Warning: session_start(): open(/var/cpanel/php/sessions/ea-php71/sess_js29q5fjqpef3rqavfkimmr24s, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪراچي، ڪو آرڊينيشن ڪميٽي ۽ قومپرست - Pahenji AkhbarPahenji Akhbar ڪراچي، ڪو آرڊينيشن ڪميٽي ۽ قومپرست - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

ڪراچي، ڪو آرڊينيشن ڪميٽي ۽ قومپرست

پهرين ڳالهه ته ڪميٽي ڪم نه ڪندي، اختلاف جي ڪري نه ڪندي ڦڏن ۾ ڦاسندي، اختلافن ۾ اهڙو پوندي جو وڃي ٿيا خير ! رابطا ڪميٽي رابطن کان ئي محروم رهندي. ڪو آرڊينيشن ڪميٽي ڪنهن به قسم جو ڪو آرڊينيشن نه ڪري سگهندي، هنن جي گڏيل غور ويچار جي نوبت ئي نه ايندي، ڪراچي ته رهي ڪراچي صوبي ۽ وفاق جي وچ ۾ اختلافن جي جنگ اڳي کان وڌي ويندي. ڪو آرڊينيشن ڪميٽي جي ٽائيٽل سان الزامن جي هڪ نئين سيريل سامهون ايندي، ڪميٽي ۾ جيڪي ميمبر ٿيا آهن. اهي سياسي ويڙهه جا وڏا سپاهي آهن. جنگ ڏاڍي سٺي ڪندا آهن. ڪميٽي هڪ ٻئي جي حجت پوري ڪرڻ لاءِ ٺاهي اٿن. ڪراچي لاءِ اڳي ئي ڪم نه ڪرڻ جا الزام اٿن. هڪ نئين ميار مٿي تي نه ٿي کڻڻ چاهيائون. انهيءِ جي ڪري ڪميٽي لاءِ ها ڪيائون. باقي گڏجي ڪم ڪرڻ جهڙي ڪابه ڳالهه نه ٿيندي.
ڪراچي جو قد ۽ من ايڏو وڌيل آهي جو ڊائنوسار جيڏي هن شهر کي مطمئن ڪرڻ صوبن جي وس ۾ ناهي. جيڪو شهر هاڻي صوبن سان ڪن ٿو هڻي صوبن جي ماتحت مطمئن نه رهي سگهندو. هڪ نه ٻيو اشو سامهون ايندو پيو، مسئلا ڪيترا به حل ٿين مسئلا وڌندا ويندا. ڪجهه حقيقت ۾ ڪجهه هٿرادو پيدا ٿيندا پيا. حل ڳولڻ وارن کي جيڪڏهن حل ڳولڻو آهي ته ان مسئلي جو حل ڳولڻ گهرجي، ته ڪراچي سنڌ لاءِ اوپري ڇو ٿي ٿيندي وڃي، مسئلي جو بنياد هڪ لساني آهي ٻيو بين الاقوامي آهي . ڪاميٽي جن مسئلن لاءِ ٺهي آهي اهي مسئلا کڻي حل به ٿي وڃن ته به ڦڏو نه ويندو، ننڍا مسئلا اصل مسئلي کي هٿي پيا ڏيندا. احتجاجن جا جواز پيا پيدا ڪندا. اهو ڪم پيا ڪندا جيڪو باهه جي مٿان پيٽرول ڪندو آهي، وڏي افسوس جي ڳالهه اها آهي ته اسان جا قومپرست ان کي نٿا سمجهن. هو پيا دانهون ڪن ڄڻ ڪوئي هنن جي هٿ مان ڪا شيءَ کسيو پيو وڃي. جڏهن ته احساس ڪرڻ جي ضرورت آهي ته ڇا اها شيءَ هنن جي هٿ ۾ آهي به سهي يا نه؟ هو الائي ڪهڙي دنيا ۾ ٿا رهن ڪراچي ڪڏهن جو اسان جي هٿن مان نڪري چڪي آهي ڪراچي کي مطمئن ڪرڻ اسان جي ضرورت آهي ڪراچي جي نه، زور زبردستي وڏي فساد کي جنم ڏيندي اهڙي قسم جي احتجاج جي ضرورت ئي ناهي جيڪو ڪيو پيو وڃي.
