Warning: session_start(): open(/var/cpanel/php/sessions/ea-php71/sess_4obmusftonp04ak7voj2k33lba, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪراچي جو عوام آخر ڪيڏانهن وڃي؟ - Pahenji AkhbarPahenji Akhbar ڪراچي جو عوام آخر ڪيڏانهن وڃي؟ - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

ڪراچي جو عوام آخر ڪيڏانهن وڃي؟

سنڌ ۾ هن وقت چوماسي جون برساتون جاري آهن، جنهن سبب سنڌ جي ڪاڇي ۽ ٿر سميت بئراجي علائقن جي ماڻهن ۾ به انهي ڪري خوشي جي لهر ڇانيل آهي ته اتي گرمي ۽ گهٽ ٻوسٽ ختم ٿي رهي آهي،برسات جي ڪري نه رڳو ماحول خوشگوار ٿيو آهي پر مينهوڳي مند ۾ مالوند ماڻهن جا چهرا به ٻهڪي رهيا آهن، پر اها ئي برسات ڪراچي وارن لاءِ انتظامي نااهلي سبب رحمت بدران زحمت بڻجي وئي آهي، سنڌ ۾ برساتن جي حوالي سان هن ڀيري موسميات کاتي جيڪا اڳڪٿي ڪئي هئي، انهي مطابق ئي برسات پئي آهي، جولاءِ جي پهرين هفتي ۾ ڪيل اڳڪٿي ۾ برسات کان اڳ ئي انتظاميا کي خبردار ڪيو ويو هو ته برسات تيز پئجي سگهي ٿي ۽ اربن فلڊ جو به خدشو آهي، ان باوجود ڪراچي ۾ انتظاميا اگهور ننڊ ستل رهي ۽ جڏهن پهرين ڏينهن تي تيز برسات پئي، ته مڙئي خير آهي چوندي انتظاميا ڪو به قدم نه کنيو، ٻئي ڏينهن تي تيز برسات جاري هئي ته اوچتو منجهند ڌاري ميئر ڪراچي جو هڪ بيان سامهون آيو ته ميئر ڪراچي موسمي برساتن جو نوٽيس وٺندي، انتظاميا کي الرٽ رهڻ جي هدايت ڪئي هئي، يعني اڳ ۾ ته انتظام نه ڪيا ويا پر برسات کانپوءِ به ٻئي ڏينهن تي ميئر ڪراچي جي اک کلي ته هن شهر جي ماڻهن جي مالڪي ڪجي ، ميئر ڪراچي کان مڪاني ادارن وارو کاتو ٿورو تڪڙو ۽ اڳڀرو لڳي ٿو، جنهن برساتن کان اڳ ايمرجنسي لاڳو ڪري نالن کي صاف ڪرائڻ جو ڪاغذن ۾ ڪم شروع ڪري ڇڏيو، پر عملي طور رڳو هڪ ڏينهن اڳ سمورن نالن ۽ نالين جي صفائي جو ڪم شروع ڪيو ويو، ان ڏينهن تي مڪاني ادارن واري وزير محمود آباد واري نالي تي پهچي ڪم جو جائزو ورتو ۽ دعويٰ ڪئي ته ڪراچي ۾ انتظام بهترين ڪيا پيا وڃن، پوءِ ٻه يا ٽي ڪلاڪ رڳو برسات پئي ۽ وزير جي ڪيل دعوي توڙي سندس ماتحت عملي جي ڪيل ڪم ڪار جا پول پڌرا ٿي ويا ۽ ڪراچي واسي ڀوڳيندا رهيا. ڪالهه به ايئن ئي ٿيو موسميات کاتي گذريل چئن ڏينهن کان اهو چيو پئي ته برسات ايندي ۽ ڪراچي ۾ تيز برسات ايندي، انهي خبردار ڪرڻ واري عمل کي مڪاني ادارن واري کاتي توڙي