تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

وقتي وائيس چانسلر جي مقرري ۽ سياسي پرچيون

سنڌ ۾ پڙهيل لکيل ۽ اهليت رکندڙ پروفيسرن جي شايد کوٽ ٿي وئي آهي   جو هڪ مهينو گذرڻ جي باوجود به زرعي يونيورسٽي ۾ وقتي وائيس چانسلر مقرر نه ٿي سگهيو آهي، وقتي وائيس چانسلر جي مقرري نه ٿيڻ سبب هاڻي ته زرعي يونيورسٽي جا استاد به سوشل ميڊيا تي سنڌ سرڪار جي مٿان تنقيد ڪندي نظر ٿا اچن. اطلاعن موجب رڳو وقتي وائيس مقرر ڪرڻ لاءِ به سياسي سفارشون ۽ پرچيون شروع ٿي ويون آهن، پهرين ته يونيورسٽين جا شاگردن پرچين تي امتحان پاس ڪندا هئا، هاڻ ته يونيورسٽين جا خود وائيس چانسلر به پرچين تي پاس ٿي مقرر ٿين ٿا. اهو ئي سبب آهي جو زرعي يونيورسٽي ۾ وقتي وائيس چانسلر اڃان تائين مقرر نه ٿي سگهيو آهي. سنڌ جي يونيورسٽين ۾ وائيس چانسلرن جي مقرري ڪيئن ٿيندي آهي، اها ڳالھه ته ڪنهن کان به ڳجهي ناهي، ٻڌائڻ وارا ٻڌائين ٿا ته پر رڳو وقتي وائيس چانسلر مقرر ڪرڻ لاءِ به سيوهڻ جو بااثر ايم اين اي مجيب صحرائي جو پنهنجو ئي ماڻھو زرعي يونيورسٽي ۾ وقتي وائيس چانسلر مقرر ڪرڻ لاءِ سفارشون ڪري رهيو آهي، ته وري سکر جي نيب وٽ قيد ٿيل سائين به هڪ اميدوار لاءِ هر شنوائي تي پنهنجي ماڻهو کي وقتي وائيس چانسلر مقرر ڪرڻ لاءِ سفارشون ڪري رهيو آهي. سندس اميدوار سينارٽي ۾ پهريون نمبر هجڻ باوجود به سائين جي پرچي قبول نه ٿي سگهي آهي، اهڙي ريت ٽنڊو ڄام جي هڪ ايم پي اي به پنهنجو وقتي توڙي مستقل وائيس چانسلر مقرر ڪرڻ لاءِ سفارشن جي ڀرمار شروع ڪري ڇڏي آهي،
ڀلا هاڻ هڪ زرعي يونيورسٽي ۾ سائين وڏو، ڪنهن کي مقرر ڪري؟ ڪنهن جي پرچي قبول ٿئي؟ سکر واري سائين جي يا سيوهڻ واري بااثر جي يا واري انهي ايم پي اي جي جنهن جي تڪ ۾ يونيورسٽي آهي؟ جيڪڏهن مقرريون پرچين تي ئي ٿيڻيون آهن ته پوءِ يقينن سينئر پروفيسر ۽  ڊين جي نالن واريون سمريون وڏي وزير يا وري يونيورسٽيز ۽ بورڊز کاتي جي سيڪريٽري  آفيس ۾ پيل ٽوڪرين مان ملنديون! هي ڳالھه رڳو ڪجي ٿي وقتي وائيس چانسلر مقرر ڪرڻ جي، مستقل وائيس چانسلر مقرر ٿيڻ لاءِ ته اميدوارن کي وڏا جتن ڪرڻا پوندا. هن سياسي، سفارشي نظام سبب سنڌ زرعي يونيورسٽي ۾ وقتي وائيس چانسلر مقرر نه ٿيڻ سبب ڪيترائي معاملا رولڙي جو شڪار آهن، وقتي وائيس چانسلر مقرر ڪرڻ واري معاملي ۾ اڳوڻو وائيس چانسلر مجيب صحرائي رڪاوٽ بڻيل آهي، ڇاڪاڻ ته وقتي وائيس چانسلر سندس مخالف اچڻ جي صورت ۾ کيس ڪيل غلط فيصلا ۽ ڪرپشن وائکي ٿيڻ جو خدشو آهي، انهي ڪري ئي دادو واسي وائيس چانسلر مجيب صحرائي پنهنجي طاقت جا جادو ڏيکاري رهيو آهي ، جي ايئن ناهي ۽ واقعي سنڌ سرڪار کي وقتي وائيس چانسلر به ميرٽ تي ڀرتي ڪرڻو آهي ته پوءِ ڇا هن وقت تائين سنڌ زرعي يونيورسٽي مان اهليت رکندڙ پروفيسر ۽ ڊين نٿا ملن؟ جو سنڌ سرڪار رڳو ڪجهه مهينن لاءِ وقتي وائيس چانسلر مقرر ڪري؟ ڀلا قانون موجب وقتي وائيس چانسلر جي چارج ڪنهن به سينئر پروفيسر کي ڏيڻي آهي، اها سينارٽي واري لسٽ به موجود آهي، جيڪا عام ماڻهو تائين پهتي آهي، سا يونيورسٽيز ۽ بورڊز کاتي کي نٿي ملي جو هن وقت تائين وقتي وائيس چانسلر مقرر ڪرڻ به هڪ سنگين مسئلو بڻجي ويو آهي، جي سنڌ جي مڙني يونيورسٽين ۾ وائيس چانسلر ايئن سياسي پرچين  ۽ سفارشن تي ڀرتي ٿيندا ته  اهي وائيس چانسلر به  نائين ۽ ڏهين کان وٺي يونيورسٽين تائين ڪاپي ڪري پاسن ٿيندڙ جڏن شاگردن جهڙا هوندا ۽ اهي سنڌ جي اعليٰ تعيلمي درسگاهن جو حشر به ايئن ڪندا جئين هاڻي، مالي بحران جي ور چڙهي شاھه لطيف يونيورسٽي خيرپور، زرعي يونيورسٽي ٽنڊو ڄام جي ٿيل آهي، سياست ۽ سفارشن کي پاسي تي رکي سنڌ سرڪار جي پاڪيٽ سرچ ڪميٽي کي ختم ڪري وائيس چانسلر جي مقرري به ميرٽ جي بنياد تي ڪئي وڃي ته جيئن سنڌ جي اعليٰ تعيلمي ادارن جو معيار بهتر ٿي سگهي، جي ايئن ئي “ ڏنو پٽ ڇٽي جو” قانون تحت مقرري ٿيندي رهي ته نه ادارن مان نه ڪرپشن ختم ٿيندي نه وري سنڌ جي اعليٰ تعليمي ادارن مان ڪي ماهر سائنسدان ۽ تعليم جا ڄاڻو پيدا ٿي سگهندا،جيڪي اڳتي هلي پنهنجي پنهنجي شعبن ۾ ڪا ڪارڪردگي ڏيکاري سگهندا.

Bookmark the permalink.

Leave a Reply

Your email address will not be published. Required fields are marked *