Warning: session_start(): open(/var/cpanel/php/sessions/ea-php71/sess_24l1oii6cg12il49m0u3gu54mj, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
وفاقي پارٽين جي ايجنڊا تان گم ٿيل سنڌ! - Pahenji AkhbarPahenji Akhbar وفاقي پارٽين جي ايجنڊا تان گم ٿيل سنڌ! - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

وفاقي پارٽين جي ايجنڊا تان گم ٿيل سنڌ!

اها هڪڙي چٽي حقيقت آهي ته هاڻوڪي حڪمران پارٽي تحريڪ انصاف، نوازليگ ۽ پيپلزپارٽيءَ سميت سموريون پارٽيون، پاڪستان ۾ شامل رياستن ۽ قومي وحدتن جون مخالف هيون ۽ آهن. مٿين سڀني اڳواڻن ۽ پارٽين جي ايجنڊا تي نه اڳ سنڌ هئي ۽ نه هينئر آهي.
هن وقت ملڪ جي موجوده ٽن وڏين وفاقي پارٽين مان تحريڪ انصاف ۽ نوازليگ کي جيڪڏهن في الحال هڪ پاسي تي رکي صرف پيپلزپارٽي جي ڳالھه ڪيون، ڇاڪاڻ ته مٿيون ٻئي پارٽيون ڪڏهن به سنڌ جون نمائنده پارٽيون نه رهيون آهن ۽ نه ئي هن وقت آهن. پر انهن جي مقابلي ۾ پيپلزپارٽي جنهن کي تقريبن گذريل پنجن ڏهاڪن کان سنڌي ماڻهو اکيون بند ڪري ووٽ ڏيندا رهيا آهن. نه صرف ووٽ، پر، وقت اچڻ تي سنڌين پنهنجو رت به ڏنو آهي. ذوالفقار ڀٽو جي شهادت بعد هٿين خالي سنڌي ماڻهن تمام وڏي دليري ۽ بهادريءَ سان ضياءَ شاهيءَ جي آمريتي گولين، ٽئنڪن ۽ گولا بارود جو مقابلو ڪيو. اها ٻي ڳالھه آهي ته آمريت خلاف وڏي ويڙھه وڙهندڙ شهيد ڀٽيءَ جي نياڻي مفاهمت ڪري اقتدار حاصل ڪيو. سنڌي ماڻهن بينظير ڀٽو کي ٻه ڀيرا هن ملڪ جي وزارت اعظمي تائين پهچايو، پر، ٻئي ڀيرا سندن حڪومت لاقانونيت، ڪرپشن، بدعنواني ۽ اقرباپروري جي الزم هيٺ ختم ڪئي وئي. پيپلزپارٽيءَ جي اها به هڪڙي تاريخي روايت رهي ته هي جڏهن به اقتدار ۽ اختيار کان محروم هوندا آهن ته سڀ کان وڌيڪ سنڌ ۽ سنڌين جا همدرد، هڏڏوکي ۽ مها قومپرست بڻجي ويندا آهن. جڏهن عارضي ۽ محدود وقت لاءِ ئي اقتدار ۽ اختيار جا مالڪ ٿيندا آهن ته 1977ع ۽ 2012ع جهڙن ڪارن قانونن ذريعي قومن جي قومي وجود، تشخص، هزارين ورهين جي تاريخ رکندڙ وطنن جي ٻولي، تهذيب، تاريخ ۽ ثقافت جا انڪاري بڻجي اقتداري ڌرين جا وڏا نگهبان ۽ رکوال بڻجي ويندا آهن.
ڊسمبر 2007ع جي سانحي کان پوءِ پيپلزپارٽيءَ جو ڪو چيئرمين آصف علي زرداري“جمهوريت بهترين انتقام آهي” ۽ “پاڪستان کپي” جي نعرن تحت ملڪ جي سڀ کان وڏي صدارتي عهديءَ تي ويهڻ ۾ ته ضرور ڪامياب ٿي ويو، پر، سواءِ ارڙهين ترميم جي، ملڪ جي پورهيت عوام خاص ڪري سنڌ جي وسيع ۽ قومي مفادن جي مستقل تحفظ ۽ ڀلائيءَ لاءِ ڪجھه به نه ڪري سگھيو. اڃان به ملڪ ۾ نوان ڊيم ٺاهڻ لاءِ دنيا کان فنڊ وٺڻ لاءِ مهم هلائڻ ۽ نسل پرست تنظيم ايم ڪيو ايم جي فرمائش تي ٻٽي مڪاني نظام جھڙا سنڌ دشمن فيصلا ڪيا . آصف علي زرداري جي وفاقي حڪومت جا پنج سال ۽ هن وقت تائين سنڌ حڪومت کي ٻارهن ورهين کان مٿي گذري ويل عرصي ۾ سنڌ ۽ سنڌي ماڻهن جي قسمت يا سندن زندگين ۾ ڪا به مثبت تبديلي، خوشحالي يا معيار زندگيءَ ۾ ڪا بهتري توڙي ترقي نه اچي سگھي آهي. اڄ جي جديد، ترقي يافته ۽ انٽرنيٽ جي تيزترين