Warning: session_start(): open(/var/cpanel/php/sessions/ea-php71/sess_hg5qrp9clcrmb82v0e24imhv7u, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪرلائيندڙ ڪونجون، مسنگ پرسنز جون مائرون - Pahenji AkhbarPahenji Akhbar ڪرلائيندڙ ڪونجون، مسنگ پرسنز جون مائرون - Pahenji Akhbar
تازا ترين
  • ام رباب چانڊيو جي ٽن گهرڀاتين جي قتل ۾ملوث هڪ روپوش جوابدار ذوالفقار چانڊيو گرفتار *
  • *سڳيون ۾ انتظاميه پاران کرل مائينر جي ڪپرن تان قبضا ختم ڪرائڻ لاءِ آپريشن، ڪيترائي دڪان ڊاهي پٽ *انتظاميه ڳري مشينري جي مدد سان ڪيترائي دڪان ڊاهي پٽ ڪري ڇڏيا *انتظاميه پاران کرل مائينر جي کپرن تي ٺاهيل گهر خالي ڪرڻ لاءِ رهواسين کي 3 ڏينهن جي مهلت*
  • *شھدادپور جي عدالت پاران رمانڊ لاءِ پيش ڪيل جوابدار کي ماسڪ ۽ سوئيٽر پارائي پيش ڪرڻ جي هدايت *سرهاڙي پوليس ڪچي شراب جي الزام هيٺ گرفتار علي اڪبر مگسي کي عدالت ۾ پيش ڪيو *عدالت پاران جوابدار کي ماسڪ ۽ سوئيٽر پارائي پيش ڪرڻ جي هدايت *جوابدار ماسڪ ۽ سوئيٽر پارائڻ بعد ٻيهر پيش، عدالت کيس جوڊيشل رمانڊ تي جيل حوالي ڪري ڇڏيو*
  • *شڪارپور: دهشتگردي ٽوڙ عدالت پاران پوليس تي حملي ڪيس ۾6 جوابدارن کي 10،10 سال قيد جي سزا *عدالت مير ھزار، ابرار، اسرار، سرور، ھزارو۽ عزيز جکراڻي کي سزا ٻڌائي وئي *جوابدارن هڪ سال اڳ جيڪب آباد ويجهو پوليس تي حملو ڪري سرڪاري رائيفل ڦر ڪئي هئي*
  • *لاڙڪاڻي ۾ شھيدِ اسلام ڪانفرنس جون تياريون مڪمل، جي يو آءِ اڳواڻن ۽ڪارڪنن جي آمد جو سلسلو جاري *ميونسپل اسٽيڊيم ۾ داخلي رستن تي واڪ ٿرو گيٽ لڳايا ويا، سيڪيورٽي لاءِ پوليس نفري مقرر *شهيد اسلام ڪانفرنس کي جي يو آءِ سربراهه مولانا فضل الرحمان ۽ ٻيا اڳواڻ خطاب ڪندا*
  • *ڪوٽڙي: سي آءِ اي ڄامشورو پوليس جي ڪارروائي، منشيات ٺاهڻ ۾ استعال ٿيندڙ سامان جون 110 ٻوريون هٿ *ٻولھاڙي روڊ تي عبدالغفار چانگ کي گرفتار ڪري منشيات ٺاهڻ ۾ استعمال ٿيندڙ سامان جون 110 ٻوريون هٿ ڪيون: پوليس *ضلعي اندر منشيات فروشن کي منشيات ھلائڻ نه ڏينداسين. ايس ايس پي ڄامشورو*
  • *دڙو: ڪانڌڙا اسٽاپ وٽ محمودي رائيس مل کي بجلي جي شارٽ سرڪٽ سبب باهه وڪوڙي ورتو *باهه سبب لکين روپين جون ساريون سڙي ويون: رائيس مل ملڪ*
