح جي عدالت سڏي سرزنش ڪري سگهندي ته ڇا هن ملڪ جي عوام جو ويساهه پختو ڪونه ٿيندو ته ڪير آهي جيڪو ڪمزور جي دانهن به ٻڌندو ۽ کيس انصاف ڏيندو. هتي ته بجلي جي بل ۾ هڪ عام مسڪين کي لڳل اضافي بل جو ڪو تدارڪ نه ٿو ٿئي، ته ڪنهن جي زر زمين ۽ زن تي لڳل ڌاڙي جو فرياد ڪٿي ٿيندو!؟
اهي بنيادي حق بس آئين جي صفحن ۾ لکيل آهن هتي ته سموري ملڪ جي ڪنهن هڪ به فرد کي رياست پيئڻ جو صاف پاڻي مهيا ڪونه ٿي ڪري سگهي! جيڪو اڄ جي دور ۾ هر انسان جي بنيادي زنده رهڻ جي حقن منجهان هڪ عالمي سطح تي مڃيل حق آهي. هي پاڻي جون ڪميشنون ٺهيون ڇا ڪجهه ڪو تدارڪ ٿيو؟ هتي ڪميشنون، ادارا ۽ ايوان سڀ ساڳي رستي جا راهي آهن. انهن جو عوام جي اهنج سان ۽ انهي اهنج کي دور ڪرڻ سان ڪو تعلق ڪونهي، هڪڙا اقتدار ۾ اچي لٽين ٿا، هڪڙا سرڪاري مسندن تي ويهي، هڪڙا وڃن ٿا ٻيا اچن ٿا اهو چرخو ايئن ئي هلندو رهي ٿو. ڪا ڪمي ڪنهن ۾ ڪونهي. هي نيب ۾ ڪم ڪندڙ به اسانجي سماج منجهان ئي آهن وري جيڪي نيب زده آهن اهي به اسان منجهان آهن نه ڪا ڪمي ڪنوار ۾ آ نه ڪا گهٽتائي گهوٽ ۾ آ.

Bookmark the permalink.

Leave a Reply

Your email address will not be published. Required fields are marked *