Warning: session_start(): open(/var/cpanel/php/sessions/ea-php71/sess_0dbgau1ktnrsod6nqpegm6dfdp, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪراچي مسئلو ڇو بڻيل آهي؟ - Pahenji AkhbarPahenji Akhbar ڪراچي مسئلو ڇو بڻيل آهي؟ - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

ڪراچي مسئلو ڇو بڻيل آهي؟

ڪراچي جو مسئلو انهي ڪري حل ٿيندي نظر نه ٿو اچي جو ڪجهه ڌريون انهي کي سنڌ جي گادي جو هنڌ ذهني ۽ دلي طور قبول ڪرڻ لاءِ تيار ناهن،ڪراچي کي سدائين پنهنجي هٿ وس هيٺ رکڻ لاءِ ڪڏهن مذهبي جماعتن ته ڪڏهن لساني جماعتن پنهنجي وڳوڙي سياست جو شڪار ڪيو.اڄ به ڪجهه ڌريون مسئلن جي آڙ وٺي ان شهر کي سنڌ کان ڌار ڪرڻ يا ان کي وفاق جي ڪنٽرول ۾ ڏيڻ جي ڪوشش ڪري رهيون آهن. اها ڪوشش يا سازش اڄ جي ناهي پر پي ٽي آءِ جي هاڻوڪي وفاقي حڪومت اچڻ کانپوءِ انهن ڪوششن يا ان لاءِ بيانن ۾ تيزي اچي وئي آهي جو ويٺي ويٺي اهڙا بيان جاري ٿيندا رهن ٿا. ڪڏهن شهر ۾ لساني سياست ڪندڙ پارٽين جا اڳواڻ، ته ڪڏهن واپاري اڳواڻ، ته ڪڏهن وفاقي حڪومت جي چونڊيل ميمبرن ۽ گورنر جهڙي اهم عهدي تي ويٺل ماڻهو کان وٺي قانون جي وفاقي وزير تائين اهڙا بيان ڏئي ٿا ڇڏين ۽ ڪراچي کي وفاق جي ڪنٽرول ۾ ڏيڻ يا الڳ ڪرڻ جهڙي بدنيتي جو اظهار ڪيو وڃي ٿو. جنهن جي آڙ يا بهانو اهو ڪيو وڃي ٿو ته سنڌ حڪومت مڪمل ناڪام ٿي آهي.
جيڪي ڌريون اهڙي قسم جون ڳالهيون يا مطالبا ڪنديون رهن ٿيون ته کين اها ڳالهه ذهن نشين ڪرڻ گهرجي ته سنڌ حڪومت ۽ سنڌ ٻه الڳ الڳ شيون آهن، انتظامي مسئلن جي ڪري سنڌ جي وحت تي وار يا ڪراچي کي وفاق حوالي ڪرڻ جو سوچيندڙ يا ڳالهيون ڪندڙ احمقن جي جنت ۾ رهن ٿا ته سنڌ حڪومت جي خراب ڪارڪردگي جو جواز ڄاڻائي ڪراچي کي وفاق حوالي ڪرڻ واري ڳالهه سنڌ جي ماڻهن کان هضم ڪرائي وٺبي يا انهي تي مزاحمت نه ٿيندي. مڃون ٿا ته پ پ جي حڪومت جي خراب ڪارڪردگي جو ڪيتو سڄي سنڌ ڀوڳي رهي آهي ،ڪرپشن کان وٺي انتظامي نااهلي هر هنڌ نظر اچي رهي آهي،عوام پيئڻ جي پاڻي کان وٺي صحت ،تعليم ۽ ٻين بنيادي سهولتن کان محروم آهي انهي جو شڪار ته صوبي جي هر شهر جو ماڻهو آهي ته پوءِ مسئلن جي آڙ ۾ ڪراچي کي وفاق حوالي ڪرڻ جي ڳالهه يا مطالبو بدنيتي ناهي ته ٻيو ڇا آهي.اسان کي ته لڳي ٿو اها مهم خود پ پ حڪومت لاءِ فائديمند ٿي رهي آهي جو ان جي آڙ ۾ پ پ حڪومت جي خراب ڪارڪردگي کي ڍڪ ملي رهيو آهي جيڪي ماڻهو پ پ حڪومت جي ڪارڪردگي کان ناراض آهن اهي به ڪراچي کي الڳ ڪرڻ يا وفاق حوالي ٿيڻ جي ڳالهه ٻڌي پ پ حڪومت جي بيڊ گورننس تي ڳالهائڻ کان پاسو ڪن ٿا. ڇا اهي مسئلا رڳو ڪراچي تائين محدود آهن ملڪ جا ٻيا شهر انهن انتظامي مسئلن کان پاڪ آهن ؟ هتي به انتظامي نااهلي ۽ خراب حڪمراني سبب ماڻهو مصيبت ۾ ورتل آهن هڪڙا پاسا ٻوڏ ۾ ٻڏي رهيا آهن ته ٻئي پاسي وارا پاڻي کوٽ سبب سڪي رهيا آهن پر انهي جو اهو مطلب هرگز ڪونهي ته پنهنجي ماضي جي منشا کي پورو ڪرڻ لاءِ انهي انتظامي مسئلن جي آڙ وٺي هڪڙي صوبي جي وحدت سان هٿ چراند ڪئي وڃي.وفاق جي ننڍن صوبن سان نارروا سلوڪ سبب اڳ ئي وفاق ۽ ننڍن صوبن ۾ هڪڙيون بدگمانيون پيدا ٿيل آهن جنهن ڪري ناڻي ورڇ کان وٺي پاڻي جي ورڇ تائين کوڙ مسئلا بحث هيٺ آهن،پاڪستان هڪڙي فيڊريشن آهي جنهن کي هڪڙي آئين تحت هلايو پيو وڃي جنهن ۾ وفاق ۽ صوبن جا اختيار ۽ حدون واضح نموني درج آهن جيڪڏهن ڪير پنهنجي مخصوص مفادن خاطر اهي حدون لتاڙڻ جي ڪوشش ڪري ٿو ته اهو ڪنهن به ريت وفاق جو خيرخواهه ناهي. سنڌ اهو صوبو آهي جنهن هن ملڪ جي ٺهڻ ۾ اهم ڪردار ادا ڪيو، اڄ هن ملڪ جي آزادي جي ڏينهن آهي جنهن جي ٺهڻ لاءِ سنڌ اسيمبلي انهي ڪراچي شهر ۾ ئي قرارداد پاس ڪئي هئي پر اڄ ڪجهه مت جا موڙهيا انهي ڪراچي تي ئي حملو ڪرڻ جون وفاقي حڪومت کي صلاحون ڏئي رهيا آهن. اسان سمجهون ٿا ته وفاقي حڪومت کي ڀلي کڻي پ پ جي حڪومت جي ڪارڪردگي کان شڪايتون هجن انهن جا سياسي اختلاف هجن پر پ پ حڪومت ۽ سنڌ کي ساڳي ڳالهه نه سمجهڻ گهرجي ڇو ته سنڌ هڪ وحدت جو نالو آهي ۽ ڪراچي ان جي گادي جو هنڌ آهي انهي تي حملي جي ڪوشش يا ان کي وفاق جي ذريعي هلائڻ جي ڪوشش سنڌ جا ماڻهو ڪنهن به ريت قبول نه ڪندا.

Bookmark the permalink.

Leave a Reply

Your email address will not be published. Required fields are marked *