تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

هر هنڌ ڦاٿل وفاقي سرڪار

هونئن ته بلاول ڀٽو زرداري جي ڪراچي ۾ ڪيل پريس ڪانفرنس کي هاڻي ٻن ڏينهن کان وڌيڪ وقت گذري چڪو آهي پر اهڙي پريس ڪانفرنس جا پڙاڏا هينئر تائين اقتداري ايوانن ۾ حوالي طور بحث جو حصو آهن. سينيٽر مولا بخش چانڊيو جڏهن اسلام آباد واري پريس ڪانفرنس ۾ بار بار چئي رهيو هو ته اسان جي مٿان ڪارڪنن جو دٻاءُ آهي ته بلاول ڀٽو سخت پريس ڪانفرنس ڇو نه ٿو ڪري تڏهن شايد مولا بخش چانڊيو کي اها خبر نه هئي ته اهڙي بلاول ڀٽو جي پريس ڪانفرنس تي پ پ جا جيالا جيئي ڀٽو جي نعرن سان گڏ بلي بلي به ڪري رهيا هئا ته مولا بخش چانڊيو جي هلندڙ پريس ڪانفرنس دوران حڪومت جا ترجمان پنهنجو سخت رد عمل به ڏئي رهيا هيا.
اهو رد عمل اهڙو هو جو ٽي وي جي اسڪرين مولا بخش چانڊيو جي پريس ڪانفرنس بجاءِ شبلي فراز ڏيکارڻ تي مجبور ٿي چڪي هئي. بلاول ڀٽو جي سخت رد عمل جي پٺيان آخر ڪهڙا ڪارڻ هئا جنهن جي بنياد تي پ پ جا ڪارڪن نه پر پ پ جو چيئرمين صوبي جي وڏي وزير کي گڏ کڻي اهڙي پريس ڪانفرنس ڪري رهيو هيو جنهن کي بلاول ڀٽو جي جذباتي پريس ڪانفرنس ۾ ڳڻيو ويندو. هونئن ته شهيد ذوالفقار علي ڀٽو کي به جذباتي سڏيو ويندو هو اڪثر کانئس سوال به ٿيندو هو ته توهان جذباتي آهيو، جنهن جي موٽ ۾ ڀٽو صاحب وراڻيندو هيو ته مان جذباتي نه پر غيرت مند آهيان. پيپلزپارٽي جي ڪهڙي به اڳواڻ کان جذباتي بابت سوال پڇي ڏسو ته سندن جواب جي بجاءِ اهو سوال هجي ٿو ته اهو ڪهڙو پ پ جو اڳواڻ آهي جيڪو جذباتي ناهي پر هي معاملو انتهائي مختلف نوعيت جو آهي اهو ان ڪري جو پيپلزپارٽي گذريل پندرهن سالن کان جيڪا سياست ڪري رهي آهي اهڙي سياست پارٽي جي ڪارڪنن کي به پريشان ڪري ڇڏيو آهي. هن پيپلزپارٽي گذريل پندرهن سالن ۾سوين موضوع بحث هيٺ آندا آهن، مخالف ڌر جي چيمپئن سمجهي ويندڙ پارٽي فرينڊلي اپوزيشن جو پنهنجي لاءِ نعرو متعارف ڪرايو. اينٽي اسٽيبلشمينٽ کان پرو اسٽيبلشمينٽ تائين جو سفر ڪيو. عمران خان گڏجي صادق سنجراڻي کي سينيٽ جو چيئرمين چونڊرائيندي پنهنجي پراڻي ساٿي ميان رضا رباني جي چونڊ کان انڪار ڪيو پارٽي جي مٿان اقدار جي سياست بجاءِ اقتدار جي سياست جا الزام لڳندا رهيا. پنجاب اندر وڏي جدوجهد کانپوءِ ڪارڪنن منظور وٽو کان پارٽي قمر الزمان ڪائرا حوالي ايئن ڪرائي جيئن ڪراچي جو صدر ڊاڪٽر عاصم بجاءِ سعيد غني کي ڪرايو ويو.
