Warning: session_start(): open(/var/cpanel/php/sessions/ea-php71/sess_ieel529vr6fsou2mhifir49s1n, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
واڪا ڪرڻ مون وس - Pahenji AkhbarPahenji Akhbar واڪا ڪرڻ مون وس - Pahenji Akhbar
تازا ترين
  • ام رباب چانڊيو جي ٽن گهرڀاتين جي قتل ۾ملوث هڪ روپوش جوابدار ذوالفقار چانڊيو گرفتار *
  • *سڳيون ۾ انتظاميه پاران کرل مائينر جي ڪپرن تان قبضا ختم ڪرائڻ لاءِ آپريشن، ڪيترائي دڪان ڊاهي پٽ *انتظاميه ڳري مشينري جي مدد سان ڪيترائي دڪان ڊاهي پٽ ڪري ڇڏيا *انتظاميه پاران کرل مائينر جي کپرن تي ٺاهيل گهر خالي ڪرڻ لاءِ رهواسين کي 3 ڏينهن جي مهلت*
  • *شھدادپور جي عدالت پاران رمانڊ لاءِ پيش ڪيل جوابدار کي ماسڪ ۽ سوئيٽر پارائي پيش ڪرڻ جي هدايت *سرهاڙي پوليس ڪچي شراب جي الزام هيٺ گرفتار علي اڪبر مگسي کي عدالت ۾ پيش ڪيو *عدالت پاران جوابدار کي ماسڪ ۽ سوئيٽر پارائي پيش ڪرڻ جي هدايت *جوابدار ماسڪ ۽ سوئيٽر پارائڻ بعد ٻيهر پيش، عدالت کيس جوڊيشل رمانڊ تي جيل حوالي ڪري ڇڏيو*
  • *شڪارپور: دهشتگردي ٽوڙ عدالت پاران پوليس تي حملي ڪيس ۾6 جوابدارن کي 10،10 سال قيد جي سزا *عدالت مير ھزار، ابرار، اسرار، سرور، ھزارو۽ عزيز جکراڻي کي سزا ٻڌائي وئي *جوابدارن هڪ سال اڳ جيڪب آباد ويجهو پوليس تي حملو ڪري سرڪاري رائيفل ڦر ڪئي هئي*
  • *لاڙڪاڻي ۾ شھيدِ اسلام ڪانفرنس جون تياريون مڪمل، جي يو آءِ اڳواڻن ۽ڪارڪنن جي آمد جو سلسلو جاري *ميونسپل اسٽيڊيم ۾ داخلي رستن تي واڪ ٿرو گيٽ لڳايا ويا، سيڪيورٽي لاءِ پوليس نفري مقرر *شهيد اسلام ڪانفرنس کي جي يو آءِ سربراهه مولانا فضل الرحمان ۽ ٻيا اڳواڻ خطاب ڪندا*
  • *ڪوٽڙي: سي آءِ اي ڄامشورو پوليس جي ڪارروائي، منشيات ٺاهڻ ۾ استعال ٿيندڙ سامان جون 110 ٻوريون هٿ *ٻولھاڙي روڊ تي عبدالغفار چانگ کي گرفتار ڪري منشيات ٺاهڻ ۾ استعمال ٿيندڙ سامان جون 110 ٻوريون هٿ ڪيون: پوليس *ضلعي اندر منشيات فروشن کي منشيات ھلائڻ نه ڏينداسين. ايس ايس پي ڄامشورو*
  • *دڙو: ڪانڌڙا اسٽاپ وٽ محمودي رائيس مل کي بجلي جي شارٽ سرڪٽ سبب باهه وڪوڙي ورتو *باهه سبب لکين روپين جون ساريون سڙي ويون: رائيس مل ملڪ*
  • *پي ٽي آءِ قيادت ناراض ايم پي اي شهريار شر کي پرچائڻ لاءِ سڀاڻي ڏهرڪي پهچندي *وفاقي وزير شبلي فراز، اسد عمر، فردوس شميم، حليم عادل ۽ ٻيا اڳواڻ ڏهرڪي پهچندا *پارٽي قيادت سڀاڻي ملاقات لاءِ پهچندي، ڪجهه معاملا آهن جيڪي حل ڪيا ويندا: شهريار شر *ڏهرڪي: پ پ اڳواڻن پاران ايم پي اي شهريار شر سان پارٽي ۾ شموليت ڪرائڻ بابت ڳالهيون هلندڙ: ذريعا*
  • *دادو ۾ ٻن شادي شده عورتن پاران ڌار ڌار زهريلي دوا پي آپگهات جي ڪوشش، اسپتال داخل *دادو شهر جي رهواسڻ نظيران سولنگي ۽ پَٽُ گل محمد واسڻ صدوري پنهور کي اسپتال منتقل ڪيو ويو*
  • *عادلپور ويجهو 10 ايڪڙن تي بيٺل ڪمند کي باهه *ڳوٺ غلام علي ڪلوڙ ويجهو ڪمند جي فصل کي اوچتو باهه وڪوڙي ورتو *ڪنهن سان به دشمني ناهي، باهه لڳڻ سبب لکين روپين جو ڪمند سڙي ويو: عبدالجبار ڪلوڙ*
  • *ٽنڊي غلام حيدر ويجهو شادي شده عورت پاران مبينا ڦاهو کائي آپگهات *ڳوٺ علي اڪبر چانگ واسڻ 38ورهين جي پٺاڻي زال جمعون گهر اندر مبينا ڦاهو کائي ڇڏيو*
  • *تنگواڻي ۾ رولو ڪتن نينگري ۽ ٻن عورتن سميت 8 ڄڻن کي ڏاڙهي زخمي ڪري ڇڏيو *رازل خاتون لاشاري، صاحب خاتون، سنڌو ملڪ، قائم جعفري، گل حسن نندواڻي ۽ ٻيا زخمي اسپتال منتقل*
  • *ٺل: ڳوٺ عبدالعنبي لاشاري ۾ نينگر پاڻي جي تلاءَ ۾ ٻڏي فوت *امتياز علي راند کيڏندي پاڻي جي تلاءَ ۾ ڪِري ٻڏي فوت ٿي ويو، گهر ۾ ڪهرام*
  • *سنڌڙي ويجهو ڪارنهن الزام هيٺ قتل ٿيل فهميده شر مامرو *ميرپورخاص جي عدالت پاران جوابدار ڄاڻايل ڪريم بخش شر جي عبوري ضمانت ۾ 30 نومبر تائين واڌ*
  • *سپريم ڪورٽ ۾ جيڪب آباد جي اسڪول ۾ ڪرپشن ڪيس ۾ جوابدار جي اپيل تي ٻڌڻي *عدالت جوابدار آزاد علي جي 5-5 لک رپين جي گارنٽيز سان ضمانت منظور ڪري ورتي *جوابدار تي 34 لک رپيا ڪرپشن ڪرڻ جو الزام آهي: جوابدار جو وڪيل*

واڪا ڪرڻ مون وس

پ پ جو چيئرمين بلاول ڀٽو زرداري اڄ ميرپورخاص ڊويزن جي دوري تي اچي رھيو آھي، جيتوڻيڪ ان دوري جو شيڊيول ڪالھه جو ھو ، پر ميرپورخاص جي سينيئر سياسي شخصيت ۽ پ پ جي اڳواڻ مير حاجي حيات ٽالپر جي وفات سبب پروگرام کي اڳتي ڪيوويو آھي.
\ ٻوڏ متاثر جيڪي ھزارن جي تعداد ۾ واھن ، سم نالن ۽ روڊن جي ڪنارن تي بي يار و مددگار ويٺل آھن، انھن جون نگاھون بلاول ڀٽو زرداري جي دوري تي لڳل آھن. ان کان اڳ وڏو وزير به دورو ڪري ويو آھي، جنھن ڪو ٻوڏ متاثرن لاءِ رليف جو اعلان نه ڪيو، سندس اچڻ تي ڪامورن ڪوڙيون ڪيمپون لڳائي کيس غلط ڪم ڏيکاريو ۽ ماڻھو آسري ۾ رھجي ويا .
