Warning: session_start(): open(/var/cpanel/php/sessions/ea-php71/sess_6duu441ahim7no7l7k09hf9nq0, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
پنهنجي ئي دعوائن ۾ ڦاٿل عمران سرڪار - Pahenji AkhbarPahenji Akhbar پنهنجي ئي دعوائن ۾ ڦاٿل عمران سرڪار - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

پنهنجي ئي دعوائن ۾ ڦاٿل عمران سرڪار

اهو هاڻي سوچڻو پوندو ته ڪهڙي اها پارٽي آهي جنهن “هم ملڪ بچاني نڪلي هين آئو هماري ساٿ چلو” وارو نعرو ناهي هنيو، گذريل ڊي چوڪ وارا ڌرڻا ته ڊاڪٽر طاهر القادري انهيءَ نعري هيٺ لڳايا هئا ته “سياست نهين رياست بچائو”، عمران خان کي ته اسان روز يوٽرن جو طعنو ڏيندا رهون ٿا پر سندس سياسي ڪزن ڊاڪٽر طاهر القادري ڊي چوڪ واري ڌرڻي ۾ ڪفن لهرائيندي چيو هيو ته هاڻي هو ڪڏهن به واپس ڪينيڊا نه ويندو پنهنجوسڄو سامان ايتري قدر جو پنهنجا جوراب به کڻي آيو آهي پر ڊاڪٽر طاهر القادري نه رڳو واپس هليو ويو پر سياست کان ئي پاسيرو ٿي ويو.
خير اهو هڪ الڳ بحث آهي پر اهڙا نعرا گذريل ڏينهن انهيءَ ڪري به ياد آيا جڏهن ملڪ جا واپاري اسلام آباد جي زيرو پوائنٽ کان وزيراعظم هائوس تائين مظاهري جو اعلان ڪري چڪا هئا پر پوليس انهن واپارين کي زيرو پوائنٽ کان اڳتي وڃڻ کان جڏهن روڪيو ته واپاري پنهنجي خطاب ۾ عمران خان کي اهي ڊي چوڪ وارا ڏينهن ياد ڏياريندي چئي رهيا هئا ته خان صاحب پاڻ ته ڊي چوڪ تي ڌرڻو هڻي ويهي رهيو هيو پر جڏهن اسان جو وقت آيو آهي ته نه رڳو پاڻ عثمان بوزدار کي بچائڻ لاءِ لاهور وڃي پهتا آهيو پر اسان کي زيرو پوائنٽ کان اڳتي به نٿا ڇڏيو. اسان ته توهان جي بيانيي مطلب لاڪ ڊائون نه پر معيشت بچايو وارو نعرو کڻي نڪتا آهيون، ان ڏينهن عمران خان کي مخاطب ٿيندي چيو ويو ته “هم عثمان بوزدار بچاني نڪلي هين آئو هماري ساٿ چلو”. عمران خان عثمان بوزدار کي وسيم اڪرم پلس قرار ڏئي رهيو آهي ته وري ڪي ڌريون کيس مائنس ڪرڻ جي چڪر ۾ آهن عمران خان جو لاهور ۾ وڃي ويهڻ جو مقصد اهو هيو ته عثمان بوزدار ڪاڏي نه پيو وڃي. عمران خان هونئن ته ڪيترائي يوٽرن وٺي چڪو آهي پر عثمان بوزداري واري معاملي تي يوٽرن وٺڻ ۽ عثمان بوزدار جو متبادل ڳولڻ بجاءِ اهڙو متبادل طريقو ڳولي رهيو آهي جنهن ۾ عثمان بوزدار به رهي ۽ پنجاب جا مسئلا به حل ٿين. ان ڪري ڪڏهن مضبوط چيف سيڪريٽري ته ڪڏهن سڌو بني گالا کان حڪومت هلائڻ جو تجربو ٿي رهيو آهي پر عثمان بوزدار جي حڪومت هلندي نظر نٿي اچي. ان ڪري جنهن راءِ کي ختم ڪرڻ لاءِ عمران خان پاڻ وڃي عثمان بوزدار سان گڏ ويٺو باوجود ان سڄي صورتحال جي هينئر تائين عثمان بوزدار جي مائنس ٿيڻ واري راءِ ۾ وزن موجود آهي. هڪ طرف عمران خان پنهنجي بيانيي کي وزن ڏيندي چئي رهيو آهي ته عثمان بوزدار غريب شخص آهي بيمار ٿيندو ته ٻاهر علاج لاءِ نه ويندو سندس گهر ۾ بجلي به ڪونه هئي پر ٻئي پاسي عمران خان پنهنجي صلاحڪارن جي ٻٽي شهريت واري معاملي ۾ به اچي ڦاٿو آهي هڪ طرف عثمان بوزدار لاءِ اهو موقف ته غريب آهي سندس گهر ۾ بجلي به نه هئي ته ٻئي طرف ساڳئي عمران خان جي حڪومت جا ترجمان صلاحڪارن جي ٻٽي شهريت واري چڪر ۾ به واهه واهه ڪرڻ جي ڪوششن ۾ مصروف آهن ته ڏسو عمران خان واعدو ڪيو هيو ته هو پنهنجي ڪابينا ۾ صلاحڪارن جا اثاثا ظاهر ڪندو عمران خان اهو ڪري ڏيکاريو.
هاڻي هڪڙن جو غريب هجڻ سندن ميرٽ آهي ته هڪڙن جو امير هجڻ ميرٽ آهي اهو سڀ ان ڪري جو سندن تعلق عمران سرڪار سان آهي گذريل ڏينهن جي ئي ڳالهه آهي جڏهن هڪ صحافي سردار اختر مينگل کان سوال ڪيو هو ته توهان سردارن وٽ ايترا پئسا ڪٿان ٿا اچن جو اوهان جي پريس ڪانفرنس ۾ آيا آهيون ته ٻاهر بيٺل گاڏيون ايئن محسوس ڪرائين ٿيون جيئن اسان دبئي ۾ آيا هجون. سردار اختر مينگل وراڻيو ته اسان سمورن سردارن جي ملڪيت هڪ پاسي رکو ۽ ٻئي طرف صرف ٽن اڳوڻن ڊڪٽيٽرن ايوب خان، ضيا الحق، پرويز مشرف جي ملڪيت ٻئي پاسي رکي ڏسو ته ڪنهنجي ملڪيت وڌيڪ آهي. جيڪڏهن اهو سوال هينئر ٿئي ها ته اهو به ان ۾ اضافو ٿئي ها ته رڳو چئن صلاحڪارن جي ملڪيت هڪ پاسي رکو ٻئي پاسي اسان جي ملڪيت رکو فرق ظاهر ٿي ويندو.
مسئلو ڪنهن جي امير ۽ غريب هجڻ جو ناهي، قانون به ڪٿي ٻٽي شهريت واري شخص کي صلاحڪار ٿيڻ کان روڪي نه پيو پر عمران خان پنهنجي بيانيي ۾ جيڪو اقامو هولڊر کان ٻاهرين ملڪ پيسا رکڻ تي موقف اختيار ڪندو رهيو آهي اهڙو سندس موقف قانون جهڙي حيثيت اختيار ڪري چڪو آهي. عمران ان پنهنجي هر تقرير ۾ چوندو هيو هنن جا پيسا ٻاهر، هنن جا ٻچاٻاهر، هنن کي ڇا هي جنهن وقت ڪجهه ٿيو ته بيگ کڻي ٻاهرين ملڪ هليا ويندا، عمران خان ته ڪاروبار ڪندڙ شخص جو حڪومت ۾ هجڻ کي مفادن جو ٽڪراءُ قرار ڏيندو هيو، پر هينئر سندس ترجمان شام جي وقت نئين بيانيي سان سامهون اچي اهڙن اثاثن جي ظاهر ٿيڻ کي ڪارنامو قرار ڏئي رهيا آهن ته رات جي وقت ميڊيا ٽاڪ شوز ۾ هلندڙ عمران خان جا پراڻا بيان سندن ڪارنامن کي سندن منشور ۽ بيانيي جي خلاف قرار ڏئي رهيا آهن.
ڇا هاڻي اهڙن صلاحڪارن واري ٽيم کي هٽائيندو رڳو اهو تصور ڪريو ته ڇا حفيظ شيخ جي جڳهه تي ڪو ٻيو صلاحڪار آڻي سگهي ٿو يا حفيظ شيخ کان زلفي بخاري تائين کي ٻٽي شهريت ۽ اثاثن تان هٿ کڻو چئي سگهي ٿو
