Warning: session_start(): open(/var/cpanel/php/sessions/ea-php71/sess_4dc3kpvman129e9u7du1rvuf60, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ٺٽي ضلعي ۾ برسات ۽ سم نالن جي تباهي - Pahenji AkhbarPahenji Akhbar ٺٽي ضلعي ۾ برسات ۽ سم نالن جي تباهي - Pahenji Akhbar
تازا ترين
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

ٺٽي ضلعي ۾ برسات ۽ سم نالن جي تباهي

سڄي سنڌ جيان ٺٽي ضلعي ۾ به چوماسي جي برساتن جو سلسلو جاري آهي گذريل ڏهاڙي کان پوندڙ تيز برسات جتي سخت گرمين جي زور کي ٽوڙي ماحول کي خوشگوار ڪيو آهي  اتي ٺٽي جي چئن ئي تعلقن ٺٽو ، مير پور ساڪرو ، گھوڙاٻاري ۽ ڪيٽي بندر ۾ پڻ وڏي پئماني تي تباهي آڻي هيٺاهين وارن شهرن توڙي ڳوٺن کي پاڻي هيٺ آڻي زميني رابطي کي ختم ڪرڻ سان گڏ متاثرن جي تڪليفن ۽ انهن جي اهنجن ۾ وڏي پئماني تي اضافو ڪري ڇڏيو آهي.
10 هزار هم چورس ڪلوميٽر جي زميني ايراضي تي پکڙيل ٺٽي جي حوالي سان اهو چئي سگھجي ٿو ته برسات سبب ضلعي جو ڪوئي اهڙو علائقو ناهي جنهن ۾ برسات نه پئي هجي ۽ برسات وگھي ڪو نقصان نه ٿيو هجي ۽ اهو پڻ واضح آهي ته گذريل ڏهاڙي 18 ڪلاڪن واري پوندڙ تيز برسات هڪ پاسي ٺٽي جي وسيع ڪوهستاني پٽي ۾ نئين لوياچ ، سوڙھ ، جنگشاهي ، باراڻ ۽ جرمن ڍوري ذريعي پاڻي هيٺ آڻي ٺٽو جھمپير روڊ ، سان گڏ وڏي تعداد ۾ هتان جي ڳوٺن جي پڻ روڊن کي پاڻي هيٺ آڻي مڪمل زميني رابطي کي ختم ڪري رهواسين کي گھرن تائين محدود ڪري ڇڏيو آهي ته ٻئي پاسي وري ٺٽي جي سامونڊي پٽي جيڪا ساڪري تعلقي کان ڪيٽي بندر تائين آهي ۾ پڻ وڏي پئماني تي تباهي آڻي هتان جي ٽن تعلقن ساڪرو ، گھوڙاٻاري ۽ ڪيٽي بندر جي 15 کان مٿي يونين ڪائونسلن جي روڊن رستن کي پاڻي هيٺ آڻي ڇڏيو آهي جنهنڪري هتان جا رهواسي پڻ زميني رابطا ڪٽجڻ ڪري گذريل ٻن ڏينهن کان گھرن تائين محدودو بڻجي ويا آهن ۽ هتان جي ڪار ونهوار جي سخت متاثر ٿيڻ ڪري ڄڻ انساني زندگي مفلوج بڻجي وئي آهي .
ٺٽي جي شهرن ٺٽو ، مڪلي ، گجو ، گھارو ، ڌاٻيجي ، ليٽ ، ساڪرو ، ٻوهارا ، غلام الله ، ور ، گھوڙاٻاري ، ڳاڙهو ، ٻگھاڻ ، شاهپور ، سڄڻ واري ، ڪيٽي بندر ، جھمپير ، جنگشاهي ، اونگر ، جھرڪ ، سونڊا ، ڪينجھر ، چليا ، ڇتو چنڊ ، فقير جو ڳوٺ ، بگھاڙ موري ، پٺاڻ ڪالوني ، پيرپٺو ، گيل موري ، سانولپور ، 103 موري ، نانگڻ ، 105 موري  سميت ضلعي جي 40 ئي يونين ڪائونسلن جي ننڍن توڙي شهرن ۽ ڳوٺن۾ 18 ڪلاڪن کان جاري تيزطوفاني برساتن جي سلسلي سبب ڪيترائي ڪچا علائقا توڙي وڏي تعداد ۾ ڳوٺ ۽  قديمي قبرستان پاڻي پاڻي هيٺ اچي ويا. جڏهن ته مهل تائين برسات جي ڪري ٺٽو شهر سميت ضلعن جي ٻين شهرن ۾ پاڻي