  • *پي ٽي آءِ قيادت ناراض ايم پي اي شهريار شر کي پرچائڻ لاءِ سڀاڻي ڏهرڪي پهچندي *وفاقي وزير شبلي فراز، اسد عمر، فردوس شميم، حليم عادل ۽ ٻيا اڳواڻ ڏهرڪي پهچندا *پارٽي قيادت سڀاڻي ملاقات لاءِ پهچندي، ڪجهه معاملا آهن جيڪي حل ڪيا ويندا: شهريار شر *ڏهرڪي: پ پ اڳواڻن پاران ايم پي اي شهريار شر سان پارٽي ۾ شموليت ڪرائڻ بابت ڳالهيون هلندڙ: ذريعا*
  • *دادو ۾ ٻن شادي شده عورتن پاران ڌار ڌار زهريلي دوا پي آپگهات جي ڪوشش، اسپتال داخل *دادو شهر جي رهواسڻ نظيران سولنگي ۽ پَٽُ گل محمد واسڻ صدوري پنهور کي اسپتال منتقل ڪيو ويو*
  • *عادلپور ويجهو 10 ايڪڙن تي بيٺل ڪمند کي باهه *ڳوٺ غلام علي ڪلوڙ ويجهو ڪمند جي فصل کي اوچتو باهه وڪوڙي ورتو *ڪنهن سان به دشمني ناهي، باهه لڳڻ سبب لکين روپين جو ڪمند سڙي ويو: عبدالجبار ڪلوڙ*
  • *ٽنڊي غلام حيدر ويجهو شادي شده عورت پاران مبينا ڦاهو کائي آپگهات *ڳوٺ علي اڪبر چانگ واسڻ 38ورهين جي پٺاڻي زال جمعون گهر اندر مبينا ڦاهو کائي ڇڏيو*
  • *تنگواڻي ۾ رولو ڪتن نينگري ۽ ٻن عورتن سميت 8 ڄڻن کي ڏاڙهي زخمي ڪري ڇڏيو *رازل خاتون لاشاري، صاحب خاتون، سنڌو ملڪ، قائم جعفري، گل حسن نندواڻي ۽ ٻيا زخمي اسپتال منتقل*
  • *ٺل: ڳوٺ عبدالعنبي لاشاري ۾ نينگر پاڻي جي تلاءَ ۾ ٻڏي فوت *امتياز علي راند کيڏندي پاڻي جي تلاءَ ۾ ڪِري ٻڏي فوت ٿي ويو، گهر ۾ ڪهرام*
  • *سنڌڙي ويجهو ڪارنهن الزام هيٺ قتل ٿيل فهميده شر مامرو *ميرپورخاص جي عدالت پاران جوابدار ڄاڻايل ڪريم بخش شر جي عبوري ضمانت ۾ 30 نومبر تائين واڌ*
  • *سپريم ڪورٽ ۾ جيڪب آباد جي اسڪول ۾ ڪرپشن ڪيس ۾ جوابدار جي اپيل تي ٻڌڻي *عدالت جوابدار آزاد علي جي 5-5 لک رپين جي گارنٽيز سان ضمانت منظور ڪري ورتي *جوابدار تي 34 لک رپيا ڪرپشن ڪرڻ جو الزام آهي: جوابدار جو وڪيل*

ڪرلائيندڙ ڪونجون، مسنگ پرسنز جون مائرون

هاڻي جڏھن سانوڻ نئين گرج سان گڙڻ شروع ڪيو  آھي، جڏھن ڀٽ ڀٽ تي  ٿوهرن ولڙين کي ڳولڻ شروع ڪيو آھي  ۽ ڪوئلون ڪنهن  گم ڪيل ڪارڪن جي ماءُ جيان دانهين دانهين ٿڪي وڻن تي ننڊ پيون آھن، جڏھن ڪارونجهر جي ڪور تي ڪڪر ڪنهن ڪاري پرچم جيان لهرائي رهيا آھن ته ان ويلي سنڌ جي گم ڪيل ڪارڪنن جون مائون سندن ٻچڙن جي موٽي اچڻ لاءِ ٻاڏائي رهيون آھن.