تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

ڪراچي جو ڪيس،عمران خان نئون مشرف

مون کي اهي ڏينهن ياد آهن جڏهن سينيئر صحافي سيد طلعت حسين فلسطين ۾ ڪوريج دوران فلسطين ۽ اسرائيل جي حدن جي چڪر ۾ اچي قابو ٿي ويو هو، تڏهن ملڪ اندر پيپلز پارٽي جي حڪومت هئي رحمان ملڪ گهرو کاتي جو وفاقي وزير هيو پيپلز پارٽي سفارتي ڪوششون وٺي سيد طلعت حسين کي واپس آڻڻ ۾ ڪامياب ٿي، تڏهن چوڌري نثار قومي اسيمبلي ۾ مخالف ڌر جو اڳواڻ هيو شهباز شريف پنجاب جو وڏو وزير هيو. پنجاب هائوس اسلام آباد ۾ نواز شريف سيد طلعت حسين سان ساڻس پيش آيل واقعي تي ملاقات ڪئي هئي. سينيئر صحافين سان گڏ طلعت حسين سان مون به ان ملاقات ۾ شرڪت ڪئي جتي جڏهن پنجاب حڪومت جي ڪارڪردگي جو بحث شروع ٿيو تڏهن نواز شريف چيو ته جنهن جي وفاق ۾ حڪومت نه هجي اهو صرف هڪڙي صوبي جي حڪومت جي بنياد تي ڪارڪردگي بهتر نه ٿو ڪري سگهي. تڏهن به چوڌري نثار مخالف ڌر جي اڳواڻ واري حيثيت ۾ سنڌ حڪومت جي ڪارڪردگي تي سوال اٿاريندو هو. مون اهڙي ڳالهه نواز شريف جي آڏو رکي چيو ته بينظير ڀٽو صاحبه جي شهادت کانپوءِ توهان جي سياسي سوچ جي ڪري سنڌ ۾ توهان لاءِ مثبت راءِ پئدا ٿي آهي پر جڏهن چوڌري نثار سنڌ حڪومت جي خلاف تقريرون ڪندي سنڌ حڪومت ۾ فرق نه ڪري سگهي توهان ايم ڪيو ايم سان رابطا ڪندا هجو ته ان جا نتيجا ڪهڙا نڪرندا؟ نواز شريف صاحب وراڻيو ته محترمه بينظير ڀٽو منهنجي لاءِ ڀيڻ جي حيثيت رکندي هئي هينئر تائين مان بينظير ڀٽو کي ياد ڪندو آهيان. هن هڪ سينيئر صحافي سان مخاطب ٿيندي چيو ته ڏسو ايم ڪيو ايم بابت توهان جي لکڻين جو اثر سنڌ تائين پهتل آهي پر اسان جو ايم ڪيو ايم سان ڪو به رابطو ڪونهي. ميان نواز شريف لنڊن واري اي پي سي ۾ اهو طئي ڪري چڪو هيو ته ايم ڪيو ايم سان رابطا نه ڪبا تڏهن ته عمران خان به فائيل کڻي ايم ڪيو ايم باني الطاف حسين خلاف وڃي لنڊن پهچندو هيو. عمران خان چوندو هيو ته هو سياست ڇڏي ڏيندو پر ايم ڪيو ايم سان اتحاد نه ڪندو. هينئر عمران خان پنهنجي يو ٽرن کي مائينس الطاف حسين سان ڳنڍي بيان ڪري ٿو ته الطاف حسين کانپوءِ وارا نفيس ترين آهن. نواز شريف جڏهن وزيراعظم هوندو هيو تڏهن مراد علي شاهه ان وقت جي وڏي وزير قائم علي شاهه سان گڏجي اجلاسن ۾ شرڪت ڪندو هيو. مراد علي شاهه چوڌري اعتزاز احسن سان گڏجي پيپلز پارٽي آفيس ۾ بجلي جا ڳرا بل کڻي پريس ڪانفرنس ڪندي سنڌ ڪيس پيش ڪيو هيو، عابد شير علي چوندو هيو ته جيڪو بل ڀريندو بجلي انهن کي ملندي سنڌ ۾ بجلي چوري ٿيڻ جا طعنا ملندا هئا. وفاق ۽ سنڌ جي وچ ۾ مسئلا پراڻا آهن صوبن ۾ گورنر راڄ به لڳندا رهيا آهن پنجاب ۾ پيپلز پارٽي وارن شهباز شريف کانپوءِ گورنر راڄ لڳايو خراب ڪارڪردگي جا سوال به اٿندا رهيا آهن هينئر ڇا عثمان بوزدار جي ڪارڪردگي جي تعريف ٿي رهي آهي؟ پنهنجي پارٽي ۽ سندس اتحادي مٿس شديد تنقيد ڪري رهيا آهن پر اهڙن بنيادن تي ڪڏهن ڪو چوندو هجي ته پنجاب ۾ گورنر راڄ لڳايو يا پيپلز پارٽي لاهور کي وفاق حوالي ڪرڻ گهري ٿي. ماضي ۾ گورنر راڄ لاڳو ٿيڻ کانپوءِ اهي بحث ڇو نه ٿيندا هئا جيئن هينئر ڪراچي کي وفاق حوالي ڪرڻ وارو بحث شروع ٿي ويو آهي، انهي ڪري جو هن حڪومت جي نيت ڪراچي جي معاملي تي پڌري ٿي پئي آهي.
