تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

ڪورونا جا پويان پساهه ۽ تعليمي ادارا کولڻ جو اعلان

ملڪ ۾ فيبروري 2020ع جي پڇاڙڪن ڏينهن ۾ ڪورونا وائرس جي پکڙجڻ سبب لاڳيتا ست مهينا گذرڻ کان پوءِ به هن عالمي وبا جو خطرو ٽري نه سگهيو آهي البته ايترو چئي سگهجي ٿو ته انهي جا پويان پساهه آهن پر تنهن هوندي به محتاط رهڻ ۽ احتياطي تدبيرون ڪرڻ جي ضرورت آهي. حڪومت طرفان 15 سيپٽمبر کان تعليمي ادارا کولڻ واري قدم جي آجيان ڪجي ٿي پر ان سان گڏوگڏ تعليمي حڪمت عملي جوڙڻ ۽ ڪورونا کان بچاءَ لاءِ ايس او پيز تي عمل ڪرائڻ تمام ضروري آهي. سڀ کان پهريائين پرائمري ۽ سيڪنڊري اسڪولس، ڪاليجز ۽ يونيورسٽيز سطح تائين ڊاڪٽرن جي مقرري کي اوليت ڏني وڃي جيڪي معمول مطابق ادارن ۾ شاگردن ۽ استادن جو طبي معائنو ڪندا رهن ۽ انهيءَ سان گڏوگڏ ماسڪ، سينيٽائيزر ۽ ترت علاج لاءِ فرسٽ ايڊ باڪسز جو جوڳو بندوبست هجڻ گهرجي، مسلسل تعليمي ادارا بند هجڻ واري خال کي ڀرڻ لاءِ حڪمت عملي جوڙڻ جي به گهرج آهي. ان ڏس ۾ وقت جو صحيح استعمال بنيادي قدرن مان هڪ آهي، تنهن ڪري شمسي توانائي مان فائدو حاصل ڪرڻ گهرجي. درسگاهن ۾ سماجي فاصلن جو خيال رکندي مرحليوار مختلف ڪلاسن جي شاگردن کي تعليم ڏني وڃي. ان لاءِ پرائمري ۽ سيڪنڊري اسڪولن ۾ متبادل ڏينهن تي ڪلاسز هلايا وڃن مثال طور هڪ ڏينهن تي پهريون، ٻيون درجو ۽ ڇهون، ستون درجو ايئن ئي ٻئي ڏينهن تي ٽئين کان پنجين درجي ۽ اٺين کان ڏهين درجي تائين پڙهايو وڃي. اهڙي طرح ترتيب وار ڪاليجز ۾ ساڳئي متبادل طريقي سان پهرئين ڏينهن تي فرسٽ ايئر يعني ڪلاس يارهون (بنيادي ميڊيڪل، انجنيئرنگ، ڪامرس ۽ ڪمپيوٽر) ۽ ٻيا مضمون رکڻ وارا شاگرد ۽ ٻئي ڏينهن تي انٽر ميڊيئيٽ (ڪلاس ٻارهين) وارن شاگردن کي پڙهايو وڃي. مادر علمين يونيورسٽيز ۾ هڪ ڏينهن تي گريجوئيٽ جي پهرئين ۽ ٻئين پارٽ وارن شاگردن جا ڪلاسز۽ ٻئي ڏينهن تي ٽيئن کان پنجين پارٽ جا ڪلاسز هلايا وڃن ۽ ان سان گڏوگڏ ساڳئي ڏينهن تي پوسٽ گريجوئيٽ، ايم فل ۽ پي ايڇ ڊي جي اسڪالرس کي به پڙهايو وڃي. استاد صاحبان تي اها ذميواري عائد ٿئي ٿي ته اهي ڪلاسز ۾ شاگردن درميان سماجي وٿي کي برقرار رکن ۽ ماسڪ پائڻ کي لازمي قرار ڏنو وڃي، سينيٽائيزر سان هٿن کي صاف ڪرڻ پنهنجو معمول بڻائي ڇڏين. اسڪولس ۽ ڪاليجز ۾ مختلف ڪلاسز وارن شاگردن کي هڪ ڏينهن جو جيڪو وقفو ملي ٿو ان ۾ استاد صاحبان پاران کين ٻئي ڏينهن لاءِ سڀني مضمومنن جي گهربل عنوانن ۽ مشقن کي حل ڪرڻ جون هدايتون ڏنيون وڃن. اهڙي طرح يونيورسٽيز ۾ گريجوئيٽ جي شاگردن کي پنهنجن مضمونن ۾ چونڊ عنوان تجويز ڪري اسائنمينٽ ڏني وڃي ۽ پوسٽ گريجوئيٽ جي شاگردن کي ريسرچ ميٿاڊولوجي (Research Methodology) ۽ موجوده خاص مسئلن تي تحقيقي مقالا لکڻ بابت رويو پيپر (Review Paper) تيار ڪرايو وڃي. جنهن سان هائير ايجوڪيشن ڪميشن پاران گهربل سليبس (Syllabus) جا ڪريڊٽ آورس به پورا ٿي سگهندا ۽ مختصر عرصي دوران ڪورونا کان حفاظتي اپائن تحت امتحانن جي مرحلي کي به آساني سان پورو ڪري سگهبو.