آئون بلاول ڀٽو زرداري کي پنھنجي علائقي جي ماڻھن پاران اھا گذارش ڪندس ته مھرباني ڪري رڳو پنھنجي وڏيرن ۽ مشيرن جي ٻڌايل ۽ ڏيکاريل ڳالھين بدران ٻوڏ متاثرن جي حقيقي حالتن جي ڄاڻ وٺڻ جي ڪوشش ڪري ۽ علائقي جي صحافين ۽ سرگرم ماڻھن ۽ پارٽي سان غير وابسته ماڻھن سان ملاقاتون ڪري .ٻي صورت ۾ ٻوڏ متاثر وري به بي يار و مددگار ۽ آسرن ۾ رھجي ويندا.
ھتي سڀ کان اھم ڳالھه ياد رکڻ جي اھا آھي ته ميرپورخاص ڊويزن ۾ ٻوڏ متاثرين جي گھڻائي شيڊيولڊ ڪاسٽ ڀيل، ڪولھي ۽ ميگھواڙن جي آھي جيڪي ھاري آھن، جن جا اجھا اڳ ئي اڀرا ھئا، انھن جي ملڪيت مال ۽ اھي پوکيل فصل ھئا جيڪي ٻڏي چڪا آھن ۽ اھي ئي سندن اميد جو محور ھوندا آھن . ھن وقت انھن جو الھه تلھه برباد ٿي چڪو آھي . انھن کان علاوه جيڪي ٻيا ماڻھو ٻڏا آھن اھي به بيحد ۽ غريب ۽ مال ۽ زراعت سان لاڳاپيل ۽ مزدورمارو ماڻھو آھن ، جن جو ڪو به والي وارث ڪونھي. انھن کي پ پ جا وڏيرا ۽ ڪامورا اھي ٽينٽ مڇردانيون به بنا ڪنھن وڏي ماڻھو جي چٺي جي نٿا ڏين ، جيڪي انھن لاءِ اعلانيا ويا آھن. ماڻھن جو مال مڇرن جي گھڻائي سبب بيمار ٿي مري وڃڻ جو امڪان آھي .
ان معاملي ۾ اقليتي نمائيندا به نظر نٿا اچن ، جن کي انھن جي واھر ڪرڻ گھرجي . ويچارا بيواھا ٻوڏ متاثر پنھنجون رليون ٽنگي انھن جي ڇانءُ ۾ ويٺا آھن . ان کان سواءِ سڀ کان اھم مسئلو انھن جي ڳوٺن وارن علائقن مان پاڻي جي نيڪال جو آھي . سياسي نمائندن ۽ انھن جي واٺن کي خدا جو خوف به ڪونھي ، اھي ھن بيحد ڏکي ويل انھن متاثرن جي امداد ۾ به کانچا ھڻي پنھنجا پيٽ ڀري رھيا آھن . ٻئي طرف وري پنھنجي ٻنين مان پاڻي ڪڍڻ لاءِ ڪٽ ھڻي مسڪينن جا گھر ٻوڙي رھيا آھن .
آخر انھن تي ڪو اخلاقي ضابطو ڇو نٿو نافذ ڪيو وڃي . يا ته سنڌ حڪومت کي کپي ته ٻوڏ متاثرن سان گڏ پنھنجي ڀوتارن جا پيٽ ڀرڻ لاءِ ڪو الڳ سان پيڪيج ڏنو وڃي ته جيئن ھنن مسڪين دربدر ھٿين خالي ماڻھن جو حق انھن تائين پھچي سگھي . خدارا ھنن مسڪين مظلوم ماڻھن جي حالت تي رحم ڪيو وڃي. جيستائين انھن جي ڳوٺن ۽ ٻنين مان پاڻي نيڪال نه ڪيو ويندو ۽ انھن جي مسئلن جو ڪو مستقل حل نٿو نڪري سگھي . آخر ڪيستائين اھي پيٽ بکيا رستن تي پيا ھوندا . جتي مڇرن جو شديد آزار آھي ۽ پيئڻ جي صاف پاڻي جي سھولت ناھي ، بيٺل گندي پاڻي سبب بيماريون ڦھلجي رھيون آھن، جنھن ڪري انھن جي جانين کي خطرو آھي.
علائقي جي سڄاڻ ماڻھن جو چوڻ آھي ته پاڻي جي نيڪال جي قدرتي لنگھن جو مستقل حل ڪڍڻ کان اڳ عارضي طور ئي ٻڏل علائقن مان پاڻي ڪڍيو وڃي ته جيئن زمينون سڪي سگھن ۽ ٻوڏ متاثر پنھنجي علائقن ۾ وڃي روزگار کي شروع ڪن .