جيتوڻيڪ ڪنهن ماءُ لاءِ سندس ٻچي جي هڪ پل جي جدائي به سالن برابر هوندي آھي ليڪن  هتي ڪيترائي اهڙا نوجوان آھن جن کي گم ٿيندي سالن جا سال ٿيا آھن انهن جي اڃان تائين ڪا به خبر ن آھي ته هو ڪٿي آھن ۽ڪهڙن حالن ۾ آھن، زنده به آھن يا مري چڪا آھن. ڪڏھن ڪڏھن ڪي خوشنصيب نوجوان سالن جا سال ڀيانڪ تنهائين جو قيد ڪاٽي پوڙھائپ ۾ تڏھن موٽايا ويندا آھن جڏھن انهن جون مائرون انهن لاءِ  روئي روئي انهن گهرن جي اڱڻن مان هميشھ موڪلائي وڃي قبر جي هنجھه ۾  سمهي چڪيون هونديون آھن ۽ انهن گهرن ڳوٺن يا وري شھرن جا اڳوڻا نقشا ئي بدلجي چڪا هوندا آھن. سنڌ ۾  قومي ڪارڪنن جي کنڀجڻ جا واقعا جنرل ضيا جي مارشلا جي ڏينهن ۾ شروع ٿيا. جنرل ضيا جي مارشلا  ۾ ذوالفقارعلي جي ڦاسي کان پوءِ  عوام ۾ جيڪو شديد ردعمل سامهون آيو ان کي دٻائڻ خاطر نه فقط قومي ڪارڪنن ليڪن عام ماڻھو کي هيسائڻ خاطر ڳلي ڳلي ، چوڪ چوڪ ۽شهر شهر ۾ فوج چرپر ڪندي نظر ايندي هئي. ان زماني ۾  سنڌ جي يونيورسٽين توڙي ڪاليجن ۾ شاگردن جي سياسي چرپر تي مڪمل پاپندي هوندي هئي، جيڪڏھن ڪنهن شاگرد اڳواڻ ڪنهن ميڙاڪي يا درسي پروگرام ۾ سنڌ جي  ڳالھه ٿي ڪئي ته مٿس نه فقط بغاوت جوڪيس ٿي داخل ٿيو ليڪن قيد ۽ ڪوڙن جون سخت سزائون به ڏنيون ٿي ويون. ٽوڙي ڦاٽڪ ۽ پنهل خان چانڊيو ڳوٺ جا واقعا ضيا جي بدترين مارشلا جا وڏا سانحا آھن.
 ان دوران جيئي سنڌ تحريڪ جنهن جو انهن بدترين ۽ مشڪل حالتن ۾ هڪ وڏو اڀار اڀري رهيو هو ان کي ڪچلڻ لاءِ قومي ڪارڪنن کي ريسيٽيڪيٽ ڪرڻ تعليمي ادارن مان نيڪالي ڏيڻ ،بغاوت جي نالي ۾ مٿن ڪيس داخل ڪري سخت سزائون ڏيڻ ۽ کنڀي گم ڪرڻ جهڙيون حرڪتون  شروع ڪيون ويون.   انهن ئي ڏينهن دوران 80 کان پوءِ ڪميونسٽ پارٽي جي اڳواڻ نظير عباسي جو عدالتي ڪارروائي بغير پر اسرار  قتل اهڙن واقعن جي شروعات جو مثال آھي .
جنرل ضيا جي مارشلا ۾ ان وقت وڌيڪ سختي پيدا ڪئي ويئي جڏھن ايم آر ڊي تحريڪ شروع ٿيڻ لڳي، ان دوران نه فقط مزاحمتي ادب تي لکيل ڪتاب ضبط ڪيا ويا گڏوگڏ مزاحمتي ادب لکڻ تي ان دور جي ڪيترن ئي ليکڪن ۽ شاعرن کي قيد ڪيو ويو جن ۾ شيخ اياز کان ويندي رشيد ڀٽي تائين طارق اشرف کان ويندي اسماعيل اداسي تائين ڪيترائي شاعر ۽ اديب جيلن ۾ واڙيا ويا. اخبارن ۽ رسالن ۾  مزاحمتي نثر يا شاعري ڇپجڻ تي پاپندي لڳل هئي جيڪڏھن ڪنهن اخبار يا رسالي اهڙو مضمون يا شاعري ڇپي ته ان کي فورن بند ڪري ان جي ايڊيٽر کي جيل موڪليو ويندو هو، جنهن ڪري اخبارون ۽ رسالا اهڙي ادب کي شايع ڪرڻ کان لنوائيندا هيا. ان دوران ڪيترائي رسالا ۽ اخبارون