Warning: session_start(): open(/var/cpanel/php/sessions/ea-php71/sess_ep5ms5igakql7odogcevnfuf45, O_RDWR) failed: No such file or directory (2) in /var/www/html/wp-content/plugins/bsa-plugin-pro-scripteo/lib/functions.php on line 7

Warning: session_start(): Failed to read session data: files (path: /var/cpanel/php/sessions/ea-php71) in /var/www/html/wp-content/plugins/bsa-plugin-pro-scripteo/lib/functions.php on line 7
ڪيئن ! ڳالهه دل سان لڳي ني، من! - Pahenji AkhbarPahenji Akhbar ڪيئن ! ڳالهه دل سان لڳي ني، من! - Pahenji Akhbar
تازا ترين
  • *خيرپور: اي ايس آءِ بلاول وساڻ جي قتل ڪيس ۾ گرفتار 2 جوابدار دهشتگردي ٽوڙ عدالت ۾ پيش *فراز راجپوت ۽ سيد ثقلين شاهه کي 7ڏينهن جو جسماني ريمانڊ پورو ٿيڻ تي اي ٽي سي ۾ پيش ڪيو ويو*
  • *کپرو: هٿونگو ۾ ليکڪ ايوب گل جي پلاٽ تي مبينا قبضي جي ڪوشش دوران جهيڙو، 2 ڄڻا زخمي *جهيڙي دوران رحمت الله ۽ قادر بخش راڄڙ زخمي ٿي پيا، اسپتال منتقل* جهيڙي جي اطلاع تي پوليس واقعي واري هنڌ پهچي وئي، تڪراري پلاٽ جو معائنو*
  • *ڪراچي ۾ 3 مهينا اڳ مبينا مقابلي ۾ مارجي ويل لاڙڪاڻي واسي جي وارثن جو احتجاجي مظاهرو *فيصل ابڙو جي وارثن پاران ڪراچي پوليس خلاف احتجاج ڪيو ويو، معاملي جي شفاف جاچ جو مطالبو *فيصل کي ڪراچي پوليس ڪوڙي مقابلي ۾ قتل ڪيو، انصاف ڪيو وڃي: وارث*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *راڌڻ ۾ پي ٽي آءِ اڳواڻ جي ڀاءُ سميت 3ڄڻن جي گرفتاري خلاف ٻئي ڏينهن احتجاجي مظاهرو، ڌرڻو *شهرين ۽ پي ٽي آءِ اڳواڻن سڪندر جوڻيجو جي گهر تي پوليس چڙهائي ۽ ٽن ڄڻن جي گرفتاري خلاف ڌرڻو هنيو *پوليس امين جوڻيجو ۽ سندس ٻن ڀائٽين کي ڪوڙي ڪيس ۾ گرفتار ڪيو آهي: مظاهرين*
  • *جهڏو ۾ ڪورونا جي پکيڙ جاري، وڌيڪ 26 ڄڻن جي ٽيسٽ رپورٽ پازيٽو اچي وئي *جهڏو ۾ ڪورونا مريضن جو انگ وڌي 30 ٿي ويو *
  • *مٺي ويجهو جيپ روڊ ڪناري بيٺل ٽرالر سان ٽڪرائجي وئي، عورت فوت، 10 ڄڻا زخمي *بدين روڊ تي ڳوٺ هيلاريو پير وٽ حادثي ۾امران زال ٽاڀو ميگهواڙ فوت، امولک، مٺو ميگهواڙ ۽ ٻيا زخمي*
  • *بخشاپور ويجهو پوليس اٽالن جي ڳوٺ تي چڙهائي، 4 ڄڻا مبينا گرفتار *پوليس اٽالن لطف علي ڊومڪي تي چڙهائي ڪري عورتن ۽ معصوم ٻارڙن تي تشدد ڪيو: ڳوٺاڻا *پوليس حبيب الله، ضامن علي، ذاڪر حسين ۽ جعفر علي ڊومڪي کي کنڀي کڻي وئي: ڳوٺاڻن جو الزام*