انھن ٻوڏ متاثرن جي بحالي جو ھڪ وڏي مدي وارو پروجيڪٽ شروع ڪيو وڃي، جنھن ذريعي مرحليوار انھن کي مدد فراھم ڪئي وڃي. ٻوڏ متاثرين جي بحالي واري ڪم جي سخت نگراني ڪئي وڃي. انھن جي مري ويل مال ۽ ڊھي ويل گھرن جو معاوضو ڏنو وڃي. آبادگارن کي تباھه ٿيل فصلن جو معاوضو ڏنو وڃي ته جيئن ھاري توڙي ننڍا آبادگار نئين سر پنھنجي پيرن تي بيھي سگھن .
جڏھن کان ٻوڏ آئي آھي ڊگھڙي تعلقي جي ڪيترين يونين ڪائونسلن جا ڳوٺاڻا سڄيون راتيون جاڳي بندن تي پھرا ڏيندا رھن ٿا ، ڪٿي بندن کي پنھنجي مدد پاڻ تحت مضبوط ڪرڻ جون ڪوششون ڪندا رھن ٿا ، پراڻ ، ايل بي اوڊي توڙي مين اسپائنل ڊرين جي ڇوڙ وٽ پاڻي اوور ٽاپ ٿيڻ ڪري اڃان تائين ڪيترن ھنڌن تي گھارا پوندا رھن ٿا .
ماڻھو سخت مصيبت ۾ مبتلا آھن ۽ انھن کي ڪا واھر جي اميد نظر نٿي اچي . اھو سمورو جنجال ايل بي او ڊي جي غلط ڊيزائن وارن نون سم نالن ۽ انھن جي ڇوڙ واري ھنڌ جي ڪيپيسٽي نه وڌائڻ جي ڪري ٿي آھي . ان جو ڪير ذميدار آھي .
آخر ماڻھن ڪھڙو ڏوھه ڪيو آھي جو اھي ڪامورن جي غلطين جي سزا ڀوڳيندا رھن . اگر انھن کي ڪجھه ڏنو نٿو وڃي ته خدارا ڏکوئڻ کان پرھيز ڪيو وڃي . ويچارا ماڻھو پنھنجي سورن جي سامانن سان پنھنجي زندگي گھاريندا رھندا آھن، پر انھن جي سورن ۾ بيڏوھه بيگناھه اضافو نه ڪيو وڃي . ڪامورن ۽ ڀوتارن کي لغام ڏنو وڃي ته اھي آئينده عوام جي لاءِ سورن جو سبب نه بڻجن . ڪوئي دل تي ھٿ رکي ڏسي ته بيگھري ڪيڏو وڏو عذاب آھي . پنھنجا اجھا ، مال متاع فصل ، اناج سڀ ڪجھه وڃائڻ بعد ھي انسان آھن ،
جيڪي ڏينھن رات عذابن ۾ گھاري رھيا آھن . شھيد محترمه بينظير ڀٽو جي جانشين جي حيثيت ۾ بلاول ڀٽو زرداري جو اھو فرض آھي ته ھو پنھنجي حڪومت ، ان جي ڪامورن توڙي سياسي نمائندن کي سخت ھدايتون جاري ڪري ته ٻوڏ متاثرن جي بحالي ۽ رليف جي ڪم کي شفاف بنايو وڃي ۽ ان لاءِ ھر ممڪن اپاءُ ورتا وڃن . ھي ٻوڏ متاثر ويچارا ڪراچي جي شھرين جيترا سگھارا ناھن ۽ نه ئي وري انھن جي دانھن قومي ميڊيا تي پھچي اوھان جو سک ڦٽائي سگھي ٿي ، پر ھنن جون اکيون ھن وقت صرف سنڌ حڪومت ۾ واھر جي آسري ۾ آھن،
پر ھميشه وانگي انھن کي ڪا گھڻي اميد ڪانھي ته انھن کي بنا ڪنھن سفارش ۽ پرچي جي مدد ملي سگھندي .
پر واڪا ڪرڻ مون وس ، ٻڌڻ ڪم ٻروچ جو .

Bookmark the permalink.

Leave a Reply

Your email address will not be published. Required fields are marked *