ڪي ايم سي انتظاميا اڳي جيان ئي نظرانداز ڪري ڇڏيو ۽ ڪالهوڪي برسات ته ڪراچي جي هر گهٽي کان وٺي هر روڊ رستي کي تلاءَ ۾ تبديل ڪري ڇڏيو، نه رڳو هيٺاهين وارا علائقا پر پوش علائقن ۾ به پاڻي گوڏي جيڏو بيٺل رهيو، جنهن سان نه رڳو ڪراچي ميونسپل ڪارپوريشن، مڪاني ادارن واري کاتي ۽ ڊي ايم سيز جي پت وائکي ٿي وئي پر ڪينٽونمينٽ بورڊ جهڙي اداري جي ڪارڪردگي به سواليه بڻجي وئي آهي، ڪراچي ۾ برسات جو جيئن ئي ڦڙو وسي ٿو ته بجلي جو بحران پيدا ٿي وڃي ٿو، هونئن ئي ڪي اليڪٽرڪ انتظاميا ڪراچي واسين لاءِ هاڻي اهڙو عذاب پيدا ڪري ڇڏيو آهي جو غريب ماڻهو ته مهيني ۾ راشن تي ايترو خرچ نٿو ڪري جيترو بجلي تي خرچ ڪري ٿو، ڪالهه به ايئن ئي ٿيو جو برسات جيئن ئي وسڻ لڳي تيئن ئي بجلي بند ٿي وئي ۽ پوءِ ڪيترائي ڪلاڪ شهري عذاب هيٺ رهيا، هڪ ته اڳي ئي ڪراچي ۾ گٽر نالن تي ڍڪ ناهن، ڪيترن ئي هنڌن تي روڊن تي کڏا آهن، ٻيو ته برسات جو پاڻي ۽ گٽر نالن جو پاڻي روڊن تي تلاءَ جي صورت ۾ موجود آهي، ٽيون وري بجلي بند ته اونداهي پکڙيل رهي، نتيجي ۾ ڪيترائي موٽرسائيڪل سوار ۽ پيدل هلندڙ ماڻهو انهن گٽر نالن ۾ ڪري زخمي ٿيا، ڪيترين گاڏين کي سخت نقصان پهتو، پر انتظاميا جي اک نه کلي جو عوام جو ڪو ازالو ٿي سگهي. ڪراچي ۾ رڳو برساتي نالن جي صفائي لاءِ سنڌ حڪومت پاران عالمي بينڪ جي مدد سان پوڻا ٻه ارب روپين جو هڪڙو پروجيڪٽ متعارف ڪرايو ويو ۽ ڪم شروع ڪيو ويو، پر نتيجو ٻڙي نظر اچي ٿو، گذريل هفتي پيل برساتن ۾ جڏهن پاڻي بيٺو ۽ انتظاميا ناقص انتظام ڪيا ته وڏي وزير هڪ هفتو اڳ انهي پروجيڪٽ جي ڊائريڪٽر کي هٽائي ڇڏيو، ساڳي وقت تي ڪراچي واٽر اينڊ سيوريج بورڊ جي ايم ڊي کي پڻ هٽايو ويو، اهي ٻئي اهم عهدا هئا، جتان آفيسرن کي ته هٽايو ويو، پر انتظامي لحاظ کان فرق ڪو به نه پيو، ڪراچي ۾ ڪالهوڪي برسات به بدليل انتظامي چهرن جي قابليت کي پڌرو ڪري ڇڏيو، ملڪ جي معاشي حب جي هي حالت ڏسي حيرت ٿئي ٿي ته آخر اهي اربين روپيا رڳو برساتي انتظامن لاءِ جيڪي خرچ ڪيا وڃن ٿا، اهي برساتي پاڻي ۾ وهي وڃن ٿا يا وري ڪرپشن جي نظر ٿي وڃن ٿا؟ ڪراچي جا رهواسي ڪي اليڪٽرڪ کان وٺي ميئر ڪراچي ۽ مڪاني ادارن واري کاتي جي نااهلي سبب عذاب ۾ وڪوڙيل ئي رهن ٿا.

Bookmark the permalink.

Leave a Reply

Your email address will not be published. Required fields are marked *