مزاحمتي ادب شايع ڪرڻ سبب بند ڪيا ويا، ضيا جي ماشلا جو سارو دور سياسي چرپر کي ڪچلڻ ۾ صرف رهيو ۽ اهو ئي دور قومي ڪارڪنن توڙي پيپلز پارٽي جي  حامي ماڻھن لاءِ انتهائي مشڪل ۽ ڏکيو دور رهيو. ان ئي دور ۾جماعت اسلامي جي جاءِ تي ايم ڪيو ايم جو بنياد وجهي ڪراچي توڙي حيدرآباد جهڙن وڏن شھرن ۾ لساني جڳهڙن جو بنياد وڌو ويو. ايم ڪيو ايم اڳيان هلي سنڌي ماڻھن جي سامهون بيهاري ويئي، مهاجر آبادي وارن علائقن ۾ مقيم سنڌي ماڻھن کي تڪليفون ڏنيون ويون ته جيئن هو اتان نڪري وڃن،  نه نڪرڻ جي صورت ۾ سندن جائيدادن يا وري گهرن تي قبضا ڪري کين اتان نڪرڻ تي مجبور ڪيو ويو. آئون سياست جي ماضي ۾ ڀٽڪڻ کان پوءِ ٻيهر پٺتي موٽان ٿو ته مون کي اها پوڙھي عورت نظر ٿي اچي جيڪا پنهنجي پٽ جو فوٽو کڻي پريس ڪلب جي ٻاهران ٻاڏائيندي ٿي رهي سندس چهري جي لڪيرن ۾ درد جو عڪس  چٽو محسوس ٿيڻ ٿو لڳي.
پگهر پوڙھي جي چهري مان ايئن ٿي ٽميو  جيئن برسات وسڻ پڄاڻان شو مندر ويجهو  ڪارونجهر پهاڙي مان پاڻي سمندو آھي، گگي پاتل اڇي وارن واري پوڙھي عورت جي جهانوريل اکين بازار جي هر ايندڙ ۽ ويندڙ ماڻھو کي ڏاڍي تجسس سان ٿي ڏٺو. لڳو ٿي ته هوءَ بازار ۾ سندس گم ڪيل پٽ کي ڳولڻ ويٺي آھي. هن وڏي ڪوشش کان پوءِ سندس درد جو داستان بيان ڪرڻ شروع ڪيو، هن سندن پٽ جي گم ٿيڻ کان ان جي ڳولا جون ساريون  ڪٿائون ٻڌائيندي وڃي قصو پورو ڪيو ان کان پوءِ اوچتو هوءَ الائي ڇو ايئن محسوس ڪرائڻ لڳي ته سندس پٽ موٽائي ڏيڻ سامهون ٻڌندڙن جي وس ۾ ئي ڪونهي. هڪ سال تائين  ڪيترن ئي پريس ڪلبن اڳيان توڙي احتجاجن دوران ماڻھو ماڻھو اڳيان دانهيندي رهي آھيان پر ڪٿان به  اميد جو ڪرڻو نظر ڪو نه ٿو اچي هن لڙڪ لاڙيندي ٻڌايو ته سندس اهو اڪيلو ئي ڪمائيندڙ پٽ ھو جيڪو سياري جي ٿڌن ڏينهن ۾ روڊ ويندي گم ڪيو ويو هو جنهن کي هاڻي وري ٻيو سانوڻ ڏٺو آھي.
ايتري ۾ آسمان تي ڪڪر ڪار ٿي ويئي تيز هوا لڳڻ سان بازار ۾ مو جود ماڻھن ۾  ڀڃ ڊڪ شروع ٿي ويئي سڀني ماڻھن برسات اچڻ کان پهريائين پنهنجي گهرن يا وري محفوظ ھندن ڏانهن وڃڻ ٿي گهريو، ڏکڻ مينهن جا ڳڙا وسڻ شروع ٿيا ڪجھه دير تائين رهندڙ ھلچل کان پوءِ بازار سنسان ٿي ويئي ڄڻ ھر ڪوئي جتان آيو هو اوڏانهن ئي هليو ويو، برسات جي گجگوڙ ۾ خبر ناهي اها پوڙھي ڪيڏانھن هلي ويئي ليڪن سندس درد جا پاڇا ڄڻ ته ساري شهر مٿان ڇانئبا ٿي ويا.
