Warning: session_start(): open(/var/cpanel/php/sessions/ea-php71/sess_mt80ac05gqb6jp26mjogqqjkul, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪاڇي ۾ ڪهرام ۽ جوهي جو جهريل جيءُ - Pahenji AkhbarPahenji Akhbar ڪاڇي ۾ ڪهرام ۽ جوهي جو جهريل جيءُ - Pahenji Akhbar
تازا ترين
  • *ڀرياسٽي ۾ پوليس حراست دوران ڏوهارين جي فرار ٿيڻ وارو مامرو *ايس ايڇ او سميت 6 اهلڪارن کي پنجن ڏينهن جو رمانڊ پورو ٿيڻ تي عدالت ۾ پيش ڪيو ويو *عدالت پاران ايس ايڇ او ۽ وڏي منشي سميت 4 اهلڪارن جي 20،20 هزار روپين عيوض ضمانت منظور*
  • *گمبٽ ۾ آبپاشي کاتي جي زمين تان قبضا ختم ڪرائڻ لاءِ آپريشن جاري، ڪيترائي دڪان ڊاهي پٽ *اسسٽنٽ ڪمشنر جي نگراني ۾ عدالتي حڪم تي شادي هال، دڪان ۽ گهر ڊاهڻ جو سلسلو جاري *دڪاندار پاڪ ڪتاب کڻي دڪانن آڏو بيهي رهيا، فيصلو واپس ورتو وڃي: مطالبو*
  • *ڪورونا سبب ملڪ جا سمورا تعليمي ادارا بند ڪرڻ جو فيصلو *26نومبر کان ملڪ جا تعليمي ادارا بند ڪيا ويندا:شفقت محمود * تعليمي ادارن ۾امتحان به ملتوي ڪرڻ جو فيصلو:شفقت محمود *26نومبر کان 24 ڊسمبر تائين هوم لرننگ جاري رهندي:شفقت محمود *25ڊسمبر کان 10 جنوري تائين سياري جي موڪل هوندي:شفقت محمود اسڪولز، ڪاليجز، يونيورسٽيز ۽ ٽيوشن سينٽرز بند رهندا:شفقت محمود *11جنوري تي ملڪ جا تعليمي ادارا کولڻ جو اعلان: شفقت محمود تعليمي ادارا کولڻ بابت ڪورونا صورتحال جو جائزو ورتو ويندو:وفاقي وزير*
  • *لاڙڪاڻو: اوستا محمد ويجهو ڪار ۽ مزدا ۾ ٽڪر، هڪ ڄڻو فوت ٿي ويو *تيز رفتار ڪار گڏهه گاڏي کي بچائيندي مزدا سان ٽڪرائجڻ سبب 3 ڄڻا زخمي ٿي پيا *زخمين کي چانڊڪا اسپتال نيو ويو جتي ڪار ڊرائيور محمد ابراهيم شاهه فوت ٿي ويو*
  • *ٺري ميرواهه ۾ شهرين پاران اسپتال ۾ دوائن ۽ سهولتن جي کوٽ خلاف احتجاجي مظاهرو، ٽائرن کي باهه *اسپتال ۾ نانگ ڪکيل ۽ ڪتن ڏاڙهيلن واري ويڪسين اڻلڀ آهي: مظاهرين*
  • *ٽنڊوجان محمد ۾ بوائز ڊگري ڪاليج جا 2 ليڪچرار ڪورونا جو شڪار *ڪورونا جا ڪيس ظاهر ٿيڻ تي مير حاجي خدابخش ٽالپر بوائز ڊگري ڪاليج هفتي لاءِ بند*
  • *سنڌهاءِ ڪورٽ ۾ آرزو راجا ڪيس جي ٻڌڻي *آرزو راجا والدين سان گڏ وڃڻ کان انڪار ڪري ڇڏيو، عدالت درخواست اڪلائي ڇڏي *پوليس اختياريون معاملي جي جاچ ڪري ماتحت عدالت ۾ رپورٽ جمع ڪرائين: عدالت *عدالت آرزو جي تعليم ۽ ٻين سهولتن جو انتظام ڪرڻ جي هدايت *روزانو گهرو کاتي جي طرفان ڪو نمائندو هڪ ڪلاڪ آرزو سان ملاقات ڪندو: عدالت *آرزو چاهي ته پنهنجو فيصلو واپس وٺي سگهي ٿي: عدالت*
  • *اسلام آباد: احتساب عدالت ۾ جعلي اڪائونٽس اسڪينڊل ڪيس جي ٻڌڻي *عدالت جوابدار شفقت ممتاز جي ريمانڊ ۾ 7 ڏينهن جي واڌ ڪري ڇڏي *نيب جوابدار شفقت ممتاز کي احتساب عدالت ۾ پيش ڪيو *جيترو جلدي ٿي سگهي، جاچ مڪمل ڪئي وڃي:عدالت*
  • *دادو ۾ سڱاوتي تڪرار تان فائرنگ ۾ زخمي ٿيل نوجوان ڪراچي جي اسپتال ۾ دم ڏئي ڇڏيو *مقتول امتياز برهماڻي جو مڙهه داخل منتقل ڪيو پيو وڃي *
  • *غوثپور ويجهو ٽرالر جو رڪشا کي ٽڪر، ٻن عورتن سميت 4ڄڻا سخت زخمي *انڊس هاءِ وي تي انڙ اسٽاپ وٽ حادثو پيش آيو، زخمي اسپتال منتقل*
  • *اسلام آباد: احتساب عدالت ۾ آصف زرداري جو گهر سيل ڪرڻ خلاف ڪيس جي ٻڌڻي *احتساب عدالت جي نمبر هڪ جج محمد بشير جي موڪل سبب ٻڌڻي ڪارروائي کانسواءِ ملتوي *ڪيس جي ٻڌڻي 18 ڊسمبر تائين ملتوي ڪئي وئي *آصف زرداري ڪراچي جي ڪلفٽن ۾ قائم گهر کي سيل ڪرڻ خلاف درخواست داخل ڪرائي رکي آهي*
  • *اسلام آباد: وڪيلن جي بغير انٽري ٽيسٽ انرولمينٽ وارو معاملو *چئني صوبن جي وڪيلن جو سپريم ڪورٽ جي مک دروازي آڏو احتجاج، ايڇ اي سي خلاف نعريبازي *اسان کي اسان جي ووٽ جو حق واپس ڏنو وڃي: احتجاج ڪندڙ وڪيل *