  • *ڏهرڪي : ميرپور ماٿيلو ريلوي اسٽيشن ڀرسان اڌوڙٽ شخص جو چچريل لاش هٿ *چچريل لاش جي منڊي بهاول الدين واسي محمد عالم طور سڃاڻپ ڪئي وئي: پولس *لاش ريلوي اسٽيشن تي پيل آھي، سسي به چچريل آھي : پوليس*
  • *اسلام آباد بار ڪائونسل جون چونڊون: پولنگ عمل جاري *پنجن سيٽن تي 23اميدوارن وچ ۾ مقابلو، ساڍا 4هزار وڪيل ووٽ جو حق استعمال ڪندا*
  • *العزيزيا ۽ ايون فيلڊ ريفرنسز ۾ نواز شريف جي سزا خلاف اپيلون *اسلام آباد هاءِ ڪورٽ گذريل ٻڌڻي جو لکت ۾ حڪم نامو جاري ڪري ڇڏيو *نوازشريف جو اشتهار لڳائيندڙ ايف آئي اي آفيسر اعجاز احمد ۽ طارق 2ڊسمبر تي عدالت طلب *نوازشريف جو اشتهار برطانيا موڪليندڙ پرڏيهي کاتي جو آفيسر مبشر خان به طلب *عدالت شاهدن جا بيان قلمبند ڪرڻ بعد نوازشريف کي اشتهاري قرار ڏيندي *جسٽس عامر فاروق ۽ جسٽس محسن اختر ڪياني لکت ۾ حڪم نامو جاري ڪيو*
  • *اڳوڻي وزيراعظم نواز شريف جي والده بيگم شميم اختر جو مڙهه لندن کان لاهور آندو ويو *شهباز شريف ۽ حمزه شهباز ايئرپورٽ پهچي مڙهه وصول ڪيو *وارثن بيگم شميم اختر جو مڙهه کڻي جاتي امرا پهچايو *
  • *لاڙڪاڻي ۾ گهر ۾ باهه لڳڻ سبب سڙي زخمي ٿيل ٻارڙي فوت، فوتين جو انگ وڌي 2 ٿي ويو *ڪجهه ڏينهن اڳ ايس ايڇ او مارڪيٽ سرتاج جاگيراڻي جي گھر ۾ گئس سلينڊر مان باهه ڀڙڪي پئي هئي *باهه ۾ سڙي زخمي ٿيل ٻارڙيءَ ڪراچي جي نجي اسپتال ۾ دم ڏئي ڇڏيو *ايس ايڇ او سرتاج جاگيراڻي جي گهرواري 4ڏينهن اڳ ڪراچي جي نجي اسپتال ۾ فوت ٿي وئي هئي *
  • *ميرپورخاص ضلعي ۾ ڪورونا جا وڌيڪ 13نوان ڪيس ظاھر، متاثر گهرن ۾ آئيسوليٽ *گذريل ڏينهن 223 ماڻهن جا سيمپلز ورتا ويا ھئا، 13ڄڻن ۾ ڪورونا جي تصديق *ضلعي ۾ ڪورونا متاثرن جو انگ 1553 ٿي ويو *
  • *پني عاقل واسڻ 4 عورتن سان پنجاب ۾ جنسي ڏاڍائي جو انڪشاف، متاثر ڪٽنب ٿاڻي تي پهچي ويو، قانوني ڪارروائي جو مطالبو *ٻن زالن ۽ ڀاڄائي سميت 4 عورتن کي زيادتي جو نشانو بڻايو ويو:همٿ علي *مڇي مارڻ لاءِ پنجاب گهرائي4 عورتن سان ڏاڍائي ڪري قيد ڪيو ويو:متاثر*

ڪيئن ! ڳالهه دل سان لڳي ني، من!

فرانس حسن، ادب ۽ آرٽ جو ملڪ آهي، فرينچ زائفان ٺهي ته ڄڻ جيئري جنت ملي وڃي. پاڻ کي هٿ نه لڳي سگهي، سو فرينچ ناول پڙهي، کوڙ راتيون هنن سان گذاري سجايون ڪري، اونداهيءَ ۾ ڏيئا ٻاري روشن ڪيون.