هن وقت  سنڌ ۾ ان پوڙھي عورت جيان ٻيون به  ڪيتريون ئي عورتون سندن زوري وڇوڙيل ٻچڙن جي واپسي لاءِ آنديون مانديون آھن جيتوڻيڪ اسان جي ملڪ سميت پوري دنيا ۾ عدالي نظام  موجود آھي جتي قانون موجب هر ڏوهاري کي سزا ملندي آھي ۽  بي ڏوهي کي آزاد ڪيو ويندو آھي ان ڪري ڪنهن به ڏوهي سرگرمين ۾ ملوث ماڻھو کي گرفتار ڪري عدالت ۾ پيش ڪرڻ گهرجي ۽ قانوني گهرج به اها ئي آھي جنهن سان گهٽ ۾ گهٽ ان گرفتار نو جوان جي مائٽن کي اهو انديشو نه رهندو ته گم ڪرڻ وارا سندن ٻچڙي کي ماري ڪنهن روڊ رستي جي ڪناري کان ڦٽو ڪري ويندا. 
مون کي هڪ ٻي ياد ڪارونجهر جي ڏکڻ اوڀر ۾ ڪاسبي جي ڳوٺ ڏانهن ڪاهي ٿي وڃي راما پير جي مندر جي سامهون ڊگهن نمن جي وڻن جي هيٺان هڪ نابين همراه ملهاري ڳائي ٿو مندر ۾ پوڄاري اچن ٿا ۽ وڃن ٿا، گهنڊ گڙندو ٿو رهي مندر ٻاهران ڪيترائي مرد ۽ عورتون  مقامي جڙيون ٻوٽيون، سائو ساڳ ،کنڀيون  ۽ ڦڪين  جي دٻلين ساڻ ويٺل نظر اچن ٿا. هڪ پوڙھي عورت جنهن وٽ کنڀين جي کاري ۽ جابلو بصر آھي پاڻ انهن جي فائدن سان گڏ اهو به ٻڌائي ٿي ته  روپلو سامهون ٽڪري تي وڙھيو هو هوءَ وڌيڪ ٻڌائي ٿي ته هن سندن وڏڙن کان ٻڌو هو ته جڏھن تروٽ صاحب ڪارونجهر جي علائقي تي چڙھائي ڪئي هئي ته هن وڏي ويڙھاند کان پوءِ روپلي کي گرفتار ڪري بنا ڪنهن عدالتي ڪارروائي جي وڻ ۾ رسو ٻڌي ڦاهي تي لٽڪايو هو،اهڙي طرح ان جنگ ۾ قيد ٻين به ڪيترن ئي ماڻھن کي جن کي قيد ڪيو ويو هو انگريزن جي آڻ نه مڃڻ تي وڻن ٽڻن ۾ لٽڪائي ڦاسي ڏني ويئي هئي.
ٿري پوڙھي عورت  ٻڌايو ته هن جي عمر اسي سالن کان مٿي چڙھي چڪي آھي، هاڻو ڪو زمانو اڳ جي ڀيٽ ۾ گهڻوخراب آھي ڪنهن کي ڪنهن تي ڪهل ئي نه ٿي اچي، پوڙھي عورت سنڌي مارواڙي گاڏڙ ٻولي ٿي ڳالهائي جنهن جو هڪ نئون چس ٿي محسوس ٿيو ايتري ۾ اڀ تي ڪڪر ڪار ٿي ويئي ۽ مينهن جو مانڊاڻ منڊجڻ لڳو،  ڪاسبي جون ڪجهه ڪامڻيون قطار ڪري هڪ ڀٽ تان هيٺ لهي ڪنهن ترائي طرف پاڻي ڀرڻ لاءِ وڃي رهيون هيون،  ڪارونجهر مٿان ڪونجڙين جو ولر اڏاڻو ٿي ويو، ان ويلي مون کي هن ديس جي ڪيترن ئي امڙين جو درد جيڪو کين ڏنڀيندو ٿو رهي، ڪارونجهر مٿان اڏامندڙ ڪونجڙين جي ڪرڪ جيان گهرائي سان محسوس ٿيڻ لڳو هو، مون شفق رنگي ويل اڏامندڙ ڪونجڙين کي ڏسي هٿ اڀا ڪري چئي ڏنو، ڪامهه ۾ ڪونجڙيو ترسو مان به هلان.

Bookmark the permalink.

Leave a Reply

Your email address will not be published. Required fields are marked *