Warning: session_start(): open(/var/cpanel/php/sessions/ea-php71/sess_nkvjffnd65uc8r9iii6hecqh96, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪراچي ۾ برسات ۽ نفسياتي جنگ - Pahenji AkhbarPahenji Akhbar ڪراچي ۾ برسات ۽ نفسياتي جنگ - Pahenji Akhbar
تازا ترين
  • • اسلام آباد: آشيانه هائوسنگ اسڪيم ڪيس جي ٻڌڻي *اسلام آباد: بسم الله انجنيئرنگ اصل ۾ پيراگان هائوسنگ جي ڊمي آهي: نيب پراسڪيوٽر *پيراگان رقم بسم الله انجنيئرنگ جي اڪائونٽ ۾ منتقل ڪئي: نيب پراسڪيوٽر *آشيانه هائوسنگ معاهدي کان اڳ احمد چيما ۽ ان جي عزيزن جي نالي زمين ٽرانسفر ٿي*
  • *چيف سيڪريٽري سنڌ سان پاڪستان ڪسٽمز سروس جي تربيت وٺندڙ آفيسرن جي ملاقات *ملاقات ۾ ڪسٽم آفيسرن کي ٿرڪول، امن امان ۽ ترقياتي منصوبن بابت بريفنگ* ٿرڪول بلاڪ 6 ملڪ جي توانائي منصوبن کي پورو ڪرڻ ۾ انتھائي اھم آهي *بلاڪ 6 ۾ موجود ڪوئلي کي گئس، يوريا ۽ مائع ڊيزل ۾ تبديل ڪيو ويندو: ممتاز شاهه *ڪراچي ۾ امن جي بحالي کان پوءِ انفراسٽرڪچر تي ڪم ڪري رھيا آھيون: چيف سيڪريٽري*
  • *اسلام آباد: نيب چيئرمي جسٽس (ر ) جاويد اقبال جي صدارت هيٺ اعليٰ سطحي اجلاس *اجلاس ۾ نيب جي ڪارڪردگي جو جائزو ورتو ويو ۽ ان تي اطمينان جو اظهار ڪيو ويو *نيب سياسي اثر رسوخ کان بالاتر ٿي احتساب جي عمل کي جاري رکيو: نيب چيئرمين*گذريل ٻن سالن دوران 363 ارب رپيا وصول ڪري قومي ناڻي ۾ جمع ڪرايا: نيب چيئرمين*
  • *ليفٽيننٽ جنرل ماجد احسان انسپيڪٽر جنرل آرمس ۽ ليفٽيننٽ جنرل سيد محمد عدنان انسپيڪٽر جنرل ٽريننگ اينڊ ايووليوئيشن مقرر *ليفٽيننٽ جنرل حسن اظهر حيات ملٽري سيڪريٽري ۽ ليفٽيننٽ جنرل آصف غفور انسپيڪٽر جنرل ڪميونيڪيشن اينڊ آءِ ٽي مقرر*
  • *اڪري چودڳي: سرڪاري پلاٽن تان قبضا ختم ڪرائڻ لاءِ پيروسڻ شهر ۾ آپريشن شروع *ڪرين ذريعي علي بحر واھه جي ڪپن تان 200 کان وڌيڪ دڪانن کي ڊاهڻ جو ڪم جاري*
  • *نوشهروفيروز: ٺاروشاھه ۾ نافرمان پٽ پيرسن پيءُ کي قتل ڪري ڇڏيو *جوابدار محراب ڪھاڻين جا وار ڪري پيرسن پيءُ غلام علي سولنگي کي قتل ڪيو *پئسا نه ڏيڻ تان جوابدار پيرسن پيءُ کي قتل ڪيو، جوابدار کي گرفتار ڪيو آهي: پوليس*
  • *اسلام آباد: پاڪ فوج ۾ 6 ميجر جنرلز کي ليفٽيننٽ جنرل جي عهدي تي ترقيون *ميجر جنرل اختر نواز ۽ ميجر جنرل سردار حسن اظهر حيات کي ليفٽيننٽ جنرل طور ترقي *ترقي ماڻيندڙن ۾ ميجر جنرل آصف غفور ۽ ميجر جنرل سليمان فياض غني شامل *ميجر جنرل سرفراز علي ۽ ميجر جنرل محمد علي کي به ليفٽيننٽ جنرل جي عهدي تر قي*