جي نيڪال جي بندوبست نه هجڻ ڪري شهر ٻوڏ جو ڏيک ڏئي رهيا آهن جڏهن ته لاڳيتي برسات پوڻ ڪري وڏي تعداد ۾ ڪچن گھرن جي ڊهڻ سان گڏ ڪيترين ئي پڪي جاين جي ڇتين کي نقصان رسڻ سان گڏ ضلعي اندر مليل ڄاڻ مطابق ساڍا 7 سئو کان مٿي ڪکاوان گھر ڊهي پٽ پئجي ويا آهن جڏهن ته ٺٽي ۾ لاڳيتي 18 ڪلاڪن واري پوندڙ تيز برسات سبب ضلعي جي هزارين ايڪڙن تي پوکيل سبزين ، ٽماٽو ، مرچ ، ڌاڻا ، توريون ، ڪدو ، ڀينڊي ، واڱڻ سميت پوکيل قيمتي سبزين سان گڏ پان ، ڪپھ ۽ پاڇاٽي پوکيل ساريال جي فصلن کي ڪاپاري ڌڪ رسڻ ڪري آبادگارن کي ڪروڙين روپين جو نقصان رسيو آهي. ٺٽي ضلعي ۾ 70 سيڪڙو پوکيل فصلن جي تباھ ٿيڻ ڪري پڻ غريب هارين ، زميندارن جن قرض وٺي زمينن ۾ فصل پوکيا هيا انهن جي تباھي سبب ٻئي هٿ مٿي تي اچي ويا آهن ۽ برسات سبب ڏيڍ ڪلو ميٽر واري ڊگھي ٺٽي شهر جي شاهي بازار ۾ پڻ پاڻي جي جوڳي نيڪال نه هجڻ ڪري 3 فوٽن تائين پاڻي بيهڻ ڪري بازار جي 200 کان مٿي دوڪانن اندر برساتي ۽ گٽرن جي ٻوڏ جو پاڻي ڪاهي پيو جنهنڪري واپارين کي پڻ لکين روپين جو نقصان رسيو آهي. جڏهن ته ٺٽي جي تاريخي بادشاهي شاھجھان مسجد پڻ برسات جي پاڻي داخل ٿيڻ ڪري پاڻي هيٺ اچي وئي آهي ۽ برسات جي لاڳيتي وسڪاري سبب تاريخي قبرستان مڪلي ، سونڊا ۽ پيرپٺو جي وڏي تعداد ۾ تاريخي قبرن کي وڏي پئماني تي نقصان رسيو آهي. هوڏانهن وڄ ڪرڻ جي نتيجي ۾ سامونڊي علائقي جوهو ويجھو گھنبواڻي ڳوٺ ۾ هڪ عورت فوت ٿي وئي جڏهن ته ڪينجھر ويجھو پڻ پيش آيل روڊ حادثي جي نتيجي ۾ هڪ ڄڻو حسين موچي فوت جڏهن ته 3 ڄڻا زخمي ٿي پيا آهن تيز برساتن سبب نئين جي وهڻ ڪري جھمپير ۽ ميٽينگ ويجهو ريلوي ٽريڪ جي 6 فوٽن تائين جي ٽٽڻ ۽ ان جي ٻيهر بحالي تائين پڻ سڄي ملڪ جي ريلوي سروس بند ڪئي وئي ،
ٺٽي ۾ 109 ملي ميٽر پوندڙ برسات جي تباهين جو مک ڪارڻ ناڪارا سم نالا بڻيا آهن چيو وڃي وڃي ٿو ته هڪ طرف ضلعي انتظاميا پاران برساتن جي اڳڪٿي باوجود اڳواٽ جوڳاءَ اپاءَ نه ورتا ويا ته ٻئي پاسي ڊرينيج کاتي جي ناقص ڪارڪردگي سبب  لاڳيتي برسات جي ڪري ٺٽي جي سم نالن ، آئوٽ فال سب ڊرين ٺٽو، ڄام ساڪرو آئوٽ فال ڊرين ، گھوڙاٻاري آئوٽ فال ڊرين ، اوچتو آئوٽ فال ڊرين سميت ضلعي جي ڪيترن ئي سم نالين جي ناڪارا هجڻ ڪري سمنڊ ڏانهن پاڻي نيڪال نه ٿي سگھيو آهي ۽ هن وقت پڻ سمورن سم نالن جي پاڻي سان ڀرجڻ توڙي ضلعي جي هيٺاهين وارن علائقن مان پڻ پاڻي جي نيڪال نه ٿيڻ ڪري وڌيڪ برساتن جي پوڻ سان ٺٽي ضلعي ۾ وڏي پئماني تي تباهي اچڻ جا پڻ واضع امڪان پيدا ٿي ويا آهن .

Bookmark the permalink.

Leave a Reply

Your email address will not be published. Required fields are marked *