پهريائين جڏهن قانون جي وفاقي وزير فروغ نسيم اهڙي ڳالهه ڪئي هئي جيڪا ڳالهه هينئر اٽارني جنرل ڪري رهيو آهي ته سنڌ جي شديد احتجاج جي نتيجي فروغ نسيم جي عمل کي ذاتي عمل جي دائري ۾ آندو ويو، جنهن ڪري فروغ نسيم اسلام آباد ۾ سنڌي صحافين کي ڳولي ڳولي سنڌ ڌرتيءَ کي پنهنجي ماءُ قرار ڏئي جان ڇڏائي، هي فروغ نسيم آهي جيڪو پرويز مشرف جو به وڪيل رهندوآيو آهي ته ايم ڪيو ايم جو سينيٽر به آهي ته ايم ڪيو ايم جي اڳواڻن مطابق اسان جي ڪوٽا تي نه پر وزيراعظم جي پنهنجي ڪوٽا تي وفاقي وزير آهي حڪومت جي چوڻ تي قانون جي وزارت تان استعيفا ڏيندو آهي. سپريم ڪورٽ ۾ قاضي فائز عيسيٰ ڪيس هجي يا اهڙا ٻيا ڪيس انهن ۾ حڪومت جي نمائندگي ڪري ٻيهر اچي وفاقي وزير جو حلف کڻندو آهي. هي ان پرويز مشرف جو وڪيل هيو جنهن پرويز مشرف کي الطاف حسين کانپوءِ واري ايم ڪيو ايم جي اڳواڻ ٿيڻ جون ڳالهيون ٿينديون هيون، کيس ڪراچي مان کٽرائن جا بحث به ٿيندا هئا پر ايم ڪيو ايم جو قد ڪاٺ صرف ڪراچي تائين ۽ پرويز مشرف جو تصور ملڪي سطح جو سمجهي ان تي عمل ٿي نه سگهيو جنهن بعد جيڪا پارٽي منزل نهين رهنما چاهيي جهڙا نعرو هڻندي هئي سا وڃي تحريڪ انصاف سان جو ملي ته اهڙا وفاقي وزير نفيس ترين ٿي ويا. مطلب ته پرويز مشرف اڳواڻ ٿئي يا پارٽي وري عمران خان حوالي ٿئي طريقيڪار اهوئي پرويز مشرف وارن ڏينهن وارو هوندو ته ڏسي ورتو ڪراچي ۾ اسان جي طاقت.
هينئر جڏهن فروغ نسيم سنڌ جي گورنر عمران اسماعيل سان گڏجي وڃي وزيراعظم سان مليو آهي تڏهن فروغ نسيم اڪيلو ناهي پر برساتن جي نتيجي ۾ ڪراچي جي صورتحال، سپريم ڪورٽ جون ٻڌڻيون، وزيراعظم جي اين ڊي ايم اي کي ڪراچي موڪلڻ واري ماحول فروغ نسيم کي سگهه بخشي آهي ته هينئر معاملو صرف منهنجي بيان جو ناهي وزيراعظم هجي يا سنڌ جو گورنر ۽ فروغ نسيم کي اهو واضح ڪرڻو پوندو ته ڪراچي جي باري ۾ انهي ميٽنگ ۾ ڇا طئي ٿيو جيئن هن پهريائين سنڌي صحافين کي ڳولي ڳولي وضاحت ڪئي هئي.
ٻي ڳالهه ته آئين جو مقصد ئي تحفظ فراهم ڪرڻ هوندو آهي آئين جو ڪو به آرٽيڪل ڪنهن قوم کي شهر کي غير محفوظ ڪيئن ٿو بڻائي سگهي جو بار بار آرٽيڪل 149 جو ذڪر ڪري سنڌين کي ڪراچي جي معاملي تي غير محفوظ بڻائڻ جي ڪوشش ڪئي پئي وڃي. ارڙهين ترميم واري ڪاميٽي جي سربراهي ڪندڙ ميان رضا رباني پهرين ڏينهن کان اهڙا بيان ڏئي رهيو آهي جنهن مان اهو لڳندو آهي ته 18 ترميم کي خطرو آهي اهڙا بيان انهي شڪ کي وڌيڪ مضبوط ڪن ٿا ته حڪمرانن جي نيت ۾ ڇا آهي؟