دور ۾ به سنڌي ماڻهن لاءِ تعليم، صحت، روزگار، پيئڻ جي صاف ۽ مٺي پاڻيءَ سميت سموريون ضروري ۽ بنيادي سهولتون اڻلڀ بڻيل آهن. حڪمرانن جي بدعنوانين، بدانتظامين ۽ خراب حڪمرانيءَ جي ڪري، تيل، گئس، ڪوئلي، سمنڊ، درياءَ، زرخيز زمينن ۽ لاتعداد معدني وسيلن هجڻ جي باوجود به سنڌ جو عوام بک، بدحالي، بيروزگاري، بدامني، لاقانونيت ۽ سماجي اڻبرابري جو شڪار آهي. بيروزگاري ۽ مهانگائيءَ سبب بيوسي ۽ بک جي آڙاھه ۾ ماڻهن جي جلندڙ جذبن، ارمانن ۽ خواهشن جوحڪمرانن وٽ ذري برابر به قدر ڪونهي. ملڪ ۾ موجود وفاقي پارٽين سميت، سدائين جمهوريت ۽ شهيدن جي نالي تي ووٽ وٺندڙ پيپلزپارٽي مڪمل طور تي سنڌ ۽ سنڌين جي قومي ۽ اجتماعي مفادن جو تحفظ ڪرڻ ۾ ناڪام ٿي چڪي آهي. سنڌي ماڻهو ٻين وفاقي پارٽين جي نسبت پيپلزپارٽيءَ مان انڪري به وڌيڪ اميدون رکن ٿا ته هو کين پنهنجو سمجھن ٿا. پر افسوس! اهو آهي ته پيپلزپارٽي سنڌي ماڻهن جي ان اعتماد، ڀروسي، انمول محبتن ۽ لاتعداد قربانين کي اقتدار تائين پهچڻ لاءِ صرف ڏاڪڻ طور تي استعمال ڪندي رهي آهي. جنهنڪري سنڌ ۾ تعليم، صحت، روزگار، امن امان ۽ گذرمعاش جي صورتحال سڌاري، واڌاري ۽ ترقيءَ ڏانهن وڃڻ جي بجاءِ تنزل ۽ تباهيءَ ڏانهن تيزيءَ سان وڌي رهي آهي.
پيپلزپارٽيءَ جو سنڌي ماڻهن ڏانهن لاتعلقي، غيرذميواراڻن روين، بدعنواني ۽ خراب حڪمرانيءَ جو سبب ٻين ڪيترن ئي سببن سان گڏ شايد هڪڙو اهو به آهي ته سنڌ ۾ سندن ڪا به متبادل پارلياماني سياسي قوت موجود ناهي. جيتوڻيڪ ڪجھه قومپرست پارٽيون اليڪشني سياست ڪن به اٿيون. پر، تجربي جي کوٽ، مالي وسيلن جي اڻهوند، هيٺين سطح تائين مضبوط تنظيمي نيٽ ورڪ جو نه هجڻ، ڪارڪنن ۾ سياسي تربيت جي کوٽ، اليڪشن کان اڳ ۾ درست منصوبابندي ۽ تياري نه ڪرڻ، اليڪشن ڏانهن غيرسنجيده رويا ۽ سڀ کان وڏي رڪاوٽ رياست جي مداخلت آهي. ڇو ته رياست جون پنهنجيون هڪڙيون مخصوص حڪمت عمليون، پاليسيون، ترجيحات ۽ حدبنديون هونديون آهن. انهن پاليسين، حدبندين ۽ محدود دائري اختيار تحت پيپلزپارٽي، نوازليگ، ق ليگ، تحريڪ انصاف يا ٻي ڪا وفاقي پارٽي ئي عمل ڪندي حڪومت ڪري سگھي ٿي. ڇو ته انهن وٽ ڪا به عوامي مفادن، محڪوم طبقن يا قومن جي ترقي، واڌاري ۽ مفادن جي ايجنڊا ناهي هوندي. هن وقت وفاقي يا صوبائي حڪومتن ۽ مخالف ڌر جي سمورين پارٽين جي وچ ۾ هلندڙ اڻ کٽ اختلافن ۽ تڪرارن جو بنيادي سبب به پنهنجا ذاتي، گروهي ۽ سياسي مفاد ئي آهن. مخالف ڌر ڪنهن به صورت ۾ ڪرپشن جي ڪيسن مان بري ٿيڻ سان گڏ رشوت، بدعنواني، بي ايماني ۽ ٺڳيءَ جي ذريعي جيڪي کربين روپيا گڏ ڪري غيرملڪي بئنڪن جا اڪائونٽ ڀري رکيا آهن، ان دولت کي هر صورت ۾ بچائڻ چاهن ٿا. جنهن ڪري سڀني جي ڪوشش اها آهي ته ڪهڙي به طريقي سان وڌ کان وڌ رليف حاصل ڪري پنهنجا معاملا سڌا ڪجن. سنڌ يا سنڌي ماڻهن جو اونو ۽ فڪر نه حڪومت کي آهي ۽ نه ئي پيپلزپارٽيءَ سميت ڪنهن وفاقي پارٽيءَ جي مٿي جو سور آهي.

Bookmark the permalink.

Leave a Reply

Your email address will not be published. Required fields are marked *