Warning: session_start(): open(/var/cpanel/php/sessions/ea-php71/sess_nv46vmmpsgqerac7vkgslebf60, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪراچي لاءِ ڳجھي ڊيل آخر ڇو ؟ - Pahenji AkhbarPahenji Akhbar ڪراچي لاءِ ڳجھي ڊيل آخر ڇو ؟ - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

ڪراچي لاءِ ڳجھي ڊيل آخر ڇو ؟

پي ٽي آءِ جي وفاقي حڪومت ٻن سالن کان سنڌ حڪومت خلاف جيڪوجارحاڻو رويو پئي رکيو آهي ان مان ائين پئي لڳو ته هُو ڪنهن به حوالي سان سنڌ حڪومت کي نه قبوليندا، جيستائين سنڌ ۾ پ پ پ جي حڪومت هوندي، ۽ ائين آهي به! وزيراعظم عمران خان جڏهن به قوم کي خطاب ڪيو يا ميڊيا سان ڳالهايو ته سندس اِها ئي شڪايت هوندي هئي ته سنڌ ۾ اسان جي حڪومت ناهي اتي اسان جا حڪم نٿا هلن! ائين ڄڻ کيس وفاقي حڪومت ڏيڻ وقت ڪو وڏو آسرو مليل هو ته سنڌ ۾ به اوهان جي حڪومت هوندي، جنهن تي عمل نه ٿي سگھيو هجي ۽ پنهنجي اهڙي ڪاوڙ جو اظهار سنڌ حڪومت خلاف مهم هلائي ڪري رهي آهي، هن ڪجھه وفاقي وزيرن کي ٽاسڪ ڏنو ته اُهي سنڌ حڪومت کي سوڙهو ڪرڻ ۾ ڪابه ڪسر نه ڇڏين ۽ انهن ڪابه ڪسر نه ڇڏي.
خير! لاڳيتو ڌمڪائڻ، آئين مان مداخلت جا رستا ڳولڻ ڪڏهن گورنر راڄ ته وري ڪڏهن وفاقي حڪومت جي سڌي مداخلت جون ڳالهيون ڪيون پئي ويون، ايتري تائين جو سپريم ڪورٽ جو چيف جسٽس به اهڙا ريمارڪس ڏيڻ لڳو، ڄڻ باقي سموري پاڪستان ۾ سڀ ڪجھه ٺيڪ آهي سمورا صوبا بهترين ڪم ڪري رهيا آهن اتان جي روڊن کي کير سان ڌوتو وڃي ٿو، برسات جو پاڻي اتي بيهندو ئي ناهي، اتان جا روڊ رستا شيشا لڳا پيا آهن ! بس سموري خرابي سنڌ ۾ آهي ۽ وفاق کي مداخلت جو چيو وڃي ته اوهان ملڪ کي سنواري ڇڏيو، هاڻ سنڌ جي گادي واري هنڌ ڪراچي کي سنڀاليو ۽ سنواريو. ملڪ جي اعليٰ عدالت جي سربراھه جو اهڙو بيان سنڌين لاءِ ڪو سٺو پيغام ناهي. افسوس اهو آهي ته اڳيون چيف جسٽس ثاقب نثار ڪالا باغ ڊيم سميت سمورن تڪراري ڊيمن لاءِ سرگرم ٿي ويو ۽ فنڊ جوڙيائين ۽ موجوده چيف جسٽس وري ڪراچي جي حوالي سان به ريمارڪس پيو ڏئي جن تي ٻيو ته ٺهيو پر قانون سان لاڳاپيل ماڻهن کي به اعتراض آهي. اسين عدالت جو ۽ اعليٰ عدالت جي هن منصب جو احترام ڪيون ٿا پر! سنڌ تي جيڪڏهن وار ڪيو ويندو ته اُهو قبول نه ڪيو ويندو. سنڌ شهيد ڀٽي کي عدالت پاران ڏنل ڦاهي به قبول نه ڪيو آهي ۽ ان کي عدالتي قتل قرار ڏنو ۽ وقت ثابت به ڪيو آهي ته اهو فيصلو بيگناھه جو قتل هو.
سنڌ جي عوام جي ردعمل کان ته سڀ واقف آهن، جڏهن سنڌ جو عوام غلط کي غلط چوندو آهي ته ان کي ثابت به ڪري ڏيکاريندو آهي. ڪراچي بابت جيڪي نوان تجربا ڪيا پيا وڃن اُهي ساڳيا پراڻا خيال آهن. ايم ڪيو ايم هر حوالي سان نفرت واري سياست ۽ سنڌ دشمني واري سوچ تان هڪ انچ به نه هٽي آهي. پي ٽي آءِ به ان جو تسلسل آهي. ڪراچي ۾ رهندڙ ڌاري آبادي سمجھي ٿي ته اُهي پنهنجي ناجائز اڪثريت ظاهر ڪري سنڌ کان ڪراچي ڌار ڪرائي ويندا، اِها هنن جي خام خيالي آهي هُو به سمجھن ٿا ته اِهو ڪم ايڏو سولو ناهي! ان پروپيگنڊا جي آڙ ۾ اصل ۾ هنن کي ڪراچي اندر اختيار گھربل آهن ته جيئن پنهنجي وجود کي قائم رکڻ لاءِ ڪٿي نه ڪٿي ڪجهه نه ڪجھه حڪم هلائڻ جا موقعا ملي پون. پر اهي حڪم به خالي نه پر مال سان گڏ هجن. سو هاڻي بهانو نالن، گٽرن جو، درد ڪراچي جي عوام جو پر اصل ۾ پيٽ ۾ سور ئي ٻيو آهي ۽ سور ظاهر به ٿيو  16آگسٽ جي رات جيڪا گورنر هائوس ۾ گڏجاڻي ٿي اُها سڄي ڦاٽ کي ڦاڙي بيهي رهي.
ڪراچي بابت هڪ ايڊوائيزري ڪاميٽي ٺاهي وئي، جنهن ۾ سنڌ جو وڏو وزير، ٻه وزير، ايم ڪيو ايم ۽ پي ٽي آءِ سان واسطو رکندڙ 3 وفاقي وزير ۽ اين ڊي ايم اي جا نمائندا شامل هوندا. سنڌ حڪومت پنهنجا اختيار ڪاميٽي حوالي ڪندي ۽ اين ڊي ايم اي جي ڪم ۾ مداخلت نه ڪندي. معنيٰ ته انهن جي اڳواڻي، رهنمائي نه ڪندي، هُو پنهنجي مرضيءَ سان ڪم ڪندا. ڳالھه ايسيتائين ته ٺيڪ آهي ڪاميٽي جوڙي مسئلن کي ڏسجي ۽ حل ڪجي پر! هڪ صوبائي حڪومت هوندي اختيار ڪاميٽي کي ڏيڻ اِها ڪهڙي دانشمندي آهي؟ اصل ۾ دانشمندي اها آهي ته پ پ پ وارن به گوڏا کوڙي ورتا آهن ۽ وفاقي حڪومت سان ڊيل ڪري ورتي آهي. اِها ڊيل ڳجھي به رکي وئي آهي تنهن هوندي به ميڊيا کان ڳجھي نه رهي آهي. ڪراچي کي ڪاميٽي جي ذريعي هلائڻ جو مقصد سنڌ ۾ حڪومت کان محروم پي ٽي آءِ ۽ ايم ڪيو ايم کي ڪراچي جي سطح تائين اختيار ڏيڻ يا حڪومت ڏيڻ آهي. ڏسجي ته اِها به ڪراچي خلاف سازش جي ڪڙي آهي. پنهنجي رٿا کي مضبوط ڪرڻ لاءِ وفاق جي چال بازي آهي. هن ڪاميٽي ۾ حڪومتي ڌر جون صرف ٻه پارٽيون شامل آهن، جڏهن ته فنڪشنل ليگ سميت ٻين ڌرين کي نظرانداز ڪيو ويو آهي. ٿيڻ ته ائين گھرجي ها ته ڪراچي اندر ڪم ڪندڙ سمورين سياسي ڌرين کي ڪاميٽي ۾ شامل ڪيو وڃي ها، هي صرف پي ٽي آءِ، ايم ڪيو ايم، پ پ پ ۽ وفاقي اداري اين ڊي ايم اي جو اتحاد آهي .جيتوڻيڪ هن ڪاميٽي سان سنڌ حڪومت مٿان ڪجھه دٻاءُ گھٽيو ضرور هوندو پر! مٿي  ۾ سور وڌيڪ پوڻ جو خدشو آهي. ڪراچي جا مسئلا مستقل طور حل ٿيڻ جو هي حل ناهي نه وري حل به ٿي سگھن ٿا. وقتي طور ڪجھه مسئلا حل ڪيا ويندا پر اهو ڪم جٽادار نه هوندو. رڳو هر ڌر پنهنجي پنهنجي ڪم جي تعريف ڪندي رهندي.
ڏسجي ته سنڌ حڪومت پنهنجي پير تي پاڻ ڪهاڙو هنيو آهي. ڪهڙي ضرورت هئي ڊيل ڪرڻ جي؟ ڪراچي بابت سندن موقف سخت ۽ واضح هئڻ گھرجي ها. ڪراچي جي انهن ادارن کي فعال ڪرڻ ۽ اختيار ڏيڻ گھرجن ها جيڪي سنڌ حڪومت جي ماتحت آهن. ڪاميٽي جوڙڻ ۽ انهن کي اختيار ڏيڻ پ پ پ جي نااهلي ۽ شڪست آهي. جيڪا سنڌ جي حڪومت پنهنجي گادي واري هنڌ جا اختيار ڏئي هٿيار ڦٽا ٿي ڪري ته پوءِ ان مان ڪهڙي اُميد رکي سگھجي ٿي. ان کان بهتر آهي ته سنڌ حڪومت پاڻمرادو گھر هلي وڃي.

Bookmark the permalink.

Leave a Reply

Your email address will not be published. Required fields are marked *