عمران خان جي تحريڪ انصاف پهرين ڏينهن کان سنڌ کي ڪابه اهميت ناهي ڏني، مخالف ڌر ۾ هئڻ دوران به سنڌ لاءِ وقت نه هوندو هيو سال ۾ هڪ ڀيرو ايندو به هيو ته ڪراچي کان ئي واپس روانو ٿي ويندو هيو سندس چوڻ هوندو هيو ته اصل جنگ جو ميدان پنجاب آهي، جتي قومي اسيمبلي جون سيٽون وڌيڪ هئڻ ڪري سنڌ ۽ بلوچستان ۾ اليڪشن مهم هلائڻ جي ضرورت ئي ناهي. وزيراعظم ٿيڻ کانپوءِ به خان صاحب جي سوچ ۾ تبديلي ناهي آئي هينئر به ڪراچي جو سال ۾ هڪ ڀيرو دورو ڪري هليو ويندو آهي پر خان صاحب جي سوچ ۾ ايترو فرق ضرور آيو آهي ته اقتدار تائين پهچڻ جي لاءِ پنجاب جي اڪثريتي علائقن جي ووٽن جي ضرورت هجي ٿي ته ملڪ هلائڻ لاءِ سنڌ جي گادي واري شهر ڪراچي جي روينيو جي ضرورت هجي ٿي انهي ڪري ڪراچي انهن کي کپي. هونئن به خان صاحب کي اهو سوچڻو پوندو ته جيڪڏهن ڪراچي جون پنهنجون سيٽون، ايم ڪيو ايم وارا ميمبر ۽ بلوچستان جا اتحادي نه هجن ها ته رڳو پنجاب جي بنياد تي هو وزيراعظم به نه ٿي سگهي ها. حيرت آهي ته جتي عثمان بوزدار کي هٽايو وارومطالبو زور پيو وٺي پنجاب اندر اهڙي تبديلي بجاءِ سائين جن جو سڄو زور سنڌ حڪومت جي ڪارڪردگي گورنر راڄ ۽ ڪراچي کي وفاق حوالي ڪرڻ تي آهي. انهي ڪري جو ڪراچي مان کيس سيٽون به ملي ويون ايم ڪيو ايم به پنهنجي ٿي وئي باقي رڳو پرويز مشرف فارمولا رهجي ويو آهي. سنڌ جو وڏو وزير مراد علي شاهه چوي ٿو ته آئيني اهم ميٽنگن ۾ شرڪت لاءِ جڏهن اسلام آباد روانو ٿيس ته ڪراچي ايئرپورٽ تي فون ڪري چيو ويو ته اسلام آباد نه اچو جيڪڏهن ايندا تڏهن به وڊيو لنڪ تي شريڪ ٿي سگهندئو. شبلي فراز چيو ته سڄي ملڪ مان ماضي جي باقيات ختم ٿي وئي آهي صرف سنڌ ۾ ماضي جي باقيات آهي. ايندڙ چونڊن ۾ اها به ختم ٿي ويندي. وفاق ۽ سنڌ حڪومت جو مسئلو ڪهڙو به هجي پر ڪراچي کي وفاق حوالي ڪرڻ جا آئيني آپشن مارڪيٽ ۾ ڇڏڻ جا ڪهڙا جواز آهن؟
وفاق 18 ترميم ۽ اين ايف سي ايوارڊ وارو مسئلو پنهنجي حق ۾ نه ڪرائڻ کانپوءِ ڪراچي کي وفاق حوالي ڪرڻ واري نقطي تي اچي بيٺو آهي ته جڏهن سوني جهرڪي ئي انهن وٽ هوندي ته پوءِ ڇا جي 18هين ترميم ڇا جو اين ايف سي ايوارڊ؟ ڪجهه ڏينهن اڳ پوري ملڪ ۾ ميڊيا ڪورونا وائرس تي مراد علي شاهه جي پاليسين جي ساراهه ڪري رهي هئي هڪڙي برسات ۾ مراد علي شاهه ايڏو خراب ٿي ويو آهي جو ان ڏنڊ ڏوهه ۾ ڪراچي وفاق جي حوالي ڪجي؟ سڀ مسئلا ڪراچي ۾ برسات جي ڪري ٿيا آهن. اٽي جو بحران، کنڊ جو بحران، پي آءِ اي جي پائليٽن جو بحران معيشت جا سمورا معاملا ڪراچي ۾ برسات جي ڪري ٿيا آهن انهي ڪري گورنر راڄ کان ڪراچي کي وفاق حوالي ڪرڻ جي آئيني آپشن تائين پهرين ڏينهن کان غور ڪرڻ سنڌ جي مينڊيٽ کي تسليم نه ڪرڻ، 18 هين ترميم کي ختم ڪرڻ، اين ايف سي ايوارڊ ۾ ترميم ڪرڻ وفاق لاءِ ضروري ٿي پيو آهي. انهيءَ کان اڳ پرويز مشرف به چوندو هيو ته هنن ۾ اهڙي صلاحيت ئي ڪونهي جو هي وفاقي سيڪريٽري ٿي سگهن، جڏهن کان عمران خان آيو آهي لڳي ٿو ته پرويز مشرف ويو ئي ڪونهي.

Bookmark the permalink.

Leave a Reply

Your email address will not be published. Required fields are marked *