رڳو اهو هڪڙو مسئلو نه آهي جنهن ۾ عمران خان مونجهاري جو شڪار آهي هڪ طرف مخالف ڌر چواڻي ته ايف اي ٽي ايف جي بنياد تي عمران خان اهڙو قانون جوڙڻ پيو وڃي جيڪو نيب جو به ڏاڏو آهي ان قانون هيٺ مخالف ڌر کي وڌيڪ ڪچليو ويندو ته ٻئي طرف خواجا برادران واري ڪيس ۾ سپريم ڪورٽ جي ريمارڪس نيب اداري جي قانوني حيثيت کي ئي مشڪوڪ ڪري ڇڏيو آهي، سپريم ڪورٽ جي اهڙي ريمارڪس کانپوءِ گذريل ڏينهن قومي اسيمبلي جي اجلاس کان اڳ خواجا سعد رفيق کي سڀ مبارڪون ڏئي ايئن ملي رهيا هئا جيئن جمهوريت پنهنجو بهترين انتقام وٺي چڪي هجي. ان سڄي صورتحال دوران بلاول ڀٽو هڪ ڀيرو ٻيهر وڃي لاهور ويهي رهيو آهي، جتي اي پي سي ۾ گڏ ڪڏهن ٿا ويهن کان وڌيڪ اهم اها ڳالهه آهي ته پ پ ۽ ن ليگ وارا گڏجي ويهي گڏيل حڪمت عملي وارا تاثر ڏئي انهيءَ سوال کي رد ڪري چڪا آهن ته ٻنهي پارٽين ۾ ڪو اختلاف آهي. مولانا فضل الرحمان ان هائوس تبديلي جي خلاف آهي ته ڪي پارٽيون رڳو مائنس ون جي فارمولا تي ڪم ڪري رهيون آهن پر گذريل ڏينهن جڏهن مون پ پ جي اڳواڻ فرحت الله بابر سان پئي ڳالهايو ته سندس چوڻ هيو ته اي پي سي جو مک نقطو نيون چونڊون هوندو. هاڻي سڄي اپوزيشن ان هڪڙي نقطي تي ڪيئن ٿي اچي گڏ ٿئي پر عمران سرڪار جنهن تيزي سان کنڊ ڪميشن کان ويندي ٻٽي شهريت وارن معاملن ۾ ڦاسي رهي آهي تنهن عوام ۾ تبديلي واري خواب کي به شديد متاثر ڪيو آهي. اهڙي صورتحال ۾ عمران سرڪار جو ارادو آهي ته ٻن سالن جي ڪارڪردگي رپورٽ به آڻجي ڇا اهڙي رپورٽ آڻڻ سان ماڻهن جا مسئلا حل ٿي ويندا ڇا عمران خان جي تقريرن سان اڳ ڪڏهن مسئلا حل ٿيا آهن.
عمران خان جي ڪابينا جي ميمبر علي محمد جي حالت ته ڏسڻ وٽان هئي جڏهن صحافي مطيع الله جي معاملي تي صحافين جي قومي اسيمبلي جي گئلري مان واڪ آئوٽ کانپوءِ علي محمد انهن کي پرچائڻ لاءِ پهتو تڏهن صحافين کيس چيو توهان جي لاءِ عزت آهي بيشڪ حڪومت ۽ اسان جي وچ تي توهان پل جو ڪردار ادا ڪندا رهيا آهيو پر توهان اهو اعلان ڪيو ته توهان جي هٿن ۾ ڪجهه به ڪونهي حڪومت ڪٿان ٻيو پيو هلائي اسان هاڻي قومي اسيمبلي جي گئلرين ۾ نه اينداسين، علي محمد جي صحافين کي پرچائڻ واري ناڪام واپسي حقيقت ۾ عمران خان حڪومت جي واپسي جهڙي هئي پر في الحال چيو پيو وڃي ته عمران رهندو بوزدار ويندو.

Bookmark the permalink.

Leave a Reply

Your email address will not be published. Required fields are marked *