ويهارو ورهيه اڳ اونهاري جي موڪلن ۾، رات جو گهر جي ڪوٺي تي، ٿڌڙي هوا جي جهوٽن ۾، کير ڀت کائي، وڪٽر هيوگو جا “ڏکويل انسان”، “ڪٻو عاشق” اسٽينڊ ال جو”“ڳاڙهو ۽ ڪارو”، بالزاڪ جو “ڪراڙو گوريو” ۽ قلابيئر جو “سانئڻ بواري” پڙهي، سندن ڪردارن جي حسن، محبت، ڪنجوسائپ، سخاوت، ليٽ پيٽ، مدا هر ڏک سک ۾ شريڪ ٿي، صبح ڪيو اٿم، هنن کان هٿ ٻڌي موڪلائي، انب سان ڍٻل کائي، ننڊ ڪندي، خواب ۾ سانئڻ بواري سان باغ ۾ زيتون جي وڻن وچ ۾ ٻولاچاري، باغ ٻهاري ڪئي اٿم.
زان پال سارتر ۽ البرٽ ڪامو جا ناول، ڪهاڻيون ۽ ناٽڪ پڙهي مايوسيءَ ۾ ڌٻڻ ۾ پاڻ ڦاسايو اٿم. خودڪشيءَ جي ڪوشش ان همراهه وانگر ڪئي اٿم. جنهن وڻ ۾ پوتڙو ٻڌي پاڻ مارڻ پئي چاهيو. پوتڙو ڍلو هئڻ ڪري، ڦهڪو ڏئي ڪريو ته چوڻ لڳو: “الله سائين! شڪر بچايئه نه ته ذري گهٽ مئو هيم”.
مائي سائمن ڊي، بوار به لک لهي. هن جي آتم ڪهاڻي، ناول يا عورتن جي حوالي سان نورنچو ئي (SECOND SEX) لکيل شاندار ڪتاب . بنا نڪاح جي سارتر جي وفادار رهي. اسان پارا شاعر، ليکڪ ۽ ليکڪائون شرعي نڪاح هوندي، سورن ۾ آهن. هڪ کٽ تي ٻن وهاڻن وانگر آهن.
آندري مارلو (Andre Marlaux) فرانس جو منفرد ليکڪ هو. هن جو جملو آهي “آزادي ڏي وٺ نه هوندي آهي، آزادي بس آزادي هوندي آهي” شنگهائي ۾ ڪميونسٽن جي شڪست تي سندس شاهڪار ناول (Man s Fate) آهي. ان تي کيس انعام مليو هو. هن جي هڪ ناول جو مسودو گسٽاپو وارن گم ڪري ڇڏيو هو. 1930ع ۾ هن ايران ۽ افغانستان جي ياترا ڪئي هئي. جنرل چارلس ڊيگال سرت ڀريو هو. ليکڪن کي مان ڏيندو هو. سارتر الجيريا جي حمايت ڪئي. جنرل جي پاڻ سنڌي ليکڪ جهڙي ڪرنل ڪن ۾ ڦوڪ ڏني: “جنرل صاحب! سارتر کي ٻڌڻ جو حڪم ڇو نٿا ڏيو؟” چارلس مرڪي وراڻيس: “من! سارتر فرانس آهي. فرانس کي جيل ۾ نٿو وجهي سگهجي”.
جنرل چارلس ڊيگال ناول نويس آندري مالرو کي پهريائين سنڌ سماءَ جو وزير ڪيو. ان کانپوءِ ثقافت کاتو سندس حوالي ڪيائين. هن اڪيڊمي آف ليٽرس ٺاهي، شاعر ۽ قلمڪارن جي پرگهور ڪئي. ليکڪ، شاعر به مان مريادا وارا هيا. اسان وانگر نه جو کٽ اونڌي ڪري، ماما لالوءَ جهڙي منڍي ڪري، فوٽو ڪڍائي، طمطراق سان خبر ڇپرايون. تن درست هوندي به سٽ هوندي.“ اعليٰ ڙي! شاعر جي ثقافت کاتي سار نه لڌي ته صفا مئو کڻ” چيڪ جو اعلان ٿيڻ سان بانس جي لڪڙي وانگر ٽپ ڏئي بيهي رهندو.