ڪاڇي ۾ ڪهرام ۽ جوهي جو جهريل جيءُ

ڪاڇو ڪوهستان،ٿر۽ چولستان مون کي مظلوميت ، بي وسي، لاچاري، هيڻائي ڪمزوري، ۽ زور سان دٻايل احساسن ۽ محرومين جو محور لڳندا آهن. جتي زندگي نالو ئي صرف اذيتن سان جيئڻ، روڄ راڙي ۾ رهڻ، غربت، بک بدحالي، ۽ تنگ دستي ۾ تڙپي مرڻ جو آهي، ڇو ته جيڪڏنهن تيز برساتون، آهن ته پوءِ اتي تباهي ۽ بربادي آهي، گهر تباهه، مال متاع جو مري وڃڻ، فصل تباهه، ٻنيون ٻارا، سڀ پاڻي جي تلاءَ ۾ تبديل ٿيو وڃن، ميڙي جمع ڪيل ڪي ان ڪڻا ۽ جمع پونجي وري نئين نقصان جي ازالي ڪرڻ ۾ پورا ٿيو وڃن. ٻار ٻچا عورتون، مرد، پوڙها، پڪا، سڀ سورن ۾، دربدر، بي گهر، ۽ بي يارو مدد گار، ڄڻ ته هو خانه بدوش ۽ لاڏائو هجن، اها هنن جي حالت هوندي آهي تيز برساتن ۽ ٻوڏن ۾.پر جي وري برساتون سالن جا سال رسيو وڃن تڏهن به هي مسڪين ماروئڙا ويچارا دربدر۽ پريشان، ڏڪار هنن جي ڏوجهرن ۾ ڪا گهٽتائي ڪرڻ بدران هنن کي بکن ۾ پاهه ڪري ماريندو آهي ۽ وري هي ڳڀي جي ڳولا ۾ سيلانين، وانگر، جوڳين ۽ سامين وانگر، ديس ديس ۽ نگر نگر دربدر ، هنن جي زندگي به عجيب زندگي آهي، سراپا سور ۽ سراپا دردن جو داستان.
مون ڪاڇي ۾ زندگي ته ناهي گذاري پر ڪاڇي ۽ جوهي جي چپي چپي ۾ سڄي سنڌ جيان ڌڪا ضرور کاڌا آهن، ۽ اهي ڌڪا 2005 ع کان وٺي 2007ع ۽ 2009ع کانپوءِ به مختلف پراجيڪٽس ۽ ڪم ڪارين جي ڪري کائيندو رهيو آهيان. تنهن کانپوءِ وري ڪجهه عرصو جوهي ۾ به رهڻ جو موقعو مليو آهي، جوهي جتي نٽهڻ اس ، لڪ جهولن ۾ جيءُ جهوريندڙ گهٽ ٻوسٽ گرمي ۾ ڪنهن پينو فقير وانگر، سمورن ننڍن وڏن، ڳوٺن جو پاڻي ڍڪ ضرور پيتو آهي. جن ۾ پٽ گل محمد، حاجي خان، هيرو خان، راڄو ڳنڍو، ساوڙو، سيوو خان جمالي، بکر جمالي، بهليل شاهه، گاجي شاهه، ٽنڊو رحيم خان، ڇني، ٽوڙ، واهي پانڌي اڃان به ڪجهه نالا آهن جيڪي رهجي ويا آهن. هنن سمورن ڳوٺن جو هاڻي هڪ ٻئي سان رابطو ڪٽيل آهي، ماڻهو جو رابطا ڪاري جو ذريعو هاڻي صرف موبائيل فون آهي. ٻيا ڪاڇي ۽ جوهي سان لاڳپيل اهي ماڻهو جيڪي روزگار ۽ ڪمن ڪارين واسطي مختلف شهرن ۾ آهن اهي به ڪنهن قدرتي آفت ۽ هٿ ٺوڪين آفتن جو مقابلو نٿا ڪري سگهن ،ڇو ته هو هنن کان پري آهن ۽ بيوس آهن.
ويچارا مسڪين ماڻهون جن جا قيمتي فصل لڙهي ويا، جنهن جي لاءِ هنن وياج تي اوڌر تي قرض کڻي ٻج ڀاڻ ۽ ڪلر ورتا هوندا، ويچارن مسڪين ماڻهن جو چوپايو مال جانور به ڪي لڙهي ويا هوندا ۽ ڪي مري ويا هوندا.
