Warning: session_start(): open(/var/cpanel/php/sessions/ea-php71/sess_rb5gf3bqmp3blcsgphh6t0ire0, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪامورن ۾ سرد جنگ ۽ ترقين لاءِ لڳايل نوان شرط..!! - Pahenji AkhbarPahenji Akhbar ڪامورن ۾ سرد جنگ ۽ ترقين لاءِ لڳايل نوان شرط..!! - Pahenji Akhbar
تازا ترين
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *
  • *سنڌ جي مختلف علائقن ۾ وقفي وقفي سان برسات، ٿڌ ۾ واڌ *ميرپور خاص، شاهپور چاڪر، پيرونمل، کورواهه، ميان صاحب، ڀٽ شاهه ۽ ملڪاڻي شريف ۾ برسات*
  • *سپريم ڪورٽ ۾ آشيانه هائوسنگ اسڪيم ڪيس:جوابدار احد چيمه ۽ شاهد شفيق جي ضمانت بابت ٻڌڻي *آشيانه هائوسنگ سان ناڻي کي ڪو به نقصان نه پهتو: وڪيل شاهد شفيق *ائين نه ڪيو، هر ڪيس ۾ اهي شيون ٿي رهيون آهن: جسٽس مشير عالم جا ريمارڪس*
  • *سپريم ڪورٽ ۾ آمريڪي صحافي ڊينيئل پرل قتل ڪيس ۾ والدين ۽ سنڌ حڪومت جي اپيل تي ٻڌڻي *عدالت جوابدارن جي آزادي جو فيصلو معطل ڪرڻ جي استدعا رد ڪري ڇڏي *گهڻي عرصي کلان اپيلون ٻڌڻي هيٺ آهن، اڳ ڪجهه نه ٿيو، هاڻي به ڪجهه نه ٿيندو: جسٽس مشير عالم*

ڪامورن ۾ سرد جنگ ۽ ترقين لاءِ لڳايل نوان شرط..!!