ذوالفقار علي ڀٽو صاحب پنهنجي اقتدار مهل فرانس جي اڪيڊمي آف ليٽرس جي ديکا ديکيءَ ۾ پنهنجي ملڪ ۾ 1976ع ۾ پاڪستان اڪيڊمي آف ليٽرس ٺاهي. اردو جي سٺي ليکڪ، ريٽائرڊ ڪرنل، شفيق الرحمان کي چيئرمين مقرر ڪيائين. هو نهايت شريف ۽ ايماندار ماڻهو هو. سرڪاري گاڏي آفيس کان گهر، گهر کان آفيس تائين استعمال ڪيائين. ڪڏهن نه ڪو هن جا ٻار اسڪول ان ۾ چڙهي ويا.
زمانو بدليو، سفارش ۽ جناح صاحب جي فوٽوءَ ڪمال جا رنگ ڏيکارڻ شروع ڪيا. اڃان به انهن جو بول بالا آهي. شفيق صاحب کانپوءِ سياسي ماڻهن ۽ استادن جي ٻيگهي متي. هنن حال هيڻا ڪري ڇڏيا. پنهنجا مال مڏيون ٻيڻا ڪري ڇڏيا. هاڻي به استاد محترم براجمان آهي. اڪيڊمي جا ڪم اڪابريءَ وارا. اسان جي سنڌ جي شاعر سنڌي ناول ترجمو ڪيو. ترجمي ڪندڙ کي معاوضو ٻه هزار، پروف ريڊر کي ست هزار!. ڪتابن جو حال گودام ۾ پورو آهي. وظيفو جن کي ملي ٿو، گهڻي ڀاڱي سفارشي، ڏنڊا ڏوٽا ۽ امير آهن. غريب بک مرندو آهي، هٿ نه ٽنگيندو آهي.
2014ع ۾ سنڌ ثقافت کاتي ۾ پنهنجو شاعر ۽ ليکڪ وزير ٿيو. پاڻ کي ايڏي خوشي ٿي جو لاهوتيءَ جي شربت جا ٽي گلاس پي ڪري، جهمريون پائڻ لڳاسون پر اڳتي هلي ڇير ڇڄي پئي.
سائين سڳورو سنڌ جي دوري تي نڪتو، قلمڪارن سان ملڻ لڳو، شڪارپور آيو. سڪندر علي خشڪ ڊپٽي ڪمشنر هو. ادب ذوق، اهل دل، صوفي منش هو. سڏ ڪيائين. زبير سومرو، عديل مهر، نسيم بخاري، سجاد مهر ۽ ٻيا سرت ڀريا گڏجي وياسون. سائين سڳورو قرب ۽ محبت سان مليو. ٻٽي سٺا ليکڪ ۽ شاعر ساڻ هيس. هنن کي آقا پويان ٻڌي ٻانهي وانگر ڏسي ڏک ٿيو. سولزي نٽسن جي جملي “هڪ سچو ليکڪ ٻي حڪومت برابر هوندو آهي” تي منڌيئڙو پائي ڇڏيم. سائين جي گاڏي جو در کولڻ جي صدقي هڪ استاد ڊائريڪٽر ٿي ويو. پاڻ گاڏيءَ جو شيشو ڪپڙي سان صاف نه ڪرڻ ڪري، شان مان سان “الف انب، ب بدڪ” پڙهائڻ لڳاسون. مون کي فخر آهي، ڳاٽ اوچو آهي جو الف انب پڙهي ويل ڊپٽي ڪمشنر، پوليس آفيسر ۽ سيڪريٽري آهن. سٺو استاد اتي ئي هوندو آهي، هنن جا شاگرد اڳتي وڌي ويندا آهن. اها ٻنهي جي ڪاميابي آهي.
سائين سڳوري کي سڀني سٺيون تجويزون ۽ رايا ڏنا. هن جو آزاد پني تي نوٽ ڪندو ويو. پنا آفيس وڃي ڳاڙهي لٽي ۾ بند ڪري، ڪٻٽ ۾ رکيا ويا. هاڻي کڻبا ته ڪلو دز لڳل هوندن.