پ پ خود ان اپوزيشن ۾ ناهي جو هن جي حڪومت ڪراچي کي نظرانداز ڪري. سنڌ حڪومت صورتحال کي ٿورو سمجهي ٿي انهي ڪري ڪراچي جي مسئلي کي حل ڪرڻ لاءِ ٿورو سنجيده ٿي آهي هوءَ پاڻ مسئلي کي حل ڪري ها ته اڄ وفاق جي همدردي ۽ تعاون جي نوبت نه اچي ها. پ پ حڪومت اگر ڪراچي کي ايم ڪيو ايم سان سياسي ضد جي نظر نه ڪري ها ته ڪراچي ۾ اهي مسئلا نه پيدا ٿين ها جيڪي ايم ڪيو ايم کي لساني تعصب جي ڪم ٿا اچن. سياست ۽ ساڙ پنهنجي جاءِ تي هجي ها شهر ۽ ان جي صفائي ان کان بالاتر هجي ها اهي مسئلا ئي پيدا نه ٿين ها يا ايترو نه وڌن ها جو ايم ڪيو ايم کي وفاق جو در کڙڪائڻو پوي ها. ڪراچي رڳو صوبي جو شهر ڪونهي اهو پاڪستان جو به وڏو شهر آهي وفاقي حڪومت ان کي نظرانداز نٿي ڪري سگهي، سنڌ حڪومت ان ڳالهه کي سمجهيو آهي تڏهن تعاون قبول ڪرڻ تي تيار ٿي آهي، نه ته ان وٽ قومپرستن کان وڌيڪ انا آهي.
اها ڳالهه هاڻي نه هلي سگهندي جيڪا قومپرست ٿا ڪن. ڪراچي تي احتجاج ڪراچي کي قائل نه ڪندو ويتر بيزار ڪندو. فقط ايتري ڳالهه ناهي ته سنڌ حڪومت نه چاهي ته وفاق وچ ۾ نه ايندو ۽ ڪراچي جهڙي تهڙي حال ۾ اسان سان گڏ گذارڻ تي راضي ٿي ويندي. ڳالهه ان کان وڌيڪ سيريس آهي ڪراچي خود وات وڪيل آهي. اها ماتحت رهڻ واري پوزيشن مان نڪرندي ٿي وڃي اسان جي بي احتياطي برا نتيجا ڏيندي قومپرست ته قومي انتظامي ڍانچي ۾ اسٽيڪ هولڊر ڪونهن پر خود پ پ به پوري نه پوندي. انهي ڪري ڪراچي جي مسئلن کي حل ٿيڻ ڏنو وڃي. ان ۾ ڪا رڪاوٽ نه وجهڻ گهرجي اگر ڪنهن ڪاميٽي جي ٺهڻ سان ۽ وفاق جي تعاون سان مسئلا حل ٿين ٿا ته ٿيڻ گهرجي اگر ان ۾ ڪراچي مطمئن آهي ته اسان کي ارهو نه ٿيڻ گهرجي. توڙي جو اها پڪ آ ته ڪميٽي کان ڪجهه به نه ٿيندو، پر ڪراچي ڄاڻي ڪميٽي ڄاڻي، اسان تي سڀاڻي ميار نه اچي ته سنڌين اسان لاءِ رڪاوٽون پئدا ڪيون !
ڪراچي جي حوالي سان ڪميٽي ٺهڻ سان ۽ ان جي ڪم ڪرڻ سان ڪا اربع خطا ڪا نه ٿيندي. وفاق ۽ صوبن جي تعاون سان ڪهڙي آئيني ڀڃڪڙي ٿيندي. آئين جي ڪا شق نمبر فلاڻي۽ فلاڻي ڀلا ملڪ ۽ قومجي وحدت کان مٿي آ ڇا؟ آئين ٺاهيو ئي ملڪ جي عوام جي ڀلائي لاءِ ويندو آهي. ان ۾ تبديليون به انهي حاجت کي پورو ڪرڻ لاءِ ڪيون وينديون آهن. آئين قومي مفاد جي تابع آهي. قومي مفاد آئين جي تابع ڪونهي. اعتراض ڪرڻ وارا پنهنجي انا جي تسڪين ٿا ڪن. هو ملڪ جي ۽ قوم جي مفاد کي نٿا ڏسن. هي ملڪ يا خود صوبو انتشار کي برداشت نٿو ڪري سگهي. سياست اڳئي ان کي ڪمزور ڪري ڇڏيو آهي. اسان جي قومپرستي ان کي تباهه ڪري ڇڏيندي اهو وساري ڇڏيو ته رڳو وفاق ۽ صوبن جو اشو رهندو. ان جهيڙي ۾اسين صوبي جا مفاد بچائي وٺنداسين، بلڪه توهان جو تعصب ساڳئي ئي وقت صوبي اندر صوبي جي مطالبي کي هٿي ڏيندو. جيڪو موقف توهان وفاق جي خلاف اختيار ڪندئو اهو ئي موقف ڪراچي طرفان آڏو ايندو، جيڪو جهيڙو توهان وڌايو ٿا اهو ختم توهان نه ٻيا ڪري سگهن ٿا.
انهي ڪري ڪراچي جي انهن مسئلن جي حل لاءِ جيڪي صوبي کان حل نه ٿي سگهيا آهن وفاق تعاون ڪري ٿو ته اهو تعاون ورتو وڃي. انڪار ڪري ڪراچي کي ناراض نه ڪيو وڃي. ڪراچي جي ناراضگي ان کان وڌيڪ اڻ وڻندڙ نتيجا ڏيندي جهڙا وفاق جي تعاون ڪرڻ تي سمجهيا وڃن ٿا. ايتري ڳالهه کان جذبات ۾ اچي ون يونٽ ڪوٺڻ عقل کان اوپرائپ آهي. وحدت تي وار اهو ناهي بلڪ وار اهو هوندو جيڪو نتيجي طور سامهون ايندو. هاڻ ته آئيني اختيارن جو معاملو ٿا سمجهو سڀاڻي وجود جو روئڻو روئڻو پوندو. وري اها به ڀائيواري ڀلي جو سڀاڻي ورهاڱو پلئه پوي!!زور ايترو لائجي جيتري سنڌن ۾ طاقت هجي خالي جوش ۾ اچي هڻي پنهنجو ڍينگو ڍيري نه ڪري ويهجي. توهان کان جيتري مذاحمت ٿيندي اها به خبر آ. فيس بوڪ تي مذمت کان وڌيڪ توهان کان ڪجهه ڪرڻ ايندو ناهي. انهي ڪري ڪراچي جي صفائي ۽ ترقي جي تعاون کي اشو نه بڻايو وڃي ۽ اشو کي ايڏو نه وڌايو وڃي.
مون مُنڍ ۾ ئي چيو ته ڪاميٽي کان ڪجهه نه ٿي سگهندو. اختلاف ان کي کائي ويندا. اڳئي پوءِ سنڌ کي ئي ڪجهه ڪرڻو پوندو. پر جيڪڏهن ڪاوڙ ۾ ڪراچي وفاق کي وچ ۾ آندو آهي ته اهو نسخو به آزمائڻ گهرجي ان تي واويلا نه ڪرڻ گهرجي. ڪوئي وفاق جو وار ڪونهي سڀ اسان جي دل جا وهم آهن. وهم جي بنياد تي مهم نه هلائڻ گهرجي قومپرست پنهنجي توائي ۽ توانائي بچائي رکن. اها ڪڏهن سنڌ جي ڪم ايندي. هن وقت اها سنڌ کي نقصان پئي ڏئي. هي وقت ڪراچي جي مسئلن جي حل جو آهي. ڪراچي مسئلن ۾ گهڙيل آهي ان جو احساس ڪرڻ گهرجي ڪراچي پنهنجو ئي شهر آهي جيڪڏهن ڪو آرڊينيشن سان ان جا مسئلا حل ٿين ٿا ته اسان جون اکيون ٿڌيون.

Bookmark the permalink.

Leave a Reply

Your email address will not be published. Required fields are marked *