  • *اسلام آباد: احتساب عدالت ۾ اڳوڻي وزير اعظم راجا پرويز اشرف ۽ ٻين خلاف رينٽل پاور ريفرنس *راجا پرويز اشرف جي اڄ حاضري کان ڇوٽ واري اپيل عدالت منظور ڪري ورتي *نيب پاران پنجين شاهد يوسف جو بيان قلمبند ڪيو ويوآهي: آگاهي*
  • *شڪارپور جي ڳوٺ ڏاتو خان جعفري ۾ پاڻي واري تان تان جهيڙو، 6ڄڻا زخمي، لاڙڪاڻي منتقل *زخمين ۾ پھلوان جعفري، وڪيل، صفدر، گل شير، محمد حسن ۽ شھمير شامل*
  • *ملتان: اسٽيڊيم قلعي قاسم باغ ۾ سياسي اڳواڻن ۽ ڪارڪنن تالا ٽوڙڻ تي ڪيس داخل *جاويد صديقي، شيخ طارق رشيد، عبدالوحيد آرائين سميت 30 ماڻهن خلاف ڪيس داخل*
  • *ڪراچي جي مختلف علائقن ۾ رات کان وقفي وقفي سان برسات جو سلسلو جاري *صدر، لياقت آباد، لياري،ملير، قائد آباد، گلستان جوهر ۽ ٻين علائقن ۾برسات *برسات کانپوءِ ٿڌ وڌي وئي، شهرين جو گرم ڪپڙن جي دڪانن ڏانهن رخ*
  • *گمبٽ: نئون ڳوٺ پٺاڻو ڀرسان فيض بحر واهه کي 15فوٽ گهارو پئجي ويو *گهاري سبب فصل ۽ گهر پاڻي هيٺ اچي ويا، ڳوٺاڻا گهرن مان سامان ڪڍڻ تي مجبور *آبپاشي عملدار اطلاع ڏيڻ باوجود گهاري واري هنڌ ناهن پهتا: ڳوٺاڻا*
  • *پ پ جو سينيئر اڳواڻ ۽ اڳوڻو وفاقي وزير چوڌري احمد مختار لاڏاڻو ڪري ويو *احمد مختار ڊگهي عرصي کان بيمار هو، لاهور جي اسپتال ۾ ساهه جي تند ٽٽي پئي*
  • *سينيئر سياستدان ۽ اڳوڻو ايم اين اي جادم مڱريو ڪورونا وگهي لاڏاڻو ڪري ويو*
  • *ڦل ڀرسان ڳوٺ مٺل وڳڻ وٽ هڪ ڪار روڊ کان هيٺ ڪري پئي *ڪار گذريل رات دير سان ڪري آهي، اسان جي نظر هاڻي پئي آهي: ڳوٺاڻا *حادثي سبب جاني نقصان جو خدشو، پوليس کي اطلاع ڏنو ويو *

ڪراچي ۾ برسات ۽ نفسياتي جنگ

ڪراچي جو ڪچرو هجي يا گندي پاڻي جي نيڪالي، پيئڻ جي پاڻي جي فراهمي هجي يا برسات، اڄڪلهه اليڪٽرانڪ ۽ سوشل ميڊيا تي سنڌ خلاف نفسياتي جنگ زور شور سان جاري آهي. شهري ٻوڏ کي منهن ڏيڻ لاءِ وزيراعظم سول انتظاميا جي مدد لاءِ فوج جي مدد گهرائي هئي جنهن تحت NDMA برساتي نئين ۽ نالن جي صفائي لاءِ FWO کي ذميواري سونپي جنهن سنڌ سرڪار جي سهڪار سان 38 مان ٽن نالن جي جزوي صفائي ڪئي آهي. سومر 27 جولاءِ کان لڳاتار مينهن سبب ڪجهه علائقن ۾ 86 سينٽي ميٽر برسات ڪري شهر جا رستا ٻڏي ويا هئا، گهرن ۾ پاڻي داخل ٿي ويو هو ۽ 5 ماڻهو بجلي جي ڪرنٽ، کنوڻ ۽ ٻڏڻ سبب مري ويا هئا. NDMA جي چيئرمين ڪراچي ۾ گڏجاڻين ۽ نالن جي معائني بعد چيو هو ته نالن ۽ نئين تي قبضا ٿي چڪا آهن جنهن کي خالي ڪرائڻ لاءِ سڀني ڌرين کي ويهي ڪو متفقه فيصلو ڪرڻو پوندو.