پنهنجي سنڌ فرانس ناهي، نه ئي سائين آندري مارلو، جهڙو ديس، تهڙو ويس، منهنجي ڳوٺائي ۽ ذات ڀائي کاتي وارن آفيسرن جا بحريا ٽائون ۾ پلاٽ آهن، ته پاڻ ڇو گهٽايون، ڪاميٽيون ٺهي ويون. ميلا شروع ٿي ويا. خزانا کلي ويا. هو جمالو. وزير موصوف سلڇڻو، پڙهيو ڪڙهيو ۽ مان ڏيندڙ آهي. هن جي زبان ڪڏهن ترڪي ويندي آهي. سائين جن مهينو اڳ ٻولي اداري جي ميمبرن کي نااهل قرار ڏنو. پاڻ کي هن جي ڳالهه تي خوشي ٿي جو برابر اهل ماڻهو بادشاهي تخت جي در ٻاهران پنهنجي ڪچي ڪوٺيءَ ۾ شهنشاهه بڻيو ويٺو هوندو آهي.
عجب ان ڳالهه تي ٿيو ته هيڏي وڏن ۽ معتبر ليکڪن ۽ شاعرن اکر نه ڪڇيو جن جي شعر يا مضمون تي ڪو ڏاهو ۽ دليل سان لکندو آهي ته چنبا هڻي، پٺي ڳاڙهي ڪري ڇڏيندا اٿس. ويچار کان پوءِ مغز ۾ ڳالهه ويٺي وزير مان ڪجهه نه ڪجهه هڙ حاصل ٿيو هوندن جو ڀت بڻجي ويا. واهه ڀٽائي صاحب! “طلب جي تنوار، متان ڪرين مڱڻا! ڌڪي ڪندٰءِ ڌار، موتي ڏئي مٺ ۾”.
ڪجهه ڏينهن اڳ فيس بڪ تي حسن درس جي حوالي سان ڳالهه ٻولهه ڪئي وئي. سائين جن ڳائڻي سرمد سنڌيءَ جي حوالي سان ڳالهه ڪئي. جنهن وقت سرمد سنڌي ڳائي پيو ته حسن درس اڃان اڀري رهيو هو. ساري سنڌ پرينءَ جو پاڇو، سرمد جي وفات پڄاڻان جا نظم آهن. سرمد سنڌي ڪو ايڏو وڏو ڳائڻو نه هو. هن نعريبازي واري شاعري ڳائي، شهرت حاصل ڪئي. حال اهو جو شيخ اياز جو نظم “مارو اڪيلڙا” ڏک وارو نظم اسٽيج تي ڳائيندو هو ته ماڻهو تاڙيون وڄائي نچندا هيا. ان عمل تي اياز صاحب ڏک جو اظهار ڪيو هو. سرمد جنهن مهل سکي پيو. مان مڙيو ئي ڪراچي هوندو هيم. هو منهنجي بئنڪر سنگتي، راڳ جي ڄاڻو ۽ ادب دوست ارباب منگيءَ سان موسيقار شاهد ڀٽو ۽ راڳي بيدل مسرور ڏي ويندا هيا. ارباب صاحب چواڻيءَ اهي کين سينڍ ئي نه ڏيندا هيا. نصيب ڀلا هيس جو شاعر، راڳي ۽ نيڪ دل زاهد شيخ ملي ويس. هن رحمان مغل مان سرمد سنڌي بڻايس. چوٽ چڙهي ويو ته ارباب منگي صاحب کي سڃاڻي نه پيو. اهڙو حسن درس ڏي اچي شاعري گهري، کوڙو ئي نٿو لڳي. محفل ۾ ويٺل معتبر سائينءَ جي ڳالهه کي آمنا صدقنا ايئن پيا ڪن ڄڻ حسن درس سان گڏ هيا.اها ڳالهه ايئن جو مان چوان، ڪراچي ۾ رهڻ دوران 1995ع ۾ شيخ اياز صاحب فون ڪري فليٽ تي گهرائي، چانهه پيئاري، پنهنجا رات جو لکيل نثري نظم مون کي ڏيئي چوندو هو “پٽ هنن کي درست ته ڪر.”
ڪيئن؟ ڳالهه دل سان لڳي ني، من!

Bookmark the permalink.

Leave a Reply

Your email address will not be published. Required fields are marked *