چاغي ۾ هٿياربندن 5 ڄڻن کي گولين سان پروڻ ڪري لاش بجلي ٿنڀن تي ٽنگي ڇڏيا
آگسٽ 17, 2024
چاغي (م ڊ) بلوچستان جي ضلعي چاغي ۾ هٿياربندن 5 ڄڻن کي گولين سان پروڻ ڪري لاش بجلي جي ٿنڀن تي ٽنگي ڇڏيا
پوليس موجب چاغي ۾ دالبندين جي علائقي ۾ اولهندي باءِ پاس وٽ 5 ماڻهن کي فائرنگ ڪري ماريو ويو، لاش بجلي جي ٿنڀن تي ٽنگيل مليا، واقعي جو اطلاع ملندي ئي پوليس موقعي تي پهچي وئي
ليويز ۽ ٻين قانون لاڳو ڪندڙ ادارن جي اهلڪارن لاشن کي سول اسپتال دالبندين منتقل ڪيو ويو. جڏهن ته بجلي جي ٿنڀن تي ٽنگيل لاشن جي اڃا تائين سڃاڻپ ناهي ٿي سگهي
ليويز ذريعن ٻڌايو ته پنجن ماڻهن کي گورنمينٽ بوائز ڊگري ڪاليج وٽ آبادي واري علائقي ۾ بجلي جي ٿنڀن سان رسين سان ٻڌو ويو، سمورن ماڻهن کي گوليون هڻي قتل ڪيو ويو. بلوچستان پوليس 5 ماڻهن جا لاش ملڻ واري واقعي کانپوءِ جاچ شروع ڪري ڏني آهي