ڪراچي دنيا جي ڏهن وڏن شهرن جي لسٽ ۾ شامل آهي جنهنجي آبادي ٻن ڪروڙن ۽ ايراضي 4 هزار چورس ڪلو ميٽرن جي لڳ ڀڳ آهي. هتي روزانو 16 هزار ٽن ڪچرو پيدا ٿي رهيو آهي جنهنکي ڪنهن هنڌ دفن ڪرڻ لاءِ زمين يا ريسائيڪل ڪرڻ لاءِ گهربل مشينون ناهن. ڪنهن وقت دنيا جو صاف ترين سنڌ جي گادي جو شهر هاڻي دنيا جي 15 گندن شهرن دهلي، ممبئي، ڍاڪا، ميڪسيڪو سٽي، الماٽي سان گڏ ڪراچي به شامل آهي. دنيا جا صاف ترين شهر سنگاپور، هانگ ڪانگ، سيول، نيو يارڪ، لنڊن، پئرس گهڻو ڪري هڪ ڪروڙ کان گهٽ آبادي جا شهر آهن. هونئن ته جڏهن به گند ڪچري، برساتي ٻوڏ جي ڳالهه ٿيندي آهي تڏهن ذميوار سائين سرڪار کي سڏيو ويندو آهي حالانڪه ڪراچي جي شهري سهوليتن جي ذميواري ڪي ايم سي، ڇهن ڪينٽونمينٽ بورڊز ۽ ضلعي ڪائونسل تي به آهي. ڪراچي، ڪلفٽن، ملير، فيصل، منهوڙو، ڪورنگي ڪريڪ تي مشتمل ڇهه ڪينٽونمينٽ بورڊ آهن ۽ جي ماڙيپور، فيصل ايئربيس ۽ ڪراچي سامونڊي ۽ سول ايئرپورٽن، پورٽ قاسم، ڪي پي ٽي، ريلوي، اسٽيل ملز، مشين ٽول فيڪٽري، ڪارساز ۽ نيول اسٽيبلشمينٽ کي شامل ڪبو ته اندازن 70سيڪڙو زمين وفاقي ادارن جي انتظام هيٺ آهي. انکان سواءِ ڪي ايم سي جي هيٺان 6 زونل ميونسپل ۽ 158 يونين ڪائونسلون به آهن جن جومک ڪم ميونسپل سروسز جي فراهمي آهي جن۾ صفائي سٿرائي به شامل آهي.
پر ميڊيا ڪمال خوبصورتي سان سڄي ذميواري سنڌ سرڪار مٿان وجهي بار بار انکي سائين سرڪار سڏي نه فقط سنڌين جو مذاق بڻائي رهي آهي پر ڪراچي بابت ڀانت ڀانت جا اهڙا ته خوفناڪ تبصرا ڪري رهي آهي ڄڻ ته ڪراچي جو وجود انسانن، تاريخ ۽ جاگرافي کان ڪٽيل ڪنهن ڪاغذ تي پاتل ليڪن جو ڳيجهو هجي جنهنکي “ادهر سي ادهر ڪرني مين” ڪا ڪشميري ليڪ ئي ڪافي آهي.
خميس 6 آگسٽ کا ن شروع ٿيندڙ نئين برساتي سلسلي ڪري ٻن ڏينهن ۾ ساڳي برسات وسي آهي، بجلي جي ڪرنٽ ڪري 7 ماڻهو اجل جو شڪار ٿيا آهن پر ميڊيا جو اهو شور ناهي جيڪو پهريائين هو. ڇوته هن ڀيري NDMA ۽ FWO جو نالو به ذميوارن ۾ شامل ٿي ويندو، جيڪا کين کڻن جي اجازت ناهي.حالانڪه پهريان به وفاقي وزير علي زيدي جي قيادت ۾ FWO ڪجهه نالن جي “فوٽو صفائي ”ڪرائي هئي پر انجو به ڪو کڙتيل نه نڪتو هو. سوشل ميڊيا رپورٽن ۾ ٻڌايو ويو آهي ته هيٺاهين علائقن ۾ پاڻي بدستور بيٺو رهيو ۽ گرين لائين جا ٿنبا نالن ۾ کپڻ سبب به برساتي پاڻي جي نيڪال ۾ مسئلو پئدا ٿيو. ان بعد واٽس ائپ تي آئين جي آرٽيڪل 149 جي حوالي سان انجي خود مطلبي تشريح ڪري ايئن افواهه ڦهلايو ويو ڄڻ ته اجهو ٿو سڀني سنڌين کي اندر ڪري، سول انتظاميا معطل ڪري سنڌ ۾ ايمرجنسي هڻي سر ريڊڪلف جي لڪير سان نقشي کي ڪيڪ جيان ڪٽي، سنڌ جي سسي ڌڙ کان ڌار ڪري اسلام آباد جي ايوانن ۾ پيش ڪئي ويندي وغيره . حيرت جي ڳالهه آهي ته ڪراچي مان نڪرندڙ هڪ سنڌي اخبار بنا ڪنهن سوچ ۽ ويچار جي انکي ليڊ اسٽوري ڏئي پڙهندڙن جون متيون منجهائي ڇڏيون آهن. ڪن چيو ته اها چين جي رٿا آهي جيئن ڪو وقت اڳي اهي فرضي تجزيا ڪرايا ويندا هئا ته 1997 ع کانپوءِ هانگ ڪنگ چين جي حوالي ٿيڻ بعد ڪراچي برطانيا کي آزاد بندر طور گهربل آهي. ايئن پروپئگينڊا جي مشين ڪو به موقعو هٿ مان وڃائڻ نٿي چاهي ۽ افسوس جي ڳالهه اها آهي ته اسين پاڻ به بنا سوچ ويچار جي انکي ڦهلائي پنهنجي اندر مايوسي پئدا ڪري سندن ڪم ۾ سهولتڪار بنجون ٿا.
اچو ڏسون ته آئين جو آرٽيڪل 149 ڇاٿو چوي.
آرٽيڪل149:- ڪجهه ڪيسن ۾ صوبن کي هدايتون ڏيڻ بابت.
(1) ڪنهن به صوبي جا انتظامي اختيار اهڙي نموني هلايا وڃن جيئن وفاق جي انتظامي اختيارن ۾ ڪا رڪاوٽ نه پئجي سگهي ۽ وفاق جي انتظامي اختياري ڪنهن صوبي کي اهڙيون هدايتون ڏئي سگهي ٿي جيڪي وفاقي سرڪار ان مقصد لاءِ ضروري سمجهي. (2)هي شق ارڙهين ترميم تحت 2010ع ۾ ختم ڪئي وئي. (3) وفاق جي انتظامي اختياري ڪنهن صوبي کي قومي يا اسٽريٽيجڪ مقصد لاءِ طئي ٿيل مواصلات جي ذريعن کي اڏڻ توڙي قائم رکڻ لاءِ به هدايتون ڏئي سگهي ٿي. (4) پاڪستان يا انجي ڪنهن حصي ۾ امن، هم آهنگي يا معاشي زندگي کي لاحق شديد خطري کي منهن ڏيڻ لاءِ وفاقي انتظامي اختياري ڪنهن صوبي کي ان مقصد لاءِ هدايتون ڏئي سگهي ٿي.
سنڌ جي وزيراعليٰ مراد علي شاه صحافين پاران پڇيل سوالن جي جواب ۾ ڪجهه ڏينهن اڳ چيو هو ته، “نابالغ سياسي يتيم آئين جي آرٽيڪل 149 تحت ڪراچي وفاق جي ڪنٽرول ۾ ڏيڻ جي ڳالهه ڪري رهيا آهن جيڪو ڪنهن به صورت ۾ ممڪن ناهي.اهو گرم هوا جو بلبلو آهي جيڪو جلد ڦاٽي ويندو ۽ هن ميڊيا کي صلاح ڏني ته هو سياسي نابالغن جي ان شوشي تي ڌيان نه ڏين.”
آئيني ماهرن جو چوڻ آهي ته آئين موجب پاڪستان جي ڪنهن به صوبي جي ڪو گادي جو شهر ته پري رهيو پر ڪا ديھه به ان صوبي جي اسيمبلي جي 2/3 اڪثريت جي مرضي کان سواءِ ان کان الڳ ڪري نٿي سگهجي. قانوني ماهرن جو چوڻ آهي ته آرٽيڪل 149 تحت ڪنهن به صورت۾ وفاقي حڪومت صوبائي حڪومت جي انتظامي اختيارن ۾ مداخلت نٿي ڪري سگهي ۽ فقط انهن معاملن بابت صوبائي سرڪار کي هدايتون ڏئي سگهي ٿي جيڪي وفاق جي ماتحت ۽ انجي اختيار ۾ آهن. انڪري149 هڪ اهڙو آرٽيڪل آهي جنهن سان گهٽ ۾ گهٽ فقط پنهنجن معاملن ۾ مدد لاءِ وفاقي سرڪار صوبائي سرڪار کي گذارش ڪري سگهي ٿي ۽ ان تي عمل به صوبائي سرڪار کي ئي ڪرڻو آهي. انڪري ان آرٽيڪل تحت صوبائي خودمختياري کي ٽوڙڻ ممڪن ناهي. ان آرٽيڪل کي استعمال ڪرڻ بابت قانون جي ايم ڪيو ايمي وزير هڪ سال اڳ به رٿ ڏني هئي ته ان تحت ڪراچي کي وفاق جي ڪنٽرول ۾ ڏئي سگهجي ٿو. جنهن تي سندس بار ڪائونسل جي ميمبرشپ معطل ٿيڻ بعد هن معافي ورتي هئي.