اهي غريب ماڻهو جن جا ڪکاوان اجها هوندا منهه ۽ ڇپر هوندا ٿوڻين تي ۽ ورن تي اهي سڀ عارضي طور تي ته اجڙي ويا، معصوم ٻچڙا ، نياڻيون ۽ ننگ، اڌ اس ۽ اڌ ڇانو ۾ رڙندا ۽ روئيندا هوندا، گهرن ۾ رکيل چار ڪڻا ان جا اهي به ته لڙهي ويا هوندا، گهرن ۾ پيل مال جو چارو به لڙهي ويو هوندو، معصوم ٻارڙا ڳڀي جي لاءِ پريشان هوندا ، جيڪي عارضي پناهه گاهن ۾ کليل آسمان هيٺ، نٽهڻ اس ۽ ڪاڙهي ۾ ڪوبه سندن حال پڇڻ وارو ناهي، سرڪاري ۽ غير سرڪاري ادارن جي امداد جي آسري ، اهڙي اذيتناڪ زندگي ، جيڪا سراپا سور ۽ تڪليف واري زندگي آهي. مون امدادون به ورهايون آهن ته وري، متاثر ماڻهن جون مصيبتون به ڏٺيون آهن جيڪا تمام ڪربناڪ ۽ اذيتناڪ زندگي هوندي آهي، اهي ماڻهون جيڪي پاڻ وڏيون وڏيون خير خيراتون ڪندا آهن ۽ غريبن جي واهر ۽ مدد ڪندا آهي ، اهي اڄ پاڻ ٻين جي مدد ۽ امداد جي لاءِ واجهائي رهيا آهن،وقت ۽ حالتن جي ڪيڏي نه بي رحمي ۽ ستم ظريفي آهي. اڄ ڪاڇي جي هر ڪنڊ ۾ ڪهرام آهي چوطرف چوڌاري بيوسي جو عالم آهي پر ڪري ڪير به ڪجهه نٿو سگهي. دادو ۾ صرف دانهون ۽ دعوائون آهن ته هيئن ڪبو هوئن ڪبو پر ٿيندو ڪجهه به نه، ۽ جوهي جو جيءُ جهري پيو آهي ڇو ته هن جا رهواسي بي يارو مددگار آهن اهي سڀ کين هن مصيبت جي گهڙي ۾ اڪيلو ڇڏي ويا آهن، جن جي لاءِ هو جيئي جيئي ڪندي نه ماپندا آهن. هي مسئلو انتهائي اهم ۽ حساس مسئلو آهي ، هن تي سياست نه ٿيڻ کپي هن تي پوائنٽ اسڪورنگ نه ٿيڻ کپي ماڻهن کي هن مشڪل جي گهڙي ۾ وڌ کان وڌ سهولتون ڏنيون وڃن. سنڌ حڪومت کي متاثرين جي مدد لاءِ امدادي پئڪيج جو اعلان ڪرڻ کپي، پراونشل دزاسٽر منيجمنٽ اٿارٽي کي اتي پهچي ماڻهن جي مدد ڪرڻ گهرجي،پر انهي کان به اهم مسئلو رستن جي بحالي آهي جيڪڏهن ترت رستا بحال نه ڪرايا ويا ته بک سان گڏ ماڻهو بيمياري ۾ مرڻ شروع ٿيندا ،ڇو ته چوطرف پاڻي هجڻ ڪري وبائون پکڙبيون ۽ ماڻهن وٽ نڪرڻ جو ڪو رستو ئي نه هوندو.
ڪاڇي، ڪوهستان، ٿر ۽ چولستان جا ماڻهو به غريب ته وري انهن جا نصيب به غريب ، يا هو سدائين ڏڪار ۾ يا هو سدائين ٻوڏن ۽ مينهن ۾، مصيبتن سان سندن پڪي ياري آهي. هي وقت به گذري ويندو پر تڪليفون ،درد ۽ حڪومتي نااهليون ماڻهن جي دلين تي ٻوڏ وانگر پنهنجا پيرا ڇڏي وينديون .

Bookmark the permalink.

Leave a Reply

Your email address will not be published. Required fields are marked *