ان سموري تعليمي ڪارج جي پورائي ڪرڻ ۾ اها به رٿ ويچار هيٺ رکڻ گهرجي ته قومي موڪلن وارن ڏهاڙن تي به ڪلاسز هلايا وڃن ۽ جيڪڏهن ايندڙ ڊسمبر ۽ جنوري ۾ سردي جي شدت گهٽ رهي ٿي ته ان موڪل کي به ختم ڪري تعليمي ميدان ۾ اڳڀرو ٿيڻ گهرجي ڇو ته پاڻ وٽ باقي وڃي 15 سيپٽمبر 2020ع کان 15 مارچ 2021 ع تائين 06 مهينا بچيا آهن. ان سلسلي ۾ هڪ ٻي تجويز ڏئي سگهجي ٿي ته نصاب ۾ موجود بابن ۽ سبقن کي گهٽايو وڃي ته جيئن شاگردن کي پڙهائي دوران آساني ٿي سگهي ۽ استاد به جامع ۽ عملي طريقي سان درس ۽ تدريس ڏئي سگهن. جنهن جو مثال ايئن ڏئي سگهجي ٿو ته بائلاجي ۾ جيڪڏهن تيرنهن باب آهن ته انهن مان چار باب علم نباتات ۽ چار باب علم حيوانيات يعني جملي اٺ (8) باب پڙهايا وڃن. اڃان جيڪڏهن وڌيڪ مطمئن ٿيڻ جي ضرورت آهي ته وضاحت سان سمجهاڻي ڏئي سگهجي ٿي ته علم حيوانيات ۾ ڏيڏر ۽ ڪاڪروچ جي هاضمي جو سرشتو پڙهايو ويندو آهي، ان ڪري اهو بهتر ٿيندو ته ٻنهي مان ڪنهن به هڪ جو هاضمي وارو سرشتو پڙهايو وڃي. اهڙيءَ طرح علم نباتات ۾ سرينهن ۽ شرم ٻوٽيءَ جي گل جا حصا پڙهايا ويندا آهن ته پوءِ ڇو نه انهن مان ڪنهن به هڪ ٻوٽي جي گل وارن حصن کي وضاحت سان پڙهايو وڃي. ان مان اهو مقصد حاصل ٿيندو ته ٿوري وقت ۾ شاگرد پنهنجي منزل کي بخوبي سان ماڻي سگهندا.
هاڃيڪار وبا ڪورونا سبب طويل عرصي دوران جيڪو تعليم کي وڏو ڇيهو رسيو آهي ان جي پوراءُ لاءِ حڪومت کي کوڙ سارا اقدام کڻڻ جي ضرورت پوندي ڇو ته اڃان تائين سرڪاري اسڪولن ۾ نصابي ڪتاب مڪمل طور تي پهچي نه سگهيا آهن، انهيءَ لاءِ سنڌ ٽيڪسٽ بڪ بورڊ جي اختيارين کي پابند بڻايو وڃي ته جيئن ڪلاسز ۾ پڙهائي دوران سڀني شاگردن وٽ سمورن مضمونن جا ٽيڪسٽ ڪتاب موجود هجن ڇو ته سرڪاري پرائمري ۽ سيڪنڊري اسڪولن ۾ وڌ کان وڌ تعليمي اڻاٺ جو اندازو انهيءَ مان لڳائي سگهجي ٿو ته پرائيويٽ اسڪولن ۾ ڪجهه نه ڪجهه آن لائين ڪلاسز هلايا ويا پر سرڪاري اسڪولن ۾ آن لائين ڪلاسز جو بندوبست ڏکيو ثابت ٿيو اهو انهيءَ ڪري ته غريب ۽ ٻهراڙين جا شاگرد جن لاءِ ٽچ موبائيل يا ليپ ٽاپ خريد ڪرڻ مشڪل هو ته ساڳئي وقت انٽرنيٽ جا مسئلا ۽ بجلي جي غير موجودگي کين ورثي ۾ مليل آهي. انهيءَ ڪري سرڪار کي نماڻي گذارش رکجي ٿي ته تعليمي ادارن جي کولڻ دوران درسگاهن ۾ بجلي جي فراهمي کي يقيني بڻايو وڃي ته جيئن ڪلاسز ۾ ايئر ڪنڊيشنر ته موجود نه آهن پرگهٽ ۾ گهٽ بلب ۽ پکا ته هلي سگهن ته جيئن پڙهائي ۾ رخنو پيدا نه ٿئي ۽ ان سان گڏ اهو به بهتر ٿيندو ته ليباريٽريز ۾ سائنسي سامان وقت سر مهيا ڪيو وڃي ته جيئن شاگرد سائنس جي مضمونن فزڪس، ڪيمسٽري، زولاجي ۽ باٽني جا تجربا ۽ مشاهدا ڪري اڳڀرا ٿي سگهن. آخري اهم گذارش اها آهي ته جيڪا پرائيويٽ ٽرانسپورٽ شاگردن کي اسڪولن تائين کڻي اچي ٿي، انهن لوڪل گاڏين جي مالڪن کي اسڪول اچڻ ۽ موڪل کان پوءِ واپس وڃڻ وارو وقت صرف شاگردن لاءِ مخصوص ڪرايو وڃي. ان دوران رستي ۾ ڪنهن به عام ماڻهو کي گاڏيءَ ۾ نه ويهاريو وڃي ۽ شاگردن کي وٿيرڪو ڪري گاڏين ۾ ويهاريو وڃي ۽ انهن گاڏين جي مالڪن کي ماهوار معاوضو سرڪار پاران ڏنو وڃي ڇو ته هي نوجوان ئي هن وطن، ڌرتي ۽ قومن جا اڏيندڙ ۽ سرجيندڙ آهن.

Bookmark the permalink.

Leave a Reply

Your email address will not be published. Required fields are marked *