دشمن پاڪ-چين دوستي کي نقصان پهچائڻ جي ڪوشش ڪري رهيو آهي، اهڙيون سازشون ناڪام ٿينديون: وفاقي گهرو وزير محسن نقوي

وفاقي گهرو وزير محسن نقوي جي ڪراچي ۾ چيني قونصليٽ آمد، چين جي قونصل جنرل يانگ يوڊونگ وفاقي گهرو وزير محسن نقوي جي آجيان ڪئي، وفاقي گهرو وزير محسن نقوي ۽ چيني قونصل جنرل وچ ۾ ملاقات دوران گڏيل دلچسپي جي معاملن تي ڳالهيون، وفاقي گهرو وزير محسن نقوي چيو ته چيني شهرين کي فول پروف سڪيورٽي يقيني بڻائڻ اسان جو فرض آهي، چيني شهرين جي اچ وڃ جي لاءِ ايس او پيز تي سختي سان عملدرآمد ڪرايو پيو وڃي، دشمن پاڪ-چين دوستي کي نقصان پهچائڻ جي ڪوشش ڪري رهيو آهي، اهڙيون سازشون ناڪام ٿينديون، ملاقات دوران چيني قونصل جنرل طرفان سڪيورٽي پلان تي اطمينان جو اظهار