ڪراچي جو مسئلو جيڪو گذريل ٽيهن سالن دوران بي پناهه آبادي وڌڻ ، خراب گورننس ۽ قبضه گير مافيا کي کلي ڇوٽ ڏيڻ سبب وڌيڪ ڳنڀير ٿيو آهي جن پارڪن، روڊن، رستن، خالي پلاٽن ، ريلوي بندن، نئين ۽ نالن تي قبضا ڪري شهر کي ڪنڪريٽ جو جهنگ بڻائي ڇڏيو آهي تنهن کي سنجيدگي سان حل ڪرڻ جي ضرورت آهي.سنڌ سرڪار کي گهرجي ته سول سوسائٽي جي هيٺين تجويزن تي سوچ ويچار ڪري انتي مناسب نموني عمل ڪيو وڃي؛
سنڌ سرڪار کي پنهنجي گورننس ۾ بهتري آڻڻ گهرجي ۽ انکي وڌيڪ شفاف بنائڻ گهرجي. مقرريون نيلام ڪرڻ بجاءِ اهليت جي بنياد تي ڪيون وڃن. تازو دل جي اسپتال، روڊن جي تعمير، ڪورونا وبا کي منهن ڏيڻ، امن امان جي معاملن ، سنڌ روينيو بورڊ جي وصولي ۾ بهتر ڪارڪردگي جي سنڌ کان ٻاهر به تعريف ٿي آهي . ٻيهر چونڊجڻ لاءِ ٻين جزن سان گڏ گورننس ئي بهترين ضمانت آهي.
سنڌ سرڪار ميونسپل سروسز جهڙوڪ پيئڻ جو پاڻي، گند گڏ ڪرڻ، صفائي، گندي پاڻي جو نيڪال وغيره جون ذميواريون ميونسپل ادارن حوالي ڪري کين ملندڙ فنڊز بابت شفاف نموني عوام کي آگاهه ڪري ۽ انهن جي آڊٽ ڪرائي. انهن ادارن مان غير حاضر عملي کي قانون موجب نيڪالي ڏئي.
ڪراچي شهر مان غيرقانوني پرڏيهين کي نيڪالي ڏني وڃي.
ٻين صوبن مان ايندڙ ماڻهن تي آئين موجب ضابطوآندو وڃي.
شهر کي وڌيڪ ضلعن ۾ ورهايو وڃي.
اختيار KMC کان ZMCs ۽ ZMCs کان يونين ڪائونسل تائين پهچايا وڃن.
پارڪن، ريلوي بندن، نالن تان غير قانوني قبضا ختم ڪرايا وڃن.
ڪنهن انفرا اسٽرڪچر ٺهڻ تائين ڪنهن به گهڻ ماڙ عمارت جي تعمير روڪي وڃي.
بلڊنگ ڪنٽرول اٿارٽي کي مها راشي آفيسرن کان پاڪ ڪيو وڃي جيڪي پئسا وٺي ريلوي بندن ۽ نالن مٿان اڏيل عمارتن جي ليز به بنا ڪنهن سوچ ويچار جي ڪري ڇڏين ٿا.
بحريه ٽائون جي غير قانوني اڏاوتن مان سپريم ڪورٽ کي ملندڙ اٽڪل 5 کرب رپيا وصول ڪري متاثر ٿيل ڳوٺن جي بحالي، آبادڪاري ۽ فلاح تي خرچ ڪيا وڃن.
سرڪاري زمينن، پلاٽن جي قانون تحت، شفاف نموني نيلام وسيلي مارڪيٽ اگهه تي الاٽمينٽ ڪئي وڃي. هزارين ايڪڙ زمين ڪنهن هڪ گروپ کي ڏيڻ جي پاليسي بند ڪئي وڃي.
سنڌ جي وجود لاءِ ضروري آهي ته اسيمبلي اسٽريٽ جي آواز کي ٻڌي، سمجهي ۽ انتي عمل ڪري. ڪالاباغ ڊيم ۽ ٻين جدوجهدن جي ڪاميابي اسانکي اهو ئي سيکاريو آهي ته اسٽريٽ ۽ اسيمبلي جي هم آهنگي ۾ ئي سنڌ جي ڀلائي آهي.

Bookmark the permalink.

One Response to ڪراچي ۾ برسات ۽ نفسياتي جنگ

Leave a Reply

Your email address will not be published. Required fields are marked *