ان سڄي عمل دوران پيپلزپارٽي ڀٽي صاحب جي بيانيي کان پري جو تاثر ڏيندي رهي پارٽي جي مرڪزي اڳواڻن کان اعتزاز احسن ۽ فرحت الله بابر جي بيانن بابت پڇيو ويندو هو ته جواب ايندو هو ته اهي پارٽي جا سينيئر اڳواڻ آهن پر اها سندن ذاتي راءِ آهي. اهڙي بيانيي دوران جڏهن بلاول ڀٽو پارليامينٽ اندر يا ٻاهر اهڙي قسم جي جذباتي تقرير يا پريس ڪانفرنس ڪري ٿو تڏهن پارٽي جي ڪارڪنن کي خوشي ته ضرور ٿئي ٿي پر اهو سوال بحث جي حوالي سان موجود هجي ٿو ته پيپلزپارٽي موجوده سياسي صورتحال اندر پنهنجا سياسي ڪارڊ کيڏندي ڇا پنهنجي نظرياتي بيهڪ کي بچائڻ ۾ ڪامياب ٿي رهي آهي يا نه. اهو ڏينهن به ياد ڪيو جڏهن مولانا فضل الرحمان جي اي پي سي ٿي رهي هئي تڏهن پيپلزپارٽي مٿان اهي الزام هئا ته متحرڪ تحريڪ هلائڻ تي پ پ سسٽم جي ويڙهجڻ جو خدشو ظاهر ڪري رهي آهي. هينئر پيپلزپارٽي وارن جو چوڻ آهي ته مولانا صاحب پ پ پ کي اهڙي تحريڪ دوران اعتماد ۾ نه ورتو هيو. بحرحال هينئر سوال اهو آهي ته بلاول ڀٽو جي پريس ڪانفرنس کانپوءِ پيپلزپارٽي جو مزاج ڪيئن بيهندو. ان کان اڳ اهو سمجهڻ جي ضرورت آهي ته عمران خان جي تحريڪ انصاف ٻه پارٽي نظام کي ٽوڙيندي هڪ ٽين مضبوط پارٽي جي دعويدار ٿي اڀري آهي جنهن جو بنيادي منشور ڪرپشن جو خاتمو رهيو آهي. پيپلزپارٽي ۽ نواز ليگ کي ختم ڪري ٽئين پارٽي طور اڀرڻ جو مقصد اهو به آهي ته مخالف ڌر سان تعلق رکندڙ ٻئي وڏيون پارٽيون ڪرپشن ۾ ملوث آهن پر بلاول ڀٽو عمران خان کي پهرين ڏينهن کان سليڪٽيڊ قرار ڏئي سندس ٽئين پارٽي جي طاقت ۾ اچڻ واري تاثر کي رد ڪيو، سندس بيانيي موجب عمران خان ايئن ئي سليڪٽيڊ آهي جيئن ان کان اڳ پرويز مشرف سان ق ليگ وغيره هونديون هيون. هينئر واري بلاول ڀٽو جي پريس ڪانفرنس ان تاثر کي به رد ڪري ڇڏيو آهي ته ڪو تحريڪ انصاف جي حڪومت صاف شفاف آهي. بلاول ڀٽو مطابق تاريخ جي ڪرپٽ ترين حڪومت عمران خان جي آهي هاڻي بلاول ڀٽو اهڙي بيانيي کي اڳتي کڻي وڃڻ ۾ ڪامياب ٿئي ٿو يا نه اهو هڪ الڳ بحث آهي پر عمران سرڪار هينئر ڪيترن ئي معاملن ۾ مڪمل طور تي ڦاسي پئي آهي. بي آر ٽي منصوبو ڪي اليڪٽرڪ اشو، کنڊ ڪميشن اشو، ٽين بلين ٽري ۾ ڪرپشن جون خبرون، ڪي پي جي اطلاعات واري صلاحڪار اجمل وزير کي هٽائڻ ڊاڪٽر فردوس عاشق اعواڻ کي هٽائڻ، مالم جبا، اٽي جو بحران، پيٽرول جي قيمتن ۾ واڌ کان ويندي ڪيئي اشو عمران سرڪار کي گهيري چڪا آهن. ايتري قدر جو ڪراچي ۾ بجلي جي لوڊشيڊنگ پٺيان ڪهڙا سبب آهن کان وڌيڪ بلاول ڀٽو چئي رهيو آهي ته ڪي اليڪٽرڪ عمران خان پنهنجي دوست ابراج گروپ حوالي ڪئي آهي.