سنڌ ۾ ڪامورن جي جتي الڳ ٿلڳ دنيا آهي اتي ڪامورن ۾ ايترا ته شديد اختلاف هجن ٿا جو هو هڪ ٻئي جا پير ڪڍڻ ۾ به ڪا ڪثر نه ٿا ڇڏين. ڪامورن ۾ خاص طور تي اختلافن جي شدت تڏهن ڀڙڪي اٿندي آهي جڏهن ڪامورن جي ترقين وارو مرحلو سامهون ايندو آهي، تازو ئي ٺاهيل رولز موجب ايڪس پي سي ايس ڪامورن ۽ خاص طور تي ان ڪامورن لاءِ جيڪي مختيارڪار کان ترقيون ماڻي ايڊيشنل سيڪريٽري جي عهدن تائين وڃي پهتا آهن انهن لاءِ اهڙو ماحول تيار ڪيو ويو ته هاڻي کين مٿين عهدن تي ترقي لاءِ اسسٽنٽ ڪليڪٽر ون ۽ اسسٽنٽ ڪليڪٽر ٽو جا امتحان ڏيڻا پوندا، جيتوڻيڪ ڄاڻايل ڪامورن پاران هڪ ڀيرو ڪميشن جا امتحان به پاس ڪيا ويا پر اوچتو ئي سندن ترقين لاءِ “نئين امتحان” وارو رولز آڻي بيهاريو ويو. جنهن سان سوين ڪامورن جي ترقين ۾ ڏکيائيون پيش اچي ويون آهن.سنڌ سيڪريٽريٽ ۾ موجود ذريعن وٽان معلوم ته اهو به ٿيو آهي ته اهو سڀ ڪجهه رڳو ان ڪامورن لاءِ ڪيو پيو وڃي جيڪي وڏي وزير جي خاص اختيارن جي استعمال سان سڌي ريت گريڊ 17 ۾ ڀرتي ٿيا هئا. انهن کان ڪنهن طريقي سان امتحان وٺڻ لاءِ جيڪي ترقين جا شرط لاڳو ڪيا ويا آهن انهن ۾ ڪامورن جي اها اڪثريت ڀوڳي رهي آهي جيڪي اڳ چٽاڀيٽي جا امتحان پاس ڪري مٿين گريڊ وارن عهدن تي پهتا آهن، اهڙي شرطن تي وڏي وزير جي خاص اختيارن ذريعي سڌي ريت گريڊ 17 ۾ ڀرتي ٿيندڙ ڪامورا رڳو 6.75 سيڪڙو متاثر ٿيندا، ايڪس پي سي ايس آفيسر جيڪي متاثر ٿيندا انهن جو تعداد 50 سيڪڙو آهي ۽43.75 سيڪڙو ڪامورا اهي آهن جيڪي مختيارڪار کان ترقيون ماڻي ايڊيشنل سيڪريٽري جي عهدي تائين پهتا آهن. هاڻوڪي رولز موجب انهن سڀني کي ڪليڪٽر ون ۽ ٽو جو امتحان ڏيڻو پوندو. اهڙي فيصلي کان پوءِ نه رڳو ڄاڻايل ڪامورن ۾ پر پوري صوبي جي بيوروڪريسي ۾ هلچل مچي وئي آهي. جيتوڻيڪ ايڪس پي سي ايس ۽ مختيارڪاري مان مٿين عهدن تي ترقيون ماڻيندڙ ڪامورن پنهنجي سينيئر ۽ خاص طور تي رٽائرڊ آفيسرن سان صلاح مشورا شروع ڪري ڇڏيا آهن پر اندروني طور تي ناليواري قانوندانن سان به لهه وچڙ ۾ اچي ويا آهن ۽ عدالت جو در کڙڪائڻ جو سوچي رهيا آهن. نئين رولز تحت صوبي جا گريڊ 17 کان گريڊ 19 تائين جا لڳ ڀڳ 220 ڪامورا آهن جن جون ترقيون رولڙي جو شڪار ٿي ويون آهن ۽ پروموشنز وارو معاملو مونجھاري ۾ پئجي ويو آهي. هاڻي اتي سوچڻ جي ڳالهه اها به آهي ته جيڪي ڄاڻايل ڪامورا سينيئر آفيسرن ۽ قانوندانن سان صلاح مشوري بعد عدالت به وڃن ٿا ۽ جيڪڏهن عدالت سندن حق ۾ فيصلو به ڏئي ڇڏي ٿي ته پوءِ به کين هڪ سال تائين جو وقت لڳي ويندو. ايستائين سندن ترقيون پائيپ لائين ۾ ئي هونديون ۽ ڪامورا سينارٽي باوجود ساڳين ئي گريڊن ۾ موجود رهندا. ان ڪري کين سخت پريشاني آهي. ان حوالي سان اهو به معلوم ٿيو آهي ته خاص طور تي سيڪريٽريٽ واري پاسي ڪامورن جي هڪ ٻئي سان سرد جنگ هلندي ئي رهي ٿي، سينارٽي جي بنياد تي ترقيون ماڻڻ لاءِ به ڪنهن “سگھاري لابي” جي حصي جو هجڻ ضروري آهي ، ٻي صورت ۾ انڪوائرين ۽ ٻين ڪيئي معاملن ۾ سندن فائيل اڻپورا قرار ڏئي پوئتي ڌڪيو ويندو آهي. ۽ جيڪڏهن ڪو ڪامورو ڪنهن مضبوط ڌر يا مضبوط ڪيڊر جي حصي ۾ هجن ٿا ته پوءِ سندن ترقيون پائيپ لائين مان پاڻي جيان اڳتي هليون وڃن ٿيون ۽ سندن مٿان هلندڙ انڪوائريون به ظاهر نه ٿيون ٿين ته ٻيا معاملا به لڪايا وڃن ٿا. سنڌ سيڪريٽريٽ ۾ جيئن تازو ئي ٺهيل پراونشل مئنيجمينٽ ڪيڊر جي ڪامورن کي چٿيو پيو وڃي، ان جو به مکيه ڪارڻ اهو ئي آهي ته سنڌ سيڪريٽريٽ ۾ سندن “لابي” موجود ناهي، ان ڪري انهن کان رولز کان هٽي ڪري ڪم ورتو پيو وڃي. پي ايم ايس ڪيڊر جي آفيسرن لاءِ آفر آرڊر ۾ به اهو ئي واضح لکيل آهي ته کين يا ته سيڪشن آفيسر طور مقرر ڪيو ويندو يا ته فيلڊ آفيسر (اسسٽنٽ ڪمشنر) لڳايو ويندو پر پي ايم ايس جي ڪميشن پاس نوجوان ڪامورن کي “هيڊ ماستر” مقرر ڪرڻ جو نوٽيفڪيشن جاري ڪرڻ جهڙو ڪارنامو به سرانجام ڏنو ويو آهي! جيتوڻيڪ اها ان نوجوان آفيسرن جا حوصلا گھٽائڻ واري پاليسي آهي جيڪا به صرف رولز جي ابتڙ آهي پر آفيسرن کي مايوس ڪرڻ جي برابر به آهي. سنڌ سرڪار پاران تازو ئي ايڪس پي سي ايس ۽ ٻين مختلف ڪيڊر جي ڪامورن کي ايگزيڪٽو الائونس ڏيڻ لاءِ به اڱاري تي اهم اجلاس طلب ڪيو ويو آهي، ان اجلاس ۾ گريڊ 17 کان گريڊ 20 تائين جي ڪامورن کي 75 هزار رپين کان 2 لک رپين تائين جو ايگزيڪٽو الائونس ڏنو ويندو. پر ان اجلاس جي ايجنڊا ۾ پي ايم ايس ڪيڊر جي آفيسرن کي ايجنڊا ۾ به شامل ناهي ڪيو ويو! ان جو ڪارڻ به اهو ئي آهي ته سنڌ سيڪريٽريٽ توڙي صوبائي حڪومت ۾ پي ايم ايس آفيسرن جي لابي ڪمزور آهي. حڪومت توڙي سنڌ سيڪريٽريٽ جي اعليٰ اختيارين کي گھرجي ته ترقين وارا رولز به اهڙي طرح آندا وڃن جيئن ڪنهن آفيسر سان ناجائزي نه ٿئي، جيڪڏهن ڪو ڪامورو هڪ ڀيرو چٽا ڀيٽي جو امتحان ڏئي عهدا ماڻي ٿو ته رڳو ڪنهن مخصوص گروپ جي ڪامورن کان ٻيو ڀيرو امتحان وٺڻ به ساڻن ناجائزي جي برابر آهي. اهڙي طرح جيڪڏهن سنڌ حڪومت ٻين ڪيڊرز جي ڪامورن کي ايگزيڪٽو الائونس ڏيڻ جي منظوري ڏئي ٿي ته پي ايم ايس ڪيڊر کي به الائونس واري صف ۾ شامل ڪيو وڃي. جيئن ڪامورن ۾ محرومي جو احساس جنم نه وٺي.

Bookmark the permalink.

Leave a Reply

Your email address will not be published. Required fields are marked *