اهڙي صورتحال ۾ اهو چيو پيو وڃي ته هر طرف عمران سرڪار شديد تنقيد جي ور چڙهيل آهي. عمران سرڪار اهڙي معاملي کان نڪرڻ لاءِ اپوزيشن کي وڌيڪ سوڙهو ڪرڻ جي ڪوشش ڪندي 18هين ترميم، اين ايف سي ايوارڊ ۾ ترميم به چاهي ٿي جنهن حوالي سان ٻلي ٿيلهي مان ٻاهر نڪري به چڪي آهي. ايم ڪيو ايم جي بيريسٽر سيف سينيٽ ۾ آئين ۾ ترميم جا معاملا آڻي راز فاش به ڪري چڪو آهي جڏهن ته حڪومت پنهنجي هر محاذ ۾ ناڪام ٿيندي نظر اچي رهي آهي جي آءِ ٽي واري فلم لڳي ٿو هلندي ئي فلاپ ٿي وئي آهي علي زيدي جو جي آءِ ٽي جي رپورٽ وڊيو ظاهر ڪرڻ کانپوءِ پنهنجي ٽوئيٽ ۾ بينظير ڀٽو صاحبا جي وصيعت جي اصلي ۽ نقلي هجڻ جو سوال اٿاريو آهي هاڻي جي آءِ ٽي اصلي ۽ نقلي واري بحث کانپوءِ علي زيدي وڃي وصيعت جي اصلي ۽ نقلي تي پهتو آهي جنهن جو مقصد آهي ته جي آءِ ٽي جو دڙڪو به نه هليو. ها مريم نواز وٽ اڃان ڪيتريون وڊيوز موجود آهن. اهو سوال تحريڪ انصاف وارن کي اڃان پريشان ڪري ويٺو آهي. قاضي فائز عيسيٰ معاملي تي اڳوڻو وفاقي وزير فروغ نسيم يا حڪومت خاموشي اختيار ڪري ڇڏي آهي ڪراچي ۾ لوڊشيڊنگ واري اشو تي اسد عمر جي صورت ۾ ڳالهين وارا به پاڻ هجن ٿا ته ايم ڪيو ايم ۽ پي ٽي آءِ جي ڪيمپن ۾ احتجاج ڪرڻ وارا به پاڻ هجن ٿا. نواز شريف واري معاملي ۾ به حڪومت کان ڪاميابي بابت سوال ٿي رهيا آهن. سمورن فرنٽس تي ناڪامي کانپوءِ جڏهن پرڏيهي سطح تي ڪاميابين جو ذڪر ڪيو ٿو وڃي تڏهن سلامتي ڪائونسل اندر ملندڙ ووٽن کي سامهون رکي ان ڪاميابي واري بيانيي کي لطيفو قرار ڏنو ٿو وڃي. اهڙي سڄي صورتحال ۾ اهو بحث وڌيڪ ٿي رهيو آهي ته عمران خان پنهنجي ڪابينا کي 6 مهينن جو وقت ڏنو آهي يا مخالف ڌر وارن سليڪٽرن کي ڇهن مهينن جو وقت ڏنو آهي ته ڏسي وٺو پنهنجي سليڪشن. بلاول ڀٽو چيو پئي ته جيڪڏهن هو سنڌ جو دورو نه ڪري ها ته چونڊن ۾ انهن کي کٽرايو وڃي ها جيڪي 18هين ترميم تي سودو ڪن ها. بلاول ڀٽو هنيئر هڪ هفتو لاهور ۾ به رهي آيو آهي جڏهن ته شهباز شريف جي بيمار هئڻ جي ڪري بلاول ڀٽو ميدان ۾ وڌيڪ متحرڪ نظر اچي رهيو آهي. ان جو هڪ وڌيڪ سبب سنڌ جي وڏي وزير مراد علي شاهه کي بار بار نيب راولپنڊي هيڊ ڪوارٽر گهرائڻ کان ويندي آصف علي زرداري جي وڊيو لنڪ تي فرد جرم لاڳو ڪرڻ جهڙا اشو به سندس ذهن ۾ آهن. ان ڏينهن جڏهن اسان قاضي فائز عيسيٰ جي گهرواري کي ايف بي آر اچڻ واري معاملي کي رپورٽ ڪري رهيا هئاسين تڏهن حڪومتي ترجمان چئي رهيا هئا ته بلاول ڀٽو عمران خان جي ڀيڻ عليمه خان جو ذڪر ڪيو آهي جنهن جو سياست سان ڪو به تعلق ناهي.
ان سڄي صورتحال ۾ هن وقت تائين راند سليڪٽرن ۽ مخالف ڌر جي وچ تي نظر اچي رهي آهي ته عمران سرڪار جي ڪارڪردگي کي ڏسي وٺو، مراد سعيد بلاول ڀٽو کي مناظري جو چيلينج ڀل ڪري پر اصل مناظرو بيانيي جي صورت ۾ جاري آهي جتي چيو پيو وڃي ته اي پي سي يا تحريڪ جي ڪهڙي ضرورت آهي ايندڙ 6 مهينا رڳو انتظار ڪريو.

Bookmark the permalink.

Leave a Reply

Your email address will not be published. Required fields are marked *